Amalumbo
IBUUKU LYA NTANSHI
(Amalumbo 1 – 41)
1 Alipaalwa+ umuntu uushikonka amano ayapanda ababifi,+
Uushiminina mu nshila ya babembu,+
Kabili uushiikala apekala abapumya.+
2 Lelo ena asekelela mu mafunde ya kwa Yehova,+
Kabili abelenga amafunde yakwe no kulayatontonkanyapo akasuba no bushiku.+
3 Kabili akaba ngo muti uo balimba mupepi no tumilonga twa menshi,+
Uutwala ifisabo mu nshita ya fiko+
Na mabula ya uko tayabonsa,+
Kabili conse ico acita cikatunguluka.+
2 Cinshi ico inko shabela mu cimfulumfulu+
Kabili cinshi ico abantu ba mu nko baletepeleseshanisha amapange ya fye?+
2 Ishamfumu sha pano isonde shaima+
Na bashimucindikwa balongana+
Pa kuti bemine Yehova+ no wasubwa wakwe,+
3 Abati: “Natuputaule ifikakilo fyabo+
Kabili tupoose ne myando yabo!”+
5 Pali ilya nshita akasosa kuli bena mu cipyu cakwe+
Kabili mu bukali bwakwe akabasakamika,+
7 Leka nondolole pa lwa cipope ca kwa Yehova;
Atile kuli ine: “Uli mwana wandi;+
Ine, buno bushiku, nimba wiso.+
12 Tomoneni umwana mwaume,+ pa kuti eba no bukali
Na pa kuti mwilobela mu nshila,+
Pantu ubukali bwakwe bulabilima bwangu.+
Balipaalwa bonse abooba muli ena.+
Ulwimbo lwa kwa Davidi ilyo alebutuka pa mulandu wa kwa Abishalomu umwana wakwe.+
7 Imeni,+ mwe Yehova! Mpususheni,+ mwe Lesa wandi!+
Pantu mukooma abalwani bandi bonse mu nsekete.+
Ameno ya babifi mukayakuulaula.+
Ku ng’omba nkalamba, pa filimba fya nsale.+ Ulwimbo lwa kwa Davidi.
4 Nga naita, munjasuke, mwe Lesa wandi uwalungama.+
Mpokololeniko ku macushi.
Mbeleleni uluse+ no kukutika kwi pepo lyandi.
2 Mwe bana ba bantu, kufika lilali ubukata+ bwandi bukasaalulwa,
Kufika lilali mukakonkanyapo ukutemwa ifya fye,
Kufika lilali mukakonkanyapo ukufwaya ubufi? Seʹlah.
3 E ico ishibeni ukuti Yehova akasoobolapo uwa cishinka wakwe;+
Yehova akomfwa ilyo nakuuta kuli ena.+
4 Nga ca kuti mwakalipa, mwileka ubukali bwenu bumulenge ukubembuka.+
Landileni mu mutima wenu, ilyo muli pa busanshi bwenu,+ no kuba tondolo. Seʹlah.
6 Bengi abaletila: “Nani akatulanga icisuma?”
Sanikeni ulubuuto lwa cinso cenu pali ifwe,+ mwe Yehova.
7 Mukalenga umutima wandi ukusekelela+
Ukucila pa fyo basekelela ilyo ingano shabo no mwangashi wabo uwa citooto fyafula.+
8 Nkalambalala pa nshi no kulaala utulo mu mutende,+
Pantu imwe mweka, mwe Yehova, ni mwe munenga ukwikala umutelelwe.+
Ku ng’omba nkalamba, ulwa pali Nehilote. Ulwimbo lwa kwa Davidi.
5 Aba mataki te kuti beminine ku cinso cenu.+
Mwapata bonse abacita ifyabipa;+
Umuntu uusumya umulopa+ kabili incenjeshi+ alaselausha Yehova.
7 Lelo ine, pa mulandu wa kufula kwa cikuuku cenu+
Nkengila mu ng’anda yenu,+
Nkafukamina kwi tempele lyenu ilya mushilo no kuba na katiina kuli imwe.+
8 Mwe Yehova, ntungululeni mu bulungami+ bwenu pa mulandu wa balwani bandi;+
Lengeni inshila yenu iwame pa ntanshi yandi.+
9 Pantu mu tunwa twabo tamwaba nangu cimo icingacetekelwa;+
Mu kati kabo mwaisula fye ububi.+
Utunwa twabo ni nindi iyacenama;+
Ululimi lwabo lwa bucenjeshi.+
Bakawa pa mulandu wa mano ayo baipanda abene.+
Mu kufula kwa bumpulamafunde bwabo lekeni bapaswe,+
Pantu balimupondokela.+
11 Lelo bonse abooba muli imwe bakasekelela;+
Bakaula utupundu umuyayaya.+
Kabili mukabacingilila ica kuti takwakabe uwa kubapalama,
Na batemwa ishina lyenu bakaangila muli imwe.+
12 Pantu mukapaala bonse abalungama,+ mwe Yehova;
Nge nkwela+ iikalamba, e fyo mukacingilila+ abo musekelelamo.
Ku ng’omba nkalamba, pa filimba fya nsale pali sheminiti.+ Ulwimbo lwa kwa Davidi.
2 Mbeleleni uluse, mwe Yehova, pantu nshili na maka.+
Mposheni,+ mwe Yehova, pantu nayatentuka amafupa yandi.
6 Nimfunshika ku fya kuteta fyandi;+
Ubushiku bonse nenga ica kulaalapo candi ukubomba;+
Ku filamba fyandi nenga ubusanshi bwandi ukubomba.+
10 Abalwani bandi bonse bakekatwa insoni+ icine cine kabili bakasakamikwa;
Bakapilibuka, bakomfwa insoni apo pene fye.+
Ulwimbo lwa bulanda ulwa kwa Davidi ulo aimbiile Yehova pa mulandu wa kwa Kushi umwina Benjamini.
7 Mwe Yehova Lesa wandi,+ muli imwe e mo nauba.+
Mpususheni kuli bonse abancusha kabili mpokololeni,+
2 Pa kuti umuntu nangu umo ensantaula nga filya inkalamo icita,+
Pa kuti ensompola ilyo pashili uwa kumpokolola.+
3 Mwe Yehova Lesa wandi, nga ca kuti nalilufyanya,+
Nga ca kuti muli ulufyengo mu minwe yandi,+
4 Nga ca kuti nalibweseshapo ububi ku muntu uwancitila icisuma,+
Nelyo nga ca kuti nalipokolola umulwani wandi onse uo amapange yakwe yafulungana,+
5 Lekeni umulwani afwaye umweo wandi+
Kabili lekeni ansange no kunyantawila ubumi bwandi pa nshi
Kabili lengeni ubukata bwandi bube mu mushili. Seʹlah
6 Imeni, mwe Yehova, mu bukali bwenu;+
Iminineni pa mulandu wa cifukushi ca balwani bandi,+
Kabili shibukeni pa mulandu wandi,+ pantu namusosa ukuti ifyo mwapingula ficitwe.+
7 Kabili lekeni abantu na bantu aba mu nko bamushinguluke,
Kabili bweleleni ku muulu.
Mpinguleni, mwe Yehova, ukulingana no bulungami bwandi+
Kabili ukulingana na bukaele+ bwandi ubuli muli ine.
10 Inkwela yandi ni Lesa,+ uupususha abaololoka imitima.+
12 Nga ca kuti umuntu takataluke ku bubi,+ akanoona ulupanga lwakwe,+
Akapekanya ubuta bwakwe, kabili akabuteyanya ukulasa.+
16 Amapange yakwe aya kucululusha bambi yakabwelela pa mutwe wakwe,+
Kabili pa cilongwe ca ku mutwe wakwe e pakatentemukila ubunkalwe bwakwe.+
17 Nkalumbanya Yehova ukulingana no bulungami bwakwe,+
Kabili nkembila pa cilimba ishina+ lya kwa Yehova Uwapulamo.+
Ku ng’omba nkalamba pali Gititi.+ Ulwimbo lwa kwa Davidi.
8 Mwe Yehova Shikulwifwe, ifyo lyacindama ishina lyenu mwi sonde lyonse,+
Mwebo ubukata bwenu bulumbanishiwa mu myulu!+
2 Mwalenga amaka yenu ukumonekela mu fifuma mu tunwa twa bana abanono na bonka,+
Pa mulandu wa balwani benu,+
Pa kutila mulenge umulwani no ulelandula, ukuleka imicitile yabo.+
3 Ilyo nalolesha imyulu yenu, imilimo ya minwe yenu,+
Umweshi ne ntanda ifyo mwapanga,+
4 Ntila, wa nshi umuntu mwibukisha no kwibukisha+ umwina kufwa,+
Kabili wa nshi umwana wa muntunse uwa kuti mulemusakamana?+
7 Impaanga ne mbushi e lyo ne ng’ombe, fyonse fye,+
Ne nama sha mu mpanga kumo,+
8 Ifyuni fya mu lwelele ne sabi lya muli bemba,+
Fyonse ifipita mu nshila sha muli babemba.+
9 Mwe Yehova Shikulwifwe, lyalicindama ishina lyenu mwi sonde lyonse!+
Ku ng’omba nkalamba pali Muti-labene. Ulwimbo lwa kwa Davidi.
א [ʼAʹleph]*
9 Nkamulumbanya, mwe Yehova, no mutima wandi onse;+
Nkalenga fishibikwe ifipesha amano fyenu fyonse.+
ב [Behth]
ג [Giʹmel]
6 We mulwani, ukonaulwa kobe konaulwa kwa pe,+
Pamo ne misumba iyo wawisha.+
Tabakabale abalumbulwapo.+
ה [Heʼ]
ו [Waw]
ז [Zaʹyin]
12 Pantu ilyo akafwaya abasumya umulopa,+ akebukisha abacushiwe;+
Te kuti alabe nkuuta ya bacushiwe.+
ח [Chehth]
13 Mbeleleni uluse, mwe Yehova; moneni ubucushi bwandi ubo ncula ku bampata,+
Mwe balenjimya ukufuma mu mpongolo sha mfwa,+
14 Pa kuti nsabankanye imilimo yenu yonse iya lulumbi+
Mu mpongolo+ sha mwana mwanakashi Sione,+
Pa kuti nsansamukile mu kupususha kwenu.+
ט [Tehth]
16 Yehova aishibikilwa ku bupingushi apingwile.+
Ku mulimo wa minwe yakwe umubifi aikatwa nga mu citeyo.+
Higayone. Seʹlah.
י [Yohdh]
כ [Kaph]
19 Imeni, mwe Yehova! Mwileka umwina kufwa abe ngo wakwatisha amaka.+
Lekeni inko shipingwilwe ku cinso cenu.+
20 Lekeni shibe no mwenso, mwe Yehova,+
Pa kuti abantu ba mu nko beshibe ukuti bena kufwa fye.+ Seʹlah.
ל [Laʹmedh]
3 Pantu umubifi ailumbanishisha pa lunkumbwa lwakwe,+
Kabili uulesanga icibwesha+ icishalinga aipaala umwine;
נ [Nun]
Nasaalula Yehova.+
4 Umubifi tafwayafwaya pa mulandu wa kuituntumba kwakwe;+
Ena amatontonkanyo yakwe yonse ya kuti: “Takwaba Lesa.”+
5 Ifyo acita filatunguluka inshita fye yonse.+
Ifya bupingushi fyenu fili pa muulu apo ashingafika;+
Abalwani bakwe bonse, alabafyola.+
6 Asosa mu mutima wakwe ati: “Nshakatelentenshiwe;+
Ku nkulo ne nkulo nshakatale mponenwapo no bubi.”+
פ [Peʼ]
7 Mu kanwa kakwe mwaisula fye imilapo no bucenjeshi no mutitikisha.+
Mwi samba lya lulimi lwakwe muli ukucululusha no bunkalwe.+
ע [ʽAʹyin]
Amenso yakwe yalecebaceba ukufwaya uushikwete wa kumwafwa.+
9 Alaalilila umwabelama kwati ni nkalamo iili umwafisama.+
Alaalilila+ ukufwaya ukusompola buluku buluku uwacula.
Asompola buluku buluku uwacula ilyo amwikata mwi sumbu lyakwe.+
ק [Qohph]
ר [Rehsh]
14 Pantu imwe mwalimona ukucula no bulanda.
Mutwalilila ukulolesha, ukuti mufikate mu minwe yenu.+
Kuli imwe e ko uushakwata wa kumwafwa,+ umwana wa nshiwa, aituula.
Ni mwe mwaba kaafwa wakwe.+
ש [Shin]
ת [Taw]
17 Mukakutika ku kufwaya kwa bafuuka,+ mwe Yehova.
Mukateyanye mitima yabo.+
Mukapeepekako ukutwi kwenu,+
18 Ku kupingwila umwana wa nshiwa no watitikishiwa,+
Ukuti umwina kufwa uwa pano nse eba wa kututumya na kabili.+
Ku ng’omba nkalamba. Ulwa kwa Davidi.
Nga kuti mwatila shani ku mweo wandi:
“Fulumukila ku lupili lwenu nge cuni!+
2 Pantu, moneni! ababifi bateyanya ubuta bwabo,+
Batinta umufwi wabo ku mwando wa buta,
Ukuti balase mu mfifi pa bantu abaololoka imitima.+
4 Yehova ali mwi tempele lyakwe ilya mushilo.+
Yehova—mu muulu e mwaba icipuna cakwe ica bufumu.+
Amenso yakwe yalamona, amenso yakwe ayabeeka yaceeceeta+ abana ba bantu.
Ku ng’omba nkalamba ulwa pali sheminiti wa pa nshi.+ Ulwimbo lwa kwa Davidi.
12 Mpususheni+ mwe Yehova, pantu aba cishinka bapwa;+
Pantu aba cishinka nabaloba ukufuma mu bana ba bantu.
2 Ubufi e bo balanshanya umuntu no muntu;+
Ku milomo+ batasha mu bumbimunda na ku mitima ibili e ko basosela.+
3 Yehova akalofya imilomo yonse iitasha mu bumbimunda,
Ululimi ulusosa ifya matutumuko,+
4 Abasosa abati: “Ku lulimi lwesu e ko tukacimfisha.+
Imilomo yesu isosa ico twatemwa. Nani akaba cibinda pali ifwe?
5 “Pa mulandu wa kupokolola abacula, pa mulandu wa kuteta kwa bapiina,+
Uno muku wena ndeima,” e fyasosa Yehova.+
“Nkamucingilila kuli onse uumufyola.”+
6 Ifyebo fya kwa Yehova fyebo fyasanguluka,+
Fyaba nga silfere uwaengululwa bwino mwi lungu lya pano isonde, ukusangululwa imiku cinelubali (7).
7 Imwe mwe Yehova, mukabasunga bwino;+
Mukacingilila umuntu umo umo muli ino nkulo ukufika umuyayaya.
Ku ng’omba nkalamba. Ulwimbo lwa kwa Davidi.
13 Kufika lilali, mwe Yehova, mukandaba?+ Bushe muyayaya?+
Kufika lilali mukafisa icinso cenu kuli ine?+
2 Kufika lilali ndi no kukaanya umweo wandi,
No kuba no bulanda mu mutima wandi ubushiku bonse?
Kufika lilali umulwani wandi akasansabala pali ine?+
3 Ndolesheni; njasukeni, mwe Yehova Lesa wandi.
Lengeni amenso yandi ukubeeka,+ pa kuti niponena mu tulo twa mfwa,+
4 Pa kuti umulwani wandi esosa ati: “Nimucimfya!”
Pa kuti abalwani bandi besekelela pantu nalengwa ukutalantanta.+
6 Ndeimbila Yehova, pantu nanambula.+
Ku ng’omba nkalamba. Ulwa kwa Davidi.
14 Umuwelewele asosa mu mutima wakwe ati:
“Takwaba Yehova.”+
Bacita imilimo ya boni,+ bacita ifya kuselausha.
Takuli uulecita icisuma.+
2 Lelo Yehova ukufuma ku muulu alolesha pa nshi pa bana ba bantu,+
Ku kumona nga pali uwa mucetekanya, nga pali uulefwaya Yehova.+
3 Bonse fye nabapaasuka,+ imibele yabo bonse naibipa;+
Takuli uulecita icisuma,+
Takuli fye nangu umo.+
4 Bushe abacita ifyabipa tabaishiba,+
Apo balya abantu bandi filya balya ifya kulya?+
Na kuli Yehova tabalililako.+
7 Iye, kanshi Israele nga balimupuswishe mu Sione!+
Ilyo Yehova akabwesha abantu bakwe bankole,+
Yakobo akaanga, Israele akasamwa.+
Ulwimbo lwa kwa Davidi.
3 Uushicita ulwambo ku lulimi lwakwe.+
Uushicita icabipa ku munankwe,+
Kabili uushiseebanya cibusa wakwe uwa pa mutima.+
4 Mu menso yakwe onse umuwelewele tamufwaya,+
Lelo acindika abatiina Yehova.+
Nga alapa icingamuletelela, tateluka.+
5 Uushikongwesha indalama shakwe pali kaloba,+
Kabili uushipoka ifisakanwa ku kufyengelesha uwa kaele.+
Uucite fi fintu takatale atelentenshiwa.+
Miktamu wa kwa Davidi.
16 Nsungeni, mwe Lesa, pantu nauba muli imwe.+
2 Nsosele kuli Yehova nati: “Ni mwe Yehova; ubusuma bwandi, tabuli kantu kuli imwe,+
3 Kano ku ba mushilo abali pe sonde.
Bena, e bakankaala, abo nsekelelamo.”+
4 Ukukalipwa kulafula ku bantu aba kuti, ilyo kuli lesa umbi, e ko bayangufyanya ukuya.+
Nshakapongolole umutuulo wa mwangashi uwa mulopa,+
Kabili nshakalumbule amashina yabo ku kanwa kandi.+
11 Mukanenga ukwishiba inshila ya ku bumi.+
Ukusekelela kwafikapo kufuma ku cinso cenu;+
Ubusuma buli mu kuboko kwenu ukwa kulyo pe na pe.+
Ipepo lya kwa Davidi.
17 Mwe Yehova, umfweni icalungama, umfweni ukupapaata kwandi;+
Kutikeni kwi pepo lyandi ilyabula ubucenjeshi.+
3 Nga mwaceeceeta umutima wandi, nga mwanceeceeta ubushiku,+
Nga mwansangulula; mwalasanga ukuti nshili na mapange yabipa.+
Akanwa kandi takakapulemo.+
6 Nkuuta kuli imwe, pantu mukanjasuka, mwe Lesa.+
Teyamikeni ukutwi kwenu kuli ine. Umfweni ifyo ndesosa.+
7 Citeni imilimo yenu iya cikuuku ibe iya kupapusha,+ mwe bapususha abafwaya icubo
Ku bapondokela ukuboko kwenu ukwa ku kulyo.+
8 Nsungeni nge mboni ya linso,+
Mumfise mu cintelelwe ca mapindo yenu,+
9 Pa mulandu wa babifi abanjimina.
Abalwani abafwaya umweo wandi balepalaminako fye kuli ine.+
10 Baiisalila mu mafuta yabo;+
Ku kanwa kabo balanda ifya matutumuko;+
11 Awe nabatushinga, tatukwete no kwa kuya;+
Batonta amenso yabo pali ifwe pa kutila batuwishe pa nshi.+
13 Imeni, mwe Yehova; mukumanyeni;+
Lengeni akontame; pokolweleni umweo wandi ku mubifi ku lupanga lwenu,+
14 Ku kuboko kwenu, mwe Yehova, mpokololeni ku bantu,+
Ku bantu ba nkulo+ ino, abasakamana fye ifya mikalile ino,+
Kabili abo mu nda shabo mwisushamo icuma cenu icafiswa,+
Abakwatisha abana baume+
Kabili ababikila abana babo ico bashako.+
15 Lelo ine, mu bulungami nkamona icinso cenu;+
Nkateka umutima ilyo nashibuka ku kumona icata cenu.+
Ku ng’omba nkalamba. Ulwa mubomfi wa kwa Yehova, ulwa kwa Davidi, uwasosele kuli Yehova amashiwi ya lwimbo luno mu bushiku Yehova amupokolwele mu minwe ya balwani bakwe bonse na mu minwe ya kwa Shauli.+ Kabili atile:
18 Nkamutemwa, mwe Yehova mwe maka yandi.+
2 Yehova e cilibwe candi kabili e uncingilila kabili e wa kumpokolola.+
Lesa wandi e cilibwe candi. E mo nakulauba,+
Ni nkwela yandi kabili e lusengo* lwandi ulwe pusukilo, e cubo candi.+
4 Imyando ya mfwa yalimpombele;+
Abantu ifinangwa na bo baisa nga mukukulule wa menshi ku kuntiinya.+
6 Mu kucula kwandi nalelilila kuli Yehova,
Kabili kuli Lesa wandi e ko nalekuutila.+
Mwi tempele lyakwe aumfwile ishiwi lyandi,+
Ne nkuuta yandi kuli ena yafikile mu matwi yakwe.+
7 Kabili isonde lyatendeke ukusunkana no kutenta,+
Na mashinte ya mpili yalitenkene,+
Kabili yalesunkana pantu alikalipe.+
8 Mu myona yakwe mwafumine icushi, no mulilo uwafumine mu kanwa kakwe waleoca;+
Kuli ena kwafumine amalasha ayaleaka.
11 E lyo apangile imfifi umwa kubelama mwakwe,+
Eyo aikupile nge nsakwe yakwe,
Iya menshi yafiita, kabili iya makumbi yafiita sana.+
12 Muli aya makumbi ayalepita ayo alimo mwabyashishe inkuba pa ntanshi yakwe,+
Kabili mwafumine imfula ya mabwe na malasha ayaleaka.+
13 E lyo Yehova atampile ukubulukuta mu muulu,+
Kabili Uwapulamo atampile ukulanda,+
E lyo kwali imfula ya mabwe na malasha ayaleaka.
14 Kabili akonkenyepo fye ukupoosa imifwi yakwe, pa kuti abasalanganye;+
Kabili abyashishe ne nkuba, pa kuti abafulunganye.+
15 Na pa nshi ya bemba palimoneke,+
Na mashinte ya calo yashele pa mbilibili+
Pa mulandu wa bukali bwenu mwe Yehova, pa mulandu wa mupu wa maka uwa mu myona yenu.+
20 Yehova anambula pa mulandu wa bulungami bwandi;+
Anambula pa mulandu wa kusanguluka kwa minwe yandi.+
21 Pantu ndakonka inshila sha kwa Yehova,+
Kabili nshacitile icabipa, e kutila nshafumineko kuli Lesa wandi.+
22 Pantu ubupingushi bwakwe bonse bwaba ku cinso candi,+
Kabili ifipope fyakwe nshakafifumye pali ine.+
24 Lekeni Yehova anambule pa mulandu wa bulungami bwandi,+
Pa mulandu wa kusanguluka kwa minwe yandi pa ntanshi ya menso yakwe.+
29 Pantu pa mulandu wa kwafwa kwenu kuti nalwisha ifipondo;+
Kabili ku maka ya kwa Lesa wandi kuti naciluka icibumba.+
30 Lelo Lesa wa cine ena, imibele yakwe yalipwililika;+
Icebo ca kwa Yehova calilopololwa.+
Ni nkwela kuli bonse abooba muli ena.+
32 Lesa wa cine e unkaka amaka mu musana,+
Kabili alenga imibele yandi ukufikapo,+
33 Alenga amakasa yandi ukuba nga ya nsebula nkota,+
Na pa ncende ishasansuka e po anjimika.+
35 Kabili mukampeela inkwela yenu iye pusukilo,+
No kuboko kwenu ukwa ku kulyo kukankosha,+
Kabili ukuicefya kwenu kukankusha.+
43 Mukampususha ku fyo abantu banengulula.+
Mukancita intungulushi ya nko.+
Abantu nshaishibe—bakamombela.+
44 Ilyo baumfwa fye pali ine bakaba ne cumfwila kuli ine;+
Bambi bambi bakesa nabaipetamika kuli ine.+
46 Yehova wa mweo,+ kabili cibe icapaalwa Icilibwe candi,+
Kabili asansabikwe Lesa we pusukilo lyandi.+
48 E umpususha ku balwani bandi abakalipa;+
Mukansansabika ukucila abanjimina,+
Mukampokolola ku muntu wa bunkalwe.+
50 Alecitila imfumu yakwe ifya kupususha ifikalamba+
No kuba ne cikuuku ku wasubwa wakwe,+
Kuli Davidi na ku bana bakwe umuyayaya.+
Ku ng’omba nkalamba. Ulwa malumbo ulwa kwa Davidi.
4 Intambo ya iko iya kupiminako yafumina pano isonde ponse,+
Na mu mpela sha pano isonde mwakumana amashiwi ya iko.+
Muli yena e mo atanikila akasuba itenti,+
5 Kabili kali nga shibwinga ilyo afuma mu muputule wakwe;+
Kalasekelela ukubutuka mu nshila ya kako nga filya impalume isekelela ukubutuka mu nshila.+
6 Ukutula kwa kako ni ku mpela ya muulu,
Kabili ukushinguluka kwa kako kupwila ku mpela imbi iya muulu;+
Kabili takuli icabelama ku kukaba kwa kako.+
7 Amafunde+ ya kwa Yehova yalifikapo,+ yalapuupuutula umuntu.+
Ifyo Yehova atwibukishako+ fyalicetekelwa,+ filenga uwapelwa mano ukuba na mano.+
8 Ifipope+ ififuma kuli Yehova fyalyololoka,+ filenga umutima ukusekelela;+
Ifunde+ lya kwa Yehova lyalisanguluka,+ libuutusha pa menso.+
10 Bwalitemwikwa ukucila golde, ukucila golde iyalopololwa iingi;+
Kabili bwalowa ukucila ubuci,+ ukucila uluto lwa mu fipeepe fya buci.+
13 Kabili talusheni umubomfi wenu ku micitile ya kuituntumba;+
Mwileka inteke.+
E lyo nkaba uwapwililila,+
Kabili nkaba uwa kaele kuli bumpulamafunde ubwingi.
