Gurano Kahalaga Saimo an Tataramon nin Diyos?

Mababasa sa Bibliya an mga kaisipan saka tataramon kan Diyos na Jehova, an Awtor kan sagradong librong ini. (2Pe 1:20, 21) Idinuduon kan Bibliya an manungod sa gigibuhon kan Kahadian nin Diyos para ibindikar an saiyang soberaniya, kaya nagtatao iyan nin paglaom sa bilog na katawuhan na madali nang umabot an mas marahay na buhay. Ihinahayag man diyan an mamumuton na personalidad kan satong langitnon na Ama, si Jehova.—Sal 86:15.

Pinapahalagahan kan lambang saro sa sato an Tataramon ni Jehova sa manlain-lain na dahilan. Pero ipinapahiling ta daw an satong pag-apresyar sa mahalagang marhay na regalong ini paagi sa pagbasa kaiyan aroaldaw dangan pag-aplikar kaiyan sa satong buhay? Lugod na mahiling sa satong mga ginigibo na kapareho ta nin sabuot an salmista na nagsabi: ‘Kaniguan an pagkamuot ko sa saimong pagbuot!’—Sal 119:97.

HILINGON AN VIDEO NA PINAHALAGAHAN NINDA AN BIBLIYA—EXCERPT (WILLIAM TYNDALE), DANGAN SIMBAGON AN MINASUNOD NA MGA HAPOT:

• 

  Taano ta trinadusir ni William Tyndale an mga porsiyon kan Bibliya?

• Taano ta pambihirang marhay an saiyang mga paghihinguwa na itradusir an Bibliya?

• Paano patagong naipalusot sa England an mga kopya kan Bibliya ni Tyndale?

• Paano maipapahiling kan lambang saro sa sato na pinapahalagahan ta an Tataramon nin Diyos?