Amose

1 Amashiwi ya kwa Amose, uwali pa baleteka impaanga ku Tekoa,+ ayo amwene mu cimonwa pali Israele+ mu nshiku sha kwa Usia+ imfumu ya kwa Yuda na mu nshiku sha kwa Yeroboamu+ mwana Yoashi,+ imfumu ya kwa Israele, imyaka ibili ilyo kushilaba icinkukuma.+ 2 E lyo atile:

“Yehova akabuluma mu Sione,+ akasansula ne shiwi lyakwe mu Yerusalemu;+ ne mpanga sha mulemfwe isha bacemi shikaloosha, na pa muulu wa Karmele pakooma.”+

3 “E fyo Yehova atila, ‘“Pa mulandu wa kupondoka kutatu ukwa kwa Damaseke,+ na pa mulandu wa kupondoka kune, nshakaalule ubupingushi bwandi nakalya, na pa mulandu wa kupuma Gileadi+ kwati ni ngano ku fyela fya kupuminako. 4 Kabili nkatuma umulilo+ pa ba mu ng’anda ya kwa Hasaele,+ na o ukoca amayanda ya pa malinga aya kwa Ben-hadadi.+ 5 Kabili nkakontola umupindo wa kwa Damaseke+ no kulofya umwikashi wa mu Bikati-abeni, no waikata inkonto mu Bet-edene; na bena Siria bakaya muli bunkole ku Kiri,”+ e fyo Yehova asosa.’

6 “E fyo Yehova atila, ‘“Pa mulandu wa kupondoka kutatu ukwa kwa Gasa,+ na pa mulandu wa kupondoka kune, nshakaalule ubupingushi bwandi nakalya, pa mulandu wa kusenda bankole bonse muli bunkole+ no kubapeela kuli Edomu.+ 7 Kabili nkatuma umulilo pe linga lya kwa Gasa,+ na o ukoca amayanda yakwe aya pa malinga. 8 Nkalofya no mwikashi mu Ashidode,+ no waikata inkonto uwa ku Ashkelone;+ nkabwesesha+ no kuboko kwandi pali Ekrone,+ na bashalapo pa baPelishiti bakaloba,”+ e fyo Shikulu Mulopwe Yehova asosa.’

9 “E fyo Yehova atila, ‘Pa mulandu wa kupondoka kutatu ukwa kwa Turi,+ na pa mulandu wa kupondoka kune, nshakaalule ubupingushi bwandi nakalya, pa mulandu wa kuti bapeele bankole bonse kuli Edomu, na pa mulandu wa kuti tabaibukishe icipangano ca bwananyina.+ 10 Kabili nkatuma umulilo pe linga lya kwa Turi, na o ukoca amayanda yakwe aya pa malinga.’+

11 “E fyo Yehova atila, ‘Pa mulandu wa kupondoka kutatu ukwa kwa Edomu,+ na pa mulandu wa kupondoka kune, nshakaalule ubupingushi bwandi nakalya, na pa mulandu wa kukonka munyina no lupanga,+ na pa mulandu wa kuti alekele ukumfwa uluse,+ kabili ubukali bwakwe tabuleka ukulepaula; kabili atwalilila fye ukuba ne cipyu.+ 12 Kabili nkatuma umulilo mu Temani,+ na o ukoca amayanda ya pa malinga aya kwa Bosera.’+

13 “E fyo Yehova atila, ‘“Pa mulandu wa kupondoka kutatu ukwa bana ba kwa Amoni,+ na pa mulandu wa kupondoka kune, nshakaalule+ ubupingushi bwandi nakalya, pa mulandu wa kulepula amafumo ya banakashi abaimita aba ku Gileadi, pa kuti bakushe imipaka yabo.+ 14 Nkasonteka no mulilo pe linga lya kwa Raba,+ na o ukoca amayanda yakwe aya pa malinga, no kulisha ipenga lya kusoka mu bushiku bwa bulwi, ne cikuuku ca mwela mu bushiku bwa cipuupu.+ 15 Kabili imfumu yabo ikaya muli bunkole, pamo na bacilolo ba iko,”+ e fyo Yehova asosa.’

