Hapot

● Paano niato ikapaheheling an Kristianong ugale kun nag-aatender sa Pag-adal sa Libro kan Kongregasyon?

Parate na kita pinagmamasdan kan satong pagtaraed, asin kun beses sinda nagkokomento sa satong gawe. (Ikomparar an 1 Corinto 4:9.) Bilang mga lingkod ni Jehova, boot niato na an saindang komento marahay. (1 Ped. 2:12) Totoo ini sa Pag-adal sa Libro kan Kongregasyon. Mantang an kadaklan kaini ginigibo sa pribadong mga harong, maninigong gibohon an espesyal na pagmamaan tanganing marahay an ikagawe niato sa gabos niatong ginigibo. Kun limitado an paradahan, pagmaigotan na likayan an dai kaipuhan na pagkauyam kan mga nasa pagtaraed paagi sa dai pagparada kan satong kotse sa paagi na makatatao nin kadepisilan sa satong kataed.

Maogma kita kun nagkakairiba asin ini parateng nagbubunga nin maogmang orolay. (Miq. 2:12) An marahay na ugale asin konsiderasyon sa iba nagdidikta na magin tama sana an kosog kan satong orolay. (Mat. 7:​12; Gal. 6:10) An Kristianong pagkamoot nagpapahiro man sato na pogolan an satong mga aki sa pagdarodalagan sa luwas asin pakaraot sa natad nin iba. (Tal. 29:​15; 1 Cor. 13:​4, 5) Kaiba digdi an magalang na gawe sa harong na pinag-aadalan. Kun may namasdan na salang gawe, an kamagurangan maninigong tumao nin mamomoton asin marigon na hatol tanganing malikayan an mga problema na bunga nin mga reklamo kan pagtaraed o kasakitan sa kagsadiri kan harong na pinag-aadalan.