Kun Paano Mo Padagos na Mababasa an Bibliya Aroaldaw

Dahil sa dakulon mong inaasikaso, nasasakitan ka daw na masunod an iskedyul mo sa pagbasa kan Tataramon nin Diyos aroaldaw? (Jos. 1:8) Kun iyo, purbaran an arin man sa mga suhestiyon na ini:

• Mag-set nin reminder. Mag-set nin alarm sa saimong elektronikong gadyet tanganing pagirumdumon kang magbasa nin Bibliya kada aldaw.

• Ilaag an saimong Bibliya sa lugar na mahihiling tulos. Kun imprentadong Bibliya an binabasa mo, ilaag iyan sa lugar kun sain madali mo iyan na mahihiling sa kada aldaw.—Deu. 11:18.

• Magdangog nin mga audio recording. Magdangog sa mga iyan mantang ginigibo mo an pang-aroaldaw mong mga gibuhon. Si Tara, na sarong payunir asin ina saka pambanggi an trabaho, nagsabi: “Nakatabang sako an pagdangog nin audio Bible mantang inaasikaso ko an mga gibuhon sa harong tanganing mabasa ko talaga nin aroaldaw an Bibliya.”

• Dai magpundo. Kun magkaigwa nin dai inaasahan na mga pangyayari, magbasa dawa nin pira lang na bersikulo bago magturog. Maski dikit lang kada aldaw, makakatabang nang marhay.—1 Ped. 2:2.