2 “Yehova atila, ‘“Pa mulandu wa kupondoka kutatu ukwa kwa Moabu,+ na pa mulandu wa kupondoka kune, nshakaalule ubupingushi bwandi nakalya, pa mulandu wa koca amafupa ya mfumu ya kwa Edomu ukuti yabe impemba.+ 2 Kabili nkatuma umulilo muli Moabu, na o ukoca amayanda ya pa malinga aya mu Keriyote;+ na Moabu akafwa ne congo, ne penga lya kusoka, no kulila kwa ntandala.+ 3 Kabili nkalofya kapingula mu kati kakwe, na bacilolo bakwe bonse nkabepaila pamo nankwe,”+ e fyo Yehova asosa.’

4 “Yehova atila, ‘Pa mulandu wa kupondoka kutatu ukwa kwa Yuda,+ na pa mulandu wa kupondoka kune, nshakaalule ubupingushi bwandi nakalya, pa mulandu wa kukaana amafunde ya kwa Yehova,+ na pa mulandu wa kuti tabakonkele ifipope fyakwe; lelo ubufi+ bwabo, ubo ifikolwe fyabo fyaendelemo, e bwalebalenga ukululumba.+ 5 Kabili nkatuma umulilo muli Yuda, na o ukoca amayanda ya pa malinga aya mu Yerusalemu.’+

6 “Yehova atila, ‘Pa mulandu wa kupondoka kutatu ukwa kwa Israele,+ na pa mulandu wa kupondoka kune, nshakaalule ubupingushi bwandi nakalya, na pa mulandu wa kushitisha uwalungama mu ndalama sha silfere, no mupiina pa mutengo wa ndyato.+ 7 Balefwaisha ulukungu lwa pano isonde ukuba pa mitwe ya bapiina;+ kabili baletamfya abafuuka mu nshila;+ umwaume na wishi baya ku mukashana+ umo wine, ku kukowesha ishina lyandi ilya mushilo.+ 8 Na pa fya kufwala ifyo bapoka nge ciikatilo e po balambalala+ mupepi ne ciipailo+ conse; no mwangashi wa bantu abo balipilisha e o banwa pa ng’anda ya balesa babo.’+

9 “‘Lelo ine, nalofeshe umwina Amore+ pa mulandu wabo, uwalepele nge miti ya mikedari, kabili uwa maka nge miti iikalamba;+ nalofeshe ne fisabo fyakwe ku muulu ne mishila yakwe kwi samba.+ 10 Na ine naninike imwe ukufuma mu calo ca Egupti,+ kabili namulengele ukwenda mu matololo pa myaka amakumi yane (40),+ pa kuti mupoke icalo ca mwina Amore.+ 11 Kabili nalemwimisha abana benu bamo ukuba bakasesema+ na balumendo benu bamo ukuba abaNasiri.+ Bushe te fyo cali, mwe bana ba kwa Israele?’ e fyasosa Yehova.

12 “‘Lelo mwalenwesha abaNasiri umwangashi,+ kabili mwaebele bakasesema, amuti: “Mwilasesema.”+ 13 Moneni ine ndelenga ifyaba pe samba lyenu ukusunkana, filya iceleta ilyaisulamo imyanshi ya ngano iyo baputula nomba line lisunkana. 14 Kabili takwakabe ukwa kufulumukila umuntu uubutukisha,+ no wakosa takakoshe amaka yakwe, ne mpalume tayakapusushe umweo wa iko.+ 15 Uwikata ubuta na o takeminine, no wayanguka amakasa takafulumuke, no unina pali kabalwe takapusushe umweo wakwe.+ 16 No washipa umutima pa baume ba maka, akafulumuka ubwamba mu bushiku bulya,’+ e fyasosa Yehova.”

3 “Umfweni amashiwi aya ayo Yehova asosa pali imwe,+ mwe bana ba kwa Israele, pali bonse aba mu lupwa ulo naninike ukufuma mu calo ca Egupti,+ ndetila, 2 ‘Ni mwe naishiba+ mweka pa ndupwa shonse isha pano nse.+ E mulandu wine nkamulubulwishisha pa membu shenu shonse.+

