Puwede Mo Daw na Itao an Saimong Panahon Asin Kusog?

Arog kan ihinula ni Isaias, nahihiling ta ngunyan an pambihirang pag-uswag kan daganon na kabtang kan organisasyon ni Jehova. (Isa 54:2) Huli kaini, kaipuhan tang magtugdok nin bagong mga Kingdom Hall, Assembly Hall, asin mga pasilidad kan sangay. Pakatapos na itugdok, kaipuhan kan mga pasilidad na iyan na mentenaron, asin pag-abot nin panahon, an iba kaipuhan na pakarhayon. Anong mga oportunidad an itinatao kaini sa sato para maitao ta an satong panahon asin kusog para ki Jehova?

• Puwede kitang tumabang pag iskedyul kan satong grupo sa paglilingkod sa langtad na maglinig sa Kingdom Hall

• Puwede kitang magboluntaryo para mag-ako nin pagsasanay sa pagmentenar kan satong Kingdom Hall

• Puwede kitang mag-fill out nin Local Design/Construction Volunteer Application (DC-50) para tumabang paminsan-minsan sa mga proyekto nin pagtutugdok asin pagmentenar na harani sa satong lugar

• Puwede kitang mag-fill out nin Application for Volunteer Program (A-19) asin magboluntaryo nin sarong semana o labi pa sa Bethel o sa iba pang pasilidad kan sangang opisina na sakop kan satong sangay

HILINGON AN VIDEO NA SARONG BAGONG PROYEKTO NIN PAGTUTUGDOK AN PINAPLANO—EXCERPT, DANGAN SIMBAGON AN MINASUNOD NA MGA HAPOT:

• Ano an narisa nindo kun manungod sa pagdakul nin mga video na ginagamit ta puon kan 2014?

• Para masabayan an pagdakul kan kinakaipuhan na iprodusir na video, anong proyekto an pinaplanong gibuhon, asin nuarin iyan planong punan saka nuarin iyan nakaiskedyul na matapos?

• Paano puwedeng makatabang an mga boluntaryo sa proyektong ini?

• Kun gusto tang magboluntaryo sa pagtugdok sa Ramapo, taano ta kaipuhan tang mag-fill out nin application (DC-50) asin tumabang sa mga proyekto kan Local Design/Construction na harani sa satong lugar?

• Taano ta masasabi ta na ginigiyahan ni Jehova an proyektong ini?

• Paano ta masusuportaran an proyektong ini dawa dai kita personal na makapagboluntaryo sa pagtugdok?