Nag-aandam Ka Daw Para sa Memoryal?

Magigin mahalagang marhay an huring Paskuwa ni Jesus. Huling madali na siyang magadan nagplano siya na kakanon an pamanggihan kan Paskuwa kaiba an saiyang mga apostol asin iestablisar an bagong taunan na iseselebrar, an Pamanggihan kan Kagurangnan. Isinugo niya si Pedro asin Juan para andamon an kuwartong gagamiton ninda. (Lu 22:7-13; hilingon an ritrato sa cover.) Ipinapagirumdom kaini na kaipuhan tang mag-andam para sa Memoryal sa Marso 27. Posibleng marhay na nag-areglo na an kongregasyon para sa ispiker, sa mga emblema, asin iba pa. Pero ano an puwedeng gibuhon kan lambang saro sa sato para magin andam sa Memoryal?

Iandam an saimong puso. Basahon asin hurop-hurupon an mga babasahon sa Bibliya para sa Memoryal. Mahihiling an iskedyul kaiyan sa Pagsiyasat sa Kasuratan Aroaldaw. Nasa Appendix B12 sa rebisadong New World Translation of the Holy Scriptures an mas detalyadong iskedyul. (Hilingon man an Abril 2020 isyu kan Workbook sa Pagtiripon na Pamumuhay Asin Ministeryo.) Sa Watch Tower Publications Index o sa Giya sa Pag-research Para sa Mga Saksi ni Jehova makakahanap an mga pamilya nin mga impormasyon na magagamit ninda sa saindang pampamilyang pagsamba para pag-ulayan an kahalagahan kan pantubos.

Imbitaran an iba na umatender. Makikabtang nin lubos sa kampanya para sa pag-imbitar. Isipon kun siisay an puwede mong imbitaran, arog kan mga dinadalaw liwat, dating mga tinutukduan sa Bibliya, mga kabisto, asin mga paryente. Dapat na siguraduhon kan mga elder na imbitaran an mga inaktibo. Tandaan na kun an saro na inimbitaran mo nakaistar sa ibang lugar, puwede mong mahanap an oras asin lugar kan Memoryal kun sain siya nakaistar paagi sa pag-click kan tab na MANUNGOD SAMO na nasa home page kan jw.org dangan pilion an “Memoryal.”

Ano pa an puwede tang gibuhon para mag-andam?