3 “‘Bushe abantu babili kuti baendela pamo nga tabapangene?+ 4 Bushe inkalamo kuti yabuluma mu mutengo nga taikwete ica kutaakanya?+ Bushe umusepela wa nkalamo kuti wabuluma mu bwikalo bwa uko nga tapali ifyo wikete? 5 Bushe icuni kuti cawila mu citeyo nga ca kuti tapali ubulyo?+ Bushe iciteyo cilafwampuka pa mushili apabula ifyo caikata? 6 Intandala nga yalila mu musumba, bushe abantu tabatutuma?+ Bushe nga kwapona ubucushi mu musumba, bushe ninshi te Yehova acitilepo cimo? 7 Pantu Shikulu Mulopwe Yehova tacita icintu nangu cimo kano abala asokolola inkama yakwe ku babomfi bakwe bakasesema.+ 8 Inkalamo naibuluma!+ Nani uushatiine? Shikulu Mulopwe Yehova nasosa! Nani uushaseseme?’+

9 “‘Sabankanyeni mu mayanda ya pa malinga aya mu Ashidode na mu mayanda ya pa malinga aya mu calo ca Egupti,+ no kutila: “Longaneni pamo pa kuti mulwishe impili sha Samaria,+ no kumona ifimfulunganya ifingi mu kati kakwe ne milandu ya lufyengo iili muli ena.+ 10 Kabili tabaishiba ukucita icalungama,”+ e fyo asosa Yehova, “abatutila ubunkalwe+ no kusampa ifipe mu mayanda yabo aya pa malinga.”’

11 “E ico Shikulu Mulopwe Yehova atila, ‘Kuli no mulwani mu kati ka calo,+ akakupoka na maka yobe, na mayanda yobe aya pa malinga yakapokwa.’+

12 “Yehova atila, ‘Filya fine umucemi asompola mu kanwa ka nkalamo amolu yabili nelyo icipimfya ca kutwi,+ e fyo na bana ba kwa Israele bakasompolwa, abaikala mu Samaria pa ca kwikalapo+ ica bukankaala na pa musengele wa bena Damaseke.’+

13 “‘Umfweni no kushimika ubunte+ mu ng’anda ya kwa Yakobo,’ e fyo Shikulu Mulopwe Yehova, Lesa wa mabumba asosa. 14 ‘Pantu mu bushiku nkalubulwisha+ Israele pa kupondoka kwakwe, nkalubulwisha ne fiipailo fya ku Betele;+ ne nsengo sha ku ciipailo shikaputaulwa no kuponena pa nshi.+ 15 Nkabongolola ne ng’anda+ ya mu nshita ya mpepo pamo ne ng’anda ya mu lusuba.’+

“‘Na mayanda ya meno ya nsofu yakaloba,+ kabili amayanda ayengi yakaloba,’+ e fyasosa Yehova.”

4 “Umfweni amashiwi aya, mwe ng’ombe nkota isha ku Bashani,+ mwe baba pa lupili lwa Samaria,+ mwe bebila abapiina,+ mwe bacusha abapiina, mwe basosa kuli bashikulu babo amuti, ‘Leteni tunwe!’ 2 Shikulu Mulopwe Yehova nalapa bumushilo+ bwakwe, ati, ‘“Moneni! Inshiku shileisa pali imwe, kabili akamwimisha ku fya kulobelako na bashalako kuli imwe ku ndobo.+ 3 Kabili apapongolwa e po mukapita,+ umuntu onse ukuya ku ntanshi; kabili mukapooswa ku Harmone,” e fyo Yehova asosa.’

4 “‘Iseni ku Betele no kucita ifyabipa.+ Mu Gilgali akuciteni ifyabipa lyonse,+ leteni na malambo yenu ulucelo; pa bushiku bwalenga shitatu, leteni ifya pe kumi.+ 5 Kabili umukate uwatutumuka e o mutuule ukuba ilambo lya kutootela ukuti lifutumuke,+ kabili bilisheni ku bantu pa mutuulo+ wa kuitemenwa; bilisheni ku bantu, pantu e fyo mwatemwa, mwe bana ba kwa Israele,’+ e fyo Shikulu Mulopwe Yehova asosa.

6 “‘Na ine, namupeele ameno+ ayabuuta mu misumba yenu yonse kabili namulengele ukukanakwata ifya kulya mu ncende shenu shonse;+ lelo tamwabwelele kuli ine,’+ e fyo Yehova asosa.

7 “‘Na ine, nalimutanine imfula ilyo kwashele imyeshi itatu iya kulobolola;+ naloseshe ne mfula mu musumba umo, lelo mu musumba umbi nshaloseshemo imfula. Kwali impanga imo uko imfula yalokele, lelo impanga imbi nshaloseshemo imfula, yena yalyumine.+ 8 Na ba mu misumba ibili napamo itatu baile baletalantanta ukuya ku musumba umbi ku kunwa amenshi,+ kabili icilaka tacapwile; lelo tamwabwelele kuli ine,’+ e fyasosa Yehova.