14 Lekeni amashiwi ya mu kanwa kandi ne fyo umutima wandi utontonkanyapo+
Fimusekeshe, mwe Yehova, Icilibwe candi icasansuka+ kabili Umulubushi wandi.+
Ku ng’omba nkalamba. Ulwimbo lwa kwa Davidi.
20 Shi Yehova akwasuke mu bushiku bwa bucushi.+
Shi ishina lya kwa Lesa wa kwa Yakobo likucingilile.+
3 Shi ebukishe imituulo yobe yonse iya bupe,+
No mutuulo obe uwa koca aumone ukuti walinona.+ Seʹlah.
5 Tukaaula akapundu pa mulandu wa kupususha kobe,+
Kabili mwi shina lya kwa Lesa wesu e mo tukemisha insalu shesu apalembwa ifishibilo.+
Shi Yehova afishepo ukulomba kobe konse.+
6 Nomba naishiba ukuti Yehova alapususha uwasubwa wakwe.+
Alamwasuka ukufuma mu myulu yakwe iya mushilo+
Ku milimo ikalamba iya kupususha kwa kuboko kwakwe ukwa ku kulyo.+
7 Bamo bacetekela mu maceleta na bambi muli bakabalwe,+
Lelo ifwe twakulalanda pa fyo twacetekela mwi shina lya kwa Yehova Lesa wesu.+
Ku ng’omba nkalamba. Ulwa malumbo ulwa kwa Davidi.
21 Mwe Yehova, mu maka yenu e mo imfumu yasekelela;+
Kabili mu kupususha kwenu e mo ilefwaya ukula-angila!+
6 Pantu mwali-ipaala nga nshi umuyayaya;+
Mwailenga ukuti isansamuke pa mulandu wa kusekelela kwa cinso cenu.+
9 Cikaba kwati mwabapoosa mwi lungu lya mulilo ilyo ikafika inshita ya kubakanda.+
Yehova mu bukali bwakwe akabamina, kabili umulilo ukabapwisha.+
12 Pantu mukabalenga ukufutata no kufulumuka+
Ku nshinga sha buta bwenu isho mwatinta no kutonta pa finso fyabo.+
Ku ng’omba nkalamba pa Nsebula Nkota iya ku Maca. Ulwa malumbo ulwa kwa Davidi.
22 Lesa wandi, Lesa wandi, cinshi mwandekelesesha?+
Cinshi tamulempusushisha,+
Cinshi mushileumfwila inkuuta yandi?+
2 Mwe Lesa wandi, ndililila kuli imwe akasuba, na imwe tamwasuka;+
No bushiku, kabili nshiikala tondolo.+
9 Pantu ni mwe mwamfumishe mu nda,+
Ni mwe mwanengele ukutetekela ilyo nali ncili ku mabele ya kwa mayo.+
Na mafupa yandi yonse yapaatululwa ku yabiye.+
Umutima wandi waba nge pula;+
Wasunguluka mu nda yandi.+
15 Amaka yandi yauma nge ci-inga,+
No lulimi lwandi lwakambatila ku fiponshi;+
Kabili mu lukungu lwa mfwa e mo mwambika.+
16 Pantu imbwa shanshinguluka;+
Ulukuta lwa ncitatubi lwanshinga.+
Balesumaula iminwe yandi na makasa yandi nge nkalamo.+
20 Pokololeni umweo wandi ku lupanga,+
Umweo wandi uwauma umutengo upokololeni ku cisansa ca mbwa;+
21 Mpususheni ku kanwa ka nkalamo,+
Kabili munjasuke no kumpususha ku nsengo sha mboo.+
23 Mwe batiina Yehova, mulumbanyeni!+
Imwe bonse mwe bana ba kwa Yakobo, mucindikeni!+
Kabili mutiineni, imwe bonse mwe bana ba kwa Israele.+
Nangu ukumona ukucula kwa mulanda nge ca bunani;+
Kabili tafisa icinso cakwe kuli ena,+
Kabili ilyo akuutile kuli ena alyumfwile.+
25 Pa mulandu wa fyo mwacita nkamutashisha mu lukuta ulukalamba;+
Imilapo yandi nkafikilisha ku cinso ca bamutiina.+
26 Abafuuka bakalya no kwikuta;+
Bakatasha Yehova abamufwaya.+
Shi imitima yenu ibe no mweo umuyayaya.+
27 Bonse abaikala ku mpela sha pe sonde bakebukisha Yehova no kwalukila kuli ena.+
Kabili indupwa shonse isha nko shikamukontamina.+
29 Bonse abaina aba pano isonde bakalya no kukontama;+
Bonse abatentemukila ku lukungu bakamufukamina,+
Kabili takuli nangu umo uukasunga umweo wakwe.+
Ulwimbo lwa kwa Davidi.
4 Nangu nga naenda mu mupokapoka umwafiita fititi,+
Nshitiina ububi,+
Pantu muli na ine;+
Inkonto yenu no mutambu wenu e finsansamusha.+
5 Mwapekanya itebulo ku cinso candi pa ntanshi ya balwani bandi.+
Mwansuba amafuta ku mutwe;+
Kapu yandi yaisula paa.+
6 Cine cine ubusuma ne cikuuku fikankonka inshiku sha mweo wandi shonse;+
Kabili nkekala mu ng’anda ya kwa Yehova inshiku ishingi.+
Ulwa kwa Davidi. Ulwimbo.
4 Onse uwa kaele mu minwe yakwe kabili uwasanguluka mu mutima,+
Uushimona ngo wa fye,+
Nangu ukulapa ubufi.+
7 “Sumbuleni imitwe yenu, mwe mpongolo,+
Kabili sumbukeni, mwe miinshi ya muyayaya,+
Pa kuti Imfumu ya bukata ingile!”+
8 “Nga kanshi iyi Mfumu ya bukata nani?”+
“Ni Yehova uwakosa kabili uwa maka,+
Yehova uwa maka mu bulwi.”+
9 “Sumbuleni imitwe yenu, mwe mpongolo;+
Sumbuleni imitwe yenu, mwe miinshi ya muyayaya,
Pa kuti Imfumu ya bukata ingile!”+
Ulwa kwa Davidi.
א [ʼAʹleph]
25 Kuli imwe, mwe Yehova, e ko natuula umweo wandi.+
ב [Behth]
2 Mwe Lesa wandi, muli imwe e mo natetekela;+
Mwinenga insoni.
Mwileka bacankwe pali ine abalwani bandi.+
ג [Giʹmel]
3 Kabili, bonse abamutetekela tabakalengwe insoni.+
Bakalengwa insoni abamfutuka lelo bafilwa ukucita ukulingana na mapange yabo.+
ד [Daʹleth]
ה [Heʼ]
ו [Waw]
Muli imwe e mo natetekela akasuba konse.+
ז [Zaʹyin]
ח [Chehth]
7 Mwi-ibukisha imembu shandi isha ku bwaice pamo na bumpulamafunde bwandi.+
Njibukisheni ukulingana ne cikuuku cenu,+
Pa mulandu wa busuma bwenu, mwe Yehova.+
ט [Tehth]
י [Yohdh]
כ [Kaph]
10 Inshila sha kwa Yehova shonse cikuuku ne cishinka
ל [Laʹmedh]
מ [Mem]
נ [Nun]
ס [Saʹmekh]
14 Yehova ni cibusa wa bantu abamutiina,+
Ne cipangano cakwe caba kuli bena, pa kuti abalenge ukucishiba.+
ע [ʽAʹyin]
פ [Peʼ]
צ [Tsa·dhehʹ]
ר [Rehsh]
ש [Shin]
ת [Taw]
22 Mwe Lesa, lubuleni Israele mu mafya yakwe yonse.+
Ulwa kwa Davidi.
26 Mpinguleni,+ mwe Yehova, pantu nyenda muli bukaele bwandi,+
Kabili natetekela Yehova, pa kuti nitalantanta.+
6 Nkasamba iminwe yandi mu kaele,+
Kabili nkashinguluka iciipailo cenu, mwe Yehova,+
7 Ku kulenga ukutasha kumfwike sana,+
E lyo no kubila ifipesha amano fyenu fyonse.+
9 Mwinjipaila pamo na babembu,+
Nangu ukunjipaila pamo na baba no mulandu wa mulopa,+
10 Abo mu minwe yabo mwaba imicitile yabipa,+
Kabili abo ukuboko kwabo ukwa ku kulyo kwaisulamo amafisakanwa.+
12 Ulukasa lwandi lukeminina apabatama;+
Pa kati ka mabumba ayalongene e po nkalumbanishisha Yehova.+
Ulwa kwa Davidi.
27 Yehova e lubuuto+ lwandi kabili e pusukilo lyandi.+
Nani ningatiina?+
Yehova e ucingilila umweo wandi.+
Nani ningatutuma?+
2 Ilyo incitatubi shapaleme kuli ine ku kunsansa,+
E kutila ifibambe fyandi kabili abalwani bandi,+
Shaliipunwine no kuwa.+
3 Nangu abashilika bapanga inkambi pali ine,+
Umutima wandi tawakatiine.+
Nangu inkondo yabuukila ine,+
Na lyo line nkaba ne citetekelo.+
4 Kuli Yehova nalombako fye cimo+—
Ico cine e co ndefwaya,+
Ukuti ndeikala mu ng’anda ya kwa Yehova inshiku shonse isha mweo wandi,+
Pa kutila ndemona ubusuma bwa kwa Yehova+
No kulatamba itempele lyakwe.+
5 Pantu akamfisa mu ca kufisamamo cakwe mu bushiku bwa bubi;+
Akamfisa umwafisama mwi tenti lyakwe;+
Akambika pa muulu pa cilibwe icasansuka.+
6 E lyo nomba umutwe wandi ukaba pa muulu wa balwani bandi abanshinguluka;+
Kabili nkatuula amalambo ya tupundu mwi tenti lyakwe;+
Nkemba no kulumbanishisha Yehova pa cilimba.+
9 Mwifisa icinso cenu kuli ine.+
Mwitamfisha umubomfi wenu ku cipyu cenu.+
Beni kaafwa wandi.+
Mwindekelesha kabili mwinsha, mwe Lesa, mwe pusukilo lyandi.+
11 Nsambilisheni inshila yenu, mwe Yehova,+
Kabili ntungululeni mu nshila ya bulungami pa mulandu wa balwani bandi.
12 Mwimpeela ku fibambe fyandi;+
Pantu inte sha bufi shanjimina,+
Pamo no ufumye fyebo fya lubuli bukali bukali.+
13 Kanshi nga nshakwete icitetekelo ca kumona ubusuma bwa kwa Yehova mu calo ca ba mweo+—!
Ulwa kwa Davidi.
28 Kuli imwe, mwe Yehova, e ko ndilila.+
Mwe Cilibwe candi icasansuka, mwikomeka amatwi kuli ine,+
Pa kuti mwi-ikala tondolo kuli ine+
No kuti niba nga baletentemukila mu nindi.+
2 Umfweni ishiwi lya kupapaata kwandi ilyo nakuuta kuli imwe,
Ilyo nasumbwila amaboko+ yandi ku muputule wa mu kati na nkati uwa mwa mushilo mwenu.+
3 Mwinkulila pamo na babifi ne ncitatubi,+
Abasosa umutende ku banabo+ lelo abo mu mitima yabo mwaba ububi.+
4 Bapeeleni ukulingana ne micitile yabo+
Kabili ukulingana no bubi bwa micitile yabo.+
Ukulingana ne milimo ya maboko yabo e fyo mubape.+
Citeni kuli bena ukulingana ne micitile yabo.+
6 Acindikwe Yehova, pantu aumfwa ishiwi lya kupapaata kwandi.+
7 Yehova e maka+ yandi kabili e nkwela yandi.+
Umutima wandi walimutetekela,+
Kabili nalyafwiwa, ica kuti umutima wandi ulaanga,+
Kabili nkamulumbanya mu lwimbo lwandi.+
Ulwa malumbo ya kwa Davidi.
29 Cindikeni Yehova, mwe bana baume ba mpalume,
Lumbanyeni ubukata bwa kwa Yehova ubukata na maka yakwe.+
7 Ishiwi lya kwa Yehova lilepula ifimabwe ku mingu sha mulilo;+
8 Ishiwi lya kwa Yehova lilenga amatololo ukumoneka nga yalenyongotoka,+
Yehova alenga amatololo ya Kadeshe+ ukumoneka nga yalenyongotoka.
9 Ishiwi lya kwa Yehova lilenga insebula nkota ukucululuka pa kupaapa+
Kabili lipulula imiti ya mu mpanga.+
Kabili mwi tempele lyakwe bonse baleti: “Ubukata!”+
Ulwa malumbo. Ulwimbo lwa pa kusefya kwa kupeela ing’anda.+ Ulwa kwa Davidi.
2 Iye mwe Yehova Lesa wandi, nakuutile kuli imwe, na imwe mwalimposeshe.+
4 Lumbanishisheni Yehova pa filimba, mwe ba cishinka bakwe,+
Tooteleni icibukisho cakwe ica mushilo;+
5 Pantu ubukali bwakwe bwa pa kashita fye,+
Uluse lwakwe lwena lwa nshita yonse iya mweo wa muntu.+
7 Mwe Yehova, pa mulandu wa kuti mufwaya ukuncitila ifisuma mwapampamika ulupili lwandi ku maka yenu.+
Mwafishile icinso cenu; Na ine nalisakamikwe.+
9 Bunonshi nshi buli mu mulopa wandi ilyo natentemukila mu nindi?+
Bushe ulukungu kuti lwamulumbanya?+ Bushe kuti lwasosa pali bucine bwenu?+
11 Ukuloosha kwandi mwakusangula ukucinda;+
Mwankakwila ulusamu,* kabili mwankaka ukusekelela mu musana,+
12 Pa kuti umweo wandi onse umulumbanishishe pa cilimba ukwabula ukuleka.+
Mwe Yehova Lesa wandi, nkamulumbanya umuyayaya.+
Ku ng’omba nkalamba. Ulwimbo lwa kwa Davidi.
2 Teyamikeni ukutwi kwenu kuli ine.+
Mpokololeni bwangu.+
Beni icilibwe candi ica kuncingilila,+
Icubo candi icakosa.+
3 Pantu muli cilibwe candi kabili uwa kuncingilila;+
Na pa mulandu we shina+ lyenu mukantungulula no kunshindika.+
7 Nkaanga no kusekelela mu cikuuku cenu,+
Pantu namumona ukucula kwandi;+
Namwishiba amacushi ya mweo wandi,+
8 Kabili tamumpeele mu minwe ya mulwani.+
Mwalenga amakasa yandi ukwiminina apapabuka.+
9 Mbeleleni uluse, mwe Yehova, pantu ndi mu bwafya ubukalamba.+
Yanaka amenso yandi ku bulanda,+ no mutima wandi no mubili wandi.+
10 Pa mulandu wa bulanda, ubumi bwandi bwapwa,+
Ne myaka yandi yapwa pa mulandu wa kuteta.+
Amaka yandi yacepa pa mulandu wa membu shandi,+
Na mafupa yandi yanaka.+
11 Abalwani bandi+ bonse balansaalula,+
Maka maka abena mupalamano bandi,+
Kabili abanjishiba balantiina.+
Ilyo bamona ndi pa nse, balambutuka.+
12 Ndi ngo muntu uwafwa kabili tabantontonkanyanapo, balindaba;+
Ndi kwati ni nongo iyatobeka;+
13 Pantu ning’umfwa ilyashi ilibi ku bengi,+
Ndetiina no kwenda.+
Ilyo banonganina,+
Bapanga ukunjipaya.+
17 Mwe Yehova, mwileka nengwe insoni, pantu nalilila kuli imwe.+
Lekeni ababifi bomfwe nsoni;+
Lekeni babe tondolo mu Nshiishi.+
18 Lekeni ibulwe amashiwi imilomo ya bufi,+
Iisosa ifyabipa ku walungama,+ iisosa icisosesose mu matutumuko na mu misuula.+
19 Ubusuma bwenu,+ ubo mwasungila abamutiina, bwingi icine cine!+
Ubo mupeela ku booba muli imwe,
Ku cinso ca bana ba bantu.+
20 Mukabafisa mu cifulo cabelama icili apepi na imwe+
Ukubafumya ku kupanga kwa bantu.+
Mukabafisa mu nsakwe yenu ukubafumya ku kuumana kwa ndimi.+
22 Lelo ine, mu kufulumbana kwandi natile:+
“Ndi no kuloba ku mulola wa menso yenu.”+
Na cine mwalyumfwile ishiwi lya kupapaata kwandi ilyo nakuutile kuli imwe.+
23 Temweni Yehova, mwe ba cishinka bakwe bonse.+
Aba cishinka Yehova alabalinda,+
Lelo uwa matutumuko ena alamulundilapo ifingi.+
Ulwa kwa Davidi. Maskili.
32 Alipaalwa uo baeleela ulubembu lwakwe, uo bafimba+ pa lubembu lwakwe.
3 Ilyo natalele amafupa yandi yalipomponteke mu kuteta kwandi akasuba konse.+
4 Ukuboko kwenu ukwafina kwali pali ine akasuba no bushiku.+
Umutonshi wa bumi bwandi walyumine kwati ni mu lusuba.+ Seʹlah.
5 Nasukile nayebelela ulubembu lwandi kuli imwe, kabili nshafishile ubupulumushi bwandi.+
Natile: “Nalayebelela imembu shandi kuli Yehova.”+
Na imwe mwalinjelela pa membu shandi.+ Seʹlah.
6 Pali ici, uwa cishinka onse akapepa kuli imwe+
Pa nshita mwingasangwa.+
Ne lyeshi lya menshi ayengi, talyakafike pali ena.+
7 Muli ca kubelamamo candi; mukancingilila ku bucushi.+
Mukalenga utupundu ukunshinguluka ilyo mukampususha.+ Seʹlah.
8 “Nkakucenjesha no kukusambilisha inshila iyo ufwile ukuyamo.+
Nkakupanda amano ninshi na menso yandi yali pali iwe.+
9 Mwiba nga kabalwe nelyo nge mfalashi, inama ishishiiluka,+
Ishitungululwa ku mukobelo nelyo ku cikakilo+
Ilyo shishilapalama kuli iwe.”+
11 Sekeleleni muli Yehova kabili angeni, mwe balungama;+
Kabili auleni utupundu, imwe bonse mwe baololoka imitima.+
33 Auleni utupundu mwe balungami, pa mulandu wa kwa Yehova.+
Abatambalala e balingile ukumulumbanya.+
6 Ku cebo ca kwa Yehova imyulu yalipangilwe,+
Na ku mupu wa mu kanwa kakwe amabumba ya fya mu myulu yonse yalipangilwe.+
11 Amapange ya kwa Yehova yakeminina umuyayaya;+
Amatontonkanyo ya mutima wakwe ya ku nkulo ne nkulo.+
18 Moneni! Amenso ya kwa Yehova yali pa bantu abamutiina,+
Pa balolela icikuuku cakwe,+
19 Ku kupususha imyeo yabo ku mfwa,+
No kupususha aba mweo ku cipowe.+
21 Pantu muli ena e mo imitima yesu isekelela;+
Pantu mwi shina lyakwe ilya mushilo e mo twatetekela.+
Ulwa kwa Davidi, pa nshita aifungushenye ngo wapena+ kuli Abimeleke, ica kuti alimutamfishe, na o aliile.
א [ʼAʹleph]
ב [Behth]
ג [Giʹmel]
ד [Daʹleth]
ה [Heʼ]
ז [Zaʹyin]
ח [Chehth]
ט [Tehth]
י [Yohdh]
כ [Kaph]
10 Imisepela ya nkalamo ikwata fye utunono no kumfwa insala na kabili;+
Lelo abafwaya Yehova, tabakabulwe icisuma nangu cimo.+
ל [Laʹmedh]
מ [Mem]
נ [Nun]
ס [Saʹmekh]
ע [ʽAʹyin]
פ [Peʼ]
צ [Tsa·dhehʹ]
ק [Qohph]
ר [Rehsh]
ש [Shin]
ת [Taw]
Ulwa kwa Davidi.
3 Kabili buuleni ifumo ne sembe ilya minkubili ku kukumanya abambutusha.+
Soseni kuli ine amuti: “Nine ipusukilo lyobe.”+
4 Balengwe insoni no kuseebana abalelunga umweo wandi.+
Balengwe ukufutatukila ku numa no kubapwisha icilumba abalempangila.+
7 Banyimbila icilindi no kuteyapo isumbu, apabula umulandu;+
Baimbila umweo wandi icilindi apabula umulandu.+
8 Lekeni uboni bumuponene ukwabula ukuti eshibe,+
Kabili isumbu lyakwe ilyo ateyele limwikate;+
Aponenemo no konaika.+
10 Lekeni amafupa yandi yonse yatile:+
“Mwe Yehova, nani uwaba nga imwe,+
Uupususha uwacushiwa ku wamucila amaka,+
No wacushiwa kabili umubusu ku wamwibila?”+
13 Lelo ine, ilyo balwele, nafwele insamu,+
Nacushishe umweo wandi ku kuleka ukulya,+
Ne pepo lyandi lyalebwelela pa cifuba candi.+
14 Pa munandi, na pali munyinane,+
Naendawike ngo uleloosha nyina.+
Pa kuba no bulanda, nasuka nafukama.
15 Lelo ilyo nalesunta balisekelele no kulongana pamo;+
Balonganine ine,+
Balingumine ica kuti nawa na pa nshi ukwabula ukwibukila;+
Bandepawile tupimfya tupimfya kabili tabatalele tondolo.+
17 Mwe Yehova, bushe mwakulalolesha fye ifi fine?+
Mpokololeni ku bonaushi bwabo,+
Kabili pokololeni umweo+ wandi ku misepela ya nkalamo.
19 Mwileka ababa no bulwani kuli ine apabula umulandu basekelele;+
Kumfwa abampata apabula umulandu, mwileka bankonye pa kushibashiba amenso.+
24 Mpinguleni ukulingana no bulungami bwenu, mwe Yehova Lesa wandi,+
Kabili mwileka basekelele pali ine.+
25 Shi besosa mu mitima yabo abati: “Eya, e co umweo wesu walefwaya!”+
Shi besosa abati: “Natumumina.”+
27 Lekeni baule utupundu no kusansamuka abasekelela mu bulungami bwandi,+
Nabalesosa pe abati:+
“Lekeni Yehova acindikwe, uusekelela mu mutende wa mubomfi wakwe.”+
28 Kabili lekeni ululimi lwandi lusose mu kantepentepe pa bulungami bwenu,+
Lusose ne fya kumutasha akasuba konse.+
Ku ng’omba nkalamba. Ulwa kwa Davidi, umubomfi wa kwa Yehova.
3 Amashiwi ya mu kanwa kakwe ya kukalifya kabili ya bucenjeshi;+
Takwete ukushilimuka kwa kucita icisuma.+
6 Ubulungami bwenu bwaba kwati ni mpili sha kwa Lesa;+
Ubupingushi bwenu bwaba nga bemba mukalamba.+
Mupususha umuntu ne nama, mwe Yehova.+
7 Icikuuku cenu, mwe Lesa, calicindama nga nshi!+
Kabili mu cintelelwe ca mapindo yenu e mo abana ba bantu bafisama.+
11 Iye shi lwinjimina ulukasa lwa matutumuko;+
Kabili mwileka ukuboko kwa babifi kunenge ukulubanta.+
Ulwa kwa Davidi.
א [ʼAʹleph]
ב [Behth]
ג [Giʹmel]
ד [Daʹleth]
Kabili utekanye pa kumulolela.+
Wikalipa pa muntu onse uuletunguluka,+
Pa muntu uulefisha amapange yakwe.+
ה [Heʼ]
ו [Waw]
ז [Zaʹyin]
ח [Chehth]
14 Ababifi basomona ulupanga no kutinta ubuta,+
Ku kulenga uwacushiwa no mupiina ukuwa,+
Ku kwipaya abakwata imibele iisuma.+
ט [Tehth]
י [Yohdh]
כ [Kaph]
Kabili abalwani ba kwa Yehova bakayemba ngo mulemfwe;
ל [Laʹmedh]
מ [Mem]
נ [Nun]
25 Nali umulumendo, nomba ninkota,+
Lelo nshatalamona uwalungama nalekeleshiwa,+
Nelyo abana bakwe balelombelesha ifya kulya.+
ס [Saʹmekh]
פ [Peʼ]
צ [Tsa·dhehʹ]
33 Lelo Yehova, takashe uwalungama mu minwe ya mubifi,+
Kabili takamumone ngo mubifi pa kumupingula.+
ק [Qohph]
34 Lolela Yehova no kusunga inshila yakwe,+
Na o akakusansabika ku kupyana icalo.+
Ilyo ababifi bakalofiwa, ukamonako.+
ר [Rehsh]
ש [Shin]
37 Lolesha uwa kaele kabili mona uwaololoka,+
Pantu inshita ya ku ntanshi iya ulya muntu ikaba iya mutende.+
ת [Taw]
40 Kabili Yehova akabafwa no kubapokolola.+
Akabapokolola ku babifi no kubapususha,+
Pantu muli ena e mo bafisama.+
Ulwimbo lwa kwa Davidi, ulwa kulenga ukwibukisha.
3 Takuli apashele apatuntulu mu mubili wandi pa mulandu wa bupingushi bwenu.+
Tamuli umutende mu mafupa yandi pa mulandu wa lubembu lwandi.+
8 Naleka ukumfwa ubukali kabili nashonaulwa icibi;
Nashikitika pa mulandu wa kuteta kwa mutima wandi.+
10 Umutima wandi wakulunkunta nga nshi, amaka nayafuma muli ine,
Kabili ulubuuto lwa menso yandi na lo taluli na ine.+
11 Kumfwa abantemwa na banandi, beminina akatalamukila ukutaluka ku bulwele bwandi,+
Kabili abakaya bandi beminina ukutali.+
12 Lelo abafwaya umweo wandi bateya ifiteyo,+
Na bampangila balanda pa fya kundetela amacushi,+
Kabili ifya bucenjeshi e fyo batepeleshanya akasuba konse.+
13 Lelo ine, nshakomfwe nga filya nkomamatwi ashumfwa;+
Kabili nshakaasamune akanwa kandi nga filya cibulu afilwa ukusosa.+
14 Kabili nali ngo muntu uushumfwa,
Na mu kanwa kandi tamwali ifya kwasuka.
