Ku Bena Roma

1 Ine ne Paulo, umusha+ wa kwa Yesu Kristu kabili uwaitwa+ ukuba umutumwa,+ uwasalwa ukubila imbila nsuma ya kwa Lesa,+ 2 iyo abilile libela muli bakasesema+ bakwe iyaba mu Malembo ya mushilo, 3 imbila nsuma iilanda pa Mwana wakwe, uwafumine mu bana ba kwa Davidi+ ukulingana no buntunse,+ 4 lelo uyo ku maka+ ya mupashi+ wa mushilo abililwe ukuti Mwana+ wa kwa Lesa ukupitila mu kubuushiwa ku bafwa+—uyo ni Yesu Kristu Shikulwifwe, 5 muli ena e mo twapokelele icikuuku+ ca kwa Lesa no butumwa+ pa kuti abena fyalo+ bonse batetekele pa mulandu wa kuba ne cumfwila kuli ena pa kucindika ishina lyakwe, 6 mu bena fyalo e mo na imwe mwaitilwe ukuti mube kuli Yesu Kristu— 7 nalembela bonse abali mu Roma abo Lesa atemwa, abaitwa+ ukuba aba mushilo:+

Ndeti icikuuku no mutende+ ukufuma kuli Lesa Shifwe na kuli Shikulwifwe Yesu Kristu fibe na imwe.+

8 Intanshi, ndetootela+ Lesa wandi muli Yesu Kristu pali imwe bonse, pantu icitetekelo cenu cilelandwapo+ pano calo ponse. 9 Pantu Lesa, uo mombela no mutima wandi onse pa kubila imbila nsuma iilanda pa Mwana wakwe, e nte+ yandi pa fyo imulumbula lyonse mu mapepo yandi,+ 10 ukupapaata ukuti Lesa nga atemwa+ nkese kuli imwe. 11 Pantu ndefuluka ukumumona,+ pa kuti nkamupeeleko ica bupe+ icafuma kuli Lesa ku kumukosha; 12 nelyo, ntile, pa kuti nkamukoseleshe e lyo na imwe mukankoseleshe,+ umo na umo ku citetekelo ca mubiye,+ e kutila ku citetekelo cenu na ku citetekelo candi.

13 Lelo bamunyinane+ ndefwaya mwishibe, ukuti imiku iingi nalefwaya ukwisa kuli imwe,+ lelo nalifilwa ukufika na lelo. Ndefwaya na kuli imwe mwe bena Roma nkesepangilapo abasambi+ na bambi aba kwa Kristu, nga filya nacita na mu bena fyalo bambi. 14 Ku baGriki na ku bashili baGriki, ku ba mano+ na ku batuutu, ndi wa nkongole: 15 e co ndefwaisha ukubila imbila nsuma+ na kuli imwe, mwe ba uko ku Roma.+ 16 Pantu nshumfwa insoni+ pa mbila nsuma; na kuba, e maka+ ya kwa Lesa aya kupususha onse uwaba ne citetekelo,+ pa kubala+ umuYuda e lyo no muGriki;+ 17 pantu ababa ne citetekelo balamona ukuti imbila nsuma e isokolola ubulungami+ bwa kwa Lesa kabili ici cilakosha icitetekelo+ cabo, nge fyo calembwa aciti: “Lelo uwalungama akaba no mweo pa mulandu wa citetekelo cakwe.”+

18 Pantu ubukali+ bwa kwa Lesa bukasokoloka ukufuma ku muulu ukwisa pa bantu abashipepa bonse na babifi+ abalekaanya icine+ pa kucita ifyabipa,+ 19 pantu ifyo abantu bengeshiba pali Lesa balifishiba,+ pantu Lesa alibasokolwela.+ 20 Pantu imibele yakwe,+ ukutula fye apo abumbile umuntu,+ bailukila ku fyo abumba,+ muli ifi e mo belukila amaka yakwe aya pe+ pamo na buLesa+ bwakwe, ica kuti tabakwata umwa kubepesha;+ 21 pantu, nangu line baishibe Lesa, tabamucindike ukuti e Lesa nangu kumutootela,+ lelo ukupelulula kwabo kwasangwike ukwa fye+ na ku mitima yabo iya buwelewele kwalifiitile.+ 22 Nangu ca kuti baleimona ukuti ba mano, basangwike abatumpa+ 23 no kulapeela ubukata+ bwa kwa Lesa uushingafwa+ ku muntu umwina kufwa na ku fyuni na ku fya molu yane na ku fikulika pa nshi.+