9 “‘Nalengele amabula yenu ukuba ayakonkotana kabili ayafufuma.+ Amabala yenu yalifulile pamo na mabala ya myangashi, lelo ifishimu fyaliliile+ imikunyu yenu ne miolife yenu; lelo tamwabwelele kuli ine,’+ e fyasosa Yehova.

10 “‘Nalimutumiine icikuko nga cilya cali ku Egupti.+ Ku lupanga e ko naipaile abalumendo benu,+ no kusenda bakabalwe+ benu muli bunkole. Nalengele no kununka kwa nkambi shenu ukwingila mu myona+ yenu; lelo tamwabwelele kuli ine,’+ e fyasosa Yehova.

11 “‘Nawishishe icalo cenu, nge fyo nawishishe Sodomu na Gomora.+ Kabili mwaishileba ngo lukuni ulwasompolwa mu mulilo;+ lelo tamwabwelele kuli ine,’+ e fyasosa Yehova.

12 “Awe e fyo nkacita kuli iwe, we Israele. Pa mulandu wa kuti nkacita ici cine kuli iwe, ipekanye ukukumanya Lesa+ obe, we Israele. 13 Pantu moneni! Uwapangile impili+ no Wapangile umwela,+ no Weba umuntunse ifyo amatontonkanyo yakwe yali,+ Uulenga amacaca ukuba imfifi,+ kabili uunyantaula ififulo fya kupepelapo ifya pano isonde,+ Yehova Lesa wa mabumba e shina lyakwe.”+

3 “Pantu Shikulu Mulopwe Yehova atila, ‘Mu musumba umwalefuma ikana limo (1,000), mukashala umwanda umo (100); no mwalefuma umwanda umo mukashala ikumi (10), mu ba mu ng’anda ya kwa Israele.’+

4 “Pantu Yehova atila ku ba mu ng’anda ya kwa Israele, ‘Mfwayeni,+ kabili mukaba no mweo.+ 5 Kabili mwifwaya Betele,+ na ku Gilgali+ mwiyako, ku Beere-sheba na ko mwiyabukilako;+ pantu Gilgali akaya muli bunkole;+ na Betele akaba incende ya finjelengwe.+ 6 Fwayeni Yehova, no kuba no mweo,+ mwe ba mu ng’anda ya kwa Yosefe,+ pa kuti ebilima ngo mulilo,+ no kumyonaula, na Betele ebula uwa ku-ushimya,+ 7 Imwe mwe basangula umulinganya ukuba nge cintu icalula,+ kabili mwe bapoosa ubulungami pa nshi.+ 8 Kalenga wa ntanda sha Kima+ ne ntanda+ sha Kesili,+ Uwalula icinshingwa+ icafiitisha ukuba ulucelo, Uwalula akasuba ukuba imfifi kwati bushiku,+ Uwita amenshi ya muli bemba, ukuti ayapongolwele pano nse+—Yehova e shina lyakwe;+ 9 e ulenga umuntu uwakosa ukuti bamupoke ifipe, kabili e ulenga ukuti icifulo ca malinga bacipoke ifipe.

10 “‘Pa mpongolo balipata uwebaula,+ no usosa ifyatambalala na o balimupata.+ 11 E ico, pa mulandu wa kuti musonkesha umulanda amabala, kabili mulapoka kuli ena umutuulo wa ngano;+ mwalikuula+ amayanda ya mabwe aya kubasa, lelo tamwakekalemo umuyayaya; kabili mwalilima amabala ya myangashi ayasuma, lelo tamwakanweko umwangashi wa yako umuyayaya.+ 12 Pantu nalishiba ifyo ukupondoka+ kwenu kwafula ne fyo imembu shenu shakula,+ imwe mwe bacusha abalungama,+ mwe bapoka amafisakanwa,+ kabili mwe batamfisha abapiina+ pa mpongolo.+ 13 E ico uwa mano akaba tondolo mu nshita ilya, pantu ikaba ni nshita ya bucushi.+

14 “‘Fwayeni ubusuma, te bubi iyo,+ ukuti mube no mweo;+ no kuti Yehova Lesa wa mabumba abe na imwe, nga fintu fye mwasosa.+ 15 Pateni ububi, no kutemwa ubusuma,+ kabili lekeni kube umulinganya mu mpongolo.+ Nalimo Yehova Lesa wa mabumba kuti apaala+ abashalapo ba kwa Yosefe.’+