16 Pantu natile: “Ninshi bakasekelela pali ine;+
Ilyo inkasa shandi shikatelententa,+ bakaituumika pali ine.”+
20 Kabili balebwesesha icibi pa cisuma kuli ine;+
Balendwisha lyonse pa mulandu wa kukonkelela icisuma.+
Ku ng’omba nkalamba pali Yedutuni.+ Ulwa malumbo ulwa kwa Davidi.
39 Natile: “Nkalinda imibele yandi+
Pa kuti nibembuka ku lulimi lwandi.+
Nkalama akanwa kandi ku ca kukakako,+
Ilyo umubifi acili pa ntanshi yandi.”+
2 Naikele tondolo ukwabula ukusosa;+
Na pa fisuma nshalesosapo,+
Nashipikishe fye ubukali ubwali mu kati kandi.
3 Umutima wandi walikabile mu nda yandi;+
Mu nshita ya kuteta kwandi umulilo walepya.
Nasosele ku lulimi lwandi, natile:
4 “Mwe Yehova, nengeni ukwishiba impela yandi,+
No bwingi bwa nshiku shandi—ifyo shaba,+
Pa kuti njishibe ifyo ubumi bwandi bwaipipa.+
5 Moneni! Mwacefya inshiku shandi;+
Kabili inshita ya bumi bwandi kuli imwe yaba nge iishabapo.+
Cine fye umuntunse onse, nangu abe uwashangila, tali kantu mupu fye.+ Seʹlah.
6 Cine fye umuntu endauka nge cinshingwa.+
Ca cine ukutabataba kwabo kwa kuicusha fye.+
Atuulika ifintu kabili teshibe uukafilonganya.+
10 Fumyeni pali ine icinkunka cenu icamponena.+
Nafika ku mpela pa mulandu wa bulwani bwa kuboko kwenu.+
11 Ku kufunda kwenu e ko mwalungikila umuntu uulufyanya,+
Kabili mwaonaula ifyo atemwa nga filya icipelebesha+ ca bushiku cicita.
Cine cine umuntunse onse mupu.+ Seʹlah.
12 Umfweni ipepo lyandi, mwe Yehova,
Kabili kutikeni ku nkuuta yandi.+
Ku filamba fyandi mwitalala tondolo.+
Pantu ndi mulebeshi kuli imwe,+
Uwaikalapo fye nge fikolwe fyandi fyonse.+
Ku ng’omba nkalamba. Ulwimbo lwa kwa Davidi.
2 Kabili amfumishe mu cilindi umupooma amenshi,+
Ukumfumya mu matipa ya lutikiti.+
E lyo aimishe inkasa shandi no kushiteka pa cilibwe icasumbuka;+
Apampamike intampulo shandi.+
3 Kabili, abikile ulwimbo lupya mu kanwa kandi,
Ulwa kulumbanya Lesa wesu.+
Abengi bakamona kabili bakatiina,+
No kutetekela Yehova.+
4 Alipaalwa umuntu uwacita Yehova ica kutetekelako cakwe+
Kabili uushalosha icinso cakwe ku bantu abatalama,
Nelyo ku baalukila ku bufi.+
Mwe Yehova Lesa wandi, imilimo yenu iyapesha amano na matontonkanyo yenu kuli ifwe na fyo fingi;+
Takuli uwingalingana na imwe.+
Nga nali no kulanda no kusosa pali ifi fintu,
Fyalifulisha ica kutila te kuti mfipende.+
6 Ilambo no mutuulo tamwafitemenwe;+
Mwakomwene amatwi yandi.+
Tamwalombele umutuulo wa koca no mutuulo wa pa lubembu.+
9 Nalishimika ilyashi lisuma ilya bulungami mu kati ka lukuta ulukalamba.+
Moneni! Nshilesha imilomo yandi.+
Imwe mwe Yehova, mwalishiba bwino ulwa ici.+
10 Ubulungami bwenu nshabufisa mu kati ka mutima wandi.+
Icishinka cenu no kupususha kwenu nalibila.+
Nshafisa icikuuku cenu ne cine cenu mu lukuta ulukalamba.”+
12 Pantu amacushi yalimfulile ica kuti nafilwa no kuyapenda.+
Imembu shandi shalifulile ica kuti nafilwa no kumona;+
Shafulile ukucila umushishi wa ku mutwe wandi,+
No mutima wandi walinshiile.+
14 Lekeni bomfwe insoni kabili baseebane bonse+
Abalefwaya ukulofya umweo wandi.+
Nabaluluke no kuseebana abalesekelela pa bubi ubwamponena.+
15 Lekeni batulumune amenso pa kupeshiwa amano pa mulandu wa nsoni shabo+
Abaleti kuli ine: “Te apa nomba!”+
16 Lekeni baange no kusekelela muli imwe,+
Bonse abamufwaya.+
Lekeni abatemwa ukupususha kwenu balesosa abati:+
“Acindikwe Yehova.”+
17 Lelo ine nalicula kabili ndi mupiina.+
Yehova alantontonkanyapo.+
Ni mwe kaafwa wandi kabili Uwa kumpususha.+
Mwe Lesa wandi, mwikokola.+
Ku ng’omba nkalamba. Ulwa malumbo ulwa kwa Davidi.
2 Yehova akamulinda no kumupususha.+
Akebwa ukuti alipaalwa mwi sonde;+
Kabili te kuti umupeele ku balwani bakwe abamufwaya.+
3 Yehova akamwafwa ilyo ali pa busanshi bwa kulwala kwakwe;+
Mukamusakamana mu kulwala kwakwe konse.+
5 Abalwani bandi, bena basosa ifyabipa pali ine abati:+
“Ni lilali akafwa kabili ni lilali ishina lyakwe likaloba?”
6 Kabili umuntu nga aisa ku kumpempula, ninshi ali ne pange lya kumbepa ubufi mu mutima wakwe;+
Akafwaya ifili fyonse ifya kunkalifya;
Akafuma; akafilandila pa nse.+
11 Kuli ici e ko naishibila ukuti mulasekelela muli ine.
Pantu umulwani tawelesha ukuwelesha kwa kuncimfya.+
13 Acindikwe Yehova Lesa wa kwa Israele+
Ukufuma umuyayaya ukufika umuyayaya.+
Cibe ifyo fine, Ameni.+
IBUUKU LYA BUBILI
(Amalumbo 42 – 72)
Ku ng’omba nkalamba. Maskili wa bana ba kwa Kora.+
2 Cine cine umweo wandi ufwaisha Lesa,+ Lesa wa mweo.+
Ni lilali nkesa no kumonekela ku cinso ca kwa Lesa?+
3 Ifilamba fyandi fili kuli ine nge ca kulya akasuba no bushiku,+
Ilyo balesosa kuli ine akasuba konse abati: “Ali kwi Lesa obe?”+
4 Ifi fintu nkafibukisha, kabili umutima wandi ukacula sana ilyo nkalafibukisha.+
Pantu nale-endela pamo ne bumba ilikalamba,
Nale-enda panono panono pa ntanshi yabo ukuya ku ng’anda ya kwa Lesa,+
Ne shiwi lya kwaula no kutootela,+
Ilye bumba lya balesefya umutebeto.+
5 Cinshi wasakamikilwa, we mutima wandi,+
Cinshi wakulunkuntila muli ine?+
Lolela Lesa,+
Pantu nkamutootela pa kuba umupusushi wandi.+
6 Mwe Lesa wandi, umutima wandi nausakamikwa.+
E co mwibukishisha,+
Ukutula ku Yordani ne mpili sha Hermone,+
Ukutula ku lupili lunono.+
7 Bemba abilikisha kuli bemba
Mu congo ca kupongoloka kwa menshi yenu.
Amatamba yenu yonse na mabimbi yenu yonse+—
Fyampita pa muulu.+
8 Yehova akabomfya icikuuku cakwe mu kasuba,+
Kabili ubushiku nkalaimba ulwimbo lwakwe;+
Nkalapepa kuli Lesa wa bumi bwandi.+
9 Nkatila kuli Lesa icilibwe candi icasansuka:+
“Cinshi mwandabila?+
Cinshi nyendela no bulanda pa mulandu wa kutitikisha kwa mulwani?”+
10 Kwati filaso fya mfwa mu mafupa yandi e fyo abampata banseebanya,+
Ilyo balesosa kuli ine akasuba konse abati: “Ali kwi Lesa obe?”+
11 Cinshi wasakamikilwa, we mutima wandi,+
Kabili cinshi wakulunkuntila muli ine?+
Lolela Lesa,+
Pantu nkamutootela pa kuba umupusushi wandi umukalamba kabili Lesa wandi.+
Kabili ndubulwileniko umulandu+ ku luko ulushaba na cishinka.
Ku muntu wa bufi kabili uushalungama mumpusushe.+
2 Pantu imwe mwe Lesa muli cubo candi.+
Cinshi mwandekelesesha?
Cinshi ndeendela no bulanda pa mulandu wa kutitikishiwa no mulwani?+
3 Tumeni ulubuuto lwenu ne cine cenu.+
Lekeni fintungulule.+
Lekeni fimfishe ku lupili lwenu ulwa mushilo na ku ng’anda yenu iya lulumbi.+
4 Kabili nkaya ku ciipailo ca kwa Lesa,+
Kuli Lesa wandi uo nsekelelamo nga nshi.+
Kabili nkamutootela pali nsango, mwe Lesa, Lesa wandi.+
5 Cinshi ico wabela no bulanda, we mutima wandi,+
Cinshi ico umutima wandi wakulunkuntila?
Lolela Lesa,+
Pantu nkamutootela pa kuba umupusushi wandi umukalamba kabili Lesa wandi.+
Ku ng’omba nkalamba. Ulwa bana baume ba kwa Kora.+ Maskili.
44 Mwe Lesa, mu matwi yesu e mo twayumfwila,
Bashifwe balitulondolwela+
Imilimo iyo mwabombele mu nshiku shabo,+
Mu nshiku sha ku kale.+
2 Ni mwe mwatamfishe inko ku kuboko kwenu,+
Kabili ni mwe mwashilimbile.+
Mwaile mulesalanganya inko no kushitamfya.+
3 Pantu te ku lupanga lwabo bapokele icalo,+
Kabili te kuboko kwabo ukwabaleteele ipusukilo.+
Lelo yali minwe yenu iya ku kulyo no kuboko+ kwenu no lubuuto lwa cinso cenu,
Pantu mwasekelele muli bena.+
10 Mutulenga lyonse ukufutatwile numa shesu ku balwani besu,+
Na batupata icine cine bapokolola ifipe fyesu.+
13 Mwatuseebanya ku bena mupalamano besu,+
Mwatulenga ukuba ica kupumya kabili ica kuwela kuli bonse abatushinguluka.+
14 Mwalenga aba mu nko baletulandapo mu nsoso sha manshoko,+
Ica kupukunyako umutwe ku bantu na bantu.+
15 Akasuba konse ukuseebana kwandi kuli pa ntanshi yandi,
Ne nsoni nashimfimba pa menso,+
16 Pa mulandu we shiwi lya ulenseebanya no kunsaalula,
Pa mulandu wa mulwani no ulemulandwila.+
18 Imitima yesu tayafutatukila ku numa pa kubulwa icitetekelo,+
Kabili intampulo shesu tashapaatukamo mu nshila shenu.+
20 Nga twalilaba ishina lya kwa Lesa wesu,
Nelyo nga ca kuti twatambulwile amaboko yesu no kupepa lesa umbi umbi,+
21 Bushe Lesa takafwailishe ici umwine?+
Pantu alishiba inkama sha mu mutima.+
Ku ng’omba nkalamba pa Maluba. Ulwa bana ba kwa Kora. Maskili. Ulwimbo lwa banakashi batemwikwa.
45 Umutima wandi wakulunkuntila umulandu usuma.+
Ndetila: “Imilimo yandi ikumine mfumu.”+
Shi ululimi lwandi lube nga kalembelo+ ka wacenjela ukukopolola.+
2 Mwandi waliyemba ukucila abana baume ba bantu.+
Ukuyemba kwaitikila pa milomo yobe.+
E co Lesa akupaalila umuyayaya.+
4 Kabili mu bucindami bobe kabiye ulecimfya;+
Nina pali kabalwe obe pa mulandu wa cishinka no kuiceefya no bulungami,+
Kabili ukuboko kobe ukwa ku kulyo kukakulanga ifya kutiinya.+
6 Lesa e cipuna cobe ica bufumu umuyayaya, umuyayaya;+
Inkonto ya bufumu bobe ni nkonto ya bulungami.+
7 Walitemwa ubulungami+ kabili wapata ifyabipa.+
E mulandu wine Lesa, Lesa obe,+ akusubila+ amafuta aya kwaanga+ ayengi ukucila abanobe.+
8 Ifya kufwala fyobe fyonse finunkila muri* na aloye na kasia;+
Mwi sano lyapuulama ilya meno ya nsofu+ ifilimba fya nsale fyakulenga ukusekelela.
9 Abana banakashi+ ba mfumu bali pa banakashi bobe abo watemwisha.
Namfumu+ aiminina ku kuboko kobe ukwa ku kulyo nafwala golde ya ku Ofiri.+
10 Umfwa, we mwana mwanakashi, no kumona, kabili teyamika ukutwi kobe;
Laba abantu bobe ne ng’anda ya kwa wiso.+
12 Umwana mwanakashi wa ku Turi na o e po ali ne ca bupe+—
Abakankaala ba mu bantu baesha ukukunakilisha.+
13 Umwana mwanakashi wa mfumu aba no bukata bonse mu kati ka ng’anda;+
Mu fya kufwala fyakwe balipikwilamo utwa golde.
14 Akaletwa ku mfumu mu fya kufwala fyapikulwa.+
Aletwa kuli iwe pamo na banankwe, banacisungu abali ku numa yakwe.+
15 Bakaletwa no kusekelela no kwaanga;
Bakengila mwi sano lya mfumu.
17 Nkalumbula ishina lyenu mu nkulo shonse ishikesa.+
E co abantu na bantu bakamulumbanishisha umuyayaya, kabili pe na pe.
Ku ng’omba nkalamba. Ulwa bana ba kwa Kora+ pa Bakashana. Ulwimbo.
2 E co tushakatiinine, nangu isonde lyaluke+
Kabili nangu impili shikunkulukile mu kati ka bemba mukalamba;+
3 Nangu amenshi ya uko yalulunkane no kufuluka,+
Nangu impili shitente ku kutumbana kwa yako.+ Seʹlah.
4 Kwaba umumana uo amenshi ya uko yalenga umusumba wa kwa Lesa ukusekelela,+
Ing’anda ya lulumbi iya mushilo nga nshi iya Wapulamo.+
6 Inko shalilulunkene,+ amabufumu yalitentele;
Isonde lyalisungulwike kwi shiwi lyakwe ilyo asosele.+
9 Alelenga inkondo ukupwa ukufika ku mpela sha pano isonde;+
Ubuta abukontola kabili aputaula ne fumo;+
Aoca na maceleta mu mulilo.+
Ku ng’omba nkalamba. Ulwa bana ba kwa Kora. Ulwimbo.
47 Mwe bantu na bantu bonse, tooteni.+
Welesheni ukuwelesha kwa kucimfya kuli Lesa mwi shiwi lya kwaula.+
6 Lumbanyeni Lesa pa filimba, mulumbanishisheni pa filimba.+
Lumbanyeni Imfumu yesu pa filimba, ilumbanishisheni pa filimba.
9 Abakankaala ba mu nko balongana,+
Pamo na bantu ba kwa Lesa wa kwa Abrahamu.+
Pantu ababa nge nkwela pano isonde ba kwa Lesa.+
Anina apasansuka icine cine.+
Ulwimbo. Ulwa bamwana Kora.+
48 Yehova mukulu kabili alinga ukutasha+
Mu musumba wa kwa Lesa wesu,+ mu lupili lwakwe ulwa mushilo.+
2 Icasansuka ubusaka, ico abantu bonse pe sonde baangilapo,+
Lupili lwa Sione ulwaba mu mbali sha ku kapinda ka ku kuso akabela ukutali,+
Umusumba wa Mfumu Nkulu.+
3 Mu mayanda ya uko aya pa malinga Lesa aishibikwa ukuti cubo.+
7 Ku mwela wa ku kabanga mwatobawilako ingalaba sha ku Tarshishi.+
8 Filya fine twaumfwa, e fyo twamona+
Mu musumba wa kwa Yehova wa mabumba, mu musumba wa kwa Lesa wesu.+
Lesa akaupampamika umuyayaya.+ Seʹlah.
10 Ukumutasha, mwe Lesa, kwaba nge shina lyenu+
Ukufika ku mpela sha pano isonde.
Ukuboko kwenu ukwa ku kulyo kwaisulamo ubulungami.+
11 Shi nalusekelele Ulupili lwa Sione,+
Naisekelele imishi ya kwa Yuda,+ pa mulandu wa bupingushi bwenu.+
13 Bikeni imitima yenu pe linga lya uko.+
Lolekesheni amayanda ya uko aya pa malinga,
Pa kuti mukalondolwele aba nkulo ya ku ntanshi.+
Ku ng’omba nkalamba. Ulwa bamwana Kora.+ Ulwa malumbo.
49 Umfweni ici, mwe bantu na bantu bonse.
Kutikeni, imwe bonse mwe bekashi ba mu nkulo ne nkulo,+
2 Mwe bana ba bantunse na mwe bana ba bantu,
Mwe ba fyuma na mwe bapiina bonse pamo.+
6 Abatetekela mu fyuma fyabo,+
Kabili abaitakishisha pa fyuma fyabo ifingi,+
7 Tapali nangu umo pali aba uwingalubula nangu fye ni munyina,+
Nelyo ukupeela kuli Lesa ica kumulubwilako;
8 (Kabili umutengo wa kulubwilako umweo wabo ukalamba icine cine+
Ica kuti washala fye ukwabula ukulipilwa umuyayaya)
9 Pa kuti ekale umuyayaya no kukanamona inindi.+
10 Pantu alamona na ba mano balefwa,+
Bonse uwatumpa no ushakwata amano balafwa,+
No kusha kuli bambi ifyuma fyabo.+
11 Ukufwaya kwabo kwa kuti amayanda yabo yekalilile umuyayaya,+
Amekalo yabo yekalilile ku nkulo ne nkulo.+
Bainika impanga shabo amashina yabo.+
14 Babalingila ukuya ku Nshiishi kwati ni mpaanga;+
Imfwa e ikabacema;+
Kabili abalungama bakabateka ulucelo,+
Ne mibili yabo ili no konaulwa;+
Ukucila ukwikala apasansabala, ubwikalo bwabo buli mu Nshiishi.+
16 Witiina pa mulandu wa kuti umuntu umo anonka icuma,+
Pa mulandu wa kuti ubukata bwa ng’anda yakwe bulekula,+
18 Pantu ilyo aali no mweo alepaala umweo wakwe;+
(Kabili abantu bakakutootela pantu waicitila icisuma)+
Ulwimbo lwa kwa Asafi.+
50 Yehova,+ Lesa Uwa Maka,+ nasosa,+
Kabili aita isonde,+
Ukufuma ku kutula kwa kasuba ukufika ku kuwa kwa kako.+
2 Mu Sione, umusumba uwayemba nga nshi,+ e mo Lesa abengeshima.+
3 Lesa wesu akesa kabili te kuti ekale tondolo.+
Ku ntanshi yakwe kuli umulilo uuleoca,+
Kabili inkuuka ya mwela uukalamba naimushinguluka.+
7 “Umfweni mwe bantu bandi, na ine nalasosa,+
Umfwa we Israele, na ine nalakushinina.+
Nine Lesa, Lesa obe.+
8 Nshilekukalipila pa malambo yobe,+
Nelyo pa mituulo yobe iituntulu iya koca iili pa ntanshi yandi pe.+
10 Pantu inama sha mu mpanga shonse isha mu mutengo shandi,+
Ne nama ishaba mu mpili ikana limo (1,000) na sho shandi.+
11 Nalishiba bwino bwino ifya mweo fyonse ifya mapindo ifya mu mpili,+
Ne mikuni ya nama sha mu mpanga na yo yandi.+
14 Tuula kuli Lesa ilambo lya kutootela,+
Kabili fisha imilapo yobe ku Wapulamo;+
15 Kabili kuuta kuli ine mu nshita ya bucushi.+
Nkakupokolola, na iwe ukancindika.”+
16 Lelo ku mubifi Lesa akatila:+
“Ni nsambu nshi ukwete isha kutantawila ifipope fyandi,+
No kuti ulesosa icipangano candi mu kanwa kobe?+
20 Wikala na bantu bambi no kulalanda ifibi pali munonko,+
Umwana mwaume wa kwa noko ulamufwailisha ifilubo.+
21 Ifi fintu walicita, na ine natalele fye.+
Waleti kuti naba nga iwe.+
Nalakukalipila,+ kabili nalakulondolwela bwino bwino imilandu yobe.+
23 Uuletuula ilambo lya kutootela ngo mutuulo wakwe e uncindika;+
Kumfwa uwapampamina ukwenda mu nshila yandi,
Nkamulenga ukumona ipusukilo muli Lesa.”+
Ku ng’omba nkalamba. Ulwimbo lwa kwa Davidi. Ilyo Natani kasesema aile kuli ena ilyo aulungene na Bati-sheba.+
51 Mbeleleni uluse mwe Lesa, ukulingana ne cikuuku cenu.+
Ukulingana ne nkumbu shenu ishingi fumyenipo ububi ubo ncitile.+
4 Kuli imwe, imwe mweka fye, e ko nabembuka,+
Kabili ncitile icabipa mu menso yenu,+
Awe mulalungika mu fyo mulanda,+
Kabili ukupingula kwenu kwaliba fye bwino.+
6 Moneni! Musekelela mu cishinka icili mu kati ka mutima;+
Kabili nengeni ukwishiba amano yene yene mu mutima wandi.+
10 Lengeni muli ine umutima uwasanguluka, mwe Lesa,+
Kabili bikeni muli ine umupashi uupya, uwashangila.+
12 Bwesesheni kuli ine ukusekelela nsanga mu kupususha kwenu,+
Kabili muntungilile ku mutima wa kuitemenwa.+
14 Mpokololeni ku mulandu wa kusuumya umulopa,+ mwe Lesa, Lesa we pusukilo lyandi,+
Pa kuti ululimi lwandi lwingalondolola pa lwa bulungami bwenu ne nsansa.+
17 Amalambo ya kuli Lesa mutima uwa bulanda;+
Umutima uwa bulanda kabili uwasakamikwa, tamwakausuule, mwe Lesa.+
E lyo ing’ombe ishilume shikatuulwa pa ciipailo cenu.+
Ku ng’omba nkalamba. Maskili. Ulwa kwa Davidi, ilyo Doege umwina Edomu aebele Shauli ati Davidi aile ku ng’anda ya kwa Ahimeleke.+
5 Kabili Lesa akakonaula umuyayaya;+
Akakuwisha no kukulepaula mwi tenti lyobe,+
Kabili akakunukula mu calo ca ba mweo.+ Seʹlah.
7 Moneni umuntu uushicita Lesa nge ca kushinamo cakwe,+
Lelo uutetekela mu kufula kwa cuma cakwe,+
Uuba mu macushi ya bambi ayo alenga.+
8 Lelo ine nkaba ngo muolife+ uwalelema mu ng’anda ya kwa Lesa;
Natetekela mu cikuuku ca kwa Lesa umuyayaya umuyayaya.+
9 Nkamulumbanya umuyayaya, pantu mwacitapo cimo;+
Kabili nkasuubila mwi shina lyenu, pantu lisuma, ku cinso ca ba cishinka benu.+
Ku ng’omba nkalamba pali Mahalati.+ Maskili. Ulwa kwa Davidi.
53 Umuwelewele asosa mu mutima wakwe ati:
“Takwaba Yehova.”+
Bacita imilimo ya boni kabili bacita ifya kuselausha mu bubifi;+
Takuli uucita icisuma.+
2 Lelo Lesa ukufuma ku muulu alolesha pa nshi pa bana ba bantu,+
Ku kumona nga pali uwa mucetekanya, nga pali uulefwaya Yehova.+
3 Bonse fye nabafutatuka, imibele yabo bonse naibipa;+
Takuli uulecita icisuma,+
Takuli fye nangu umo.
4 Bushe incitatubi tashaishiba,+
Apo shilya abantu bandi nga filya shilya ifya kulya?+
Na kuli Yehova tashilililako.+
5 Pali ilya nshita baiketwe umwenso ukalamba,+
Nangu ca kuti takwali ica kubaletela umwenso;+
Pantu Lesa akasalanganya amafupa ya onse uwapanga inkambi ku kulwa na iwe.+
Ukabalenga insoni, pantu Yehova nabakaana.+
6 Iye, kanshi mu Sione nge mwali ipusukilo ilikalamba kuli Israele!+
Ilyo Yehova akabwesha abantu bakwe bankole,+
Yakobo akaanga, Israele akasamwa.+
Ku ng’omba nkalamba pa filimba fya nsale. Maskili. Ulwa kwa Davidi. Ilyo abena Sifi baishile no kusosa kuli Shauli abati: “Bushe Davidi tabelama muli ifwe?”+
3 Pantu kuli abantu bambi bambi abanjimine,
Na bantu ba lucu abalefwaya umweo wandi.+
Tababika Lesa pa ntanshi yabo.+ Seʹlah.
Ku ng’omba nkalamba pa filimba fya nsale. Maskili. Ulwa kwa Davidi.
2 Bikeni amano pali ine kabili njasukeni.+
Nimfilwa ukutuusha pa mulandu wa kusakamikwa,+
Kabili ninsakamikwa,
3 Pa mulandu we shiwi lya mulwani, pa mulandu wa kutitikisha kwa mubifi.+
Pantu batwalilila ukuponesha pali ine icabipa,+
Kabili bampatila mu cipyu.+
7 Moneni! Kuti napupukila ukutali sana;+
Kuti naikala mu mpanga.+—Seʹlah—
8 Kuti nayangufyanya ukuya ukwa kuuba
Uko ningabelama ku cipuupu ca mwela, atemwa inkuuka.”+
9 Mwe Yehova, fulunganyeni no kupusanya indimi shabo,+
Pantu nimona ubunkalwe no kukansana mu musumba.+
10 Akasuba no bushiku balaushinguluka pa muulu wa malinga ya uko;+
Kabili buncitatubi no kucululusha fili mu kati ka uko.+
12 Pantu te mulwani anseebenye;+
Aba ni o kuti nashipikisha.