24 E ico Lesa abalekele ukuti balecita ifyakowela,+ ukulingana no kufwaya kwa mitima yabo,+ pa kuti baseebanye imibili yabo,+ 25 na balya abasalilepo ukusumina ubufi+ ukucila icine+ ca kwa Lesa, abashinshimwine no kupepa ifyabumbwa ukucila Kabumba, uwacindikwa pe na pe. Ameni. 26 E mulandu wine Lesa abalekele ukuti baletungululwa ne nsuuna ishili ya cifyalilwa,+ pantu abanakashi bashile umusango wa cifyalilwa uwa kulaala na baume no kutampa ukulaala abanakashi beka beka;+ 27 na baume na bo ifyo fine balekele ukulaala na banakashi+ no kutendeka ukulaala na baume banabo, abaume ukucita ifye shiku+ ku baume banabo+ no kupokelela icilambu,+ icalingana ne micitile yabo iyabipa.+

28 Kabili apo balikeene ukwishiba Lesa bwino bwino,+ Lesa abalekele ukulatungululwa na matontonkanyo+ ayalola fye ku kucita ifishiyene,+ 29 pantu kale kale balecita fyonse ifishalungama,+ ifibi,+ bali no lunkumbwa,+ balecita ifyabipa,+ bali no mufimbila,+ baleipaya,+ bali ne fikansa,+ no bucenjeshi,+ no mufulo,+ aba mulomo,+ 30 aba lwambo,+ kabili abapata Lesa, aba musaalula,+ aba matutumuko,+ aba mataki,+ abelenganya ifibi,+ abashumfwila abafyashi,+ 31 abashaba na kwiluka,+ abashifisha amalayo,+ abashatemwa abantu banabo,+ kabili abashaba na luse.+ 32 Nangu ca kutila balishiba bwino bwino icipope calungama ica kwa Lesa,+ ica kuti abacita ifya musango uyo balingile fye ukufwa,+ bena bakonkanyapo fye ukuficita kabili basuminisha+ na baficita.

2 E ico we muntu,+ apo fye uli muntu, nga ulapingula+ ninshi taukwete umwa kubepesha; pantu umo upingwila umbi, ulaishinina we mwine, apo we upingula+ na iwe ucita ifyo fine.+ 2 Nomba ifwe twalishiba ukuti Lesa akapingula abacita ifi fintu, ukulingana ne fyo bacita.+

3 We muntu,+ ilyo ulepingula abacita ifi fintu uku ninshi na iwe e fyo ucita, bushe utila ukapusuka ubupingushi bwa kwa Lesa?+ 4 Nelyo bushe ni co walisuula ubukulu bwa cikuuku+ cakwe no bwa kutekanya+ kwakwe no bwa kushishimisha+ kwakwe? Bushe tawaishiba ukuti icikuuku ca kwa Lesa ca kukutwala ku kulapila?+ 5 Lelo pa mulandu wa kutalama+ kobe na pa kukanafwaya ukulapila,+ ukailetela ubukali+ pa bushiku bwa bukali+ kabili ubwa kusokolwelamo+ ubupingushi bwalungama ubwa kwa Lesa.+ 6 Kabili akapingula umo na umo ukulingana ne milimo yakwe:+ 7 akapeela ubumi bwa muyayaya ku bafwayafwaya ubukata no mucinshi no bumi ubushakonaike+ pa kutwalilila ukubomba umulimo usuma; 8 lelo, ku ba lubuli+ kabili abashinakila icine+ lelo abacita ifyabipa kukaba ubukali ne cipyu,+ 9 ubucushi no bulanda, ku muntu onse uucita ifyabipa, pa kubala ku muYuda+ e lyo na ku muGriki;+ 10 lelo ubukata no mucinshi no mutende fikaba kuli onse uucita ifisuma,+ pa kubala ku muYuda+ e lyo na ku muGriki.+ 11 Pantu kuli Lesa takwaba kapaatulula.+

