Malaki

1 Ubukombe ubwaluma:

Ici e cebo ca kwa Yehova+ pali Israele icaishiile muli Malaki:

2 “Nalimutemwa,”+ e fyasosa Yehova.

Na imwe mwatila: “Bushe mwatutemwa shani?”+

“Bushe Esau tali munyina Yakobo?”+ e fyo Yehova asosa. “Lelo ine natemenwe Yakobo,+ 3 na Esau+ nalimupatile; kabili nasukile nalenga impili shakwe ukushala icibolya+ ne calo cakwe ukuba ica bamumbwe aba mu matololo.”+

4 “Pa mulandu wa kuti Edomu alesosa ati, ‘Natonaulwa, lelo tukabwela no kukuula incende ishaonaulwa,’ e fyo Yehova wa mabumba atila, ‘Aba bena bakakuula; lelo ine, nkabongolola.+ Na bantu bakabeta ati “icalo ca lubembu” kabili “abantu abo Yehova akalipila+ umuyayaya.” 5 Kabili amenso yenu yakamona ici, na imwe mukatila: “Shi Yehova acindikwe mu calo ica kwa Israele.”’”+

6 “‘Umwana umwaume alacindika wishi;+ no mubomfi alacindika shikulu wakwe.+ E ico ine nga ndi shinwe,+ bushe ukuncindika kuli kwi?+ Kabili nga ndi Shikulwinwe, bushe ukuntiina+ kuli kwi?’ e fyo Yehova wa mabumba asosa kuli imwe, mwe bashimapepo abasuula ishina lyandi.+

“‘Na imwe mwatila: “Nga twasuula shani ishina lyenu?”’

7 “‘Pa kupeela pa ciipailo candi ifya kulya ifyakowela.’+

“‘Kabili mwatila: “Bushe twamubifya shani?”’

“‘Ni co mutila: “Itebulo+ lya kwa Yehova cintu icasuulwa.”+ 8 Kabili ilyo mwaleta inama iyapofula ku kupeela ilambo, mutila: “Tapali icibipile.” Kabili ilyo mwaleta inama iyalemana nelyo iyalwala, mutila: “Tapali icibipile.”’”+

“Shi uitwale ku mulashi obe. Bushe akakusekelela, nelyo bushe akakupokelela bwino?” e fyo Yehova wa mabumba asosa.

9 “Nomba, shi nasheni umutima+ wa kwa Lesa, pa kuti atupaale.+ Ici cifumine ku kuboko kwenu. Bushe akapokelela bwino uwa muli imwe?” e fyo Yehova wa mabumba asosa.

10 “Nani pali imwe uukesala ifiibi?+ Kabili imwe tamukosha umulilo pa ciipailo candi apa fye.+ Nshamutemwa iyo,” e fyo Yehova wa mabumba asosa, “kabili nshatemwa umutuulo wa mu minwe yenu.”+

11 “Pantu ukufuma ku kabanga ukufika ku masamba ishina lyandi likakula mu nko,+ kabili mu ncende yonse icushi ce lambo+ cikafutumunwa, ubupe bukapeelwa kwi shina lyandi, ubupe ubwasanguluka;+ pantu ishina lyandi likaba ilikalamba mu nko,”+ e fyo Yehova wa mabumba asosa.

12 “Lelo imwe mulensaalula+ pa kulanda ati, ‘Itebulo lya kwa Yehova cintu icakowela, ne fya kulya ifilipo fyalisuulwa.’+ 13 Kabili mutila, ‘Moneni! We kutendusha we!’+ kabili mulalifyola,” e fyo Yehova wa mabumba asosa. “Kabili mwaleta iyasantaulwa, ne yalemana, ne yalwala;+ kabili, mwaileta ngo bupe. Bushe kuti naitemwa ilyo mwaileta?”+ e fyo Yehova asosa.

14 “Kabili alitiipwa uucita ubucenjeshi ilyo kuli iilume mu mukuni wakwe, kabili alecita umulapo no kupeela ilambo kuli Yehova inama iyalemana.+ Pantu ndi Mfumu iikalamba,”+ e fyo Yehova wa mabumba asosa, “kabili ishina lyandi likaba ilya kutiinya mu nko.”+

2 “Awe nomba nde-eba imwe, mwe bashimapepo.+ 2 Nga tamwakakutike,+ kabili nga tamwakabikeko amano+ pa kuti mucindike ishina lyandi,”+ e fyo Yehova wa mabumba asosa, “ninshi nkatuma pali imwe icitiipu,+ kabili nkatiipa amapaalo yenu.+ Cine cine, nalitiipa ne paalo, pantu tamulebikako amano.”

3 “Moneni! Pa mulandu wenu, nde-ebaula ulubuto ulwabyalwa,+ kabili nkashinga amafi pa finso fyenu, amafi ya mitebeto yenu; kabili umo akamutwala ukuli amafi. 4 Kabili mukeshiba ukuti nine namutumina ili funde,+ pa kuti icipangano+ candi na Lebi citwalilile,”+ e fyo Yehova wa mabumba asosa.

