Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • wp21 Num. 3 p. 12-14
  • Igwa Daw nin Mapagkakatiwalaan na Giya sa Pagkaigwa nin Magayon na Puturo?

Mayong video na available para digdi.

Sori, may error sa pag-load kan video.

  • Igwa Daw nin Mapagkakatiwalaan na Giya sa Pagkaigwa nin Magayon na Puturo?
  • An Torrengbantayan Nagpapahayag kan Kahadian ni Jehova (Pampubliko)—2021
  • Mga Subtema
  • Kaagid na Materyal
  • AN PINAKAMARAHAY NA MAPAGKUKUANAN NIN GIYA
  • Totoong mga Katokdoan na Nakakapaogma sa Dios
    An Torrengbantayan Nagpapahayag kan Kahadean ni Jehova—2005
  • Tama Asin Sala: An Bibliya​—Sarong Masasarigan na Giya
    An Torrengbantayan Nagpapahayag kan Kahadian ni Jehova (Pampubliko)—2024
  • Saen Kamo Makanonompong nin Masasarigan na Paggiya?
    An Torrengbantayan Nagpapahayag kan Kahadean ni Jehova—1994
  • Ano an Opinyon Mo sa Bibliya?
    Ano an Opinyon Mo sa Bibliya?
Iba Pa
An Torrengbantayan Nagpapahayag kan Kahadian ni Jehova (Pampubliko)—2021
wp21 Num. 3 p. 12-14
Sarong lalaki na nagbabasa nin Bibliya.

Igwa Daw nin Mapagkakatiwalaan na Giya sa Pagkaigwa nin Magayon na Puturo?

Arog kan napag-ulayan sa sinundan na mga artikulo, naghinguwa an mga tawo na magkaigwa nin marahay na puturo paagi sa pagtiwala sa kapaladan, edukasyon, kayamanan, saka sa pagigin marahay na tawo. Pero an paggibo kaiyan garo paggamit nin salang mapa mantang pasiring ka sa sarong lugar na dai ka pamilyar. Nangangahulugan daw iyan na mayong mapagkakatiwalaan na giya para sa puturo? Dai man!

AN PINAKAMARAHAY NA MAPAGKUKUANAN NIN GIYA

Pag nagdedesisyon, sa parati nagkokonsulta kita sa saro na mas matua saka mas madunong sa sato. Sa kaparehong paagi, makakakua kita nin mapagkakatiwalaan na giya para sa satong puturo hali sa Saro na mas matua saka mas madunong nanggad kisa sa sato. An sadol na hali sa Saiya nakaabot sa sato paagi sa sarong koleksiyon nin sagradong mga kasuratan na pinunan na isurat mga 3,500 na taon na an nakaagi. An koleksiyon na ini nin banal na mga kasuratan sarong libro na inaapod na Bibliya.

Taano ta makakapagtiwala ka sa Bibliya? Dahil an Awtor kaiyan iyo an pinakahaloy nang nabubuhay asin an pinakamadunong na Persona sa uniberso. Ilinadawan siya bilang an “Suanoy kan mga Aldaw” na hali “sa panahon na daing katapusan sagkod sa panahon na daing katapusan.” (Daniel 7:9; Salmo 90:2) Siya “an Kaglalang kan kalangitan, an tunay na Diyos, an Saro na naghaman kan daga.” (Isaias 45:18) Ipinapabisto niya an saiyang sadiri paagi kan saiyang personal na pangaran na Jehova.—Salmo 83:18.

Dahil an Bibliya hali sa Kaglalang kan bilog na katawuhan, mayo iyan nin pinapaburan na kultura o rasa. Aplikado pa man giraray sa panahon ta an mga sadol kaiyan saka dakul nang tawo sa bilog na daga an natabangan kaiyan. Mababasa iyan sa mas dakul na lengguwahe asin mas lakop iyan na naidistribwir kisa sa arin man na iba pang libro.a Dahil diyan, pasil iyan na masabutan kan mga tawo sa gabos na lugar asin magigiyahan sinda kaiyan. Patunay iyan na totoo an sinasabi kan Bibliya:

“An Diyos mayong pinapalain, kundi sa lambang nasyon, inaako niya an tawong may pagkatakot sa saiya asin naggigibo nin matanos.”—GIBO 10:34, 35.

Arog kan sarong nagmamalasakit na magurang na nagtataong paggiya sa saiyang mga aki, an Diyos na Jehova sarong mamumuton na Ama na gusto kitang tabangan paagi kan saiyang Tataramon, an Bibliya. (2 Timoteo 3:16) Makakapagtiwala ka sa saiyang Tataramon; tutal, siya an naggibo sa sato asin aram niya kun anong paagi nin pamumuhay an pinakamarahay para sa sato.

AN MAPAGKAKATIWALAAN NA GIYA

Collage: 1. Sarong lalaki na nakasakay sa subway train na may binabasa sa saiyang smartphone. 2. Mahihiling sa smartphone kan lalaki an Bibliya.