12 Pantu bonse ababembwike apabula amafunde bakaloba apabula amafunde;+ kabili bonse ababembwike ninshi bali mu mafunde+ bakapingulwa ku mafunde yene aya.+ 13 Pantu abomfwa amafunde te balungama ku menso ya kwa Lesa, lelo abacita+ amafunde e bakalungamikwa.+ 14 Pantu lyonse ilyo abena fyalo+ abashakwata amafunde+ bacita ku cifyalilwa ifya mu mafunde,+ aba bantu, nangu tabakwata amafunde, baba e mafunde abene. 15 Aba bene e balanga ukuti ifyaba mu mafunde fyalembwa mu mitima yabo,+ ilyo kampingu+ wabo aleshimika ubunte pamo na bo, kabili mu matontonkanyo yabo abene, balepeelwa umulandu+ nelyo fye ukulungamikwa. 16 Ifi e fyo cikaba mu bushiku ilyo Lesa ukupitila muli Yesu Kristu akapingula+ abantu+ pa fyo bacita mu bumfisolo,+ ukulingana ne mbila nsuma iyo mbila.+

17 Lelo, nga witwa+ umuYuda kabili washintilila pa mafunde+ no kuitakishisha muli Lesa,+ 18 walishiba no kufwaya+ kwakwe kabili kuti wailuka ifyacindama pantu walifundwa ifya mu Mafunde;+ 19 kabili walishininwa ukuti uli ntungulushi ya mpofu,+ waba ngo lubuuto ku baba mu mfifi,+ 20 kalungika wa bawelewele,+ kasambilisha wa tunya,+ kabili walishibako+ fimo pali Lesa ne cine+ ifyaba mu mafunde 21 bushe iwe, we usambilisha umbi, taubala waisambilisha we mwine?+ We ubila auti “Wilaiba,”+ bushe uleba?+ 22 We utila “Wilacita bucende,”+ bushe ulacita ubucende? We wapata utulubi, bushe wiba+ ifya mu matempele? 23 We uitakishisha mu Mafunde, bushe usaalula Lesa pa kupula mu mafunde?+ 24 Pantu “ishina lya kwa Lesa lilepontelwa mu bena fyalo pa mulandu wenu”;+ nga filya fine calembwa.

25 Na kuba ukusembululwa+ kuli no kukuwamina fye nga ulekonka amafunde;+ lelo nga ni we mpulamafunde, ukusembululwa+ kobe cimo fye no kukanasembululwa.+ 26 E co, kanshi, ngo ushasembululwa+ alekonka ifipope+ fyalungama ifya mu Mafunde, bushe tabakamumone ngo wasembululwa nangu ca kutila tasembululwa?+ 27 Kabili uushasembululwa, akakupingula+ ilyo alekonka Amafunde, akakupingula we upula mu mafunde, we uli na mafunde yalembwa no kusembululwa walisembululwa. 28 Pantu ukuba umuYuda wine wine te kwa ku nse fye,+ nangu ukusembululwa te kwa ku nse fye ku mubili.+ 29 Lelo umuYuda ni uyo uuli umuYuda mu mutima,+ no kusembululwa kwakwe ni kulya ukwa mutima+ ku mupashi, te kwa mafunde yalembwa iyo.+ Ukutashiwa+ kwa wabe fi takufuma ku bantu, lelo kufuma kuli Lesa.+