16 “E ico Yehova Lesa wa mabumba, Yehova, atila, ‘Mu mansa shonse mukaba ukuloosha,+ na mu misebo yonse abantu bakalatila: “Iye! Iye!” Baketa no mulimi ku kuloosha,+ na baishiba ukuloosha ukuti bese bembe inyimbo sha bulanda.’+ 17 ‘Na mu mabala ya myangashi yonse mukaba ukuloosha;+ pantu nkapita mu kati kenu,’+ e fyo Yehova asosa.

18 “‘We bulanda ku bafulukisha ubushiku bwa kwa Yehova!+ Nga kanshi bukaba shani ubushiku bwa kwa Yehova kuli imwe?+ Bukaba imfifi, te lubuuto iyo,+ 19 nga filya ciba umuntu ilyo afulumuka inkalamo, e lyo nomba akumana na bere; kabili nga filya ciba umuntu ilyo aya mu ng’anda no kushintilisha ukuboko kwakwe ku cibumba, e lyo nomba insoka na yo yamusuma.+ 20 Ilyo ubushiku bwa kwa Yehova bukesa, kukaba fye imfifi, takwakabe ulubuuto iyo; kabili kukaba imfifi iyafiita fititi, no kubalika iyo.+ 21 Nalipata kabili nalikaana imitebeto yenu,+ kabili nshakaipakishe icena ca kulongana kwenu ukwacindamisha.+ 22 Kabili nga mwatuula kuli ine imituulo ya koca,+ nshakapokelele+ imituulo yenu, na pa malambo yenu aya mutende aya nama ishaina nshakaloleshepo.+ 23 Fumyeni apa icongo ca nyimbo shenu; kabili niumfwapo ulwimbo mulelisha pa filimba fyenu ifya nsale.+ 24 Kabili lekeni umulinganya ukonkoloke nga menshi,+ no bulungami ngo mumana uupita lyonse.+ 25 Bushe amalambo ne mituulo e fyo mwapalamike kuli ine mu matololo pa myaka amakumi yane (40), mwe ba mu ng’anda ya kwa Israele?+ 26 Mukasenda na Sakuti imfumu+ yenu na Kaibani, ifimpashanya fyenu, ulutanda lwa kwa lesa wenu, uo mwaipangiile mwe bene.+ 27 Kabili nkamulenga ukuya muli bunkole ukutali ukucila ku Damaseke,’+ e fyasosa Lesa wa mabumba uo ishina lyakwe ni Yehova.”+

6 “We bulanda ku baikala mu cibote+ mu Sione na bacetekela ulupili lwa Samaria! E bashimucindikwa ba ntanshi aba nko, kabili kuli bena e kuya aba mu ng’anda ya kwa Israele. 2 Kabiyeni ku Kalne, no kumona; e lyo muye na ku Hamati+ ukwaikala abantu abengi, muye na ku Gati+ ku citungu ca baPelishiti. Bushe kusuma ukucila aya mabufumu, napamo bushe icalo cabo cikulu ukucila icalo cenu?+ 3 Bushe muletalusha ubushiku+ bwa bonaushi mu matontonkanyo yenu, no kupalamika ubunkalwe?+ 4 Mwe balaala pa fya kusendamapo ifya meno+ ya nsofu no kulambalala pa misengele yabo, no kulya basukusuku ba pa mpaanga ne ng’ombe ishilume ishinono ukufuma pa bana ba ng’ombe abaina;+ 5 mwe bashika inyimbo ukulingana ne ciunda ca cilimba+ ca nsale; mwe belenganya no kupanga ifilimba fya kulishishako inyimbo ukupala Davidi;+ 6 mwe banwena mu nweno sha mwangashi,+ mwe basuba amafuta ayasuma sana,+ kabili mwe bashumfwa ubulanda pa bucushi bwa kwa Yosefe.+

7 “E ico nomba bakabasenda muli bunkole, kabili bakaba e ba ntanshi ku bo bakasenda muli bunkole,+ ne ciwowo ca balambalala cikapwa.