5 “Icipangano candi cali nankwe, ica mweo kabili ica mutende,+ kabili nalefipeela kuli ena, pa kuti aletiina. Kabili alentiina;+ ca cine, pa mulandu we shina lyandi aiketwe umwenso.+ 6 Ifunde line ilya cine lyali mu kanwa kakwe,+ kabili ubupondamishi tabwasangilwe pa milomo yakwe. Mu mutende na mu bulungami e mo aendele na ine,+ kabili ayalwile abengi ukufuma ku membu balecita.+ 7 Pantu imilomo ya kwa shimapepo e ifwile ukuba no kwishiba, kabili abantu bafwile ukufwaya amafunde ku kanwa kakwe;+ pantu ni nkombe ya kwa Yehova wa mabumba.+

8 “Lelo imwe namufuma mu nshila.+ Namulenga abengi ukuipununa mu mafunde.+ Namonaula icipangano ca kwa Lebi,”+ e fyo Yehova wa mabumba asosa. 9 “Kanshi na ine nkamulenga ukuba abasuulwa kabili aba pa nshi ku bantu bonse,+ pantu tamwakonkele inshila shandi, lelo mwali na kapaatulula mu mafunde.”+

10 “Bushe ifwe bonse tatwaba na shifwe umo wine?+ Bushe te Lesa umo fye mpo uwatubumbile?+ Mulandu nshi tufyengelana,+ pa kusuula icipangano ca fikolwe fyesu?+ 11 Yuda nacita ubucenjeshi, kabili ica bunani nacicitwa mu Israele na mu Yerusalemu;+ pantu Yuda nakowesha bumushilo bwa kwa Yehova,+ ubo Lesa atemwa, kabili nabuula umwana umwanakashi uwa kwa lesa umbi umbi ukuba umukashi.+ 12 Yehova akalofya onse uucita ici,+ uulelola no uleasuka, ukufuma mu matenti ya kwa Yakobo, no ulepeela umutuulo+ kuli Yehova, Lesa wa mabumba.”

13 “Kabili ici e ca bubili ico mucita, icalenga iciipailo ca kwa Yehova ukwisulapo ifilamba, no kuloosha no kuteta, ica kuti nshipokelela umutuulo wenu nakalya nelyo ukutemwa conse ico muleta mu kuboko kwenu.+ 14 Kabili mwatila, ‘Mulandu nshi?’ + Pali uyu mulandu, uwa kuti Yehova umwine ni nte pa kati kobe no mukashi wa ku bulumendo bobe,+ uo iwe wapondokela, nangu ca kuti munobe kabili mukashi uo wapangene nankwe icipangano.+ 15 Kabili kwali umo uushacitile ici, pantu alikwete umupashi uwasheleko. Kabili cinshi ulya alefwaya? Ulubuto lwa kwa Lesa.+ Kabili imwe mufwile ukusunga imitima+ yenu, kabili umuntu nangu umo e pondokela umukashi wa ku bulumendo bwakwe.+ 16 Pantu nalipata ukulekana,”+ e fyo Yehova Lesa wa kwa Israele asosa; “nalipata no wafwala ubunkalwe,”+ e fyo Yehova wa mabumba asosa. “Kabili mufwile ukusunga imitima yenu, no kukanacita ulufyengo.+

17 “Namulenga Yehova ukutendwa ku mashiwi yenu,+ kabili mwatila, ‘Twamulenga shani ukutendwa?’ Ilyo mutila, ‘Onse uulecita ifyabipa alecita ifisuma mu menso ya kwa Yehova, kabili ababa ifi e bo atemwa’;+ nelyo amuti, ‘Bushe ali kwi Lesa wa mulinganya?’”+

3 “Moneni! Ndetuma inkombe yandi,+ kabili ikawamya inshila ku ntanshi yandi.+ Awe mu kupumikisha kwi tempele+ lyakwe kukesa Shikulu+ wa cine, uo imwe mulefwaya, kabili inkombe+ ya cipangano+ iyo imwe mwatemwa.+ Moneni! ikesa,” e fyo Yehova wa mabumba asosa.+

2 “Lelo nani akashipikisha ubushiku bwa kwisa kwakwe,+ kabili nani akeminina ilyo akamoneka?+ Pantu akaba ngo mulilo uwa kwa kalopolola+ kabili nge sopo+ ilya bacapa insalu.+ 3 E lyo akekala nga kalopolola kabili uwa kusangulula silfere+ kabili akasangulula abana ba kwa Lebi;+ kabili akabakamununa nga golde+ kabili nga silfere, kabili kuli Yehova, bakaba abantu abakalapeela umutuulo+ mu bulungami. 4 Kabili umutuulo wa kwa Yuda na Yerusalemu ukalasekesha Yehova,+ nge fyo cali mu nshiku sha kale kabili nga filya fine cali kale sana.+

5 “Awe nkesa kuli imwe ku kumupingula,+ kabili nkaba inte iyangufyanya+ ku ba finjelengwe,+ na ku bacende,+ na ku balapa ubufi,+ na ku bacita ubucenjeshi ku malipilo ya mubomfi uubombela amalipilo,+ kuli mukamfwilwa+ na ku mwana wa nshiwa,+ na ku batamfya umulebeshi,+ no kuntiina iyo,”+ e fyo Yehova wa mabumba asosa.

