Mga Plano sa Pagbasa sa Bibliya

Mababasa sa Bibliya an pinakamarahay na impormasyon na makakatabang sa satong pamumuhay. Kun regular mong babasahon asin huhurop-hurupon iyan saka isasabuhay an mga nanunudan mo diyan, ‘mapapakarhay an saimong dalan.’ (Josue 1:8; Salmo 1:1-3) Mamimidbid mo man an Diyos saka an saiyang Aki, si Jesus, asin an kaaraman mo manungod sa sainda puwedeng magdara saimo nin kaligtasan.—Juan 17:3.

Sa anong pagkasunod-sunod mo dapat basahon an mga libro sa Bibliya? May mga opsiyon ka. An iskedyul sa pagbasa sa Bibliya na ini makakatabang sa saimo na basahon an mga libro sa Bibliya uyon sa pagkasunod-sunod kaiyan o uyon sa topiko. Halimbawa, puwede mong basahon an piling mga porsiyon manungod sa kun paano trinatar kaidto nin Diyos an suanoy na Israel. Puwede mo man basahon an ibang mga porsiyon kun paano nagpuon asin nag-uswag an Kristiyanong kongregasyon kan inot na siglo. Kun mabasa ka nin sarong set nin mga kapitulo sa kada aldaw, mababasa mo an bilog na Bibliya sa laog nin sarong taon.

Naghahanap ka man nin plano sa pagbasa sa Bibliya para sa kada aldaw, para sa sarong taon, o para sa mga baguhan, makakatabang sa saimo an iskedyul na ini. I-download ining plano sa pagbasa sa Bibliya na puwedeng i-print, asin magpuon na ngunyan.