Hilingon an Sadiri Mo Arog kan Paghiling ni Jehova sa Saimo

“Nauugma si Jehova sa saiyang banwaan.” (Sal 149:4) Dawa bako kitang perpekto, hinihiling niya an satong marahay na mga kuwalidad asin potensiyal. Pero kun minsan, tibaad nasasakitan kitang magkaigwa nin balanseng pagmansay sa satong sadiri. Tibaad nakakamati kita na dai kitang halaga dahil sa paagi nin pagtratar sato kan iba. O dahil pigpaparaisip ta an mga salang nagibo ta, kaya dai kita sigurado kun baga namumutan talaga kita ni Jehova. Ano an makakatabang sato pag nakakamati kita kaiyan?

Girumdumon na nahihiling ni Jehova an dai nahihiling nin mga tawo. (1Sa 16:7) Buot sabihon nahihiling niya dawa an mga bagay na dai ta nahihiling sa satong sadiri. Marahay na sana, tinatabangan kita kan Bibliya na maaraman kun paano kita minamansay ni Jehova. Maaaraman ta iyan pag nagbabasa kita nin mga teksto asin mga istorya sa Bibliya na ipinapahiling kun gurano namumutan ni Jehova an saiyang mga parasamba.

HILINGON AN VIDEO NA KUMBINSIRON AN SAIMONG PUSO SA ATUBANGAN NI JEHOVA, DANGAN SIMBAGON AN MINASUNOD NA MGA HAPOT:

• Ano an itinutukdo kan ilustrasyon nin sarong paradalagan saka kan saiyang ama manungod sa kun paano kita minamansay ni Jehova?

  An saimong simbag

• Kun an saro na nakagibo nin magabat na kasalan naggibo na nin kinakaipuhan na mga lakdang para maibalik an saiyang relasyon ki Jehova, paano niya maaasigurar an saiyang puso sa atubangan Niya?—1Ju 3:19, 20

  An saimong simbag

• Paano nakinabang an brother sa pagbasa asin paghurop-hurop sa mga istorya manungod ki David asin Jehosafat?

  An saimong simbag