3 Bushe ni mwi kanshi umo abaYuda+ bacilila abena fyalo, atemwa busuma nshi ubwa kusembululwa?+ 2 Balibacila fye umwingi nga nshi kabili umwalekanalekana. Ica ntanshi cena ca kuti abaYuda e bo baseekeshe ifyebo fya mushilo ifya kwa Lesa.+ 3 Nga, kanshi, umulandu ubelele pi? Nga bamo tabatetekele,+ bushe napamo ukukanatetekela kwabo kukalenga Lesa ukuba uwa bufi?+ 4 Nakalya! Nangu abantu bonse bengaba aba bufi,+ Lesa ena alanda icine,+ nga filya calembwa ati: “Mulalungika mu fyo mulanda kabili tamwakasangwe no mulandu ilyo balemulubulwisha.”+ 5 Lelo, ngo kukanalungama kwesu kwasokolola ubulungami+ bwa kwa Lesa, tutile shani? Bushe Lesa nga akalipa kuti twatila wa lufyengo?+ (Ndelanda nge filanda fye umuntu+ onse.) 6 Nakalya! Acibe fyo, ninshi Lesa akapingula shani icalo?+

7 Lelo nga ca kuti ubufi bwandi bwalenga icine ca kwa Lesa+ ukwishibikwa sana no kumuletela ubukata, mulandu nshi na lyo line balempingwila ukuti ndi mubembu?+ 8 Kanshi natusose filya fine abantu batubepesha+ kabili filya fine bamo balanda ati tutila ati: “Natulecita ifyabipa pa kuti mulefuma ifisuma.”+ Ubupingushi+ aba bantu bakapingulwa bwalilungama.+

9 Nga tutile shani? Bushe twalibacila?+ Nakalya! Pantu natushininkisha kale ukuti abaYuda pamo pene na baGriki bonse babembu;+ 10 nga filya calembwa ati: “Takuli uwalungama, takuli fye nangu umo;+ 11 takuli uwashilimuka, takuli no ulefwaya Lesa.+ 12 Abantu bonse nabapaatuka, bonse nabasanguka ifinangwa; takuli uuli ne cikuuku, takuli nangu fye umo.”+ 13 “Utunwa twabo ni nindi iyacenama, kabili ku ndimi shabo e ko bacitila ubucenjeshi.”+ “Mu milomo yabo mwaba ubusungu bwa nsoka.”+ 14 “Kabili akanwa kabo kaisulamo fye ukutiipa na mashiwi yabipa.”+ 15 “Amakasa yabo yabutukila ku kusumya umulopa.”+ 16 “Mu nshila shabo mwaba ubonaushi no bulanda,+ 17 kabili tabaishiba inshila ya mutende.”+ 18 “Tabatiina Lesa.”+

19 Lelo ifwe twalishiba ukuti fyonse ifyo Amafunde+ yasosa, yeba abali mu Mafunde, pa kuti beba no mwa kubepesha+ kabili pa kutila bonse aba muli ici calo bakalinge+ ukukandwa kuli Lesa.+ 20 E ico pa ntanshi yakwe, umuntu nangu umo takalungamikilwe+ pa kusunga amafunde, pantu ukwishiba amafunde+ e kwishiba bwino ulubembu.+

21 Lelo nomba Lesa nasokolola ubulungami+ bwakwe ukwabula amafunde, nge fyo amabuuku ya Mafunde+ na ya bakasesema+ yasosa.+ 22 Bonse abatetekela+ Yesu Kristu,+ kuli Lesa ninshi balilungama. Pantu Lesa taba na kapaatulula.+ 23 Pantu bonse babembu+ kabili balifilwa ukufika pa bukata bwa kwa Lesa,+ 24 kabili ni ku luse+ fye balelungamikilwa ku cikuuku+ cakwe mu cilubula+ ca kwa Kristu Yesu. 25 Lesa apeele Kristu ukuba ilambo lya kufutilako+ imembu sha baletetekela mu mulopa wakwe.+ Ici cali pa kuti alange ubulungami bwakwe, pantu Lesa aeleele imembu+ ishacitilwe kale ilyo aleshishimisha.+ 26 Lelo pali nomba alefwaya ukulanga ubulungami+ bwakwe, pa kuti abe uwalungama ilyo alelungamika+ uwaba ne citetekelo muli Yesu.

