Sairisay an Iimbitaran Ko?

Kada taon naghihinguwa kitang marhay na maimbitaran an mga tawo sa satong teritoryo para umiba sa sato sa pagselebrar kan Memoryal. Dai ta bisto an kadaklan sa sainda. Kaya kaipuhan ta man na imbitaran an mga tawo na bistado ta. Mas dakula an posibilidad na mag-atender an mga tawong natawan nin imbitasyon kan kabisto ninda. (yb08-TG 11 ¶3; 14 ¶1) Sairisay an puwede mong imbitaran?

• Mga kapamilya

• Mga katrabaho o kaklase

• Mga kataraid

• Mga dinadalaw liwat asin mga tinutukduan sa Bibliya kaidto saka ngunyan

Iimbitaran man kan mga elder an mga inaktibo. Paano kun nakaistar sa ibang lugar an plano mong imbitaran? Puwede mong maaraman an oras asin an lugar kan Memoryal sa lugar ninda paagi sa pag-click kan tab na MANUNGOD SAMO na nasa itaas kan home page kan jw.org saka pag-click kan “Memoryal.” Sa pag-andam mo para sa okasyon sa taon na ini, isipon kun sairisay an puwede mong imbitaran, asin personal sindang imbitaran.