“Padagos Nindong Isip-isipon an mga Ini”

An ano? Sinasabi kan Filipos 4:8 na isip-isipon an mga bagay na totoo, angay na tawan nin seryosong atensiyon, matanos, malinig, kawili-wili, positibo, igwang karahayan, asin kaumaw-umaw. Siyempre, bako man na manungod sa Bibliya na sana an pagpaparaisipon kan mga Kristiyano. Alagad, dapat na an mga hinuhurop-hurop kan satong puso nakakapaugma ki Jehova. Dai iyan dapat na magpaluya kan satong determinasyon na magin maimbod saiya.—Sal 19:14.

Puwedeng magin dipisil na likayan an bakong marahay na mga kaisipan. Dapat niyatong paglabanan bako lang an satong bakong perpektong mga tendensiya kundi pati si Satanas, an “diyos kan sistemang ini nin mga bagay.” (2Co 4:4) Huling siya an may kontrol sa mass media kan kinaban, nakakaraot an kadaklan sa nahihiling sa telebisyon, sa radyo, sa Internet, asin sa mga imprentadong babasahon. Kun dai kita magigin mapamili sa kun ano an ilalaog ta sa satong isip, madadanyaran an satong kaisipan, dangan sa huri maaapektaran kaiyan an satong paggawi.—San 1:14, 15.

HILINGON AN VIDEO NA LIKAYAN AN MGA NAKAKARAOT SA KAIMBUDAN—BAKONG ANGAY NA MGA LIBANGAN, DANGAN SIMBAGON AN MINASUNOD NA MGA HAPOT:

• 

  Ano an hinihiling kan brother sa saiyang cellphone, asin paano iyan nakaapektar sa saiya?

• 

  Paano siya natabangan kan Galacia 6:7, 8 asin Salmo 119:37?