27 Nga kanshi ukutakisha kuli kwi?+ Nakwisalilwa ku nse. Kwi funde nshi?+ Bushe ni kwi funde lya milimo?+ Awe iyo, lelo kwi funde lya citetekelo.+ 28 Pantu tuleti umuntu alungamikilwa ku citetekelo ukwabula imilimo ya mafunde.+ 29 Nelyo Lesa bushe ni Lesa wa baYuda beka fye?+ Bushe te Lesa wa bena fyalo na bo bene?+ Cine cine, ni Lesa wa bena fyalo na bo bene,+ 30 apo ni Lesa umo,+ uukalungamika abasembululwa+ ku citetekelo cabo no kulungamika abashasembululwa+ ku citetekelo cabo. 31 E ico, bushe tulenasha amafunde ku citetekelo cesu?+ Nakalya! Lelo tuleyakosha.+

4 E ico, kuti twatila shani pali Abrahamu icikolwe cesu?+ 2 Pantu Abrahamu alungamikilwa ku milimo,+ nga alikwete apa kutakishisha; lelo te kuli Lesa iyo. 3 Pantu ilembo litila shani? Litila: “Abrahamu atetekele Yehova, kabili Lesa amumwene ukuti mulungami.”+ 4 Awe umuntu uubomba,+ amalipilo tayamona ukuti bupe fye,+ lelo ayamona ukuti malipilo pa mulimo abombele.+ 5 Awe umuntu uushitetekela mu milimo yakwe nga atetekela+ uulungamika abashipepa, icitetekelo cakwe e cilenga alemonwa ukuti mulungami.+ 6 Ifyo na Davidi atila alipaalwa umuntu uo Lesa amona uwalungama ukwabula imilimo. Atila: 7 “Balipaalwa abeleelwa pali bumpulamafunde+ bwabo kabili abo imembu shabo shafimbwapo;+ 8 alipaalwa umuntu uo Yehova takalubulwishe nangu panono pa lubembu lwakwe.”+

9 E ico, bushe, uku kupaalwa kwisa pa basembululwa nelyo na pa bashasembululwa bene?+ Pantu tuleti: “Lesa amwene Abrahamu ukuti mulungami pa mulandu wa citetekelo cakwe.”+ 10 Ni mu nshi kanshi amumwenene? Bushe ni lintu ali uwasembululwa nelyo ilyo ashilasembululwa?+ Te mu kusembululwa, lelo mu kukanasembululwa. 11 Kabili Lesa amupeele icishibilo,+ e kuti, ukusembululwa, ngo bushininkisho bwa kuti aali uwalungama ku citetekelo akwete ilyo ashilasembululwa, pa kuti abe wishi+ wa bantu bonse ababa ne citetekelo+ nangu ca kutila tabasembululwa, pa kuleka Lesa abamone ukuti balungami; 12 ukuti abe wishi wa bana ba basembululwa, te ku basembululwa beka fye, lelo na ku benda bwino bwino, ukukonka mu ntampulo sha citetekelo icakwete Abrahamu shifwe+ ilyo talasembululwa.

13 Pantu icalailwe+ kuli Abrahamu nelyo ku bana bakwe ica kuti akapyana icalo, tacaishiile mu mafunde iyo, lelo caishiile mu citetekelo icamulengele ukuba umulungami.+ 14 Pantu abakonka amafunde nga e mpyani, ninshi ne citetekelo ca fye no bulayo bwalifubalishiwa.+ 15 Na kabushe Amafunde yaleta ubukali,+ lelo ukushili amafunde, takuba na bumpulamafunde.+

