MAGIN ANDAM SA MINISTERYO | MAGIN LALONG MAUGMA SA MINISTERYO
Gamiton an Satong mga Pantabang sa Pag-research
Para magin mahusay sa pagtutukdo, tinawan kita ni Jehova nin mga tool, arog kan mga video, tract, magasin, brosyur, libro, asin an panginot tang tool, an Bibliya. (2Ti 3:16) Nagtao man siya nin mga tool o mga pantabang sa pag-research na makakatabang sa sato sa pagpaliwanag kan Kasuratan. Kaiba digdi an Watchtower Library, an JW Library® app, an Watchtower ONLINE NA LIBRARYA, saka an Giya sa Pag-research Para sa Mga Saksi ni Jehova.
Magigin maugma ka pag naghahanap ka nin espirituwal na mga kayamanan sa dakulon na impormasyon na yaon sa mga pantabang na iyan. Tabangan an mga tinutukduan mo na manudan kun paano gagamiton an mga pantabang na iyan. Paagi kaiyan, mauugma man sinda pag nahahanap mismo ninda an mga simbag sa mga hapot ninda sa Bibliya.
HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—AKUON AN TABANG NI JEHOVA—PAGGAMIT NIN MGA PANTABANG SA PAG-RESEARCH, DANGAN SIMBAGON AN MINASUNOD NA MGA HAPOT:
Sain dai uyon si Jade kun manungod sa paglalang?
Sain si Neeta nakakua nin impormasyon manungod sa temang iyan?
An paghanap asin pagsabi sa iba nin espirituwal na mga kayamanan makakapaugma sa sato
Paano siya nagpili nin impormasyon na pinakamakakatabang ki Jade?
Ano an nagin epekto ki Neeta kan gamiton niya an mga pantabang sa pag-research?