Mga Biktima nin Pagkaungis—Lakop na Marhay

Mas parati nang nababanggit sa mga bareta saka social media an manungod sa mga pananaram, surat, post sa Internet, asin mga krimen na nagpapahiling nin pagkaungis. Asin dakul na tawo man an nabibiktima nin pagpapalain-lain, diskriminasyon, pagtuya-tuya, pang-iinsulto, pagpatakot, asin bandalismo. Lakop na marhay an nabibiktima nin bakong makatawong pagtratar asin pagkaungis!

Ipinapahiling kan magasin na ini kun paano mapupundo an dai matapos-tapos na pagkaungis. Bako ining pangaturugan sana. Saro ining totoo asin nagdadanay na pagbabago na nangyayari na sa bilog na kinaban.