16 E ico ni pa mulandu wa citetekelo, ukulingana ne cikuuku+ ca kwa Lesa, e po ubulayo+ bwashininkishiwe ku bana+ bakwe bonse, te ku bakonka fye Amafunde, lelo na ku bakonka icitetekelo ca kwa Abrahamu. (Ena e wishi+ wa ifwe bonse, 17 nga filya calembwa ati: “Nakusonta ukuba wishi wa nko ishingi.”)+ Ubu bulayo bwashininkishiwe ukuti bwa cishinka pa ntanshi ya o atetekele, e kuti pa ntanshi ya kwa Lesa, uulenga abafwa babe aba mweo+ no kwita ifishabako kwati e ko fyaba.+ 18 Nangu ca kuti tale-enekela ukukwata abana, lelo apo ali ne subilo, ali ne citetekelo,+ pa kuti abe wishi wa nko+ ishingi ukulingana ne casoselwe ukuti: “E fyo na bana bobe bakafula.”+ 19 Kabili, nangu line tanakile mu citetekelo, atontonkenye pa mubili wakwe, uwali kale kale uwafwa,+ ico ali ne myaka nalimo umwanda umo (100),+ e lyo na pa kukanafyala kwa kwa Sara.+ 20 Lelo pa mulandu wa bulayo+ bwa kwa Lesa, Abrahamu aali ne citetekelo kabili tapungaile,+ lelo abele uwa maka ku citetekelo cakwe,+ acindike Lesa 21 no kushininwa bwino bwino ukuti aali na maka ya kucita ico alaile.+ 22 E ico “Lesa amumwene ukuti mulungami.”+

23 Lelo, aya mashiwi ya kuti, “Lesa amumwene+ ukuti mulungami” tayalembeelwe Abrahamu eka iyo,+ 24 lelo yalembeelwe na ifwe fwe bali no kumonwa abalungami, pantu twalitetekela uwabuushishe Yesu Shikulwifwe ku bafwa.+ 25 Lesa alekele ukuti Yesu afwe pa mulandu wa membu+ shesu kabili ico amubuushishe ni pa kuti atulungamike.+

5 E ico, apo nomba twalungamikilwa ku citetekelo,+ natube no mutende+ na Lesa muli Shikulwifwe Yesu Kristu, 2 muli uyu wine e mo twatetekela no kuba na maka ya kupalama+ kuli Lesa no kupokelela icikuuku cakwe umo nomba twaiminina; kabili natwange, pe subilo+ lya kupokelela ubukata bwa kwa Lesa. 3 Kabili te ico ceka, lelo natwange na lintu tuli mu bucushi,+ pantu twalishiba ukuti pa kuti kube ukushipikisha,+ kano kuli ubucushi; 4 ukushipikisha na ko, e kulenga ukuti umuntu asuminishiwe;+ ukusuminishiwa na ko, kulenga ukuti umuntu abe ne subilo,+ 5 kabili isubilo taliseebanya iyo;+ pantu ukutemwa kwa kwa Lesa+ kwapongolokela mu mitima+ yesu ukupitila mu mupashi+ wa mushilo, uwapeelwe kuli ifwe.

6 Pantu, cine cine, ilyo twali tucili abanaka,+ e lyo Kristu afwilile abashipepa ilyo inshita yafikile.+ 7 Pantu tacaseeka umuntu ukufwila uwalungama;+ lelo umuntu umusuma,+ napamo umo kuti apama ukumufwila.+ 8 Lelo Lesa alitulanga ukutemwa+ kwakwe pantu ilyo twali tucili ababembu, Kristu alitufwilile.+ 9 E ico, pali bufi, apo twalungamikilwa nomba ku mulopa wakwe,+ tukapusukila muli ena ilyo ubukali bwa kwa Lesa bukesa.+ 10 Pantu nga twabwelele kuli Lesa mu mfwa ya Mwana+ wakwe ilyo twali abalwani,+ pali bufi nomba apo twalibwelela kuli ena, tukapusukila mu mweo wa mwana wakwe.+ 11 Kabili te ico ceka, lelo tuleangila na muli Lesa pa mulandu wa kwa Shikulwifwe Yesu Kristu, muli uyo nomba twabwelela kuli Lesa.+

12 E ico, filya ulubembu lwaingilile mu muntu+ umo pano calo ne mfwa+ yaingilile mu lubembu, e fyo ne mfwa yasalanganine ku bantu bonse pantu bonse balibembwike+—. 13 Pantu ilyo kushali Amafunde ulubembu e ko lwali pano calo, lelo umuntu tabamulubulwisha pa lubembu ukushili amafunde.+ 14 Lelo, imfwa yalitekele ukufuma pali Adamu ukufika kuli Mose,+ na ku bashabembwike nga filya fyabembwike Adamu,+ uwaba icipasho ca wali no kwisa.+

