Pag-adalan an mga Librong Mabuhay Sagkod Lamang Asin an United in Worship
1 An mga tract, brochure, magasin, asin mga libro—gabos puwedeng gamiton tanganing makapoon nin mga pag-adal sa Biblia sa harong sa interesadong mga tawo. Huli sa lakop na distribusyon asin gayon kaiyan, an librong The Greatest Man Who Ever Lived ginagamit na tanganing makapoon nin mga pag-adal.
2 Minsan siring, igwa partikularmente nin duwang libro na maninigong ipakipag-adal sa mga bagohan tanganing tabangan sindang masabotan an pundamental na mga doktrina kan Biblia siring man an Kristianong mga pamantayan sa pamumuhay. Ini an: Puwede Kamong Mabuhay Sagkod Lamang sa Paraiso Digdi sa Daga asin an United in Worship of the Only True God. Irinirekomendar na sa pinakamadaling panahon na rasonable, an mga nagkokondukta nin mga pag-adal sa Biblia sa harong sa ibang publikasyon bumalyo sa saro sa mga librong ini. Maninigong ipadagos an pag-adal sa Biblia sagkod na matapos an librong Mabuhay Sagkod Lamang asin an United in Worship, minsan ngani an saro magpabautismo bago matapos an ikaduwang libro. An paaging ini magtatao nin dugang pang rarom asin espirituwal na rigon sa nag-aadal sa Biblia.