Te wampata icine cine aituumike pali ine;+
Aba ni o kuti nabelama kuli ena.+
13 Lelo ni we, we mwina kufwa, we wali nga ine,+
We munandi kabili umukaya wandi,+
14 Pantu twali abatemwana nga nshi;+
Twale-enda ibumba ukwingila mu ng’anda ya kwa Lesa.+
15 Lekeni imishi yabo yonaulwe!+
Lekeni batentemukile ku Nshiishi aba mweo;+
Pantu pa nshita ya kulebela kwabo ifyabipa fyaba na bo.+
17 Icungulo no lucelo na kasuba pa kati naba uwasakamikwa kabili ndateta,+
Na o alomfwa ishiwi lyandi.+
Uwaikala pa cipuna ca bufumu ukufuma ku kale+—Seʹlah—
Abantu abashaluka+
Kabili abashabala abatiina Lesa.+
21 Amashiwi ya mu kanwa kakwe yalitelela ukucila umukaka watikama,+
Lelo umutima wakwe wa lubuli.+
Amashiwi yakwe yalinakilila ukucila amafuta,+
Lelo yaba nga bapanga abasomonwa.+
23 Lelo imwe, mwe Lesa, mukabatentemushisha pa nshi mu cilindi.+
Kumfwa abantu ba milopa kabili incenjeshi tabakafishe na hafu wa nshiku shabo.+
Lelo ine, nkamutetekela.+
Ku ng’omba nkalamba pa Nkunda iyaba Tondolo iili pa baba ukutali. Ulwa kwa Davidi. Miktamu. Ilyo abaPelishiti bamwikete mu Gati.+
56 Mbeleleni uluse mwe Lesa, pantu umuntunse umwina kufwa antakaanya.+
Alwa na ine akasuba konse, no kuncusha.+
3 Ubushiku bonse ubo nkomfwamo umwenso, nkamutetekela.+
4 Muli Lesa e mo nkatashisha icebo cakwe.+
Natetekela muli Lesa; Nshakatiine.+
Cinshi umuntunse engancita?+
8 Mwalinemba ukuti ndi mbutushi.+
Bikeni ifilamba fyandi mu nyambi yenu.+
Bushe tafyalembwa mwi buuku lyenu?+
9 Pali ilya nshita abalwani bandi bakapilibuka, pa bushiku nkakuuta;+
Ici cena ninjishiba bwino, ukuti Lesa aba kuli ine.+
13 Pantu mwapokolola umweo wandi ku mfwa+—
Bushe tamufumishe amakasa yandi ku kuipununa?+—
Pa kuti nyende ku cinso ca kwa Lesa mu lubuuto lwa ba mweo.+
Ku ng’omba nkalamba. “Mwionaula.” Ulwa kwa Davidi. Miktamu. Ilyo abutukiile mu lucengo,+ pa mulandu wa kwa Shauli.
57 Mbeleleni uluse, mwe Lesa, mbeleleni uluse,+
Pantu muli imwe e mo umweo wandi wauba;+
Na mu cintelelwe ca mapindo yenu e mo nauba yasuka amacushi yapita.+
2 Nalilila kuli Lesa Uwapulamo, kuli Lesa wa cine uulepwisha amacushi pa mulandu wandi.+
3 Akatuma ubwafwilisho ukufuma ku muulu no kumpususha.+
Akafulunganya uule-esha ukunjikatila ku kanwa.+ Seʹlah.
Lesa akatuma icikuuku cakwe ne cishinka cakwe.+
4 Umweo wandi uli pa kati ka nkalamo;+
Te kuti inambalale pa kati ka nama ishilya abana ba bantu,
Ishakwata ameno ayaba kwati mafumo ne mifwi,+
Kabili ishakwata ululimi ulwatwa ngo lupanga.+
6 Bateya isumbu pa kuti inkasa shandi shikatwemo;+
Umweo wandi waba no bulanda.+
Baimba ku ntanshi yandi ubucinga;
Bawilamo abene.+ Seʹlah.
7 Umutima wandi uli uwa cishinka, mwe Lesa,+
Umutima wandi uli uwa cishinka.
Nkamwimbila kabili nkamulumbanishisha pa cilimba.+
Ku ng’omba nkalamba. “Mwionaula.” Ulwa kwa Davidi. Miktamu.
58 Bushe kuti mwalanda pa bulungami ilyo mwikele fye tondolo?+
Bushe kuti mwapingula mu bulungami, mwe bana ba bantu?+
2 Awe, lelo imwe mu mitima yenu mucita ifyapondama mu calo,+
Kabili muteyanya inshila ku kucita ububi ku minwe yenu!+
3 Ababifi baba abapondama ukufuma fye mwi fumo;+
Ukufuma fye mwi fumo bena balulumba fye;
Basosa ubufi.+
4 Ubusungu bwabo bwaba ngo busungu bwa nsoka,+
Bakoma amatwi nga ngoshe uwakomeka amatwi,+
5 Uushingomfwa kwi shiwi lya baishiba umuti wa nsoka,+
Nangu engalanda shani uwaishiba ifya kusembeleka.+
6 Mwe Lesa, basokoleni ameno mu tunwa twabo.+
Tobauleni insekete sha misepela ya nkalamo, mwe Yehova.
9 Ilyo impoto shenu shicili tashilaumfwa umulilo wa kalanangwa,+
Akakukulwila kumo kalanangwa umubishi no wapya ku mwela uukali.+
11 Kabili abantu bakatila:+ “Cine cine kwaliba icilambu ku walungama.+
Cine cine kwaba Lesa uupingula pano isonde.”+
Ku ng’omba nkalamba. “Mwionaula.” Ulwa kwa Davidi. Miktamu. Ilyo Shauli atumine aba kuyalinda ing’anda pa kuti bamwipaye.+
3 Pantu moneni! balaalilila umweo wandi;+
Abakosa banjimina,+
Te pa bupulumushi bwandi, nelyo pa lubembu lwandi, mwe Yehova.+
5 Kabili imwe, mwe Yehova Lesa wa mabumba, ni mwe Lesa wa kwa Israele.+
Shibukeni no kulolesha pa nko shonse.+
Mwibelela uluse bashikamfutu bonse ababipa.+ Seʹlah.
11 Mwibepaya, pa kuti abantu bandi belaba.+
Ku maka yenu balengeni balulumbe,+
Kabili beshisheni pa nshi, mwe Yehova inkwela yesu,+
12 Pa mulandu wa lubembu lwa tunwa twabo, amashiwi ya pa milomo yabo;+
Kabili shi nabekatwe mu cilumba cabo,+
Na pa kutiipa no bufi ubo bapangila libela.
13 Balofyeni ku bukali bwenu;+
Balofyeni, pa kuti bebapo;
Kabili shi nabeshibe ukuti Lesa e uteka muli Yakobo ukufika na ku mpela sha pano isonde.+ Seʹlah.
16 Lelo ine, nkemba pa lwa maka yenu,+
Kabili ulucelo nkalondolola pa cikuuku cenu mu nsansa.+
Pantu muli cubo candi+
Kabili ukwa kufulumukila mu bushiku bwa kupelelwa.+
17 Mwe Maka yandi, nkamulumbanishisha pa cilimba,+
Pantu Lesa e cubo candi, ni Lesa uwaba ne cikuuku kuli ine.+
Ku ng’omba nkalamba pe Luba lya Kwibukishishako. Miktamu. Ulwa kwa Davidi. Ku kufunda.+ Ilyo alwile na Aramu-naharaimu na Aramu-Soba, na Yoabu abwelele no kwipayapo abena Edomu amakana ikumi na yabili (12,000) mu Mupokapoka wa Mucele.+
4 Mwapeela icishibilo ku bamutiina+
Pa kuti bafulumuke ukufulumuka kwa kuti baya uku kabili babwelela uku pa mulandu wa kutiina ubuta. Seʹlah.
6 Lesa nasosa muli bumushilo bwakwe ati:+
“Nkaanga, kabili Shekemu+ e o nkakupeela;
Kabili nkapima ilungu lya Sukote.+
7 Gileadi wandi na Manase wandi,+
Na Efraimu mwa kuuba intungulushi yandi;
Yuda ni nkonto yandi nga ilya iikwata umukalamba wa bashilika.+
Ku ng’omba nkalamba pa filimba fya nsale. Ulwa kwa Davidi.
2 Umutima wandi wanakuka, kabili ndelilila kuli imwe ukufuma ku mpela ya pano isonde.+
Ntungululeni ku cilibwe icasansuka ukuncila.+
6 Mukalundako inshiku na shimbi ku nshiku sha mfumu;+
Imyaka ya iko ikafula nge myaka ya ku nkulo ne nkulo.+
8 Nakulalumbanishisha ishina lyenu pa cilimba umuyayaya,+
Pa kuti ndefishapo imilapo yandi ubushiku no bushiku.+
Ku ng’omba nkalamba pali Yedutuni. Ulwimbo lwa kwa Davidi.
2 E cilibwe candi icasansuka kabili e pusukilo lyandi, icubo candi;+
Nshakatelentenshiwe ica kuti nawa no kuwa.+
3 Mukafisha lilali ukupangila ukusansa umuntu uo mulefwaya ukwipaya?+
Bonse muli nge cibumba icatundama, nge cibumba icili mupepi no kuwa.+
4 Bapanda amano ya kulembeleka umuntu ukumufumya ku bukata bwakwe;+
Balomfwa bwino ukubepa.+
Ku tunwa twabo balapaala, lelo mu mitima yabo balatiipa.+ Seʹlah.
7 Ipusukilo lyandi no bukata bwandi fifuma kuli Lesa.+
Icilibwe candi icakosa, kabili icubo candi, ni muli Lesa.+
8 Mutetekeleni inshita yonse, mwe bantu.+
Mupongolweleni ifyaba mu mitima yenu.+
Lesa e cubo cesu.+ Seʹlah.
9 Ca cine abana ba bantu mupu,+
Abana ba muntunse cubo ca bufi.+
Nga bonse babikwa pali sekelo no mupu wafinapo.+
10 Mwitetekela mu bucenjeshi,+
Nelyo ukucetekela mu cintu ica fye, e kutila mu bupuupu.+
Ifyuma nga fyasanduluka, mwibikako imitima yenu.+
12 Kabili icikuuku na co cenu, mwe Yehova,+
Pantu mubwesesha umuntu onse ukulingana ne milimo yakwe.+
Ulwa malumbo ulwa kwa Davidi, ilyo ali mu matololo ya mu Yuda.+
63 Mwe Lesa, ni mwe Lesa wandi, lyonse ndamufwaya.+
Umweo wandi ufwaisha imwe.+
Umubili wandi wanaka nga nshi pa mulandu wa kumufuluka
Mu mpanga iyauma kabili iyatembuka, umushaba menshi.+
11 Kabili imfumu ikasekelela muli Lesa.+
Onse uulapa muli ena akaitakisha,+
Pantu akanwa ka basosa ubufi kakacilikwa.+
Ku ng’omba nkalamba. Ulwa malumbo ulwa kwa Davidi.
64 Mwe Lesa, umfweni ishiwi lyandi ilyo ndeilishanya.+
Cingilileni ubumi bwandi ku fintiinya fya balwani bandi.+
5 Lyonse balanda fye imilandile yabipa;+
Balanda pa lwa kuteya ifiteyo.+
Batila: “Nani uwingafimona?”+
6 Bakonkanyapo ukufwaya ifishalungama;+
Nabafisa ipange lya bucenjeshi ilyo bapangile,+
Kabili mu nda ya muntu umo umo, mu mutima wakwe, mwalishika.+
7 Lelo Lesa akabalasa umufwi mu kupumikisha.+
Bakacenwa,+
8 Kabili bakalenga umuntu ukuipununa.+
Lelo ululimi lwabo lukabaalukila.+
Bonse ababamona bakapukunya imitwe,+
9 Na bantunse bonse bakatiina;+
Kabili bakalanda pa mulimo wa kwa Lesa,+
Kabili bakaba na mano mu mulimo wakwe.+
10 Awe uwalungama akasekelela muli Yehova kabili e mo akooba;+
Na bonse abalungama imitima bakaitakisha.+
Ku ng’omba nkalamba. Ulwa malumbo ulwa kwa Davidi. Ulwimbo.
65 Kuli imwe kwaba ukutasha—ukuba tondolo—, mwe Lesa, mu Sione;+
Kabili kuli imwe e ko umulapo ukafishiwa.+
2 Mwe bomfwa ipepo, kuli imwe e ko abantunse bakesa.+
4 Alipaalwa uo mwasala no kumulenga ukupalama,+
Ukuti ekale mu mansa shenu.+
Ukwikuta tukekuta ifisuma ifya mu ng’anda yenu,+
Icifulo ca mushilo ice tempele lyenu.+
5 Mukatwasuka ku fya kutiinya fyenu mu bulungami,+
Mwe Lesa we pusukilo lyesu,+
Abantu bonse aba pano isonde na baba ukutali pali bemba ni mwe batetekela.+
8 Kabili abekashi ba kutali bakatiina ifishibilo fyenu;+
Mulenga ulucelo ne cungulo ukwaula utupundu.+
9 Mwalolesha pe sonde, pa kuti mulipeele ifingi;+
Mwalicindamika nga nshi.
Umulonga wafuma kuli Lesa waisulamo amenshi.+
Mwapekanya ingano shabo,+
Pantu e fyo mupekanya isonde.+
10 Imikolwa ya liko yatapililwa, ukulenga ifibungulubwe fya liko ukutobaulwa;+
Mwalinasha ku mfula; mwapaala ifipuuka pali lyena.+
12 Impanga ya mulemfwe iya mu matololo ilakonkolokamo amenshi,+
Kabili utupili tukaka ukusekelela mu misana.+
13 Pa milemfwe peswile fye imikuni,+
Na malungu yaisulamo ingano.+
Fyawelesha ukuwelesha kwa kucimfya, cine cine, fyaimba.+
Ku ng’omba nkalamba. Ulwimbo, ulwa malumbo.
66 Welesheni kuli Lesa ukuwelesha kwa kucimfya, mwe bantu bonse aba pe sonde.+
3 Soseni kuli Lesa amuti: “Imilimo yenu ya kutiinya icine cine!+
Pa mulandu wa kufulisha kwa maka yenu abalwani benu bakesa kuli imwe mwenso mwenso.+
4 Abantu bonse aba pe sonde bakamukontamina,+
Kabili bakamulumbanishisha pa filimba, bakalumbanya ishina lyenu pa filimba.”+ Seʹlah.
6 Asangwile bemba ukuba apauma;+
Bayabukile umumana pa nshi ku makasa.+
Kulya e ko twasamiinwe muli ena.+
7 Atekela ku maka yakwe umuyayaya.+
Amenso yakwe yalolesha pa nko.+
Kabili bankosamitwe beisansabika.+ Seʹlah.
12 Mwalenga umuntu umwina kufwa ukwenda pa mitwe yesu;+
Twapita mu mulilo na mu menshi,+
Kabili mwatulenga ukutuusha.+
13 Nkengila mu ng’anda yenu ne mituulo ya koca;+
Nkafisha imilapo yandi kuli imwe+
14 Iyo imilomo yandi yasosele+
Kabili iyo akanwa kandi kasosele ilyo naculile nga nshi.+
15 Imituulo ya koca iya twaina nkatuula kuli imwe,+
pamo ne cushi ce lambo lya basukusuku.
Nkatuula ing’ombe iilume na sawe.+ Seʹlah.
16 Iseni kabili kutikeni, imwe bonse mwe batiina Lesa, na ine nalamushimikila+
Ifyo acitila umweo wandi.+
Ku ng’omba nkalamba pa filimba fya nsale. Ulwa malumbo, ulwimbo.
67 Lesa akaba na ifwe no kutupaala;+
Akalenga icinso cakwe ukutubalikila+—Seʹlah—
2 Pa kuti imibele yenu ishibikwe pano isonde,+
pa kuti abantu ba mu nko shonse beshibe ukupususha kwenu.+
4 Lekeni inko shisekelele no kwaula,+
Pantu mukapingula abantu na bantu mu bulungami;+
Kabili mukatungulula inko pano isonde. Seʹlah.
Ku ng’omba nkalamba. Ulwa kwa Davidi. Ulwa malumbo, ulwimbo.
68 Lekeni Lesa eme,+ lekeni abalwani bakwe basalangane,+
Lekeni na bamupata icine cine bafulumuke ku cinso cakwe.+
2 Boluleni nga filya icushi cululwa;+
Nga filya ipula lisunguluka ku mulilo,+
E fyo ababifi balofiwe ku cinso ca kwa Lesa.+
3 Lelo lekeni abalungama basekelele,+
Lekeni basansamuke ku cinso ca kwa Lesa,+
Kabili lekeni baange no kusekelela.+
4 Imbileni Lesa, lumbanyeni ishina lyakwe pa filimba;+
Imbileni ulwimbo uulepita mu ciswebebe+
E kutila Jah, pantu e shina lyakwe;+ kabili sangalaleni ku cinso cakwe;
5 Wishi wa bana ba nshiwa kabili uwa kulubulwilako bamukamfwilwa+
Ni Lesa mu bwikalo bwakwe ubwa mushilo.+
6 Lesa alelenga ababa beka ukwikala mu ng’anda;+
Alenga abafungwa ukuba abasambashi.+
Lelo, abomankonso, bena bafwile ukwikala mu calo icaumisha.+
7 Mwe Lesa, ilyo mwatangilile abantu benu,+
Ilyo mwapitile mu ciswebebe+—Seʹlah—
Umuulu watoneshe amenshi pa mulandu wa kwa Lesa;+
Ulu ulupili lwa Sinai lwalitentele pa mulandu wa kwa Lesa,+ Lesa wa kwa Israele.+
9 Mwalenga imfula ifumfumuke, mwe Lesa;+
Ilyo abantu benu banakile nga nshi—imwe mwalibapuupuutwile.+
12 Ne mfumu ishaba na bashilika shafulumuka, cine cine shafulumuka.+
Kumfwa umwanakashi uwikala pa ng’anda, abuulapo pa fyapokololwa.+
13 Nelyo ca kuti mwalelaala pa kati ka mwina wa mito ya mu nsakwe,
Kukaba amapindo ya nkunda ayafimbwako silfere
Na ku tulume twa iko utwa ngala kukaba ukwa golde wa mutuntula.+
14 Ilyo Uwa Maka Yonse asalangenye ishamfumu mu calo,+
Imfula ya bungululu bwabuuta yatendeke ukuloka mu Salmone.+
15 Icitungu ca mpili ica Bashani+ e lupili lwa kwa Lesa;+
Icitungu ca mpili ica Bashani lupili lwa nsunsu.+
16 Cinshi ico imwe, mwe mpili sha nsunsu, mushulukila
Ulupili ulo Lesa afwaya ukuti lube ubwikalo bwakwe?+
Cine cine Yehova akekalamo pe.+
17 Amaceleta ya nkondo aya kwa Lesa yaba mu makana ya makumi, amakana na makana.+
Yehova afuma ku Sinai no kwingila umwa mushilo.+
20 Lesa wa cine aba kuli ifwe Lesa wa kupususha;+
Kabili kuli Yehova Shikulu Mulopwe+ e kwaba umwa kufumina ku mfwa.+
21 Cine cine Lesa akasansaula imitwe ya balwani bakwe,+
Umutwe wa muntu onse uwendauka mu bubi bwakwe.+
22 Yehova atila: “Nkababwesha ku Bashani,+
Nkababwesha ukufuma apashika muli bemba,+
23 Pa kuti ukasambe amakasa yobe mu mulopa,+
Pa kuti imbwa shenu shikamyange umulopa wa balwani benu.”+
24 Bamona imilongo yenu, mwe Lesa,+
Imilongo ya kwa Lesa wandi, Imfumu yandi, ileingila umwa mushilo.+
25 Bakemba e batangile pa ntanshi, na ba kulisha ifilimba fya nsale pa numa yabo;+
Pa kati pali abakashana abalelisha utuoma twa nyenjele.+
27 E ko ali Benjamini munono uulebateka,+
Kuli na bacilolo ba kwa Yuda ne bumba lyabo ililebilikisha,
Kuli na bacilolo ba kwa Sebuluni, na bacilolo ba kwa Naftali.+
30 Kalipileni icinama ca mu matete,+ umukuni wa ng’ombe ishilume,+
No twana twa ng’ombe utwa mu nko, kamo na kamo kalenyantaula pa sha silfere.+
Asalanganya inko ishatemwa ukulwa.+
31 Ifya cela ca mukuba fikafuma mu Egupti;+
Kushi akatambulula amaboko yakwe ukupeela ubupe kuli Lesa.+
32 Mwe mabufumu ya pano isonde, imbileni Lesa,+
Lumbanishisheni Yehova pa filimba—Seʹlah—
33 Lumbanyeni uwanina pa myulu ya myulu iya kale.+
Moneni! Afumya ishiwi, ishiwi ilyakosa.+
34 Ishibeni ukuti Lesa, wa maka.+
Pali Israele e paba ukupuulama kwakwe na maka yakwe yaba mu makumbi.+
35 Lesa wa kutiinya ukufuma mu mekalo yakwe aya mushilo.+
Ni Lesa wa kwa Israele, uupeela amaka no bukose ku bantu.+
Abe uwacindikwa Lesa.+
Ku ng’omba nkalamba pa Maluba.+ Ulwa kwa Davidi.
69 Mpususheni, mwe Lesa, pantu nalanwena mu menshi.+
2 Naibila mu matipa ayashika, umushaba apa kwiminina.+
Natotobela mu menshi ayashika,
Kabili umukuku wa mumana wansenda.+
4 Abampata apabula umulandu bafula ukucila umushishi wa ku mutwe wandi.+
Abafwaya ukunjipaya, abalwani bandi abo nshakwatila umulandu, bafula.+
Ico nshaibile e co nabweseshepo.
6 Shi mwileka abamulolela balengwe insoni pa mulandu wandi,+
Mwe Shikulu Mulopwe, Yehova wa mabumba.+
Mwileka abamufwaya baseebane pa mulandu wandi,+
Mwe Lesa wa kwa Israele.+
12 Abekala mu mpongolo batendeke ukulanda pali ine,+
Kabili nine baleimba mu nyimbo ilyo balenwa ifya kunwa ifikola.+
13 Lelo ine, napepele kuli imwe, mwe Yehova,+
Pa nshita yalinga, mwe Lesa.+
Pa mulandu wa cikuuku cenu icikalamba munjasuke no kulanga ukuti muli mupusushi wa cine.+
15 Mwileka umumana wa mukuku unsende,+
Kabili mwileka ukushika kuumine,
Nangu ukuleka icilindi cinjisalile mu kanwa ka ciko.+
16 Njasukeni, mwe Yehova, pantu icikuuku cenu cisuma.+
Alukileni kuli ine ukulingana ne nkumbu shenu ishingi,+
17 Kabili mwifisa icinso cenu ku mubomfi wenu.+
Njasukeni bwangu, pantu ndi mu bwafya ubukalamba.+
19 Imwe mwalishiba ukuseebana kwandi ne nsoni shandi no kusaalulwa kwandi.+
Abalwani bandi bonse bali pa ntanshi yenu.+
20 Ukuseebana kwasakamika umutima wandi, kabili icilonda tacipola.+
Awe nalelolela uwa kunangulukilako, lelo tapali nangu umo;+
Na ba kunsansamusha, lelo nshabasangile.+
21 Lelo bampeele ifinkolwankolwa ukucila ukumpeela ifya kulya,+
Kabili pa mulandu wa cilaka candi bampatikishe ukunwa umwangashi wakantuka.+
31 Kabili lukawama kuli Yehova ukucila ing’ombe iilume,+
Ukucila ing’ombe iilume iinono iyamena insengo kabili iyalepuka amabondo.+
35 Pantu Lesa umwine akapususha Sione+
Kabili akakuula imisumba ya kwa Yuda;+
Kabili bakekala mulya ne mpanga ikaba yabo.+
Ku ng’omba nkalamba. Ulwa kwa Davidi, ulwa kwibukisha.+
2 Lekeni bomfwe insoni kabili baseebane abalefwaya umweo wandi.+
Nabaluluke no kuseebana abalesekelela pa bubi ubwamponena.+
3 Nababwelelemo pa mulandu wa nsoni shabo abaleti: “Te apa nomba!”+
4 Lekeni baange no kusekelela muli imwe, bonse abamufwaya,+
Lekeni abatemwa ukupususha kwenu balesosa abati: “Acindikwe Lesa!”+
5 Lelo ine nalicula kabili ndi mupiina.+
Mwe Lesa, endesheni ukwisa kuli ine.+
Uwa kungafwa kabili Uwa kumpususha ni mwe.+
Mwe Yehova, mwikokola.+
3 Beni icubo candi ica cilibwe ico nakulaingilamo lyonse.+
Soseni ku kumpususha,+
Pantu ni mwe icilibwe candi icasansuka kabili uwa kuncingilila.+
5 Pantu isubilo lyandi ni mwe,+ mwe Yehova Shikulu Mulopwe, ni mwe ca kucetekelamo candi ukufuma ku bwaice bwandi.+
6 Nashintilila pali imwe ukufuma pa nshita nali mwi fumo;+
Ni mwe mwamfumishe mu nda muli mayo.+
Ni mwe ntasha pe.+
10 Pantu abalwani bandi balanda pali ine,+
Na balolela umweo wandi capamo bapandana amano,+
11 Abati: “Lesa alimulekelesha.+
Mubutusheni no kumwikata, pantu takuli wa kumupokolola.”+
13 Shi nabalengwe insoni, bafike na ku mpela yabo, abancincintila.+
Shi nabafimbane ukuseebana no kusaalulwa abalefwaya ifibi fincitikile.+
15 Akanwa kandi kakalondolola ubulungami bwenu,+
Kakalondolola ukupususha kwenu akasuba konse,+
Pantu nshaishiba impendwa ya bulungami bwenu no kupususha kwenu.+
16 Nkesa no kulondolola pa maka yenu ayakulisha,+ mwe Yehova Shikulu Mulopwe;+
Nkalumbula ubulungami bwenu, ubwenu fye bweka.+
17 Mwe Lesa, mwalinsambilisha ukufuma ku bwaice bwandi,+
Kabili ukufika na nomba nanda pa fipesha amano fyenu.+
18 Kabili na lintu nkakota no mutwe waba ne mfwi, mwe Lesa, mwikandekelesha,+
Mpaka nkashimike ulwa kuboko kwenu ku nkulo iikakonkapo,+
Na bumpalume bwenu kuli bonse abakesabapo.+
19 Ubulungami bwenu, mwe Lesa, bwaba apasansama;+
Nga ni ku fikalamba ifyo mwacita,+
Mwe Lesa, nani uwaba nga imwe?+
20 Apo mwanenga ukumona amacushi ayengi no bubi,+
Mpuupuutuleni na kabili;+
Kabili njabuleni mu menshi ayengi aya pano isonde.+
22 Na ine, nkamulumbanya pa cilimba ca nsale,+
Pali bucishinka bwenu, mwe Lesa wandi.+
Nkamulumbanishisha pali nsango, mwe Bamushilo ba kwa Israele.+
23 Ilyo nkamulumbanishisha pa cilimba imilomo yandi ikaula,+
No mweo wandi uo mwalubula na o wine ukasekelela.+
24 Kabili, ululimi lwandi, lukalalanda pa bulungami bwenu akasuba konse mu kantepentepe,+
Pantu balengwa insoni, pantu baseebana, abafwaya ifibi fincitikile.+
Ulwa pali Solomone.