15 Lelo ifyafuma mu bupe tafyalingana ne fyafuma mu kulufyanya. Pantu nga ca kuti ukulufyanya kwa muntu umo e kwaleta imfwa ku bengi, icikuuku ca kwa Lesa no bupe bwakwe fyaletele amapaalo ku bengi.+ Ubu bupe bwapeelelwe pamo ne cikuuku ca kwa Lesa mu muntu+ umo Yesu Kristu. 16 Kabili, ifyafuma mu bupe+ tafyalingana ne fyo cali ilyo umuntu umo abembwike.+ Pantu ubupingushi+ bwaishile pa kulufyanya kumo ukwalengele abengi ukuba no mulandu,+ lelo ubupe bwalengele abengi abali no mulandu ukuba abalungami.+ 17 Pantu nga ku kulufyanya kwa muntu+ umo imfwa yatekele+ muli uyo muntu, pali bufi abapokelela icikuuku+ ca kwa Lesa no bupe+ bwakwe ubwa bulungami bena bakacishapo ukuteka+ pa kuba abomi ukupitila mu muntu umo, Yesu Kristu.+

18 E ico, kanshi, filya abantu ba misango yonse bapingwililwe+ ku cilubo ca muntu umo, e fyo abantu ba misango+ yonse bakalungamikilwa ku bumi+ ku bulungami+ bwa muntu umo. 19 Pantu filya kuli bucintomfwa bwa muntu umo abengi+ balengelwe ababembu, e fyo mu cumfwila+ ca muntu umo e mo abengi+ bakalengelwa abalungama.+ 20 Awe Amafunde+ na yo yalishile pa kuti ukulufyanya kufule.+ Lelo uko ulubembu+ lwafulile, e ko icikuuku+ ca kwa Lesa cafulile ukucilapo. 21 Ku bufwayo nshi? Ukuti, filya ulubembu lwatekele pamo ne mfwa,+ e fyo ne cikuuku+ ca kwa Lesa citeke pamo no bulungami ku kutwala abantu ku mweo wa muyayaya+ muli Yesu Kristu Shikulwifwe.

6 Nga kanshi, tuleti shani? Bushe tutwalilile ukucita imembu, pa kuti icikuuku ca kwa Lesa cifule?+ 2 Nakalya! Apo twalifwile ku lubembu,+ kuti twatwalilila shani ukucita imembu na kabili?+ 3 Napamo bushe tamwaishiba ukuti ifwe bonse fwe babatishiwe muli Kristu Yesu+ twabatishiwe mu mfwa yakwe?+ 4 E ico twashiikilwe+ nankwe ilyo twabatishiwe mu mfwa yakwe, pa kuti, filya Kristu abuushiwe ku bafwa mu bukata bwa kwa Wishi,+ e fyo na ifwe tulingile ukwikala imikalile ipya.+ 5 Pantu nga twapalana nankwe mu mfwa yakwe,+ e fyo tukapalana nankwe na mu kubuuka kwakwe;+ 6 apo twalishiba ukuti ubuntu bwesu ubwa kale bwapoopelwe pamo nankwe pa cimuti,+ pa kuti umubili wesu uwa lubembu wiba na maka pali ifwe na kabili,+ no kuti twitwalilila ukuba abasha ba lubembu.+ 7 Pantu umuntu nga afwa, ninshi umulandu wakwe uwa lubembu wapwa.+

8 Kabili, nga twafwila pamo na Kristu, twalisumina ukuti no kuba tukabela pamo nankwe aba mweo.+ 9 Pantu twalishiba ukuti Kristu, apo nomba alibuushiwa ku bafwa,+ te kuti afwe na kabili iyo;+ imfwa tayakwata amaka pali ena na kabili. 10 Pantu imfwa afwile, afwile fye umuku umo capwa pa kuti afumyepo ulubembu;+ lelo ubumi ubo ekala, ni Lesa uo ekalila uwa mweo.+ 11 E fyo na imwe: muleimona ukuti mwalifwa+ ku lubembu lelo muli aba mweo+ kuli Lesa muli Kristu Yesu.