8 “‘Shikulu Mulopwe Yehova nailapa umwine,’+ e fyasosa Yehova Lesa wa mabumba, ‘“Ine nalipata icilumba ca kwa Yakobo,+ nalipata na mayanda yakwe aya pa malinga,+ kabili nkapeela umusumba ne fyabamo ku balwani.+ 9 Nomba abaume ikumi (10) nga e bashala mu ng’anda, na bo bene bakafwa.+ 10 Na munyina wa kwa wishi akabafumya umo na umo, no kuboca umo na umo, pa kuti afumye amafupa mu ng’anda.+ Akasosa na ku muntu onse uuli mu kati na nkati ka ng’anda, ati, ‘Bushe kucili na bambi kuli iwe?’ Na o akatila, ‘Nakalya!’ E lyo akasosa ati, ‘Talala! Pantu te nshita ya kulumbula ishina lya kwa Yehova.’”+

11 “‘Pantu moneni ni Yehova alepeela ifunde,+ akabongolola ing’anda iikalamba ikaba ifitantala ne ng’anda iinono na yo ikatobaulwa ikaba utupimfya.+

12 “‘Bushe pa cilibwe e po bakabalwe bengabutuka, napamo bushe umuntu e po engalima ne ng’ombe? Pantu mwayalula umulinganya+ ukuba icilimwa icalula, ne fisabo fya bulungami ukuba ifyalula sana, 13 mwe basekelela mu cintu icishili kantu;+ mwe batila: “Bushe tatwaikata insengo* fwe bene ku maka yesu?”+ 14 Moneni! Ndeimisha pali imwe mwe ba mu ng’anda ya kwa Israele uluko,’+ e fyasosa Yehova Lesa wa mabumba, ‘kabili bakamutitikisha ukutula apa kwingilila mu Hamati+ ukufika na ku mupokapoka wa Araba.’”

7 E fyo Shikulu Mulopwe Yehova anangile, kabili, moneni! alelenga makanta uwingi pa kutendeka kwa kutanda kwa kulekelesha.+ Kabili, moneni! kwali ukutanda kwa kulekelesha pa numa ya kuputulwa kwa cani ca mfumu. 2 Nomba ilyo apwile ukulya ifimenwa fya mu mushili, natile: “Mwe Shikulu Mulopwe Yehova, shi babeleleni uluse.+ Nga kanshi nani akema muli Yakobo? Pantu alicepesha!”+

3 Na o Yehova alangulwike pali ici.+ “Tacakacitike iyo,” e fyo Yehova asosele.

4 E fyo Shikulu Mulopwe Yehova anangile, kabili, moneni! Shikulu Mulopwe Yehova aleita ifikansa ukubomfya umulilo;+ na o waile ulekamya amenshi ayengi no kulya impanga. 5 E lyo natile: “Mwe Shikulu Mulopwe Yehova, shi lekeni.+ Nga kanshi nani akema muli Yakobo? Pantu alicepesha!”+

6 Yehova alangulwike pali ici.+ “Ici na co tacakacitike iyo,” e fyo Shikulu Mulopwe Yehova asosele.

7 E fyo anangile, kabili, moneni! Yehova aali pa cibumba icapangilwe ne ntambo ya kupiminako,+ na mu minwe yakwe mwali intambo ya kupiminako. 8 E lyo Yehova atile kuli ine: “Cinshi ulemona, Amose?” Na ine natile: “Intambo ya kupiminako.” Na o Yehova atile: “Mona, ndebika intambo ya kupiminako mu kati ka bantu bandi abena Israele.+ Nshakabelele na kabili.+ 9 Ne fifulo fya kupepelapo ifya kwa Isaki+ fikonaulwa, na mu ncende ya mushilo+ umwa kwa Israele mukonaulwa;+ kabili nkalwisha aba mu ng’anda ya kwa Yeroboamu ku lupanga.”+

10 Na Amasia shimapepo wa ku Betele+ atumine amashiwi kuli Yeroboamu+ imfumu ya kwa Israele ati: “Amose nakupangila mu kati na nkati ka ba mu ng’anda ya kwa Israele.+ Icalo nacifilwa ukushipikisha imilandile yakwe yonse.+ 11 Pantu e fyo Amose atila, ‘Ku lupanga e ko Yeroboamu akafwila; kabili Israele akaya muli bunkole ukufuma mu calo cakwe.’”+

12 E lyo Amasia aebele Amose ati: “We umona ifimonwa,+ kabiye, butukila ku calo ca kwa Yuda, e ko uyelya ifya kulya, kabili e ko usesemene. 13 Lelo mu Betele mwena wisesemenamo+ na kabili, pantu ni ncende ya mushilo iya mfumu+ kabili e ng’anda ya bufumu.”