3 Lekeni impili shitwale umutende ku bantu,+
E lyo no tupili na to tutwale umutende ukupitila mu bulungami.
4 Lekeni alubulwileko abacushiwa aba mu bantu,+
Lekeni apusushe abana ba mupiina,
Kabili lekeni ashonaule uwa lufyengo.
7 Mu nshiku shakwe abalungama bakapuuka,+
Kabili umutende ukafula ukushinta na po umweshi ukalekela ukubapo.+
9 Abekashi ba mu ncende umushaba amenshi bakamukontamina,+
Kabili abalwani bakwe bakamyanga ulukungu.+
10 Imfumu sha ku Tarshishi ne sha ku fishi+—
Shikaleta imituulo.+
Imfumu sha ku Sheba ne sha ku Seba—
Shikatuula ifya bupe.+
14 Akalubula imyeo yabo ukufuma ku ba mutitikisha na ku ba bunkalwe,
No mulopa wabo ukaba uwauma umutengo mu menso yakwe.+
15 Shi lekeni abe no mweo,+ kabili lekeni apeelwepo golde ya ku Sheba.+
Kabili lekeni balemupepelako lyonse;
Lekeni abe uwapaalwa akasuba konse.+
16 Ingano shikafula nga nshi pano isonde;+
Pa muulu wa mpili shikafula icine cine.+
Ifisabo fyakwe fikaba nge fya mu Lebanone,+
Kabili aba mu musumba bakabalula nge fimenwa fya pano isonde.+
17 Lekeni ishina lyakwe libepo umuyayaya;+
Lekeni ishina lyakwe likokole nga kasuba,
Kabili shi abantu nabaimwene ipaalo muli ena;+
Lekeni inko shonse shimwebe ukuti alipaalwa.+
19 Ne shina lyakwe libe ilyapaalwa umuyayaya,+
Kabili lekeni ubukata bwakwe bukumane pano isonde ponse.+
Cibe ifyo fine, Ameni.
20 Amapepo ya kwa Davidi, mwana Yese,+ yapwa.
IBUUKU LYA BUTATU
(Amalumbo 73 – 89)
Ulwimbo lwa kwa Asafi.+
73 Cine cine Lesa musuma kuli Israele, ku basanguluka imitima.+
5 Kabili bena tabaculako filya umuntu umwina kufwa acula,+
Ne fibi tafibacitikila nga filya ficitikila abantu bambi.+
6 E ico kuli bena amatutumuko yaba nge cibekobeko ca kufwala mu mukoshi;+
Bafwala ubunkalwe nge ca kufwala.+
10 E ico abwesha abantu,
Na menshi ayengi yapongolwelwa pali bena.
13 Kanshi naicusha fye pa kusangulula umutima wandi+
Kabili ca fye ukusamba iminwe yandi muli bukaele.+
16 Awe nakonkenyepo ukutontonkanya ukuti njishibe ici cintu;+
Calencululusha,
17 Mpaka nayaingila umwa mushilo umwa kwa Lesa.+
Nafwaile ukwishiba inshita yabo iya ku ntanshi.+
19 Iye ifyo basanguka aba kupapusha abantu mu nshita fye iinono!+
Ifyo bafika ku mpela yabo, yangu ifyo bapwa ku bucushi bwa kupumikisha!
21 Pantu umutima wandi wali uwakalipa+
Na mu mfyo shandi mwalekalipa icine cine,+
22 Kabili nshaletontonkanya bwino kabili nshaishibe;+
Nali fye nge cinama kuli imwe.+
26 Umubili wandi no mutima wandi fyanaka.+
Lesa cilibwe ca mutima wandi icasansuka kabili icakaniko candi umuyayaya.+
27 Pantu moneni! abaitalusha kuli imwe bakaloba.+
Mukalofya bonse abacita bucilende pa kuitalusha kuli imwe.+
28 Lelo ine, ukupalama kuli Lesa kusuma kuli ine.+
Muli Shikulu Mulopwe Yehova e mo nauba,+
Ku kubila imilimo yenu yonse.+
Masikili. Ulwa kwa Asafi.+
74 Cinshi ico mwatulekelesesha pe mwe Lesa?+
Cinshi ico ubukali bwenu bwishila pa mpaanga isha mu mpanga yenu iya mulemfwe?+
2 Ibukisheni ulukuta lwenu ulo mwaikwatile kale sana,+
Umukowa uo mwalubwile ku kuba icikwatwa cenu,+
No lu Lupili lwa Sione ulo mwaikalamo.+
3 Imyeni amakasa yenu no kuyalosha ukwaonaulwa umuyayaya.+
Umulwani alyonaula fyonse ifya mwa mushilo.+
5 Kuli bucintomfwa e ko baishibikilwa ukupala abasumbwila amasembe pa miti ya mwi teshi.
6 Nomba ifyalembwapo, fyonse fye, bafipala ku kasembe na kuli sando.+
8 Bena, pamo na bana babo, batila mu mitima yabo:
“Ififulo fya kukumaninako fyonse ifya kwa Lesa ifyaba mu calo fikocewe.”+
9 Tatumwene ifishibilo fyesu; kabili takuli kasesema,+
Kabili tapali pali ifwe uwaishiba uko cikapelela.
11 Cinshi ico mwabwesesha ukuboko kwenu, ukuboko kwenu ukwa ku kulyo+
Pa cifuba cenu? Bushe abalwani tabatupwishe?
14 Mwatobawile imitwe ya ng’wena.+
Mwaipeele ku bantu ukuti balye, mwaipeele ku bekala umushaba amenshi.+
17 Ni mwe mwabikile imipaka yonse iya pano isonde;+
Ulusuba ne mpepo—ni mwe mwalengele ukuti fibeko.+
18 Ibukisheni ici: Umulwani amuseebanya, mwe Yehova,+
Kabili abantu impelwa mano basaalula ishina lyenu.+
21 Mwileka uwatitikishiwa abwele uwasaalulwa.+
Lekeni uwacushiwa no mupiina balumbanye ishina lyenu.+
22 Imeni mwe Lesa, ilubulwileni umulandu.+
Ibukisheni ifyo abantu impelwa mano bamuseebanya akasuba konse.+
Ku ng’omba nkalamba. “Mwionaula.” Ulwa malumbo. Ulwa kwa Asafi.+ Ulwimbo.
75 Twamutootela, mwe Lesa; twamutootela,+
Kabili ishina lyenu lyaba mupepi.+
Abantu bafwile ukubila ifipesha amano fyenu.+
6 Pantu ukusumbula takufuma ku kabanga nangu ku masamba,
Kabili takufuma ku kapinda ka ku kulyo.
8 Pantu kapu ili mu minwe ya kwa Yehova,+
No mwangashi ulefumya ipofu, nausakaaniwa.
Kabili akapongololamo amashi ya uko,
Ababifi bonse aba pano isonde bakayafipilila, no kuyanwa.”+
Ku ng’omba nkalamba pa filimba fya nsale. Ulwa malumbo. Ulwa kwa Asafi.+ Ulwimbo.
4 Mwafimbana ulubuuto, bukatebebe bwenu bwacila impili umwaba ifiswango.+
5 Abashipa nabekatwa no kusendwa,+
Bashipula no kupona mu tulo,+
Kabili abantu bonse aba maka babulwa amaka mu minwe yabo.+
6 Ku cintiinya cenu, mwe Lesa wa kwa Yakobo, uwa pe celeta e lyo na kabalwe balaala utulo.+
8 Mwalengele umulandu ukumfwika mu muulu;+
Isonde lyalitiinine no kuba tondolo+
9 Ilyo Lesa aimine ku kupingula,+
Ku kupususha abafuuka bonse aba pano isonde.+ Seʹlah.
11 Lapeni no kufishapo umulapo kuli Yehova Lesa wenu, bonse mwe bamushinguluka.+
Lekeni balete ubupe mu mwenso.+
Ku ng’omba nkalamba pali Yedutuni. Ulwa kwa Asafi.+ Ulwimbo.
2 Mu bushiku bwa kucula kwandi nafwayafwaya Yehova.+
Kwatambululwa ukuboko kwandi ubushiku ukwabula no kuti kunake;
Umutima wandi wakaana ukusansamuka.+
3 Nkebukisha Lesa kabili nkailishanya;+
Nkabikako amano kabili umutima wandi ukafwa umutombo.+ Seʹlah.
6 Nkebukisha ulwimbo lwandi ulwa pa cilimba ca nsale ubushiku;+
Nkabikako umutima wandi,+
No mutima wandi ukafwayafwaya.
9 Bushe Lesa alilaba ukumbelela uluse,+
Nelyo bushe ku bukali bwakwe alicilikila inkumbu shakwe?+ Seʹlah.
10 Kabili bushe nkonkanyepo fye ukusosa ati: “Nacula nga nshi,+
Pa mulandu wa kuti Uwapulamo aleka ukungafwa ku kuboko kwakwe ukwa ku kulyo”?+
16 Amenshi yamumona, mwe Lesa,
Amenshi yamumona; yatendeka ukututuma.+
Kabili, bemba atendeka ukululunkana.+
17 Amakumbi yabulukuta pa kupongolola amenshi;+
Umuulu wa makumbi wafumya ishiwi.
Kabili, imifwi yenu yaya uku no ku.+
18 Iciunda ca cibulukutu cenu cili nge mipeto ye celeta;+
Inkuba shasanika pano nse;+
Isonde lyatenkana kabili lyatendeka ukutenta.+
19 Muli bemba e mwali inshila yenu,+
Kabili inshila yenu yapitile mu menshi ayengi;
Ne nkasa shenu tashaishibikwa.
Maskili. Ulwimbo lwa kwa Asafi.+
2 Ndeasamuna akanwa no kusosela mu mapinda;+
Ndelenga ifishimbiko fya ku kale ukumfwika,+
Kabili ifyo bashifwe batushimikila;+
4 Ifyo tushifisa ku bana babo,+
Tukafishimika na ku nkulo iikakonkapo,+
Ifya kulumbanya Yehova na maka yakwe+
Ne fipesha amano fyakwe ifyo acita.+
5 Awe aimike muli Yakobo ica kubebukishako,+
Abikile ne funde muli Israele,+
Ifintu ifyo aebele bashifwe,+
Ukuti bashimikile abana babo,+
6 Pa kuti inkulo iikakonkapo, e kutila abana abakafyalwa, bakafiishibe,+
Pa kuti bakeme no kufishimika ku bana babo,+
No kukanalaba imilimo ya kwa Lesa+ lelo ukukonka amafunde yakwe.+
Inkulo ya bantu abomankonso kabili bacipondoka,+
Inkulo ya bantu abashateyenye imitima yabo+
Kabili abashali ne cishinka kuli Lesa.+
9 Abana baume aba kwa Efraimu, nangu ca kutila bali abaipangasha kabili abaishiba ukulashila ku mata,+
Balifulumwike pa bushiku bwa bulwi.+
17 Kabili balebwekeshapo ukumubembukila+
Pa kulapondokela Uwapulamo mu mpanga iyabula amenshi;+
18 Kabili baeseshe Lesa mu mitima yabo+
Pa kulomba ifya kuti balye.+
19 Awe batendeke ukusosa ifyabipa pali Lesa.+
Batile: “Bushe Lesa kuti atupeela ifya kulya mu matololo?”+
Ukuti mufume amenshi, mufume ne milonga.+
“Bushe kuti atupeela ne fya kulya,+
Nelyo bushe kuti ateyanishisha abantu bakwe ifya kulya?”+
21 E calengele ukuti ilyo Yehova aumfwile ifi akalipe;+
No mulilo wa kocelako Yakobo walisontekwe,+
Kabili afuliilwe Israele.+
26 Alengele umwela wa ku kabanga ukukuuka mu muulu+
Kabili ku maka yakwe alengele umwela wa ku kapinda ka ku kulyo ukupuupa.+
27 Kabili abaponeshe ifya kulya ifingi ngo lukungu,+
Aponeshe ne fipupuka ifingi ngo mucanga wa kuli babemba.+
30 Ilyo bacili balefwaya ifya kulya na fimbi,
Uku ninshi ifyo balelya ficili mu tunwa twabo,+
31 E lyo ubukali bwa kwa Lesa bwaishile pali bena.+
Kabili aipeye aba maka babo;+
Awishishe na balumendo ba mu Israele.
32 Nangu ca kuti ifi fyonse fyacitike balelundapo fye ukubembuka+
Kabili tabatetekele ifipesha amano fyakwe.+
38 Lelo ena ali uwa nkumbu;+ alefimba pa membu shabo+ no kukanabonaula.+
Kabili imiku iingi alebweshamo ubukali bwakwe,+
No kukanabuusha ubukali bwakwe bonse.
39 Kabili lyonse aleibukisha ukuti bena bantunse fye,+
No kuti umupashi wabo ulafuma no kukanabwela.+
42 Tabaibukishe ifyo ukuboko kwakwe kwacitile,+
Ubushiku abalubwile ku mulwani,+
43 Ne fyo acitile ifishibilo mu Egupti mwine+
Ne fipesha amano fyakwe mu mpanga ya Soani;+
44 Ne fyo asangwile utumifoolo twafuma mu mumana wa Naelo ukuba umulopa,+
Ica kuti bafililwe ukunwa mu tumilonga twabo.+
48 Alekele ne mfula ya mabwe ukulokela pa fitekwa fyabo ifisenda ifipe+
Kabili alekele ifitekwa fyabo ukuponenwa icikuko icikali.
49 Atumine pali bena ubukali bwakwe ubupya ngo mulilo,+
Icifukushi, ukukanda no kucululuka,+
Atumine na mabumba ya bamalaika aya kuleta ubonaushi.+
51 E lyo alofeshe amabeli yonse mu Egupti,+
Abali intendekelo ya maka yabo aya bufyashi mu matenti ya kwa Hamu.+
54 Kabili abaletele ku ncende yakwe iya mushilo,+
Ku mpili isho umwine apokeele ku kuboko kwakwe ukwa kulyo.+
55 Kabili pa mulandu wabo atamfishe inko mu kuya kwa nshita,+
Kabili abaakenye impanga ku ntambo ya kupiminako,+
Ica kutila alengele imikowa ya kwa Israele ukwikala mu mayanda yabo abene.+
56 Kabili batendeke ukwesha no kupondokela Lesa Uwapulamo,+
Ne fya kubebukishako ifyakwe tabaalefikonka.+
57 Kabili cila nshita balepondoka no kubulwa icishinka nga filya fine fyali bashibo;+
Basangwike abashingacetekelwa ngo buta ubwanenuka.+
58 Kabili balemukalifya pe pa kupanga ififulo fya kupepelamo tulesa,+
Kabili balemulenga ukuba no bufuba pa mulandu wa fimpashanya fyabo ifyabaswa.+
60 Kabili asukile alekelesha icikuulwa ca mushilo icali mu Shilo,+
Itenti umo aleikala pa kati ka bantunse.+
61 Kabili alekele abalwani bakwe ukusenda icishibilo ca maka yakwe+ no kuyemba kwakwe.+
71 Ukufuma ku kukonka ishikota ishonsha+
Amuletele ku kuba umucemi pa bena Yakobo abantu bakwe.+
Na pa bena Israele ica bupyani cakwe.+
72 Kabili atendeke ukubacema ukulingana no mutima wakwe uwa kaele,+
Kabili ku minwe yakwe iyacenjela e ko alebatungulwila.+
Ulwimbo lwa kwa Asafi.
79 Mwe Lesa, inko shaisa mu bantu benu;+
Nashikowesha itempele lyenu ilya mushilo;+
Shacita Yerusalemu ukuba ifitantaala.+
2 Shapeela ifitumbi fya babomfi ku fyuni fya mu lwelele ukuti filye,+
Imibili ya ba cishinka benu shapeela ku fiswango fya mu mpanga.+
5 Kufika lilali, mwe Yehova, ubukali bwenu bukapwa?
Bushe mukakalipa umuyayaya?+
Bushe ubukali bwenu bukaleka lilali ukupya ngo mulilo?+
8 Imembu sha fikolwe fyesu mwishibukishisha pali ifwe.+
Angufyanyeni! Lekeni inkumbu shenu shitusange,+
Pantu tamuli amaka nangu panono muli ifwe.+
9 Twafweni, mwe Lesa we pusukilo lyesu,+
Pa mulandu wa bukata bwe shina lyenu;+
Kabili tupokololeni no kufimba pa membu shesu pa mulandu we shina lyenu.+
10 Nga cinshi ico inko shingasosela ashiti: “Ali kwi Lesa wabo?”+
Lekeni twishibe ilyo mukalandula+
Umulopa wa babomfi benu uo inko shasuumya.+
12 Kabili bwesesheni ku batushinguluka umuseebanya pa fifuba fyabo imiku cinelubali (7)+
Umuseebanya uo bamuseebenyeko, mwe Yehova.+
13 Lelo ifwe fwe bantu benu kabili umukuni uwaba mu mpanga yenu iya mulemfwe,+
Lyonse twakulamutootela;
Twakulamulumbanya ku nkulo ne nkulo.+
Ku ng’omba nkalamba pa Maluba.+ Ulwimbo lwa kwibukishishako. Ulwa kwa Asafi.+ Ulwimbo.
2 Ku cinso ca kwa Efraimu na Benjamini na Manase langeni bumpalume bwenu,+
Kabili iseni ku kutupususha.+
4 Mwe Yehova Lesa wa mabumba, bushe ubukali bwenu pe pepo lya bantu benu bukapwa lilali?+
9 Mwaliusekwilile,+ pa kuti ulimbe imishila pa nshi no kwisula mu calo.+
11 Imisambo ya uko yaleya fye mpaka yafika kuli bemba,+
Ne misambo ya uko iinono yafikile ku Mumana.+
12 Cinshi mwabongolwela ifibumba fya uko ifya mabwe,+
Kabili cinshi ico abapitanshila bonse basabilako?+
14 Mwe Lesa wa mabumba, shi bweleni;+
Lolesheni pa nshi ukufuma mu muulu no kumona umwangashi uyu no ku-usakamana,+
15 Kabili lolesheni pa muti uo ukuboko kwenu ukwa ku kulyo kwalimbile,+
Muloleshe na pa muti uo imwe mwakusha.+
17 Lekeni ukuboko kwenu kube pa muntu uwaba ku kwa kulyo kwenu,+
Pa mwana wa muntu uo mwaikosesha,+
18 Na ifwe tatwakafume kuli imwe.+
Tusungeni aba mweo, pa kuti tulilile kwi shina lyenu.+
Ku ng’omba nkalamba pali Gititi.+ Ulwimbo lwa kwa Asafi.
3 Lisheni intandala pa bushiku bwa kumoneka kwa mweshi upya;+
Pa bushiku bwa mutebeto wesu, ilyo umweshi onse wamoneka.+
5 Acibikile pali Yosefe ku kuba ica kumwibukishako,+
Ilyo alepita mu calo ca Egupti.+
Ululimi ulo nshaishibe e lo naleumfwa.+
7 Ilyo wali mu bwafya walikuutile, na ine nalikupokolwele;+
Nakwasukile ukufuma mu ng’anda ya cibulukutu.+
Nakweseshe pa menshi ya Meriba.+ Seʹlah.
10 Ine Yehova, nine Lesa obe,+
Uwakufumya mu calo ca Egupti.+
Asamwisha akanwa kobe, na ine nalakesusha.+
14 Ababe fi nga nanasha abalwani babo ukwabula ubwafya,+
Kabili nga nabwesesha ukuboko kwandi pa balwani babo.+
Ulwimbo lwa kwa Asafi.
Umushikakulo. Ulwimbo lwa kwa Asafi.+
2 Pantu moneni! abalwani benu bali mu cimfulumfulu;+
Kabili abamupata icine cine bainuna imitwe yabo.+
3 Basosela abantu benu ilyashi lya nkama mu bucenjeshi;+
Kabili bapandanina amano pa bantu mwacingilila.+
4 Batila: “Iseni uleke tubalofye pa kuti beba uluko na kabili,+
Pa kuti li-ibukishiwa kabili ishina lya kwa Israele.”+
6 Aba mu matenti ya kwa Edomu+ na bena Ishmaele, na bena Moabu+ na bena Hagari,+
11 Citeni abakankaala babo nga Orebu na Seebu,+
Na bacilolo babo bonse baciteni nga Seba na Salimuna,+
12 Abasosa abati: “Natupoke amekalo ya kwa Lesa yabe yesu.”+
Kabili ngo lubingu ulubilimya impili,+
15 Ifyo fine e fyo mubakonke ku nkuuka yenu+
Kabili mubasakamike ku cipuupu cenu ica mwela.+
17 Shi nabalengwe insoni no kusakamikwa inshita yonse,+
Kabili bafulungane no kuloba;+
18 Pa kuti abantu beshibe+ ukuti imwe mweka, mwe bakwata ishina lya kuti Yehova,+
Ku ng’omba nkalamba pali Gititi.+ Umushikakulo wa ba mwana Kora. Ulwimbo.
2 Umweo wandi wafuluka kabili wanaka nga nshi ku kufwaya imansa sha kwa Yehova.+
Umutima wandi no mubili wandi fya-awila Lesa wa mweo utupundu.+
3 Nangu fye cuni nacipangamo ing’anda,
Na kamimbi nakapangamo icisansala,
Umo kabikile abana ba kako,
Mupepi ne cipailo cenu icikalamba, mwe Yehova wa mabumba, mwe Mfumu yandi kabili Lesa wandi!
5 Balipaalwa abantu abo amaka yabo yaba muli imwe,+
Abo imitima yabo ifulukisha ukwenda mu nshila sha ku ng’anda yenu.+
6 Ilyo balepita mu mupokapoka wabulamo amenshi umumena ifimpusa fya bakha,+
Bawalula ukuba akamfukumfuku;
Na kasambilisha+ aifimba amapaalo.
10 Pantu ukuba mu mansa shenu ubushiku bumo kwawama ukucila ukwikala inshiku ikana limo (1,000) kumbi.+
Ninsala ukwiminina pa mwinshi mu ng’anda ya kwa Lesa wandi+
Ukucila ukulaendauka mu matenti ya babifi.+
11 Pantu Yehova Lesa, kasuba+ kabili ni nkwela;+
Ipaalo no bukata e fyo apeela.+
Yehova taakatane icisuma ku benda mu bololoke.+
12 Mwe Yehova wa mabumba, alipaalwa umuntu uumutetekela.+
Ulwa ku ng’omba nkalamba. Ulwa bana ba kwa Kora. Ulwa malumbo.
5 Bushe ubukali bwenu pali ifwe bukaba fye bwa muyayaya?+
Bushe mwakulatantalisha ubukali bwenu ku nkulo ne nkulo?+
8 Nkomfwa ifyo Lesa wa cine Yehova akasosa,+
Pantu akasosa umutende ku bantu+ bakwe na ku ba cishinka bakwe,
Lelo beicetekela na kabili.+
13 Ubulungami bukenda pa ntanshi yakwe,+
Kabili inyantilo sha bulungami shikamoneka mu nshila ya kwa Lesa.+
Ipepo lya kwa Davidi.
2 Lindeni umweo wandi, pantu ndi wa cishinka.+
Pususheni umubomfi wenu—uwamutetekela+—ni mwe Lesa wandi.
4 Lengeni umutima wa mubomfi wenu ukusekelela,+
Pantu kuli imwe, mwe Yehova, e ko nalosha umweo wandi.+
5 Pantu imwe, mwe Yehova, muli basuma+ kabili mwali-iteyanya ukwelela;+
Kabili mwalikwatisha icikuuku ku balilila kuli imwe.+
9 Inko shonse isho mwapanga shikesa,+
Kabili shikafukama ku cinso cenu, mwe Yehova,+
No kucindika ishina lyenu.+
11 Mwe Yehova, nsambilisheni inshila shenu.+
Nkenda mu cine cenu.+
Nengeni ukuba no mutima umo ku kutiina ishina lyenu.+
12 Ndemulumbanya, mwe Yehova Lesa wandi, no mutima wandi onse,+
Kabili nakulacindika ishina lyenu umuyayaya,
14 Mwe Lesa, abaituntumba nabanjimina;+
No lukuta lwa bankalwe lwafwaya umweo wandi,+
Kabili tababika imwe pa ntanshi yabo.+
15 Lelo imwe, mwe Yehova, muli Lesa wa nkumbu kabili uwa mutembo,+
Uukokola ukukalipa+ kabili uwafulisha icikuuku ne cishinka.+
16 Alukileni kuli ine no kumbelela uluse.+
Peeleni umubomfi wenu amaka yenu,+
No kupususha umwana mwaume wa musha wenu umwanakashi.+
17 Ncitileni icishibilo ca busuma,
Pa kuti abampata bacimone no kumfwa insoni.+
Pantu imwe, mwe Yehova, ni mwe mwangafwa no kunsansamusha.+
Ulwimbo lwa bana ba kwa Kora. Ulwa malumbo, umushikakulo.
