Magin Preparado Pirmi sa Huring Parte kan “Huring mga Aldaw”

Mantang yaon kita sa huring parte kan “huring mga aldaw,” aasahan ta na padagos pang magrabe an mga problema. (2Ti 3:1; study note sa Mat 24:8, nwtsty-TG) Pag may nangyayaring kalamidad, pirming nakakaresibi nin napapanahon asin nagliligtas-buhay na instruksiyon an banwaan ni Jehova. Puwede kitang magin ligtas sa panahon na iyan kun susunudon ta an instruksiyon na magin preparado na ngunyan, sa espirituwal saka pisikal.—Lu 16:10.

• Magin preparado sa espirituwal: Magkaigwa nin marahay na rutina sa espirituwal. Adalan an iba-ibang paagi nin pagmiministeryo. Dai matakot kun temporaryong mapasuway ka sa mga tugang sa kongregasyon. (Isa 30:15) Dai ka nuarin man mapapasuway ki Jehova saka ki Jesus.—od 176 ¶15-17

• Magin preparado sa pisikal: Apuwera sa go bag, mahalaga na magreserba an kada pamilya nin supisyenteng kakanon, tubig, bulong, asin iba pang kaipuhan engkaso kaipuhanon nindang makidagos nin haloy-haloy sa ibang lugar.—Tal 22:3; g17.5-TG 4, 6

HILINGON AN VIDEO NA PREPARADO KA DAW SA NATURAL NA KALAMIDAD? DANGAN SIMBAGON AN MINASUNOD NA MGA HAPOT:

• 

  Paano kita magigin preparado sa espirituwal bago mag-abot an sarong kalamidad?

• 

  Taano ta mahalaga na:

  • may komunikasyon kita sa mga elder?

  • igwa kita nin emergency kit?

  • aramon kun anong mga kalamidad an puwedeng mangyari asin kun ano an dapat gibuhon sa lambang sitwasyon?

• 

  Anong tulong paagi an puwede tang gibuhon para matabangan ta an mga apektado nin kalamidad?

HAPUTON AN SADIRI, ‘Ano an nanudan ko sa COVID-19 na pandemya pag-abot sa pagigin preparado?’