Kanta 45
Pamibi nin Pagpasalamat
1. Matinaong Dios, angay kang omawon,
Tabi, O Dios, boses mi dangogon,
Namimibi na bilog an paglaom,
Sa pangataman mong mabooton.
An kaluyahan nahahayag pirme;
Paghagad nin tawad pamibi mi.
Tinubos kan atang ni Jesu-Cristo.
Mawot niamo patokdo saimo.
2. Maogmahon an mga imbitado
Na tokdoan sa saimong patyo.
Saimong Tataramon giya niamo.
Kami ogma sa karahayan mo.
Makangingirhat kapangyarihan mo,
Makatanosan an paghusgar mo!
Kahadean mo ibabalangibog
Ta iyan sierto niamong maabot.
3. Sa pangataman mo magayagaya;
Pagsamba saimo palakopa.
Kahadean mo helang hahaleon,
Kagadanan, luha, paparaon.
Lalaglagon an gabos na karatan.
Maawit an bilog na linalang.
Sa pasalamat satuyang awiton:
‘Hadeng Jehova, mamurawayon!’