87 Umufula wakwe waba mu mpili sha mushilo.+
3 Ifya lulumbi fileshimikwa pali iwe, we musumba wa kwa Lesa wa cine.+ Seʹlah.
4 Nkalanda pali Rahabu+ na Babiloni+ ukuti na bo balinjishiba;
Nkalanda pa baPelishiti+ na pa bena Turi, e lyo na pali Kushi nati:
“Aba bafyalilwe mulya.”+
7 Kabili kukaba aba kwimba na ba kucinda, ukucinda kwa kushinguluka:+
“Imilonga yandi yonse ili muli iwe.”+
Umushikakulo, ulwimbo lwa bana baume ba kwa Kora. Ku ng’omba nkalamba pali Mahalati ulwa kwankulana. Maskili wa kwa Hemani+ umwina Esera.
4 Bamona ukuti na ine ningile ukuya ku nindi;+
Nasanguka kwati muntu uwabulwa amaka,+
5 Uwalubulwa kwati bantu bafwa,+
Nga bantu abaipaiwa abalaala mu nshiishi,+
Abo mushibukisha na kabili
Kabili abo mwatalusha ku kuboko kwenu ukwa kwafwa.+
8 Mwatalusha kuli ine abo twaishibana na bo;+
Mwanenga ukumoneka uwa bunani kuli bena.+
Ninjisalilwa kabili te kuti mfume.+
9 Amenso yandi nayanaka pa mulandu wa bucushi bwandi.+
Nalilila kuli imwe, mwe Yehova, akasuba konse;+
Nafungulwila iminwe yandi kuli imwe pa kupepa.+
10 Bushe kuti mwacita icipesha amano ku bafwa?+
Nelyo bushe abafwa kuti baima,+
Bushe kuti bamulumbanya?+ Seʹlah.
11 Bushe icikuuku cenu kuti cabilwa mu manda,
Kabili bushe icishinka cenu kuti cabilwa ku cifulo ca ku bulobe?+
13 Lelo kuli imwe, mwe Yehova e ko nakuuta ukuti mungafwe,+
Kabili ulucelo ipepo lyandi liisa kuli imwe.+
15 Nalicula ukutula ku bwaice bwandi ukuya na ku ntanshi kabili ndi mupepi no kuleka umweo;+
Nacula ku fingi ifya kutiinya ukufuma kuli imwe.+
16 Ubukali bwenu ubupya ngo mulilo bwapita pali ine;+
Ifya kulenga umwenso ukufuma kuli imwe fyampesha.+
Maskili. Uwa kwa Etani umwina Esera.+
89 Nkemba pa micitile ya cikuuku iya kwa Yehova umuyayaya.+
Ku kanwa kandi nkalenga icishinka cenu ukwishibikwa ku nkulo ne nkulo.+
3 “Nimpangana icipangano no wasalwa wandi;+
Nindapa kuli Davidi umubomfi wandi nati,+
4 ‘Nkalenga umwana uukafuma muli iwe ukubako umuyayaya,+
Kabili nkapampamika icipuna cobe ica bufumu+ ku nkulo ne nkulo.’” Seʹlah.
5 Kabili imyulu ikabilisha ifipesha amano fyenu, mwe Yehova,+
Ikabilisha na bucishinka bwenu mu lukuta lwa ba mushilo.
6 Pantu nani mu muulu uwingalingana na Yehova?+
Nani engapalana na Yehova pa bana baume ba kwa Lesa?+
7 Aba mwi bumba lya ba mushilo bafwile ukutiina Lesa;+
Alipulamo kabili wa kutiinya ukucila bonse abamushinguluka.+
8 Mwe Yehova Lesa wa mabumba,+
Nani uwa maka nga imwe, mwe Jah?+
Icishinka cenu calimushinguluka konse konse.+
9 Ni mwe mwakwata amaka pa mabimbi ya pali bemba;+
Ilyo amabimbi ya bemba yaima ni mwe muyatalalika.+
10 Ni mwe mwacimfishe Rahabu,+ kwati muntu uo bepeye ku lupanga.+
Ku kuboko kwenu ukwa maka mwasalanganya abalwani benu.+
12 Akapinda ka ku kuso na kapinda ka ku kulyo—ni mwe mwapangile;+
Impili sha Tabore+ na Hermone+—mwi shina lyenu e mo shawila utupundu.+
14 Pa bulungami na pa bupingushi e papampamikwa icipuna cenu ica bufumu;+
Icikuuku ne cishinka fyaba pa ntanshi yenu.+
15 Balipaalwa abaishiba ukuwelesha kwa kusekelela.+
Mwe Yehova, mu lubuuto lwa cinso cenu e mo bendela.+
17 Pantu ni mwe mulenga amaka yabo ukuba aya lulumbi;+
Kabili pa mulandu wa busuma bwenu ulusengo lwesu lwasansabikwa.+
19 Pa nshita ilya mwalandiile mu cimonwa ku ba mushilo benu,+
Mwatile:
“Ninjafwa impalume;+
Ninsansabika uwasalwa ukufuma mu bantu.+
20 Ninsanga umubomfi wandi Davidi;+
Nimusuba na mafuta yandi aya mushilo,+
21 Uo iminwe yandi ikatungilila,+
Kabili uo ukuboko kwandi kukakosha.+
24 Icishinka candi ne cikuuku fyaba kuli ena,+
Kabili mwi shina lyandi e mo ulusengo lwakwe lwasansabikilwa.+
25 Kabili pali bemba e po nabika ukuboko kwakwe+
Na pa mimana e po nabika ukuboko kwakwe ukwa kulyo.+
29 Kabili nkalenga umwana uukafuma muli ena ukwikala umuyayaya +
Ne cipuna cakwe ica bufumu cikakokola nge fyaba inshiku sha muulu.+
30 Abana bakwe abaume nga basha amafunde yandi+
Kabili baleka no kukonka ubupingushi bwandi,+
31 Nga bakowesha ifipope fyandi
Kabili bafilwa no kumfwila amafunde yandi,
32 E lyo na ine nkabakandila ku nkonto pa membu shabo+
Kabili nkabafopaula pa filubo fyabo.+
36 Umwana wakwe akabako umuyayaya,+
Ne cipuna cakwe ica bufumu cikaba pa ntanshi yandi ifyo akasuba kaba.+
37 Cikabelelela umuyayaya ngo mweshi,
Nge nte ya cishinka mu lwelele.” Seʹlah.
42 Namusansabika ukuboko kwa kulyo ukwa balwani bakwe;+
Namulenga na balwani bakwe bonse ukusekelela.+
43 E lyo kabili mwalenga ulupanga lwakwe ukuba lwa fye,+
Kabili ni mwe mwamulenga ukukanashipa mu bulwi.+
46 Mwe Yehova, mukafisama ukufika lilali? Bushe mukatwalilila fye ukufisama?+
Bushe ubukali bwenu bukalapya fye lyonse ngo mulilo?+
49 Ni kwi kuli imilimo yenu iya ku kale iya cikuuku, mwe Yehova,
Iyo mwalapile kuli Davidi muli bucishinka bwenu?+
50 Mwe Yehova, ibukisheni ukuseebana ukuli pa babomfi benu,+
Ukuseebana kwa bantu na bantu abengi uko nasenda pa cifuba candi,+
51 Ifyo abalwani benu, mwe Yehova, baseebanya,+
Ifyo baseebanya intampulo sha wasubwa wenu.+
52 Yehova acindikwe umuyayaya. Cibe ifyo fine, Ameni.+
IBUUKU LYA BUNE
(Amalumbo 90 – 106)
Ipepo lya kwa Mose, umuntu wa kwa Lesa wa cine.+
4 Pantu imyaka ikana limo (1,000) mu menso yenu yaba fye ngo bushiku bwa mailo ilyo bwapita,+
Kabili ngo bulinde bwa bushiku.+
10 Inshiku sha myaka yesu shaba imyaka amakumi cinelubali (70);+
Lelo nga natukwatisha amaka, shiba imyaka amakumi cinekonsekonse (80),+
Na lyo line shileta fye amafya ne fya kukalipwa;+
Pantu shilapita bwangu, e lyo twapupuka twaya.+
11 Nani waishiba apo mupelela nga mwakalipa nga nshi?+
Kabili nani wingeshiba apapelela ukububuka kwenu? E fyo na katiina kesu kuli imwe kafwile ukukula.+
13 Bweleni, mwe Yehova!+ Bushe mulekokola ukufika ku nshita nshi?+
Kabili langulukileni ababomfi benu.+
14 Beni ne cikuuku kuli ifwe mu nshita ya lucelo,+
No kuleka twaule no kusekelela inshiku shesu shonse.+
17 No busuma bwa kwa Yehova Lesa wesu bube pali ifwe,+
Paaleni ne milimo ya minwe yesu.+
Awe imilimo ya minwe yesu ipaaleni.+
91 Onse uwikala umwa kufisama+ umwa Wapulamo+
Ninshi asanga umwa kutubilisha mu cintelelwe ca Wa Maka Yonse.+
2 Nkasosa kuli Yehova nati: “Ni mwe cubo candi kabili uwa kuncingilila,+
Ni mwe Lesa wandi, uo natetekela.”+
4 Akakucingilila ku mapindo yakwe,+
Kabili ukooba mu mapindo yakwe.+
Icishinka+ cakwe cikaba inkwela+ iikalamba kabili ica kucingilila.
5 Tawakatiine ica kulenga umwenso ubushiku,+
Nelyo umufwi+ uulepupuka akasuba,
6 Nelyo icikuko icisalangana mu mfifi,+
Nangu icinkunka icipaya mu nshita ya kasuba.+
7 Abantu ikana limo (1,000) bakawila ku mbali yobe
Na makana ikumi (10,000) ku kwa kulyo kobe;
Kuli iwe tacakapalameko.+
9 Apo watile: “Yehova e cubo candi,”+
Naulenga Uwapulamo ukuba e bwikalo bobe;+
Nangu fye cikuko tacakapalame kwi tenti lyobe.+
11 Pantu akakonkomesha bamalaika bakwe ifya kucita pali iwe,+
Ukuti balekucingilila mu nshila shobe shonse.+
Ulwimbo, umushikakulo wa pe sabata.
92 Cisuma ukumutootela mwe Yehova+
No kulumbanishisha ishina lyenu pa filimba, mwe Bapulamo;+
2 Nkalondolola pa cikuuku cenu ulucelo+
Na pa cishinka cenu ubushiku,+
3 Nkalondolwela pa cilimba ca nsale ikumi (10) na pe pango,+
Na ku ciunda ca nsango.+
4 Pantu mwanenga ukusamwa, mwe Yehova, pa co mucitile;
Pa mulandu wa milimo ya minwe yenu ndesekelela.+
8 Lelo imwe mwe Yehova, mwaba pa muulu umuyayaya.+
9 Pantu, moneni! abalwani benu, mwe Yehova,+
Pantu, moneni! abalwani benu bakaloba;+
Incitatubi shonse shikasalanganishiwa.+
11 Ne linso lyandi likalolesha pa balwani bandi;+
Amatwi yandi yakomfwa pa lwa kucimfiwa kwa ncitatubi ishanjimina.
Nafwala ukupuulama;+
Yehova nafwala, naikaka amaka nge lamba lya mu musana.+
Kabili pano isonde napapampamikwa ica kuti te kuti patelentenshiwe.+
3 Imimana yasansula amashiwi, mwe Yehova,
Yasansula amashiwi ya iko;+
Imimana yakonkanyapo ukubuluma kwa iko ukwa maka.+
4 Acila ukubuluma kwa menshi ayengi,
na mabimbi ya muli bemba ayakalamba,+
Yehova ni katebebe+ mu muulu.
5 Ifya kutwibukishako fyenu fya cishinka nga nshi.+
Mwe Yehova, mu ng’anda yenu mutwalilile ukuba umwa mushilo+ inshiku pe.+
9 Bushe uwabikileko amatwi, kuti afilwa ukumfwa?+
Kabili uwapangile amenso, bushe kuti afilwa ukumona?+
11 Yehova aishiba amatontonkanyo ya bantu, ukuti yaba ngo mupu fye.+
12 Alipaalwa umuntu uo mulungika,+ mwe Jah,
Kabili uo musambilisha amafunde yenu,+
13 Ku kulenga abe no mutende nangu ni mu nshiku sha kucula,+
Mpaka umubifi bamwimbila inindi.+
19 Ilyo amatontonkanyo ya kusakamika yafulile muli ine,+
E lyo ifya kusansamusha fyenu fyantalalike umutima.+
20 Bushe kuti mwa-ampana pamo ne ntungulushi shabipa+
Apo shicululusha abantu ku fipope fya mafunde?+
23 Kabili akabwesesha buncitatubi bwabo pali bena+
No kubatalalikila kuli buncitatubi bwabo abene.+
Yehova Lesa wesu akabatalalika.+
95 Shi iseni twawile Yehova utupundu!+
Natuweleshe ukuwelesha kwa kucimfya ku Cilibwe cesu ice pusukilo.+
2 Natupalame ku cinso cakwe na mashiwi ya kutootela;+
Natuweleshe kuli ena mu nyimbo, ukuwelesha kwa kucimfya.+
3 Pantu Yehova ni Lesa mukulu+
Kabili ni Mfumu nkulu ukucila pali tulesa tonse,+
4 Uo incende shashika isha pano isonde shaba mu kuboko kwakwe+
Ne mpili ishitali na sho shakwe;+
Kabili amaboko yakwe e yapangile umulundu.+
7 Pantu ena ni Lesa wesu, na ifwe tuli bantu bakwe abo acema kabili tuli mpaanga isho atungulula ku kuboko kwakwe.+
Nga mwaumfwa kwi shiwi lyakwe ubushiku bwa lelo,+
10 Pa myaka amakumi yane (40) inkulo ilya yalenselausha,+
Kabili natile:
“Bantu abakonka ifya mu mitima yabo,+
Ne mibele yandi tabaishiba”;+
11 Abo nalapiilepo mu bukali bwandi nati:+
“Tabakengile mu kutuusha kwandi.”+
7 Mwe ndupwa sha bantu na bantu, lumbanyeni Yehova,
10 Soseni mu nko amuti: “Yehova naba imfumu.+
Icalo na co calipampamikwa, te kuti citelentenshiwe.+
Akalubulwila abantu na bantu mu bulungami.+
12 Lekeni impanga yange pamo na fyonse ifyabamo.+
Pa nshita imo ine imiti ya mu mpanga na yo isekelele+
13 Pa ntanshi ya kwa Yehova. Pantu naisa;+
Pantu naisa ku kupingula isonde.+
Akapingwila icalo mu bulungami+
Akapingula abantu na bantu mu cishinka cakwe.+
2 Amakumbi ne kumbi ilyafitula nafimushinguluka;+
Pa bulungami na pa bupingushi e palimbwa icipuna cakwe ica bufumu.+
5 Impili shalisungulwike kwati lipula pa mulandu wa kwa Yehova,+
Pa mulandu wa kwa Shikulu wa pano isonde ponse.+
7 Lekeni bonse abapepa ifyabaswa bekatwe insoni,+
Abaitakishisha pali balesa aba fye.+
Mukontamineni mwe balesa bonse.+
8 Sione alyumfwile kabili alisekelele,+
Ne mishi ya kwa Yuda yalyangile+
Pa mulandu wa fya bupingushi fyenu mwe Yehova.+
9 Pantu imwe, mwe Yehova, ni mwe Mwapulamo pano isonde ponse;+
Mwalisumbukisha ukucila balesa bonse.+
10 Mwe batemwa Yehova,+ pateni ifyabipa.+
Alinda imyeo ya ba cishinka bakwe;+
No kubapokolola mu minwe ya babifi.+
12 Sekeleleni muli Yehova, mwe balungami,+
Kabili tasheni ishina lyakwe ilya mushilo ilya cibukisho.+
Ulwimbo.
98 Imbileni Yehova ulwimbo ulupya,+
Pantu fyapesha amano ifyo aacita.+
Ukuboko kwakwe ukwa ku kulyo, ukuboko kwakwe kwine ukwa mushilo, kwamulenga ukucimfya.+
3 Naibukisha icikuuku cakwe ne cishinka cakwe ku ng’anda ya kwa Israele.+
Impela shonse isha pano isonde nashimona ukupususha kwa kwa Lesa wesu.+
4 Welesheni ukuwelesha kwa kucimfya kuli Yehova, mwe bantu bonse aba pe sonde.+
Samweni no kusekelela no kumulumbanishisha pa filimba.+
8 Imimana itoota indupi;
Ne mpili shisekelela pamo+
9 Pa ntanshi ya kwa Yehova, pantu naisa ku kupingula aba pano isonde.+
Akapingula aba pano calo mu bulungami,+
Akapingula abantu na bantu mu bulungami.+
4 Ni mfumu iyatemwa umulinganya kabili ibomfya amaka ya iko pa kuti kube umulinganya.+
Ni mwe mwalenga ukuti kube ubulungami.+
Ni mwe mwalenga ukuti muli Yakobo mube ubupingushi no bulungami.+
6 Mose na Aarone bali pali bashimapepo bakwe,+
Na Samwele ali pa balelilila kwi shina lyakwe.+
Balelilila kuli Yehova, na o alebaasuka.+
7 Mu ntumba ye kumbi e mo alelandila kuli bena.+
Balekonka amashiwi yakwe aya kubebukishako ne cipope ico abapeele.+
8 Mwe Yehova Lesa wesu, imwe mwalibaaswike.+
Mwalebelela imembu,+
Kabili mwalibakandile pa mulandu wa fibi ifyo balecita.+
9 Sansabikeni Yehova Lesa wesu+
Kabili kontamineni ku lupili lwakwe ulwa mushilo.+
Pantu Yehova Lesa wesu wa mushilo.+
Ulwimbo lwa kutootela.+
100 Welesheni kuli Yehova ukuwelesha kwa kucimfya, mwe ba pano isonde bonse.+
3 Ishibeni ukuti Yehova e Lesa.+
E watupangile, tatwaipangile fye iyo.+
Tuli bantu bakwe kabili tuli mpaanga isho aliisha umulemfwe.+
4 Iseni mu mpongolo shakwe no lwimbo lwa kutootela,+
Mu mansa shakwe no lwa kulumbanya.+
Mutasheni, cindikeni ishina lyakwe.+
Ulwa kwa Davidi. Ulwimbo.
2 Nkaba uwashilimuka no kwenda uwa kaele.+
Ni lilali mukangafwa?+
Nkendela mu bololoke bwa mutima wandi mu kati ka ng’anda yandi.+
3 Nshakabike icinangwa nangu cimo pa ntanshi yandi.+
Napata imicitile ya bafuma ku bulungami;+
Te kuti mpalame kuli yena.+
5 Onse uwamba umunankwe mu bumfisolo,+
Ndamulesha ukulanda.+
Onse uwa menso ya matutumuko kabili uwa mutima wa cilumba,+
Te kuti muleke fye.+
6 Amenso yandi yali pa ba cishinka aba pano isonde,+
Pa kuti bekale na ine.+
Uwenda ukwabula akalema,+
E ukamombela.+
7 Mu ng’anda yandi tamwakekale uwa bucenjeshi.+
Onse uubepa ubufi, takatwalilile ukubako+
Pa ntanshi yandi.+
8 Ulucelo no lucelo, nkonaula ababifi bonse aba pe sonde,+
Bonse abacita ifyabipa + nkabalofya ukufuma mu musumba+ wa kwa Yehova.
Ipepo lya wacushiwa ilyo anakuka kabili apongolwela amasakamika yakwe pa ntanshi ya kwa Yehova.+
2 Mwifisa icinso cenu kuli ine mu bushiku bwa kucula kwandi.+
Teyamikeni ukutwi kwenu kuli ine;+
Mu bushiku nakuuta, angufyanyeni, njasukeni.+
9 Pantu nalya imito kwati ca kulya;+
Kabili mu fya kunwa fyandi ndasaakanyamo ifilamba,+
10 Pa mulandu wa bupingushi bwenu no bukali bwenu;+
Pantu munjimiishe ukuti mumpoose.+
13 Imwe mukema, mukekatilwa Sione inkumbu,+
Pantu ni nshita ya kumubelela uluse,
Pantu naifika inshita.+
15 Kabili inko shikatiina ishina lya kwa Yehova,+
Ne shamfumu sha pano isonde shonse shikatiina ubukata bwenu.+
18 Ici cilembeelwe aba mu nkulo sha ku ntanshi;+
Kabili abantu abakabako ku ntanshi bakalumbanya Jah.+
19 Pantu nalolesha pa nshi ukufuma umwa mushilo mwakwe umwasansuka,+
Yehova nalolesha pe sonde ukufuma mu muulu,+
20 Ku kumfwa ukuteta kwa mufungwa,+
Ku kukakula abena kufwa;+
21 Pa kuti ishina lya kwa Yehova lisabankanishiwe mu Sione+
Na pa kuti alumbanishiwe mu Yerusalemu,+
Capamo na mabufumu ku kubombela Yehova.+
24 E lyo natile: “Mwe Lesa wandi,
Mwinsenda ilyo inshiku shandi shafika pa kati;+
Imyaka yenu ya ku nkulo ne nkulo.+
26 Ifi fyena fikaloba, lelo imwe mukatwalilila ukubako;+
Kabili filya fine ifya kufwala fisapuka e fyo na fyo fikasapuka.+
Mukafifumyapo no kupyanikapo fimbi nga filya kuba ukupyanikapo ifya kufwala fimbi, na fyo fikaleka ukubapo.+
27 Lelo imwe mwaba fye cimo cine, kabili tamwakwata impela.+
Ulwa kwa Davidi.
103 We mweo wandi,+ cindika Yehova,
Na conse icaba mu kati kandi, cicindike ishina lyakwe ilya mushilo.+
2 We mweo wandi, cindika Yehova,
Kabili wilaba fyonse ifyo aacita,+
3 Uwelela imembu shobe shonse,+
Uuposha amalwele yobe yonse,+
4 Uulubula umweo obe ukufuma ku nindi,+
Uukufwika icilongwe ca cikuuku ne nkumbu,+
5 Uukupeela ifisuma+ inshita yonse iya mweo obe;
Pa kuti ubwaice bobe bulengwe cipya cipya nga filya ciba kuli kapumpe.+
10 Taacita kuli ifwe ukulingana ne membu shesu;+
Kabili taatukanda ifyo tufwile ukukandwa ukulingana ne membu shesu.+
11 Pantu filya fine ku muulu kwalepa ukufuma pano isonde,+
E fyo ne cikuuku cakwe cakula ku bamutiina.+
15 Lelo inshiku sha muntu umwina kufwa, shaba nge nshiku sha mulemfwe;+
Abalula kwati liluba lya mu mpanga.+
17 Lelo icikuuku ca kwa Yehova cafuma umuyayaya no kuya umuyayaya+
Ku bamutiina,+
No bulungami bwakwe buya ku bana ba bana babo,+
18 Ku basunga icipangano cakwe+
Na ku bebukisha ifipope fyakwe pa kuti baleficita.+
19 Yehova umwine alipampamika icipuna cakwe ica bufumu mu muulu;+
No bufumu bwakwe buteka pali conse.+
20 Cindikeni Yehova, mwe bamalaika+ bakwe, mwe mpalume, mwe bacita ifyo asosa,+
Pa kukutika ku cebo cakwe.+
22 Cindikeni Yehova, mwe fibumbwa fyakwe fyonse,+
Mwe baba mu ncende shonse isha bufumu bwakwe.+
We mweo wandi, cindika Yehova.+
104 We mweo wandi,+ cindika Yehova.
Mwe Yehova Lesa wandi, muli bakulu icine cine.+
Ubucindami na bukatebebe e fyo mwafwala,+
2 Mwafimbana ulubuuto kwati ca kufwala,+
Mwayansa imyulu kwati litenti,+
3 Mwe bakuula imiputule yenu iya pa muulu mu menshi+ ukubomfya imilando,
Mwe balenga amakumbi ukuba iceleta lyenu,+
Mwe bendela pa mapindo ya mwela,+
4 Mulenga bamalaika benu ukuba aba maka,*+
Na babomfi benu ukuba umulilo uoca.+
7 Ilyo mwakalipe yalifulumwike;+
Kwi shiwi lya kubulukuta kwenu yalibutawike—
Impanga iyabatama yaile pa nshi—
Mu ncende mwafipekanishishe.
9 Mwabikile no mupaka, umo amenshi yafwile ukupeleela,+
Pa kuti tayeswile pano isonde na kabili,+
10 Mutuma utumfukumfuku twa menshi ukuya mu mipokapoka;+
Na to tupita pa kati ka mpili.
11 Tatuleka ukupeela amenshi ya tuko ku nama sha mu mpanga shonse;+
Bacolwa+ lyonse bapwishisha icilaka ku menshi ya tuko.
