Mag-adal Dangan Maghiras

Nagiginhawahan kita pag nag-aadal nin Bibliya, pero lalo pa kitang magiginhawahan pag ihinihiras ta sa iba an nakakapakusog na espirituwal na mga kayamanan na nahahanap ta diyan. Sinasabi kan Talinhaga 11:25: “An siisay man na nagpapaginhawa sa iba papaginhawahon man.”

Pag ihinihiras ta sa iba an mga nanunudan ta, mas madali tang matatandaan an mga punto asin mapapararom ta an satong pakasabot. Asin huling makikinabang sinda sa mga puntong iyan, nauugma kita na ihiras iyan sa sainda.—Gibo 20:35.

Purbaran ini: Sa papaabot na semana, maghanap nin oportunidad na ihiras sa iba an mga nanudan mo. Puwedeng sa sarong kapamilya, kakongregasyon, katrabaho, kaeskuwela, kataid nin harong, o sa saro na manunumpungan mo sa ministeryo sa langtad. Hinguwahon na ihiras an impormasyon sa sadiri mong mga tataramon, sa simple asin malinaw na paagi.

Tandaan: Ihiras an mga nanudan mo tanganing pakusugon an iba, bako para pahangaon sinda.—1 Cor. 8:1.