Problema sa Ekonomiya—Kun Ano an Gigibuhon kan Kahadian nin Diyos

Dakul na tawo sa bilog na kinaban an nasasakitan na masustentuhan an mga pangangaipo ninda sa aroaldaw—asin padagos pa iyan na naggagrabe.

• Base sa dai pa sana nahahaloy na report na isinagibo sa bilog na kinaban,a “dikit na sana an nababakal kan kuwartang sinisuweldo kan mga tawo kada bulan.” Nagpatanid iyan na kun mayo nin gigibuhon, “mas madakula an dai pagkapantay-pantay sa estado nin buhay kan mga tawo asin mas lalong magigin dipisil na magkaigwa nin komportableng buhay an dakul na empleyado pati an mga pamilya ninda.”

May magigibo daw an mga gobyerno para masolusyunan an naglalalang krisis sa ekonomiya?

Sinasabi kan Bibliya na igwa nin sarong gobyerno na kaya asin talagang sosolusyunan an gabos na problema sa ekonomiya, kaiba na an dai pagkapantay-pantay. Sinasabi kaiyan na “an Diyos nin langit maestablisar nin sarong kahadian,” sarong gobyerno na maasikaso sa gabos na bagay sa daga. (Daniel 2:44) Sa pamamahala kan gobyernong iyan, mayo nin malilingawan o mapapabayaan. (Salmo 9:18) Sisiguraduhon kan Kahadian nin Diyos na an mga sakop kaiyan igwa kan kaipuhan ninda para magin maugma. Ikakaugma kan gabos an resulta kan saindang pinagpagalan.—Isaias 65:21, 22.