“Mga Ideya sa Pag-alok kan mga Magasin sa . . .”

Kada bulan, igwa nin kabtang sa Pagtiripon sa Paglilingkod dapit sa pag-alok kan mga magasin. An katuyuhan kaini bakong repasuhon an laog kaiyan. Imbes, dinisenyo ini para pag-ulayan an mga ideya sa pag-alok kaiyan. Kaya, sigun sa instruksiyon, an may kabtang matao nin halipot sanang introduksiyon para dagkahon an mga tugang na ialok an mga magasin. Dangan, mahagad siya nin mga suhestiyon dapit sa sarong artikulo (o serye). Pero saro-saro niyang tutukaron iyan para makasubaybay an gabos asin ikasurat an mga ideya na gusto nindang gamiton. Imbes na imbitaran an mga nagdadangog na magtao nin bilog na presentasyon, dagkahon sinda na magsuherir nin mga hapot na makakapukaw nin interes. Pagkatapos, haputon sinda kun anong teksto an puwedeng basahon. Bago magtapos, ipademonstrar kun paano iaalok an kada magasin. Dinadagka kita na patiinot na repasuhon an mga magasin asin mag-andam nin mga suhestiyon. Kun an gabos maandam na marhay, an kabtang na ini makakatabang sa sato na mapatarom an lalawgon kan lambang saro.—Tal. 27:17.