Introduksiyon sa Tataramon nin Diyos

Yaon sa Bibliya an mensahe, o tataramon, nin Diyos para sa sato ngunyan. Ipinapahiling kaiyan sa sato kun paano magigin mapanggana sa buhay saka kun paano makakamtan an pag-uyon nin Diyos. Sinisimbag man kaiyan an minasunod na mga hapot:

1 Siisay an Diyos?
2 Paano mo manunudan an mga bagay manungod sa Diyos?
3 Siisay an awtor kan Bibliya?
4 An Bibliya daw tama pag-abot sa siyensiya?
5 Ano an mensahe kan Bibliya?
6 Ano an ihinula kan Bibliya manungod sa Mesiyas?
7 Ano an ihinula kan Bibliya manungod sa panahon ta?
8 An Diyos daw an dapat basulon sa pagsakit nin tawo?
9 Taano ta nagsasakit an tawo?
10 Ano an panuga kan Bibliya para sa maabot na panahon?
11 Ano an nangyayari sa sarong tawo pag siya nagadan?
12 Ano an paglaom para sa mga gadan?
13 Ano an sinasabi kan Bibliya manungod sa pagtrabaho?
14 Paano ka magigin madunong sa pagkapot nin kuwarta?
15 Paano ka magigin maugma?
16 Paano mo makakayanan an mga kahaditan?
17 Paano matatabangan kan Bibliya an saimong pamilya?
18 Paano ka mapaparani sa Diyos?
19 Ano an laog kan mga libro kan Bibliya?
20 Paano ka lubos na makikinabang sa pagbasa mo nin Bibliya?

KUN PAANO HAHANAPON AN MGA TEKSTO SA BIBLIYA

An Bibliya kompuwesto nin 66 na saradit na libro. Binanga iyan sa duwang seksiyon: an Hebreo-Aramaikong Kasuratan (“Lumang Tipan”) asin an Griegong Kasuratan (“Bagong Tipan”). Pigbanga-banga an kada libro sa mga kapitulo asin mga bersikulo. Pag may sinambit na teksto, an inot na numero pagkatapos kan pangaran kan libro iyo an kapitulo, asin an sunod na numero o mga numero iyo an bersikulo o mga bersikulo. Halimbawa, an Genesis 1:1 nanunungod sa Genesis kapitulo 1, bersikulo 1.