Ano Pa an Magigibo kan mga Sister Para ki Jehova?

Dakula an naitatabang kan mga sister sa mga gibuhon na pang-Kahadian. (Sal 68:11) Sinda an may dakul na Bible study asin sinda man an dakul sa mga regular payunir. Rinibong mahihigos na sister an naglilingkod bilang mga Bethelite, misyonera, construction volunteer o servant, saka paratradusir. Napapakusog kan mga maygurang na sister an saindang mga pamilya saka kongregasyon. (Tal 14:1) Dawa ngani dai puwedeng magin elder o ministeryal na lingkod an mga sister, puwede pa man giraray sindang magkaigwa nin mga goal sa kongregasyon. Kun saro kang sister, ano an nagkapirang bagay na puwede mong hinguwahon na magibo?

• Mapatalubo an mga Kristiyanong kuwalidad.—1Ti 3:11; 1Pe 3:3-6

• Tabangan an mga baguhan na sister sa kongregasyon.—Tit 2:3-5

• Dagdagan an panahon sa ministeryo asin mas magin epektibo

• Makanuod nin ibang lengguwahe

• Magbalyo sa mas may dakulang pangangaipo

• Mag-aplay sa Bethel o magtabang sa pagtugdok nin mga teokratikong pasilidad

• Mag-aplay sa School for Kingdom Evangelizers

HILINGON AN VIDEO NA “MGA BABAYING MAIGOT NA NAGLILINGKOD PARA SA KAGURANGNAN,” DANGAN SIMBAGON AN HAPOT NA INI:

• Paano ka napakusog kan mga sinabi kan kada sister?