LEKSIYON 11

Entusiyasmo

Roma 12:11

SUMARYO: Pahiruon an mga nagdadangog paagi sa ganadong pagtaram.

Andamon an saimong puso. Mantang nag-aandam ka kan saimong presentasyon, pag-isipan na marhay an kahalagahan kan saimong mensahe. Kabisaduhon na marhay an ipepresentar mong impormasyon tanganing maipahayag mo iyan nin gikan sa puso.
Isipon an mga magdadangog. Pag-isipan kun paano makakatabang sa iba an impormasyon na babasahon o itutukdo mo. Mag-isip nin mga paagi kun paano mo maipepresentar an impormasyon sa paaging urog na mapapahalagahan iyan kan mga nagdadangog.
Gibuhon na buhay an saimong presentasyon. Magtaram nin ganado. Magin natural sa pagmustra asin sa ekspresyon kan saimong lalawgon na nagpaparisa kun ano talaga an saimong pagmati.

Mag-ingat na dai madisturbo an mga nagdadangog huli sa paggamit nin iyo man sanang pauruutrong pagmustra na nagigin nang manerismo. Gumamit nin mga mustra na bagay sa sinasabi mo. Magin entusiyastiko lalo na pag nagtutukdo nin panginot na mga punto asin pag dinadagka an mga nagdadangog na humiro. Pero dai man magin sobra kaentusiyastiko sa bilog na presentasyon na nagigin mapagal na iyan pagdangugon.