14 Na o Amose ayaswike Amasia ati: “Ine nshali kasesema, kabili nshali umwana wa kwa kasesema;+ lelo nali kacema+ kabili naletulaula mu fisabo fya mikunyu. 15 Kabili Yehova ambulile uko nalecema impaanga, kabili Yehova atile kuli ine, ‘Kabiye, kaseseme ku bantu bandi abena Israele.’+ 16 E ico nomba umfwa icebo ca kwa Yehova, ‘Bushe uleti: “Wisesema pali Israele,+ kabili wisosa+ nangu cimo pa ba mu ng’anda ya kwa Isaki”?17 E ico Yehova atila: “Umukashi obe akaba cilende mu musumba.+ Kabili abana bobe abaume na bana bobe abanakashi, bakafwila ku lupanga. Ne calo cobe bakacakanishisha ku ntambo ya kupiminako. Na iwe ukafwila+ mu calo icakowela; na Israele, akasendwa muli bunkole ukufuma mu calo cakwe.”’”+

8 E fyo Shikulu Mulopwe Yehova anangile, kabili, moneni! kwali umuseke wa fisabo fya mu lusuba.+ 2 E lyo atile: “Cinshi ulemona,+ Amose?” Na ine natile: “Umuseke wa fisabo fya mu lusuba.”+ Na o Yehova atile kuli ine: “Impela ya bantu bandi abena Israele+ naifika. Nshakabeleele na kabili.+ 3 ‘Ne nyimbo sha pe tempele shikaba ukuloosha muli bulya bushiku,’+ e fyasosa Shikulu Mulopwe Yehova. ‘Kukaba ifitumbi ifingi.+ Bakafipoosaika fye mpanga yonse—talaleni!’

4 “Umfweni ici, mwe basumaula abapiina,+ no kulenga abafuuka aba pano isonde ukuloba,+ 5 amuti, ‘Kufika lilali umweshi uupya ukapita+ pa kuti tushitishe ingano?+ Ne sabata,+ ukuti tushitishe ifya kulya; pa kuti tuceefye+ itepe lya kupiminako no kukusha ishekele lya kupiminako no kulenga basekelo ba bucenjeshi ukuba aba bufi;+ 6 ku kushitamo umulanda mu sha silfere no mupiina pa mutengo wa ndyato, no kuleka tushitishe ifinangwa fya ngano?’+

7 “Yehova nalapa Uwapulamo wa kwa Yakobo,+ ati, ‘Nshakalabe imilimo yabo yonse.+ 8 Bushe te pali uyu wine mulandu icalo cikatenkanina,+ kabili umwikashi onse uwa ciko akaloosha;+ kabili conse cikema kwati mumana wa Naelo no kutenkana, no kubwelela pa nshi kwati ni Naelo wa ku Egupti?’+

9 “‘Nomba muli bulya bushiku,’ e fyasosa Shikulu Mulopwe Yehova, ‘nkalenga akasuba ukuwa ilyo kali pa kati ka mutwe,+ nkalenga ne mfifi ukuponena pa calo pa bushiku akasuba kabalike. 10 Kabili nkalula imitebeto yenu ukuba iya kuloosha+ ne nyimbo shenu shonse ukuba inyimbo sha bulanda, nkalenga bonse bakafwale insamu* na pa mutwe onse pakasebeka ipala;+ kabili nkalenga kube ukuloosha ngo kuloosha umwana+ mwaume umo fye mpo, na mu kulekelesha ikaba ngo bushiku bwa bucushi.’

