Pag-andam na Kaipuhan Para sa Mahusay na Pagtutukdo

Mga duwang beses na ihinapot ki Jesus an sarong hapot dapit sa buhay na daing katapusan, pero sa kada pagkakataon ibinagay niya an saiyang simbag depende sa naghapot. (Luc. 10:25-28; 18:18-20) Kaya, dawa ngani pamilyar na kitang marhay sa publikasyon na ginagamit sa pag-adal sa Bibliya, dapat kitang mag-andam na isinasaisip an tinutukduan ta. Anong mga punto an posibleng masakitan siya na sabuton o paniwalaan? Arin sa sitadong mga teksto an dapat na basahon? Sagkod pirang parapo an pag-aadalan nindo? Kaipuhan ta daw maghanda nin ilustrasyon, paliwanag, o mga hapot para tabangan siyang masabutan an pinag-aadalan? Saro pa, huling si Jehova an nagpapatalubo kan banhi nin katotoohan sa puso nin saro, ipamibi ta na bendisyunan ni Jehova an satong pag-andam, an satong tinutukduan, asin an satong paghihinguwa na tabangan siya sa espirituwal.—1 Cor. 3:6; Sant. 1:5.