Pagpauswag kan Satong Kakayahan sa Ministeryo​—Pagpapatotoo sa Komersiyal na Teritoryo

Kun Taano ta Mahalaga: Huling dakul na tawo an nagtatrabaho nin halawig na oras, an pagpapatotoo sa lugar kan saindang trabaho an parating pinakamarahay na paagi para maipaabot sainda an mensahe kan Kahadian. Puwedeng magin nakakaugma asin mabunga an pagpapatotoo sa komersiyal na teritoryo huling siguradong may makakaulay kita asin magalang an mga empleyado sa potensiyal na mga kostumer. Tanganing magin epektibo, an mga parahayag dapat na magin makonsiderasyon asin marahay an pagbado saka pagpakarhay sa sadiri. (2 Cor. 6:3) Kun siring, kaipuhan na imonitor kan paraataman sa paglilingkod kun gurano kaparati ginigibo an komersiyal na mga teritoryo asin kun sairisay an naghuhulit diyan.