11 “‘Moneni! Inshiku shikesa,’ e fyasosa Shikulu Mulopwe Yehova, ‘ilyo nkatuma insala mu calo, te nsala ya fya kulya iyo, kabili te cilaka ca menshi, lelo ica kuumfwa amashiwi ya kwa Yehova.+ 12 Kabili bakasabanta ukufuma kuli bemba ukufika na kuli bemba, no kufuma ku kapinda ka ku kuso ukufika na ku kabanga. Bakalalubanta balefwaya icebo ca kwa Yehova, lelo tabakacisange.+ 13 Mu bushiku bulya banacisungu abayemba bakafwa icipuupu, na balumendo bakafwa ku cilaka;+ 14 abantu abalapa umulandu wa kwa Samaria,+ kabili abasosa abati: “Na pali fye lesa obe, we Dani!”+ no kuti, “Na pali fye inshila ya ku Beresheba!”+ Awe bakawa, kabili tabakeme nakalya.’”+

9 Namwene Yehova naiminina pa muulu wa ciipailo,+ kabili atile: “Uma pa muulu wa nceshi, pa kuti iminshi itenkane. Uputule ne fya ku muulu ifya shiko shonse.+ Na bashalapo pa bantu nkabepaya ku lupanga. Takwakabe uukafulumuka pali bena nakalya, kabili takwakabe uukabutuka pali bena uukapusuka.+ 2 Nga baimba ukuya pa nshi mu Nshiishi,* ukuboko kwandi kukayabafumyamo;+ kabili nga baya ku muulu, na ko nkabatentemusha.+ 3 Kabili nga babelama pa muulu wa Karmele, na po pene nkabafwaya no kubasenda.+ Kabili nga babelama ku menso yandi pa nshi ya bemba,+ na palya pene nkeba insoka, na yo ikabasuma. 4 Kabili nga baya muli bunkole ku cinso ca balwani babo, na ko nkatumako ulupanga, na lo lukayabepaya;+ nkabika na menso yandi pali bena pa kuti ndete ububi, te busuma iyo.+ 5 Kabili Shikulu Mulopwe, Yehova wa mabumba, e ukumya icalo, na co casunguluka;+ na bekashi ba ciko bonse bakaloosha;+ kabili conse fye cikema kwati mumana wa Naelo, no kubwelela pa nshi kwati ni Naelo wa ku Egupti.+

6 “‘Uukuula amatabo+ yakwe mu myulu, ne cikuulwa cakwe pa muulu we sonde ilyo apangile;+ uwita amenshi ya muli bemba+ ukuti ayapongolwele pano isonde+—Yehova e shina lyakwe.’+

7 “‘Bushe tamuli nga bana ba bena Kushi kuli ine, mwe bana ba kwa Israele?’ e fyasosa Yehova. ‘Bushe nshafumishe Israele mu calo ca Egupti,+ na baPelishiti+ ukufuma mu Krete, na Siria ukufuma mu Kiri?’+

8 “‘Moneni! Amenso ya kwa Shikulu Mulopwe Yehova yali pa bufumu bwa lubembu,+ kabili akabulofya ukufuma pano isonde.+ Lelo nshakalofye aba mu ng’anda ya kwa Yakobo bonse,’+ e fyasosa Yehova. 9 ‘Pantu, moneni! ndesosa icipope, kabili nkasunkanya aba mu ng’anda ya kwa Israele ukufuma mu nko+ shonse, filya umuntu asunkanya ulunyungo, ica kuti tapaba kalibwe akapula no kuponena pa nshi. 10 Ku lupanga e ko bakafwila, bonse ababembu ba mu bantu+ bandi, abalesosa abati: “Ububi tabwakapalame nangu ukufika kuli ifwe.”’+

11 “‘Muli bulya bushiku nkemya+ insakwe+ iya kwa Davidi iyawa,+ nkacilika ne fipunda fya iko. Nkemya ne fyabongoloka ku nsakwe, kabili nkaikuula filya fine yali mu nshiku sha kale,+ 12 pa kuti bapoke icashalako kuli Edomu,+ ne nko shonse ishiitwa+ kwi shina lyandi,’ e fyasosa Yehova, uulecita ici.

13 “‘Moneni! Inshiku shileisa,’ e fyasosa Yehova, ‘ilyo uulelima kuli plao akatangilila uwa kulobolola,+ no wa kunyantaula mu myangashi, akatangilila uwa kusenda imbuto;+ ne mpili shikalatonya umwangashi uwalowa,+ no tupili tonse tukasunguluka fye utwine.+ 14 Kabili nkabwesha bankole ba bantu bandi abena Israele,+ kabili bakakuula ne misumba iyali ifibolya no kwikalamo,+ bakalima na mabala ya myangashi no kunwako umwangashi, kabili bakalima amabala no kulyako ifisabo.’+

15 “‘Kabili nkabalimba mu calo cabo, tabakanukulwe na kabili ukufuma mu calo cabo ico ine nabapeela,’+ e fyo Yehova Lesa obe asosa.”