Magdanay na Alerto Paagi sa Maigot na Pag-adal

Basahon an Daniel 9:​1-19 para maaraman an kahalagahan kan maigot na pag-adal.

Analisaron an konteksto. Ano an dai pa sana nahahaloy na mga nangyari, asin ano an nagin epekto kaiyan ki Daniel? (Dan. 5:29–6:5) Kun ika si Daniel, ano an mamamatian mo?

Magsiyasat pa. Arin na “sagradong mga libro” an posibleng kinonsulta ni Daniel? (Dan. 9:​2, nota sa ibaba; w11 1/1 22 ¶1) Taano ta nagtuga si Daniel kan mga kasalan niya asin kan nasyon nin Israel? (Lev. 26:​39-42; 1 Ha. 8:​46-50; w00 8/15 29-30 ¶4-9) Paano ipinapahiling kan pamibi ni Daniel na maigot siyang paraadal kan Tataramon nin Diyos?​—Dan. 9:​11-13.

Aramon an mga leksiyon. Haputon an sadiri:

• ‘Paano ko malilikayan na maagaw an atensiyon ko kan mga nangyayari sa kinaban?’ (Mik. 7:7)

• ‘Paano ako makikinabang sa maigot na pag-adal kan Tataramon nin Diyos, arog kan ginibo ni Daniel?’ (w04 8/1 12 ¶17)

• ‘Anong mga tema sa personal na pag-adal an makakatabang sako na “padagos [na] magbantay”?’ (Mat. 24:​42, 44; w12 8/15 5 ¶7-8)