Kanta 53
An Pagtalubo kan Teokrasya
1. Ibalangibog ta an Teokrasya!
Makangangalas an paghiwas ta.
Padagos an pag-omaw ki Jehova
Kan mga nagsasamba saiya.
Kan magpoon sa paghulit si Cristo,
Kakadikit an parasunod nia.
Ngonyan kita dakulaon na grupo;
Durungan sa pagrukyaw saiya.
2. Si Cristo nagtutukaw na sa trono;
An gabos nasa atubangan nia.
Roronoton kaiwal niang totoo,
Ititindog soberan’ya ni Jah.
Sia an Ama na Daing Kasagkodan,
An Prinsipe nin Katoninongan.
Sa kaigotan ni Jah minagikan,
Gobyerno niang may katoninongan.
3. Magpasalamat kitang uya ngonyan!
Puso mo daw magayagaya man?
Padakolon an satong kaogmahan;
Sa paghuhulit ’yan makakamtan.
An paralanghad satong patanidan
Na harani na an Armagedon.
Mga mahoyo satong baretaan
Na Kahadean pakamawoton.