Gusto Mo Daw na Mag-aplay sa School for Kingdom Evangelizers?

An edad mo daw 23 sagkod 65 asin yaon ka sa bilog na panahon na paglilingkod? Igwa ka daw nin marahay na salud, asin kaya mo daw na maglingkod sain man may dakulang pangangaipo? Kun iyo an simbag mo sa mga hapot na ini, napag-isipan mo na daw na mag-aplay sa School for Kingdom Evangelizers? Puon kan inot na klase, rinibong mga mag-agom, daing agom na brother asin sister an nag-aplay. Alagad, mas kaipuhan mi na mag-aplay an daing agom na mga brother. Hagadon ki Jehova na pakusugon an pagmawot mo na mapaugma siya asin maarog an saiyang Aki. (Sal 40:8; Mat 20:28; Heb 10:7) Dangan pag-isipan an mga paagi na mabawasan an sekular o personal na mga obligasyon tanganing makuwalipikar.

Anong mga paagi nin paglilingkod an bukas sa mga naggradwar pakatapos nindang mag-ako kan teokratikong pagsasanay na ini? An nagkapira sa sainda naasignaran na maglingkod sa mga lugar na iba an lengguwahe o makikabtang sa espesyal na pagpapatotoo sa publiko sa darakulang siyudad. An iba sa sainda kan huri naglingkod bilang mga kasalihid na paraataman nin sirkito, paraataman nin sirkito, o misyonero. Mantang pinag-iisipan mo an mga puwede mong magibo sa paglilingkod ki Jehova, lugod na an saimong sabuot magin arog man kan ki propeta Isaias: ‘Uya ako, sugua ako!’—Isa 6:8.

HILINGON AN VIDEO NA MGA MISYONERO—MGA TRABAHADOR SA GIBUHON NA PAG-ANI, DANGAN SIMBAGON AN MINASUNOD NA MGA HAPOT:

• 

  Paano pinipili an mga misyonero?

• 

  Anong marahay na gibuhon an ginigibo kan mga misyonero?

• 

  Ano an nagkapirang bendisyon sa paglilingkod bilang misyonero?