Tips sa Pag-adal

Maghanap nin Espirituwal na Kayamanan Manungod ki Jehova

Pag binabasa ta an Bibliya, puwede kitang gumamit nin manlain-lain na pantabang sa pag-adal tanganing mas masabutan an satong binabasa. Alagad, dai kita nag-aadal tangani sanang madagdagan an satong kaaraman. Gusto tang maghanap nin espirituwal na kayamanan manungod sa personalidad ni Jehova tanganing urog tang mamutan siya. Para magibo ini, puwede tang haputon an satong sadiri, ‘Ano an itinutukdo sa sako kan pagkasaysay na ini manungod ki Jehova?’

Puwede kitang maghanap nin ebidensiya manungod sa pambihirang mga kuwalidad ni Jehova na pagkamuot, kadunungan, hustisya, asin kapangyarihan. Alagad, an personalidad ni Jehova dai lang limitado sa mga kuwalidad na iyan. Kaiba diyan an iba pang magagayon na mga kuwalidad niya. Sain ka makakahanap nin iba pang impormasyon manungod sa saiyang mga kuwalidad?

Hilingon an labi sa 50 pang kuwalidad na yaon sa Watch Tower Publications Index sa heading na “Jehovah” dangan sa subheading na “Qualities by Name.” I-research an mga kuwalidad na angay sa binabasa mong pagkasaysay sa Bibliya. (Kun an igwa ka sana iyo an Giya sa Pag-research Para sa Mga Saksi ni Jehova, hilingon iyan sa temang “Jehova Diyos” dangan sa subtemang “Mga Kuwalidad ni Jehova.”)