Pangangataman sa Salud—Kun Ano an Gigibuhon kan Kahadian nin Diyos

“Dawa tapos na an grabeng peligro kan COVID-19 sa bilog na kinaban, dapat tang isipon na puwede pa man giraray iyan makaapektar sa salud kan mga tawo.. . . Pag may nangyari giraray na pandemya—asin sigurado iyan—dapat na handa kita.”—Dr. Tedros Adhanom Ghebreyesus, director-general kan World Health Organization, Mayo 22, 2023.

Dakul na tawo an padagos na nagkakaproblema sa pisikal asin mental na salud huli sa COVID-19 na pandemya. Andam daw an mga gobyerno saka mga health-care institution sa sunod na mangyayaring pandemya? Matatabangan daw ninda kita sa mga problema sa salud na inaatubang ta ngunyan?

Sinasabi kan Bibliya an sarong gobyerno na matao nin pinakamagayon na programa nin pangangataman sa salud na kaipuhan ta. Sinasabi kaiyan na “an Diyos nin langit maestablisar nin sarong kahadian,” o gobyerno. (Daniel 2:44) Sa pamamahala kan gobyernong iyan, “mayo nin residente an magsasabi: ‘May hilang ako.’” (Isaias 33:24) An gabos magkakaigwa nin makusog na hawak asin marahay na salud.—Job 33:25.