Makakapagtiwala kita na masasarigan na giya an Bibliya para sa puturo huling mga 2,000 na taon na an nakaagi, ihinula kaiyan nin tama an mga pangyayari sa kinaban asin an mga ugali kan mga tawo na nahihiling na niyato ngunyan.

MGA PANGYAYARI

“An nasyon makikilaban sa nasyon, asin an kahadian makikilaban sa kahadian. Magkakaigwa nin makusog na mga linog asin nin sunod-sunod na kakulangan nin kakanon saka epidemya sa manlain-lain na lugar.”—LUCAS 21:10, 11.

MGA UGALI

“Sa huring mga aldaw maabot an delikado asin masakit na mga panahon. Huli ta an mga tawo magigin interesado na sana sa sadiri nindang kapakanan, mamumuton sa kuwarta, mahambog, mapalangkaw, paralanghad, masinuway sa mga magurang, dai tataong magpasalamat, bakong maimbod, mayong natural na kapadangatan, habo nin ano man na kasunduan, parapakaraot, daing pagpupugol sa sadiri, maringis, daing pagkamuot sa karahayan, traydor, matagas an payo, orgulyoso, mahilig magpasiram-siram imbes na magpahiling nin pagkamuot sa Diyos.”—2 TIMOTEO 3:1-4.

Ano an maiisip mo pag nahihiling mong an haloy nang sinabi kaidto kan Bibliya talagang nangyayari na ngunyan? Siguradong mauyon ka ki Leung, na taga Hong Kong, na nagsabi: “Haluyon nang isinurat an mga propesiya sa Bibliya. Imposible para sa siisay man na tawo na mahulaan nin arog kaini katama an mga bagay na ini. Siguradong an Bibliya ipinasabong kan saro na mas nakakalabi sa sato.”

An Bibliya igwa nin ginatos na propesiya na nautob na.b Patunay ini na an Bibliya talagang Tataramon nin Diyos. “Ako an Diyos, asin mayong ibang arog sakuya,” an sabi ni Jehova. “Puon sa kapinunan patiinot ko nang sinasabi an mangyayari.” (Isaias 46:9, 10) Kaya, igwa ka nanggad nin marahay na dahilan na magtiwala sa sinasabi kan Bibliya manungod sa puturo.

PAGGIYA NA KAPAKI-PAKINABANG NGUNYAN ASIN SAGKOD PA MAN

Mag-agom na kapot-kapot an mga kamot kan saindang duwang aki mantang maugmang naglalakaw-lakaw sa kalangtadan.

Pag sinunod mo an paggiya na makukua sa Banal na Kasuratan, makikinabang ka. Pag-isipan an nagkapirang halimbawa.

TAMANG PAGMANSAY SA KUWARTA ASIN TRABAHO

“Mas marahay pa an sarong hakbot nin pagpahingalo kisa sa duwang hakbot nin pagpapagal asin paglapag sa duros.”—ECLESIASTES 4:6.

BUHAY PAMPAMILYA

“An lambang saro sa saindo dapat na mamutan an saiyang agom na babayi siring kan pagkamuot niya sa saiyang sadiri; sa ibong na kampi, an agom na babayi dapat na magkaigwa nin hararom na paggalang sa saiyang agom.”—EFESO 5:33.

PAKIKIKAPWA

“Halia an pagkaanggot asin bayai an grabeng kaanggutan; dai ka maaburido asin dai ka gumibo nin karatan.”—SALMO 37:8.

Makikinabang ka ngunyan asin sa maabot na panahon kun isasabuhay mo an sinasabi kan Bibliya. Mababasa ta diyan an magayunon na mga pangako nin Diyos sa maabot na panahon; kaiba diyan an

KATUNINUNGAN ASIN KATIWASAYAN

“Makakanumpong sinda nin labi-labing kaugmahan huli sa abundang katuninungan.”—SALMO 37:11.

HARONG ASIN KAKANON PARA SA GABOS

“Matugdok sinda nin mga harong asin maistar sa mga iyan, asin magibo sinda nin mga ubasan asin kakakanon an bunga kan mga iyan.”—ISAIAS 65:21.

PAGKAWARA KAN HILANG ASIN KAGADANAN

“An kagadanan mawawara na. Dai na man magkakaigwa nin pagmundo, o nin pagtangis, o nin kulog.”—KAPAHAYAGAN 21:4.

Ano an kaipuhan mong gibuhon para makasigurado ka na magkakaigwa ka kan arog kaiyan na puturo? Hilingon an sunod na artikulo.

a Para sa detalye manungod sa pagtradusir saka pagdistribwir kan Bibliya, magduman sa www.jw.org/bcl asin hilingon sa TUKDO KAN BIBLIYA > KASAYSAYAN ASIN AN BIBLIYA.

b Para sa dagdag na detalye, hilingon an kapitulo 9 kan librong The Bible—God’s Word or Man’s? na ipinublikar kan Mga Saksi ni Jehova. Makukua iyan online sa www.jw.org. Hilingon sa LIBRARY > BOOKS & BROCHURES.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share