Maghanap nin Espirituwal na mga Kayamanan na Puwede Mong Iaplikar

Pag nagbabasa kita nin Bibliya, puwede kitang maghanap nin espirituwal na mga kayamanan paagi sa pag-research sa konektadong mga detalye. Pero paano kita mas makikinabang?

Aramon pa an mga detalye kan mga salaysay sa Bibliya. Halimbawa, aramon kun siisay an nagsurat kaiyan, para kiisay, asin kasuarin. Ano an kamugtakan kan isurat iyan, ano an nangyari bago kaiyan, asin ano an nangyari pagkatapos?

Pag-isipan an mga leksiyon na manunudan mo paagi sa pagsiyasat sa mga hapot na arog kan: ‘Ano daw an namati kan mga karakter sa binabasa ko? Anong mga kuwalidad an ipinahiling ninda? Taano ta dapat kong arugon o likayan an mga kuwalidad na iyan?’

Iaplikar an mga leksiyon na nanudan mo, puwedeng sa saimong ministeryo o sa pagtratar mo sa iba. Sa paggibo kaiyan, maipapahiling mo an diyosnon na kadunungan, arog kan sinasabi kan Bibliya: “Pagmamasdan kan siisay man na madunong an mga bagay na ini.”​—Sal. 107:43.

• Tips: Sa mga materyal na pinag-aadalan ta sa midweek na pagtiripon sa kabtang na Kayamanan na Yaon sa Tataramon nin Diyos, mangnuhon kun paano iyan nakakatabang sato na iaplikar an nanudan ta. Sa parati, an seksiyon na ini igwa nin mga hapot na puwede tang ihapot sa satong sadiri, mga punto na puwede tang hurop-hurupon, asin mga ritrato na puwede tang obserbaran na marhay.