13 Mutapilisha impili ku menshi ya mu miputule yenu iya pa muulu.+
Ififuma mu milimo yenu e fyo isonde liikuta.+
14 Mulenga umulemfwe wa nama ukumena,+
E lyo ne fimenwa fya kuti abantu balebomfya,+
Mulenga ne fya kulya ukufuma mu mushili,+
15 No mwangashi uulenga umutima wa muntunse umwina kufwa ukusekelela,+
Ku kulenga icinso ukubeeka ku mafuta,+
No kulenga kube ifya kulya ifiikusha umutima wa muntunse umwina kufwa.+
16 Imiti ya kwa Yehova yaikuta,
Imikedari ya mu Lebanone iyo alimbile,+
17 Umo ifyuni fipanga ifisansala.+
Lelo kabaso, mu miti ya mikupri e mwaba ing’anda yakwe.+
24 Imilimo yenu, mwe Yehova, ingi icine cine!+
Mu mano yenu e mo yonse mwaibombeele.+
Pano isonde ponse paba ifyo mwapanga.+
25 Na muli uyu bemba umukulu kabili uwapabuka,+
Mwaba ifyenda ifishingapendwa,+
Mwaba ifya mweo, ifinono ne fikalamba.+
28 Ifyo mufipeela e fyo fitoola+—Ilyo mwafumbatula iminwe yenu—filalya ifisuma no kwikuta.+
29 Nga mwafisa icinso cenu, filasakamikwa.+
Nga mwafumyapo umupashi wa fiko, filafwa,+
Fyabwelela na ku lukungu.+
35 Ababembu bonse bakafumishiwa pe sonde;+
Na babifi, tabakabepo na kabili.+
Cindika Yehova, we mweo wandi. Lumbanyeni Jah!+
5 Ibukisheni ifipesha amano ifyo acita,+
Ifipapwa fyakwe no bupingushi ubwafuma mu kanwa kakwe,+
6 Mwe bana ba kwa Abrahamu umubomfi wakwe,+
Mwe bana ba kwa Yakobo, mwe basalwa bakwe.+
8 Ebukisha icipangano cakwe umuyayaya,+
Amashiwi ayo alandile, ku nkulo ikana limo (1,000),+
9 Icipangano ico apangene na Abrahamu,+
No mulapo uo alapile kuli Isaki,+
10 Kabili uo alengele ukuba icipope ca pe kuli Yakobo,
Ukuba icipangano ca muyayaya na kuli Israele,+
11 Ilyo atile: “Kuli iwe e ko nkapeela icalo ca Kanaani+
Ukuba icalo cenu ica bupyani.”+
14 Tasuminishe umuntu nangu umo ukubafyenga,+
Lelo pa mulandu wabo akalipile ishamfumu,+
15 Atile: “Mwikumya abasubwa bandi,+
Kabili mwicita icabipa nangu cimo kuli bakasesema bandi.”+
18 Bacushishe amakasa yakwe mu makusu,+
Mu fyela e mo bamukakile;+
19 Mpaka ilyo icebo cakwe cafishiwepo,+
Icebo ca kwa Yehova e camusangulwile.+
21 Amulengele ukuba shikulu pa ba mu ng’anda yakwe+
Kabili amulengele ukuba umukalamba pa fyuma fyakwe,+
22 No kumupeela amaka pali bacilolo bakwe+
Pa kuti asambilishe amano na ku bantu bakwe abakalamba.+
24 Kabili Lesa alelenga abantu bakwe ukufula nga nshi,+
Mpaka abalenga ukuba aba maka ukucila abalwani babo.+
25 Alekele imitima yabo ukwaluka pa kuti bapate abantu bakwe,+
Pa kuti balecita ubucenjeshi ku babomfi bakwe.+
37 Awe afumishe abena Israele ninshi nabasenda na silfere na golde;+
Na mu mikowa ya kwa Lesa tamwali nangu umo uwaletalantanta pa kwenda.
41 Alepwile icilibwe, na menshi yatendeke ukufuma;+
Na yo yaile umushaba amenshi no kupangamo umumana.+
42 Pantu aibukishe icebo cakwe ica mushilo ico asosele kuli Abrahamu umubomfi wakwe.+
44 Asukile abapeela ifyalo fya nko,+
Awe bapokele ifyo abantu ba mu nko baculilepo,+
45 Pa kuti balekonka ifipope fyakwe+
No kumfwila amafunde yakwe.+
Lumbanyeni Jah!+
4 Mwe Yehova, mukanjibukishe ilyo mukacitila abantu benu ubusuma.+
Munsunge no kumpususha,+
5 Pa kuti mone ubusuma bwenu ku basalwa benu,+
Pa kuti nsaminwe mu kusekelela kwa luko lwenu,+
Pa kuti njitakishishe pamo na bantu benu.+
7 Bashifwe mu Egupti,
Tabailwike imilimo yenu iyapesha amano.+
Tabaibukishe ifyo icikuuku cenu cakula,+
Lelo balimusangukile pali bemba, pali Bemba Wakashika.+
9 Akalipile Bemba Wakashika, na o aile alekama;+
Kabili abenseshe mu menshi ayashika kwati alebensha mu matololo;+
10 E fyo abapokolwele mu minwe ya wabapata+
No kubalubula mu minwe ya mulwani.+
14 Lelo ulunkumbwa lwa bukaitemwe lwaishilemoneka ilyo bali mu matololo+
Kabili baeseshe Lesa mu ciswebebe.+
19 Kabili, bapangile umwana wa ng’ombe mu Horebu+
No kukontamina icimpashanya icaengwa,+
20 Ica kuti pa bukata bwandi bapyanikepo+
Icimpashanya ca ng’ombe iilume, iilya fye umulemfwe.+
21 Balabile Lesa, Umupusushi wabo,+
Uwacitile ifikalamba mu Egupti,+
22 Ifipesha amano mu calo ca kwa Hamu,+
Ne fya kutiinya pali Bemba Wakashika.+
23 Kabili nga te Mose uwasalwa wakwe,
Uwashipile no kwiminina pa kati ka kwa Lesa na bena Israele,+
Ku kubwesha ubukali bwakwe ukuti ebonaula,+
kwashele fye panono nga alibonaula,+
26 E ico aimishe ukuboko kwakwe no kulapa,+
Ukuti akabepaila mu matololo,+
27 No kuti abana babo aali no kubepaila mu nko,+
No kuti akabasalanganishisha mu fyalo.+
38 E fyo baalesumya umulopa wa kaele,+
Umulopa wa bana babo abaume no wa bana babo abanakashi,
Abo baletuula ku tulubi twa bena Kanaani;+
Ne calo caishilekowela pa mulandu wa kusuumya umulopa.+
41 Kabili libili libili alebapeela mu minwe ya nko,+
Pa kuti ababapata balebateka,+
42 No kuti abalwani babo balebacusha,
Kabili bainashishe kuli bena.+
43 Imiku iingi alebapokolola,+
Lelo abene balemupondokela pa mulandu wa bucintomfwa bwabo,+
Kabili pa mulandu wa membu shabo baalesaalulwa.+
45 Kabili aleibukisha icipangano acitile pali bena,+
No kubalangulukila pa mulandu wa kufulisha kwa cikuuku cakwe.+
47 Tupususheni, Mwe Yehova Lesa wesu,+
Kabili tulonganikeni pamo ukufuma mu nko+
Pa kuti tutootele ishina lyenu ilya mushilo,+
No kuti tumulumbanye ne nsansa.+
48 Acindikwe Yehova Lesa wa kwa Israele+
Ukufuma umuyayaya no kuya umuyayaya;
Na bantu bonse batile Ameni.+
Lumbanyeni Jah!+
IBUUKU LYALENGA BUSANO
(Amalumbo 107 – 150)
2 E fyo basose abantu abo Yehova apokolola,+
Abo apokolola mu minwe ya mulwani,+
3 Kabili abo alonganya ukufuma mu fyalo,+
Ukufuma ukutulila akasuba no ko kawila,+
Ukufuma ku kapinda ka ku kuso na ku kapinda ka ku kulyo.+
4 Baendawike mu matololo,+ mu ciswebebe;+
Tabasangile inshila nangu imo iyaya ku musumba umo bengekala.+
8 Lekeni abantu batootele Yehova pa cikuuku cakwe+
Na pa milimo yakwe iyapesha amano iyo aacitila abana ba bantu.+
10 Kwali abaikele mu mfifi, mu mfifi iyafiita fititi,+
Abafungwa abacushiiwe kabili abakakilwe mu fyela.+
12 E ico anashishe imitima yabo pa kubalenga ukucululuka;+
Bali-ipunwine, kabili tapali no wa kubaafwa.+
13 E lyo baliliile kuli Yehova ukuti abaafwe mu kucula kwabo;+
Kabili alibapokolwele mu mafya yabo nga fintu alecita lyonse.+
15 Lekeni abantu batootele Yehova pa cikuuku cakwe+
Na pa milimo yakwe iyapesha amano iyo aacitila abana ba bantu.+
17 Apo bali abawelewele, pa mulandu wa bumpulamafunde bwabo+
Na pa mulandu wa membu shabo, basukile bailetelela ubucushi.+
18 Imyeo yabo yalemona ifya kulya fya musango fye onse ukuti fya bunani,+
Kabili bapalamine ku mpongolo sha mfwa.+
19 E lyo bakuutile kuli Yehova ukuti abaafwe mu kucula kwabo;+
Kabili alibapokolwele mu mafya yabo nga fintu alecita lyonse.+
21 Lekeni abantu batootele Yehova pa cikuuku cakwe+
Na pa milimo yakwe iyapesha amano iyo aacitila abana ba bantu.+
23 Abatentemukila kuli bemba mu mato,+
No kucita ubukwebo pali bemba,+
24 E bamona imilimo ya kwa Yehova+
Ne fipesha amano fyakwe ifyaba mu menshi ayashika;+
25 Ne fyo kwi shiwi fye alenga inkuuka ukwima,+
Ica kuti yaimya na mabimbi ya pali bemba.+
30 Awe basekelela, pantu ifi fyaba tondolo,
E lyo abatungulula na ku cifulo ca mutelelwe uko balefwaya.+
31 Lekeni abantu batootele Yehova pa cikuuku cakwe+
Na pa milimo yakwe iyapesha amano iyo aacitila abana ba bantu.+
33 Asangula imimana ukuba amatololo,+
No mufukauka amenshi ukuba impanga ya cilaka,+
34 Icalo ca fisabo acalula ukuba ica mucele,+
Pa mulandu wa kubipa kwa baikalamo.
43 Nani uwa mano? Akatontonkanya pali ifi fintu+
E lyo akabika na mano ku milimo ya kwa Yehova iya cikuuku.+
Ulwimbo. Ulwimbo lwa kulumbanya ulwa kwa Davidi.
108 Umutima wandi uli uwa cishinka, mwe Lesa.+
Nkamwimbila kabili nkamulumbanishisha pa cilimba,+
Pamo no bukata bwandi.+
7 Lesa nasosa muli bumushilo bwakwe ati:+
“Nkaanga, kabili Shekemu+ e o nkakupeela;+
Kabili nkapima ilungu lya Sukote.+
8 Gileadi+ wandi; Manase+ na o wandi;
Na Efraimu mwa kuuba intungulushi yandi;+ Yuda ni nkonto yandi nga ilya iikwata umukalamba wa bashilika.+
Ku ng’omba nkalamba. Ulwa kwa Davidi. Ulwimbo lwa kulumbanya.
109 Mwe Lesa uo numbanya,+ mwitalala tondolo.+
2 Pantu akanwa ka mubifi na kanwa ka ubepa kasosa ifibi pali ine.+
Ululimi lwabo lulanda ifya bufi pali ine;+
3 Kabili banshinguluka ne fyebo fya lupato,+
Kabili balwa na ine apabula umulandu.+
10 Lekeni na bana bakwe abaume balelulumba fye;+
Kabili balelombalomba fye,
No kufuma mu fibolya fyabo ukuya balefwaya ifya kulya.+
11 Lekeni uukongwesha no kufwaya isha kulundapo abomfye ubucenjeshi no kumupoka fyonse ifyo akwata,+
13 Lekeni abana bakwe abakakonkapo bakafyalilwe fye ukwipaiwa.+
Mu nkulo iikakonkapo lekeni ishina lyabo likalobe.+
15 Lekeni ifilubo fyakwe no lubembu fileba lyonse pa ntanshi ya kwa Yehova;+
Kabili alofye ne cibukisho cabo pano isonde.+
16 Pantu taibukishe ukuba ne cikuuku,+
Lyonse aalecusha uwacula no mupiina+
No wakungumana umutima, ku kufwaya ukumwipaya.+
17 Kabili atemenwe icitiipu,+ na co caishile pali ena;+
Lelo ipaalo talitemenwe,+
Ica kuti lyalitalwike nga nshi kuli ena,+
18 Kabili icitiipu cali e ca kufwala cakwe.+
E fyo caingile muli ena nga menshi.+ Kabili nga mafuta mu mafupa yakwe.
20 Ici e cilambu ico uulendwisha akapokelela ukufuma kuli Yehova+
Kabili ico abalanda ifibi pali ine bakapokelela.+
21 Lelo imwe ni mwe Yehova Shikulu Mulopwe.+
Ncitileni icisuma pa mulandu we shina lyenu.+
Apo icikuuku cenu caliwama, mpokololeni.+
24 Amakufi yandi nayanakuka pa mulandu wa kuleka ukulya,+
No mubili wandi naonda, kabili taukwete amafuta.+
29 Lekeni abandwisha bafwale umuseebanya,+
Lekeni bafimbane insoni shabo kwati kufimbana ica kufwala cabula amaboko.+
Ulwa kwa Davidi. Ulwimbo lwa kulumbanya.
“Ikala ku kwa kulyo kwandi+
Mpaka nkalenge abalwani bobe ukuba nga kapuna ka kunyantapo amakasa yobe.”+
2 Yehova akatambalika inkonto+ ya maka yobe ukufuma mu Sione,+ akatila:
“Kabiye ulecimfya mu kati ka balwani bobe.”+
3 Abantu bobe+ bakaipeela abene mu kuitemenwa+ mu bushiku ukemya ibumba lyobe ilya bashilika.+
Walikwata ibumba lya balumendo, abafwala bumushilo,+
Ababa ngo mume wa ku macaca.+
4 Yehova nalapa,+ kabili takalanguluke, atile:+
“Ni we shimapepo umuyayaya+
nga filya fine Melkisedeke aali!”+
א [Aʹleph]
Nkatootela Yehova no mutima wandi onse+
ג [Giʹmel]
ה [He]
ז [Zaʹyin]
4 Alenga abantu ukwibukisha ifipesha amano fyakwe.+
ח [Chehth]
Yehova wa mutembo kabili wa nkumbu.+
ט [Tehth]
5 Ifya kulya apeela ku bamutiina.+
י [Yohdh]
Akebukisha icipangano cakwe umuyayaya.+
כ [Kaph]
6 Alilanga abantu bakwe amaka yakwe ayamonekela mu milimo yakwe,+
ל [Laʹmedh]
Pa kubapeela impanga ya nko.+
מ [Mem]
ס [Saʹmekh]
פ [Pe]
צ [Tsa·dhehʹ]
Napeela icipope ca kuti icipangano cakwe cibe ica muyayaya.+
ק [Qohph]
Ishina lyakwe lya mushilo kabili lya kutiinya.+
ר [Rehsh]
10 Ukuba na katiina kuli Yehova e ntendekelo ya kuba na mano.+
ש [Sin]
Bonse abakonka ifipope fyakwe balishilimuka.+
ת [Taw]
Ukumulumbanya takwakapwe.+
ד [Daʹleth]
Kumfwa inkulo ya bantu abalungami, ikapaalwa.+
ה [He]
3 Mu ng’anda yakwe mwaba ifipe ifyauma umutengo ne fyuma;+
ו [Waw]
No bulungami bwakwe bwaiminina pe.+
ז [Zaʹyin]
4 Abyashisha abaololoka ulubuuto mu mfifi.+
ח [Chehth]
Wa mutembo kabili wa nkumbu kabili alilungama.+
ט [Tehth]
5 Musuma umuntu uwa mutembo+ kabili uwashimisha.+
י [Yohdh]
Fyonse ifyo acita fyalilungama.+
כ [Kaph]
6 Pantu takabale atelentenshiwa.+
ל [Laʹmedh]
Umulungami akebukishiwa umuyayaya.+
מ [Mem]
7 Takatiine nangu lyashi ilibi.+
ס [Saʹmekh]
פ [Pe]
9 Ni kapekape; apeela abapiina.+
צ [Tsa·dhehʹ]
Ubulungami bwakwe bwaiminina pe.+
ק [Qohph]
Ulusengo lwakwe lukasumbulwa mu bukata.+
ר [Rehsh]
10 Umubifi akamona kabili akafulwa.+
ש [Shin]
Akasumanya ameno no kusunguluka.+
ת [Taw]
Ico ababifi bakumbwa cikaloba.+
6 Alakontama pa kuti aloleshe pa myulu na pe sonde,+
7 Pa kuti emye umulanda mu lukungu;+
Aimya umupiina ukumufumya pa cishala,+
8 No kumulenga ukwikala na abakata,+
Abakata ba mu bantu bakwe.+
9 Alenga ing’umba ukwikala mu ng’anda+
No kulenga yaba ne nsansa pantu yafyala abana.+
Lumbanyeni Jah!+
114 Ilyo abena Israele bafumine mu Egupti,+
Ilyo aba mu ng’anda ya kwa Yakobo bafumine mu bantu abalongofyanya pa kulanda,+
2 Icalo ca Yuda caishileba icifulo cabo ica mushilo,+
Israele aishileba ubufumu bwabo ubukankaala.+
7 Tutuma we sonde, pa mulandu wa kwa Shikulu,+
Pa mulandu wa kwa Lesa wa kwa Yakobo,
8 Uusangula icilibwe icasansuka ukuba icishiba ca menshi,+
Ne libwe ilyakosa ukuba akamfukumfuku ka menshi.+
115 Mwicindika ifwe, mwe Yehova, mwicindika ifwe,+
Lelo cindikeni ishina lyenu+
Ukulingana ne cikuuku cenu, ukulingana ne cishinka cenu.+
7 Iminwe twalikwata, lelo te kuti tutonye.+
Amakasa twalikwata, lelo te kuti twende;+
Tatufumya iciunda ku mikoshi ya tuko.+
12 Yehova natwibukisha; akapaala,+
Akapaala aba ng’anda ya kwa Israele,+
Akapaala aba ng’anda ya kwa Aarone.+
3 Imyando ya mfwa yalinshingulwike+
Ne fya kucululusha fya ku Nshiishi fyalinsangile.+
Ubucushi no bulanda nalefikumanya fye lyonse.+
9 Nakulaenda+ ku cinso ca kwa Yehova mu calo ca ba mweo.+
Ine ndi mubomfi wenu.+
Ndi mubomfi wenu, umwana mwaume wa musha wenu umwanakashi.+
Mwakakula ifikakilo fyandi.+
18 Ndefishapo imilapo yandi kuli Yehova,+
Pa menso ya bantu bakwe bonse,+
19 Mu mansa sha ng’anda ya kwa Yehova,+
Mu kati ka iwe, we Yerusalemu.+
Lumbanyeni Jah!+
2 Pantu icikuuku cakwe kuli ifwe cikalamba;+
Kabili icishinka+ ca kwa Yehova ca muyayaya.
Lumbanyeni Jah!+
12 Shanshingulwike kwati ni nshimu;+
Lelo shashimine ngo mulilo wa ku fimpuusa fya myunga.+
Ni mwi shina lya kwa Yehova e mo naleshitamfisha.+
15 Ishiwi lya kwanga kabili ilye pusukilo+
Lili mu matenti+ ya balungami.+
Ukuboko kwa ku kulyo ukwa kwa Yehova kulecita ifya maka.+
16 Ukuboko kwa ku kulyo ukwa kwa Yehova kuleisansabika;+
Ukuboko kwa ku kulyo ukwa kwa Yehova kulecita ifya maka.+
25 Aleni, nomba, mwe Yehova, shi tupususheni!+
Aleni, nomba, mwe Yehova, shi tulengeni ukutunguluka!+
Kabili e utupeela ulubuuto.+
Bomfyeni imisambo+ ku kuyemfya ulwendo lwa kusefya,+
Ukufika fye na ku nsengo sha ku ciipailo.+
א [Aʹleph]
7 Ndemulumbanishisha mu bulungami bwa mutima wandi,+
Ilyo nasambilila ubupingushi bwenu ubwalungama.+
ב [Behth]
ג [Giʹmel]
23 Bacilolo na bo baikala; balanshanya ifibi pali ine.+
Lelo umubomfi wenu ena, abika amano ku fipope fyenu.+
ד [Daʹleth]
32 Umwaya amafunde yenu e mo nakulaenda,+
Pantu mwakusha umutima wandi pa kuti amafunde yenu na yambi yekalemo.+
ה [He]
37 Lengeni amenso yandi ukukanalolesha ifya fye;+
Nengeni ukwenda mu nshila yenu ukuti mbe uwa mweo.+
ו [Waw]
41 Kabili lekeni imicitile yenu iya cikuuku ibe pali ine, mwe Yehova,+
Kabili mpususheni ukulingana ne cebo cenu,+
ז [Zaʹyin]
ח [Chehth]
59 Nintontonkanya pa mibele yandi,+
Pa kuti mbweseshe amakasa yandi ku fyebo fyenu ifyo mutwibukishako.+
ט [Tehth]
י [Yohdh]
75 Mwe Yehova, nalishiba ukuti ubupingushi bwenu bwalilungama+
No kuti ni pa mulandu wa cishinka cenu mwansalapwila.+
78 Lekeni abaituntumba balengwe insoni, pantu bambepa apabula umulandu.+
Lelo ine, nakulatontonkanya pa fipope fyenu.+
כ [Kaph]
82 Amenso yandi yanaka ku kufwaya icebo cenu,+
Kabili ndeti: “Ni lilali mukansansamusha?”+
88 Lekeni mbe no mweo ukulingana ne cikuuku cenu,+
Pa kuti ndekonka ifyebo fyenu ifyo mutwibukishako ififuma mu kanwa kenu.+
ל [Laʹmedh]
95 Ababifi nine bapembelela, ukuti banjipaye.+
Lelo ine ntontonkanya pa fyebo fyenu ifya kutwibukishako.+
מ [Mem]
99 Pali bakasambilisha bandi bonse tapaba nangu umo uwancila amano,+
Pantu ifya kutwibukishako fyenu e fyo ntontonkanyapo,+
נ [Nun]
108 Mwe Yehova, lekeni imituulo ya mu kanwa kandi iya kuitemenwa imusekeshe,+
Kabili nsambilisheni ubupingushi bwenu.+
111 Nimpokelela ifya kutwibukishako ukuti fibe fyandi umuyayaya,+
Pantu e filenga umutima wandi ukusansamuka.+
ס [Saʹmekh]
116 Ngafwilisheni ukulingana ne cebo cenu, pa kuti mbe uwa mweo,+
Kabili mwileka nengwe insoni mu kulolela kwandi.+
119 Ababifi bonse aba pano isonde mwabafumyapo nga munyela.+
E co natemenwa ifyebo fyenu ifya kutwibukishako.+
120 Umubili wandi watutuma pa mulandu wa kutiina imwe;+
Kabili naliba no mwenso pa mulandu wa bupingushi bwenu.+
ע [Aʹyin]
128 E co mwena amafunde yenu yonse ayalanda pa fintu fyonse ukuti yalilungama;+
Napata inshila yonse iya bufi.+
פ [Pe]
צ [Tsa·dhehʹ]
ק [Qohph]
149 Shi umfweni ishiwi lyandi ukulingana ne cikuuku cenu.+
Mwe Yehova, nengeni ukuba uwa mweo ukulingana no bupingushi bwenu.+
152 Ukutula ku kale nalishiba ifyebo fimo fimo ifyo mutwibukishako,+
Pantu mwafibikileko ukuba ifya muyayaya.+
ר [Rehsh]
156 Uluse lwenu, mwe Yehova, lwingi icine cine.+
Nengeni ukuba uwa mweo ukulingana no bupingushi bwenu.+
159 Shi moneni ifyo natemwa ifipope fyenu.+
Mwe Yehova, nengeni ukuba uwa mweo ukulingana ne cikuuku cenu.+
ש [Sin] nelyo [Shin]
168 Ndakonka ifipope fyenu ne fyebo mutwibukishako,+
Pantu imibele yandi yonse yaba pa ntanshi yenu.+
ת [Taw]
169 Lekeni ukupapaata kwandi kumfwike kuli imwe, mwe Yehova.+
Nengeni ukwiluka ukulingana ne cebo cenu.+
170 Lekeni ukulomba kwandi ukwa kumbelela uluse kumfwike kuli imwe.+
Mpokololeni ukulingana ne cebo cenu.+
Ulwimbo lwa pa Kuninika.
Ulwimbo lwa pa Kuninika.
Ulwimbo lwa pa Kuninika. Ulwa kwa Davidi.
3 Yerusalemu akuulwa ngo musumba+
Uwatitikana,+
Imikowa ya kwa Jah,+
Ku kuba icibukisho ku bena Israele+
Ku kutasha ishina lya kwa Yehova.+
Ulwimbo lwa pa Kuninika.
2 Moneni! Ifyo amenso ya babomfi yalola ku minwe ya kwa shikulwibo,+
Ne fyo amenso ya mubomfi mwanakashi yalola ku minwe ya kwa nakulu,+
E fyo na menso yesu yalola kuli Yehova Lesa wesu+
Mpaka atupaala.+
Ulwimbo lwa pa Kuninika. Ulwa kwa Davidi.
124 “Yehova abula ukuba kuli ifwe,”+
Lekeni Israele asose ati,+
2 “Yehova abula ukuba kuli ifwe+
Ilyo abantu batwimine,+
Ilyo ubukali bwabo bwalepya ngo mulilo pali ifwe.+
Ulwimbo lwa pa Kuninika.
2 Filya impili shashinguluka Yerusalemu,+
E fyo Yehova ashinguluka abantu bakwe+
Ukufuma nomba ukuya umuyayaya.+
3 Pantu inkonto ya babifi tayakekalilile+ pa mpanga ya balungami,
Ica kuti abalungami betendeka ukucita ububi na bo bene.+
5 Lelo abaalukila ku kucita ifyabipa,+
Yehova akabaleka baye ne ncitatubi.+
Umutende ukaba pali Israele.+
Ulwimbo lwa pa Kuninika.
2 Pali ilya nshita akanwa kesu kaiswilemo inseko,+
No lulimi lwesu lwalesekelela.+
Pali ilya nshita inko shasosele ati:+
“Ico Yehova acitiile abantu bakwe ca kupapa.”+
Ulwimbo lwa pa Kuninika. Ulwa kwa Solomone.