6 “Pantu nine Yehova; nshayaluka iyo.+ Na imwe muli bana ba kwa Yakobo; tamulaloba.+ 7 Ukufuma ku nshiku sha fikolwe fyenu mwalipaasuka ku fipope fyandi kabili tamwafikonka.+ Bweleleni kuli ine, na ine nkabwelela kuli imwe,”+ e fyo Yehova wa mabumba asosa.

Kabili mwatila: “Bushe tukabwela shani?”

8 “Bushe umuntunse kuti aibila Lesa? Lelo imwe mulenjibila.”

Awe na imwe mwatila: “Bushe tulemwibila shani?”

“Mu ca pe kumi na mu musangulo. 9 Mulentiipa,+ kabili mulenjibila—mwe luko lonse fye. 10 Leteni ifya pe kumi+ fyonse umwa kututila, pa kuti mube ifya kulya mu ng’anda yandi;+ kabili shi munjeshe muli ici,”+ e fyo Yehova wa mabumba asosa, “mumone nga nshakamwiswile ifipunda fya mu muulu+ no kumupongolwela amapaalo mpaka kukabule incende apa kubika amapaalo yambi.”+

11 “Kabili nkakalipila makanta+ pa kuti ekamonawila ifisabo fya mu mushili, kabili umwangashi mu mabala yenu tawakabe uwabula ifisabo,”+ e fyo Yehova wa mabumba asosa.

12 “Kabili inko shonse shikamwita ati abantu ba nsansa,+ pantu imwe mukaba icalo icatemwikwa,”+ e fyo Yehova wa mabumba asosa.

13 “Amashiwi ayo mwasosa pali ine nayabipa sana,”+ e fyo Yehova wa mabumba asosa.

Kabili mwatila: “Cinshi tulandile pali imwe?”+

14 “Mutila, ‘Tacacindama ukubombela Lesa.+ Kabili twamwenamo shani mu kumfwila amashiwi yakwe, na mu kwenda aba bulanda pa mulandu wa kwa Yehova Lesa wa mabumba?+ 15 Kabili ino nshita tule-eba aba mataki ukuti balipaalwa.+ Kabili, abacita ifyabipa nabakuulwa.+ Kabili, baesha Lesa no kukandwa iyo.’”+

16 Pali iyo nshita abaaletiina Yehova+ baalelanshanya, umuntu no munankwe, kabili Yehova aalebikako amano no kukutika.+ Kabili ibuuku lya kwibukisha lyatendeke ukulembwa pa ntanshi yakwe+ ilya baaletiina Yehova na baaletontonkanya pe shina lyakwe.+

17 “Kabili bakaba bandi,”+ e fyo Yehova wa mabumba asosa, “pa bushiku ubo nkabalenga ukuba icintu icaibela.+ Kabili nkabomfwila uluse, filya umuntu omfwila uluse umwana wakwe umwaume uumubombela.+ 18 Awe mukamona na kabili apalekanina umulungami no mubifi,+ apalekanina uubombela Lesa no ushimubombela.”+

4 “Pantu, moneni! ubushiku buleisa ubulepya nge lungu lya mulilo,+ kabili bonse aba mataki na bonse abacita ifyabipa bakaba nge mpimbili.+ Kabili ubushiku ubuleisa bukabonaula,” e fyo Yehova wa mabumba asosa, “ica kuti tabwakabashiileko umushila nelyo umusambo.+ 2 Na kasuba ka bulungami kakabalikila+ imwe mwe batiina ishina lyandi, kakaba no kuundapa mu mapindo ya kako;+ kabili mukaya no kupontauka nga bana ba ng’ombe abaina.”+

3 “Kabili mukanyantaula ababifi, pantu bakaba ngo lukungu pe samba lya makasa yenu mu bushiku ubo nkacita ici,”+ e fyo Yehova wa mabumba asosa.

4 “Ibukisheni amafunde ya kwa Mose umubomfi wandi ayo namwebele mu Horebu ayakumine Israele onse, ne fipope no bupingushi.+

5 “Moneni! ndemutumina kasesema Eliya+ ilyo bushilaisa ubushiku bwa kwa Yehova ubukalamba kabili ubwa kutiinya.+ 6 Kabili akabwesesha imitima ya bashibo ku bana, ne mitima ya bana kuli bashibo; pa kuti ni-isa no kupuma isonde no kulyonaula.”+

(E papwila Amalembo ya ciHebere ne ciAramaiki,

pakonka na Malembo ya Bwina Kristu aya ciGriki)