Matao nin Dakulang Kaugmahan an Bagong mga Langit Asin an Bagong Daga

An panuga nin Diyos sa Isaias kapitulo 65 na an gabos na bagay ibabalik niya sa dati sigurado nanggad na magkakatotoo huling ipinahayag iyan ni Jehova sa paaging garo baga nauutob na.

Naglalalang si Jehova nin bagong mga langit asin nin bagong daga, kun sain an dating mga bagay dai na magigirumduman

65:17

Ano an bagong mga langit?

• Sarong bagong gobyerno na gigibuhon na magin matanos an mga kamugtakan sa daga

• Inestablisar iyan kan 1914 kan patukawon si Cristo sa trono bilang Hadi kan Kahadian nin Diyos

Ano an bagong daga?

• Sarong sosyedad nin mga tawo hali sa gabos na nasyon, lengguwahe, asin rasa na maugmang nagpapasakop sa pamamahala kan bagong gobyerno sa langit

Sa paanong paagi dai na magigirumduman an dating mga bagay?

• An mga kawsa nin pagsakit sa pisikal, mental, asin emosyonal mawawara na kaya dai na iyan magigirumduman, o masabong sa isip

• Lubos na magigin maugma sa buhay an maimbod na mga tawo asin mapapahalagahan nindang marhay an magagayon na maeeksperyensiyahan ninda sa kada mag-aging aldaw