127 Yehova nga takuulile ing’anda,+
Ninshi abakuula baicusha fye.+
Yehova nga talindile umusumba,+
Ninshi malonda aicusha fye ukulonda.+
2 Muicusha fye mwe bacelela ukwima,+
No kwinuka ubushiku,+
No kulya ifya kulya mu bucushi.+
Lelo apeela utulo ku watemwikwa wakwe.+
5 Alipaalwa umuntu uwaisusha+ imifwi mu mufuko wakwe uwa mifwi.
Tabakabe ne nsoni,+
Pantu bakalanda na balwani mu mpongolo.
Ulwimbo lwa pa Kuninika.
3 Umukashi obe akaba ngo mwangashi uutwala ifisabo+
Mu kati na nkati ka ng’anda yobe.
Abana bobe bakaba ngo tumiti+ twa muolife utulepuuka ukushinguluka itebulo lyobe.
Ulwimbo lwa pa Kuninika.
6 Bakaba nge cani iciteku ica pa mitenge,+
Iciyumina fye ilyo cishilanukulwa,+
7 Ica kuti tacingakumana na mu minwe ya ulecifuula,+
Kabili tacingakumana na pa cifuba ca ulekaka imyanshi.
8 Kabili abapitanshila tabatila:
“Ipaalo lya kwa Yehova libe pali imwe.+
Twamupaalila mwi shina lya kwa Yehova.”+
Ulwimbo lwa pa Kuninika.
130 Nakuuta kuli imwe mwe Yehova ilyo ndi umwashika.+
5 Nalolela ukwafwa kwenu, mwe Yehova, umweo wandi walolela ukwafwa kwenu,+
Kabili icebo cakwe e co nalolela.+
6 Umweo wandi walolela Yehova+
Ukucila filya abalinshi balolela ulucelo,+
Ilyo balelolela ukuti buce.+
8 Kabili akalubula Israele ku membu shakwe shonse.+
Ulwimbo lwa pa Kuninika. Ulwa kwa Davidi.
131 Mwe Yehova, umutima wandi tawatakalala,+
Na menso yandi tayasansabala;+
Kabili nshakonkelela ifikulu,+
Nangu ifyo nshingakumanisha.+
2 Cine cine nateka umweo wandi kabili nautalalika+
Ngo mwana uwasumuka uuli pa molu ya kwa nyina.+
Ndi ngo mwana uwasumuka.+
Ulwimbo lwa pa Kuninika.
Ifyo alapile umulapo ku Wa Maka+ uwa kwa Yakobo ati:+
3 “Nshakengile mwi tenti lya ng’anda yandi.+
Nshakanine pa ca kusendamapo candi icikalamba,+
4 Nshakasuminishe utulo ku menso yandi,+
Nangu kushipula ku menso yandi ayalelola,+
11 Yehova nalapa kuli Davidi,+
Cine cine takatelule umulapo wa kuti:+
“Umwana uukafuma muli iwe+
E o nkateka pa cipuna cobe ica bufumu.+
12 Abana bobe nga bakasunga icipangano candi+
Ne fyebo fyandi ifya kubebukishako ifyo nkabasambilisha,+
Ninshi na bana babo na bo bakekala umuyayaya+
Pa cipuna cobe ica bufumu.”+
Ulwimbo lwa pa Kuninika. Ulwa kwa Davidi.
133 Moneni! Ukwikala pamo mu cumfwano ukwa ba bwananyina
Kwaliwama kabili kulaleta insansa icine cine!+
2 Kwaba nga mafuta ayasuma pa mutwe,+
Ayalekonkolokela pa mwefu,
Umwefu wa kwa Aarone+
Ayalekonkolokela pa mukoshi wa ca kufwala cakwe.+
3 Kwaba ngo mume+ wa pa Hermone+
Uwisa pa mpili sha mu Sione.+
Pantu mulya e mo Yehova asosele ukuti ipaalo lileikala,+
No mweo wa muyayaya.+
Ulwimbo lwa pa Kuninika.
Lumbanyeni ishina lya Yehova,+
Mwe babomfi ba kwa Yehova, mulumbanyeni,+
2 Mwe beminina mu ng’anda ya kwa Yehova,+
Mu mansa sha ng’anda ya kwa Lesa wesu.+
6 Fyonse ifyo Yehova afwaile ukucita alicita.+
Mu muulu na pe sonde, muli babemba na mu menshi yonse ayashika.+
7 Alenga fubefube ukwima ukufuma ku mpela ye sonde;+
Alipanga no mwa kufumina imfula;+
Afumya umwela mu matala yakwe,+
8 Uwaipeye amabeli ya mu Egupti,+
Aya bantu na ya nama.+
9 Atumine ifishibilo ne fipesha amano mu kati kobe, we Egupti,+
Pali Farao na pa babomfi bakwe bonse;+
No kwipaya ishamfumu sha maka,+
11 Kumo na Sihone imfumu ya bena Amore+
Na Oge imfumu ya ku Bashani+
Na mabufumu yonse aya mu Kanaani,+
12 Kabili uwapeele icalo cabo ukuti cibe ica bupyani,+
Ukuba ica bupyani ku bena Israele abantu bakwe.+
16 Utunwa twalikwata, lelo te kuti tusose nangu cimo;+
Amenso twalikwata, lelo te kuti tumone nangu cimo;+
17 Amatwi twalikwata, lelo te kuti tumfwe nangu cimo.+
Kabili tamwaba umupu mu tunwa twa tuko.+
19 Mwe ba mu ng’anda ya kwa Israele, cindikeni Yehova.+
Mwe ba ng’anda ya kwa Aarone, cindikeni Yehova.+
20 Mwe ba mu ng’anda ya kwa Lebi, cindikeni Yehova.+
Mwe baba na katiina kuli Yehova, cindikeni Yehova.+
136 Tooteleni Yehova, pantu musuma;+
Pantu icikuuku cakwe ca muyayaya;+
2 Tooteleni Lesa uwacila tulesa tonse:+
Pantu icikuuku cakwe ca muyayaya;+
3 Tooteleni Shikulu uwacila bashikulu bonse:+
Pantu icikuuku cakwe ca muyayaya;+
4 Uucita ifipesha amano, ifikalamba eka:+
Pantu icikuuku cakwe ca muyayaya;+
5 Uwapangile imyulu ku mucetekanya;+
Pantu icikuuku cakwe ca muyayaya;+
6 Uwayanshile isonde pa muulu wa menshi ayengi:+
Pantu icikuuku cakwe ca muyayaya;+
7 Uwapangile ifya kusanika ulubuuto ifikalamba:+
Pantu icikuuku cakwe ca muyayaya;+
8 Uwapangile akasuba ukulabako inshita ya kasuba:+
Pantu icikuuku cakwe ca muyayaya;+
9 Uwapangile umweshi ne ntanda ukuti fyonse filebako ubushiku:+
Pantu icikuuku cakwe ca muyayaya;+
10 Uwaipeye amabeli ya bena Egupti:+
Pantu icikuuku cakwe ca muyayaya;+
11 Kabili uwafumishe Israele mu kati kabo:+
Pantu icikuuku cakwe ca muyayaya;+
12 Ukubomfya ukuboko kwakwe ukwa maka kabili ukwatambalikwa+
Pantu icikuuku cakwe ca muyayaya;
13 Uwayakenye Bemba Wakashika pa kati:+
Pantu icikuuku cakwe ca muyayaya;+
14 Kabili uwalengele Israele ukupita mu kati ka uko:+
Pantu icikuuku cakwe ca muyayaya;+
15 Kabili uwapoosele Farao na bashilika bakwe muli Bemba Wakashika:+
Pantu icikuuku cakwe ca muyayaya;+
16 Uwalengele abantu bakwe ukwenda mu mpanga:+
Pantu icikuuku cakwe ca muyayaya;+
17 Uwaipeye ishamfumu sha maka:+
Pantu icikuuku cakwe ca muyayaya;+
18 Kabili uwaipeye ishamfumu ishikankaala:+
Pantu icikuuku cakwe ca muyayaya;+
19 Na Sihone imfumu ya bena Amore:+
Pantu icikuuku cakwe ca muyayaya;+
20 Na Oge imfumu ya ku Bashani:+
Pantu icikuuku cakwe ca muyayaya;+
21 Kabili uwapeele icalo cabo ukuti cibe ica bupyani:+
Pantu icikuuku cakwe ca muyayaya;+
22 Ukuti cibe ica bupyani ca kwa Israele umubomfi wakwe:+
Pantu icikuuku cakwe ca muyayaya;+
23 Uwatwibukishe mu kucula kwesu:+
Pantu icikuuku cakwe ca muyayaya:+
24 Kabili uwaletupokolola libili libili ku balwani besu:+
Pantu icikuuku cakwe ca muyayaya;+
25 Uupeela ifya mweo fyonse ifya kulya:+
Pantu icikuuku cakwe ca muyayaya;+
26 Tooteleni Lesa wa mu myulu:+
Pantu icikuuku cakwe ca muyayaya.+
137 Mu lulamba lwa mimana ya ku Babiloni+—e mo twaikele.+
Kabili twalililile ilyo twaibukishe Sione.+
3 Pantu palya e po abatwikete bunkole balombele kuli ifwe ulwimbo,+
Kabili abaletupumya balefwaya tubasekesheko, balefwaya tubembilepo ulwimbo lwa kusekelela abati:+
“Twimbilenipo ulwimbo ulwa ku Sione.”+
6 Ululimi lwandi lulambatile ku muulu wa kanwa kandi,+
Nga nakaana ukwibukisha iwe,+
Nga nafilwa ukulenga Yerusalemu
Ukuba ica kundetela insansa ishapulamo.+
7 Mwe Yehova, ibukisheni+ ubushiku abana ba kwa Edomu+ balesosa pali Yerusalemu,+
Abati: “Bongololeni! Bongololeni ukufika na pa mufula wa kukuulapo!+
8 We mwana mwanakashi Babiloni, we uli no konaulwa,+
Akasansamuka uwabwesesha pali iwe+
Ifyo wacitile kuli ifwe.+
Ulwa kwa Davidi.
2 Nkakontamina kwi tempele lyenu ilya mushilo,+
Kabili nkatootela ishina lyenu,+
Pa mulandu wa cikuuku+ cenu na pa mulandu wa cishinka cenu.+
Pantu ifyebo+ mulanda mulafifikilisha mu nshila iikalamba iya kuti yacila na pe shina lyenu.+
4 Ishamfumu shonse isha pe sonde shikamutootela, mwe Yehova,+
Pantu shikaba nashumfwa ifyebo fya mu kanwa kenu.
7 Nga naenda mu bucushi, mukasunga umweo wandi.+
Mukatambalika ukuboko kwenu pa mulandu wa cipyu ca balwani bandi,+
No kuboko kwenu ukwa ku kulyo kukampususha.+
8 Yehova akafishapo ukufwaya kwakwe konse kuli ine.+
Mwe Yehova, icikuuku cenu ca muyayaya.+
Mwilekelesha ifyo mwabumba.+
Ku ng’omba nkalamba. Ulwa kwa Davidi. Ulwimbo.
139 Mwe Yehova, mwafwayafwaya muli ine, kabili mwalinjishiba.+
2 Imwe mwaishiba ukwikala kwandi no kwima kwandi.+
Mwaishiba amatontonkanyo yandi nangu mwaba ukutali.+
5 Mwalinshinguluka konse konse;
No kubika ukuboko kwenu pali ine.
8 Nga nanina naya ku muulu, e ko mwaba;+
Kabili nga nayanshika ubusanshi bwandi ku Nshiishi, moneni na ko e ko mwaba.+
9 Nga nafwala amapindo+ ya macaca,
Pa kuti njeikala ukwalepesha muli bemba,+
10 Na ko kwine ukuboko kwenu kukantungulula+
No kuboko kwenu ukwa ku kulyo kukanjikatilila.+
11 Kabili nga natila: “Cine cine imfifi yalayangufyanya ukunkupa!”+
E lyo ubushiku bwasanguka ulubuuto ukunshinguluka.+
12 Nangu fye ni mfifi tayakafiitishe kuli imwe,+
Lelo ubushiku bukabalika nga kasuba;+
Imfifi ikaba fye ngo lubuuto.+
14 Ndemulumbanya pantu napangilwe mu musango wa kupapa kabili uwapesha amano.+
Yalipesha amano imilimo yenu,+
Nge fyo no mweo wandi waishiba.+
15 Amafupa yandi tayafishilwe kuli imwe+
Ilyo nalepangwa umwafisama,+
Ilyo nalepikulwa pa nshi+ ya calo.
16 Ilyo fye nalepangwa amenso yenu yalimwene,+
Kabili mwi buuku lyenu mwalembelwe ifilundwa fyandi fyonse,
Mwalembelwe inshiku ifilundwa fyapangilwe+
Ninshi tapalaba icilundwa nangu cimo.
17 E ico kuli ine, yalicindama icine cine amatontonkanyo yenu!+
Mwe Lesa, impendwa ya yako yonse yalikula nga nshi!+
19 Iye, mwe Lesa, kanshi nga mwaipaya ababifi!+
Ninshi kuti bataluka kuli ine abasumya umulopa,+
23 Fwayeni muli ine, mwe Lesa, no kwishiba umutima wandi.+
Nceeceeteni, no kwishiba amalangulushi yandi,+
24 Mumone nga muli ine mwaba amapange ya kuntwala mu nshila iibi,+
Kabili muntungulule mu nshila+ ya muyayaya.
Ulwa ku ng’omba nkalamba. Ulwimbo lwa kwa Davidi.
140 Mpokololeni, mwe Yehova, ku bantu ababi;+
Ncingilileni na ku muntu wa bunkalwe,+
2 Abapanga ifya bubi mu mitima yabo,+
Abo akasuba konse basansa kwati ni mu bulwi.+
4 Ntalusheni, mwe Yehova, ku minwe ya mubifi;+
Ncingilileni na ku muntu wa bunkalwe,+
Ku bapanga ukuti inkasa shandi shi-ipunune.+
5 Aba matutumuko banteya ulukose apo nshingamona;+
Ba-ansa ne myando kwati lisumbu ku mbali ya musebo.+
Bambikila ifiteyo.+ Seʹlah.
7 Mwe Yehova, mwe Shikulu Mulopwe,+ mwe bakwata amaka ya kumpususha,+
Mwacinga umutwe wandi mu bushiku bwa nkondo.+
8 Mwe Yehova, mwisuminisha ififwaya umutima wa mubifi.+v
Mwileka ukupanga kwakwe kucitike, epali aisansabika.+ Seʹlah.
10 Lekeni amalasha ayaleaka yabaponene.+
Bapooswe mu mulilo,+ mu filindi fya menshi, pa kuti beima kabili.+
Ulwimbo lwa kwa Davidi.
141 Mwe Yehova, nalilila kuli imwe.+
Endesheni ukwisa kuli ine.+
Kutikeni kwi shiwi lyandi ilyo nalilila kuli imwe.+
2 Lekeni amapepo yandi yapekanishiwe nge fyanunkila+ ku cinso cenu,+
No kwimya amaboko yandi pa kupepa kube ngo mutuulo wa ngano uwa ku cungulo.+
4 Mwileka umutima wandi ukonkelele ifyabipa,+
Pa kuti niicita ifyabipa+
Pamo ne ncitatubi,+
Pa kuti niilyako ifya maliila fyabo.+
5 Uwalungama nga anguma, ninshi ali ne cikuuku kuli ine;+
Kabili nga anungika, cimo no kunsuba amafuta pa mutwe,+
Ayo umutwe wandi ushingakaana.+
Kabili abalungami kuti nabapepelako mu nshita sha macushi.+
6 Abapingushi babo bafuntulwa ukufuma pa muulu wa cilibwe,+
Lelo bena nabomfwa ifyebo fyandi, ukuti fisuma.+
7 Filya utupimfya twa tumiti tusalanganina pa nshi ilyo umo alelepaula inkuni no kushipandaula
E fyo amafupa yesu yasalanganina pa milomo ya Nshiishi.+
8 Lelo, kuli imwe,+ mwe Yehova Shikulu Mulopwe, e ko amenso yandi yalola.+
Nauba muli imwe.+
Mwileka umweo wandi onaulwe.+
Maskili. Ulwa kwa Davidi, ilyo ali mu lucengo.+ Ipepo.
142 Nakuutile kuli Yehova kwi shiwi lyandi, ukuti angafwe;+
Kwi shiwi lyandi, naliliile kuli Yehova ukuti ampaale.+
2 Ku cinso cakwe e ko nalepongolwela amasakamika yandi;+
Nalelondolola ukucula kwandi ku cinso cakwe,+
3 Ilyo tamwali amaka+ muli ine.
Imwe mwaishiba inshila yandi.+
Mu nshila umo nyenda+
Banteyamo iciteyo.+
4 Lolesha ku kwa kulyo no kumona
Ukuti takuli nangu umo uumbikako amano.+
Ica kufulumukilako candi naciloba;+
Tapali no uleipusha ulwa mweo wandi.+
6 Umfweni inkuuta ya kupapaata kwandi,+
Pantu ninsaaluka icine cine.+
Mpokololeni ku bancusha,+
Pantu balikosa ukuncila.+
7 Fumyeni umweo wandi mu cifungo+
Pa kuti ntashe ishina lyenu.+
Lekeni abalungama banshinguluke,+
Pantu mucita iciweme kuli ine.+
Ulwimbo lwa kwa Davidi.
143 Mwe Yehova, umfweni ipepo lyandi;+
Kutikeni ku kupapaata kwandi.+
Njasukeni ukulingana ne cishinka cenu no bulungami bwenu.+
2 Kabili mwipingula umubomfi wenu;+
Pantu tapali uwa mweo nangu umo uwingaba uwalungama ku cinso cenu.+
3 Pantu umulwani afwaya umweo wandi;+
Ashonawila umweo wandi pa nshi.+
Anenga ukwikala umwafiita nga bantu abafwa umuyayaya.+
5 Nga naibukisha inshiku sha ku kale;+
Ntontonkanya pa micitile yenu yonse;+
Nabika umutima wandi pa fyo iminwe yenu yacitile.+
7 Shi angufyanyeni, njasukeni, mwe Yehova.+
Umupashi wandi wafika ku mpela.+
Mwifisa icinso cenu kuli ine,+
Epali naba nga batentemukila ku nindi.+
8 Munenge ukumfwa icikuuku cenu ulucelo,+
Pantu ni mwe natetekela.+
Nengeni ukwishiba inshila iyo mfwile ukwendamo,+
Pantu kuli imwe e ko nalosha umweo wandi.+
10 Nsambilisheni ukucita ukufwaya kwenu,+
Pantu ni mwe Lesa wandi.+
Umupashi wenu usuma;+
Lekeni untungulule mu calo ca balungami.+
12 Kabili mu luse lwenu mupeshe abalwani bandi;+
No kulofya bonse abalungulusha umweo wandi,+
Pantu ndi mubomfi wenu.+
Ulwa kwa Davidi.
144 Abe uwacindikwa Yehova Icilibwe candi icasansuka,+
Uusambilisha amaboko yandi ubulwi,+
Ne minwe yandi ukulwa;
2 E cikuuku candi kabili e uncingilila,+
E cubo candi kabili e wa kumpokolola,+
E nkwela+ yandi kabili e o ngubamo,+
E unashisha inko mwi samba lyandi.+
3 Mwe Yehova, wa nshi umuntu uwa kuti mumupooseko amano,+
Umwana wa muntu+ umwina kufwa uwa kuti mulemutontonkanyapo?
7 Tambalikeni amaboko yenu ukufuma mu muulu;+
Ndubuleni no kumpokolola ku menshi ayengi,+
Mu minwe ya bambi bambi,+
8 Abo utunwa twabo tusosa ubufi+
Kabili ku kuboko kwabo ukwa ku kulyo e ko balapila ifya bufi.+
9 Mwe Lesa, nkamwimbila ulwimbo lupya.+
Pa cilimba ca nsale ikumi (10) e po nkamulumbanishisha,+
10 Mwe bapeela ukupususha ku shamfumu,+
Mwe batuula Davidi ku lupanga ulubi.+
11 Ndubuleni no kumpokolola mu minwe ya bambi bambi,+
Abo utunwa twabo tusosa ubufi+
Kabili ku kuboko kwabo ukwa ku kulyo e ko balapila ifya bufi,+
12 Abatila: “Abana besu abaume baba nge miti iyakula ilyo icili iiteku,+
Abana besu abanakashi baba nge nceshi sha pa makoona ishabaswa ubusaka sana kwati sha kwi sano,
13 Amatala yesu nayesula, muli ifya kulya fya misango misango,+
Impaanga shesu nashifyala, ica kuti shili amakana na makana mu lubansa lwesu,
14 Ing’ombe shesu nashiimita, kabili tashicenenwe nangu ukupulumuna amafumo,+
Kabili tamuli umusowa mu mansa shesu.+
Ilumbo, ilya kwa Davidi.
א [Aʹleph]
145 Nkamusansabika, mwe Lesa wandi, mwe Mfumu,+
Kabili nkacindika ishina lyenu umuyayaya, kabili pe na pe.+
ב [Behth]
ג [Giʹmel]
ד [Daʹleth]
ה [He]
ו [Waw]
ז [Zaʹyin]
7 Bakashimika ifingi pa busuma bwenu ubwingi,+
Kabili pa mulandu wa bulungami bwenu bakaula no kusekelela.+
ח [Chehth]
ט [Tehth]
י [Yohdh]
כ [Kaph]
ל [Laʹmedh]
מ [Mem]
ס [Saʹmekh]
ע [Aʹyin]
פ [Peʼ]
צ [Tsa·dhehʹ]
ק [Qohph]
ר [Rehsh]
19 Akacitila ababa na katiina kuli ena ifyo balefwaya,+
Akomfwa ne nkuuta yabo, kabili akabapususha.+
ש [Shin]
ת [Taw]
21 Akanwa kandi kakalanda ifya kulumbanya Yehova;+
Lekeni ica mweo conse cicindike ishina lyakwe ilya mushilo umuyayaya, kabili pe na pe.+
5 Alipaalwa uo Lesa wa kwa Yakobo e kaafwa wakwe,+
Uwaba ne subilo muli Yehova Lesa wakwe,+
6 Uwapangile umuulu ne sonde,+
Bemba, na fyonse ifyabamo,+
Uwa cishinka umuyayaya,+
Uupeela aba nsala ifya kulya.+
Yehova akakula abakakwa.+
Umwana wa nshiwa na mukamfwilwa alabapuupuutula,+
10 Yehova akaba imfumu umuyayaya,+
Lesa obe, we Sione, akaba imfumu ku nkulo ne nkulo.+
Lumbanyeni Jah!+
Pantu cisuma ukulumbanishisha Lesa wesu+ pa filimba;
Pantu ukumwimbila kwaliwama—ukumulumbanya kwalilinga.+
7 Ankwileni Yehova ulwimbo lwa kutootela,+
Lumbanishisheni Lesa wesu pali nsango,+
Uuteyanishisha isonde imfula,+
Uulenga impili ukumesha icani iciteku.+
16 Apeela imfula ya bungululu bwabuuta nga masako ya mpaanga;+
Asalanganya amenshi makaasa nge mito.+
7 Lumbanyeni Yehova mwe ba pe sonde,+
Mwe bashimweshimwe ba muli bemba na mwe menshi yonse ayashika,+
8 Mwe mulilo ne mfula ya mabwe, imfula ya bungululu bwabuuta ne cushi cafiita,+
Na we mwela wa nkuuka, uucita ico asosa,+
Mwe miti ya fisabo na mwe mikedari yonse,+
10 Mwe nama mpanga na mwe fitekwa fyonse,+
Mwe fikulika na mwe fya mapindo,+
11 Mwe shamfumu sha pano isonde+ na mwe nko shonse,
Mwe bacilolo+ na mwe bapingushi bonse aba pano isonde,+
13 Lekeni filumbanye ishina lya kuti Yehova,+
Pantu ishina lyakwe lyeka lyalisansukisha.+
Ubukata bwakwe bwacila isonde no muulu.+
14 Kabili akasansabalika ulusengo lwa bantu bakwe,+
Akasansabalika ukulumbanya kwa ba cishinka bakwe,+
Abana ba kwa Israele, abantu abamupalama.+
Lumbanyeni Jah!+
2 Lekeni Israele asekelele muli Kalenga wakwe, Lesa Mukulu,+
Lekeni abana ba kwa Sione—baangile mu Mfumu yabo.+
3 Lekeni balumbanishishe ishina lyakwe mu kucinda.+
Lekeni bamulumbanishishe pa kaoma na pali nsango.+
6 Lekeni inyimbo sha kulumbanya Lesa shilefuma pa mikoshi yabo,+
No lupanga ulwatwila kubili kubili lube mu minwe yabo,+
7 Ku kuleta icilandushi pa nko,+
Ku kwebaula abantu na bantu,+
8 Ku kukaka ishamfumu shabo mu minyololo+
Na bakata babo mu makusu ya fyela,v
9 Ku kuleta pali bena ubupingushi bwalembwa.+
Ubucindami bwa musango yo bwaba ku ba cishinka bakwe bonse.+v
Lumbanyeni Jah!+
Moneni Icipande calenga 4 ica Ifyalundwako.
Nelyo “bamalaika.”
Ici e cilembo ca kubalilapo muli alufabeti wa ciHebere. Ilyo balembele ili lumbo pa kubalilapo fye bakonkele alufabeti.
Nangu, “umupusushi wa maka.” Ulusengo lwa nama mu Baibolo lwimininako ukukosa, amaka, nelyo amaka ya kutungulula.
Nelyo, “pa mapindo ya mwela.”
Abantu balefwala “insamu” nga balelosha nelyo nga bali no bulanda.
Mu ciHebere apa pali “Amalembo” paba ati “ibuuku ilyapombwa.”
Mu ciHebere yaba ati: “Aimishe akatende kakwe pali ine.”
Muri mafuta yanunkila ayo balefumya ku finyamuti fya fimuti fimo.
Moneni pa Am 18:2 apo balondolola pa “lusengo.”
Aba “aba maka” e “bamalaika.”
Aba “bana ba kwa Lote,” bena Moabu na bena Amone.
E kutila, pa bushiku bwa “Kwesha.”
Nangu, “kalipweni nga nshi.”
Nangu, “ukuba ngo mwela.”