12 E ico mwileka ulubembu luleteka+ mu mibili yenu iifwa pa kuti mulenakila ifya lunkumbwa fya iko.+ 13 Kabili mwilatuula imibili yenu ku lubembu+ ukuba ifyanso fya kucitilako ifishalungama,+ lelo ituuleni mwe bene kuli Lesa nga ba mweo+ ababuushiwa ku bafwa, mutuule ne mibili yenu kuli Lesa ukuba ifyanso+ fya bulungami. 14 Pantu ulubembu talufwile ukukwata amaka pali imwe, apo tamutekwa na mafunde+ lelo mwaba mu cikuuku ca kwa Lesa.+

15 Bushe kanshi tutile shani? Bushe tubembuke pantu tatwaba mu mafunde+ lelo twaba mu cikuuku ca kwa Lesa?+ Nakalya! 16 Bushe tamwaishiba ukuti nga muleituula nga basha ku uuli onse pa kuti mulemumfwila, ninshi muli basha ba uyo muntu pantu mulamumfwila,+ nalimo abasha ba lubembu+ ulutwala ku mfwa+ nelyo abasha ba cumfwila+ icitwala ku bulungami?+ 17 Awe ndetasha Lesa pa kuti mwali abasha ba lubembu lelo mwaishileba ne cumfwila ica kufuma ku mutima pa kumfwila isambilisho ilyo mwasambilishiwe.+ 18 Awe, apo mwalilubuka+ ku lubembu, mwaishileba abasha+ ba bulungami.+ 19 Ndelanda ifyo abantu baishiba pa mulandu wa kunaka kwa mibili yenu:+ pantu ifyo mwatuulile ifilundwa+ fyenu ku kuba abasha ba kukowela+ na kuli bumpulamafunde ubwaleya bulefulilako fye, nomba tuuleni ifilundwa fyenu ku kuba abasha ba bulungami pa kuti mube aba mushilo.+ 20 Pantu ilyo mwali abasha ba lubembu,+ tamwalekonka ubulungami.

21 Nga kanshi, mwali ne fisabo+ nshi pali ilya nshita? Fintu+ ifyo nomba mumfwilapo ne nsoni. Pantu impela ya ifyo fintu ni mfwa.+ 22 Lelo, nomba, apo mwalilubuka ku lubembu no kuba abasha ba kwa Lesa,+ ifisabo+ mwakwata ni bumushilo bwenu, ne mpela mweo wa muyayaya.+ 23 Pantu icilambu ca lubembu ni mfwa,+ lelo ubupe+ bwa kwa Lesa mweo+ wa muyayaya muli Kristu Yesu Shikulwifwe.+

7 Bushe kwena tamwaishiba, bamunyinane, (pantu ndelanda ku baishiba amafunde,) ukuti Amafunde e yatungulula umuntu inshita yonse iya bumi bwakwe?+ 2 Pantu umwanakashi uwaupwa akakilwa kwi funde lya mulume wakwe ilyo umulume acili uwa mweo; lelo ngo mulume wakwe afwa, alakakulwa kwi funde lya mulume.+ 3 E co, kanshi, ilyo umulume ali uwa mweo, aketwa umucende nga aupwa ku mwaume umbi.+ Lelo nga umulume wakwe afwa, alakakulwa kwi funde lya mulume, ica kuti taba umucende nga aupwa ku mwaume umbi.+

4 E ico, bamunyinane, na imwe mwalifwile ku Mafunde+ mu mubili wa kwa Kristu, pa kuti mube aba muntu umbi,+ uwabuushiwe ku bafwa,+ pa kuti tutwale ifisabo+ ifilecindika Lesa. 5 Pantu ilyo twalekonkelela ifyalefwaya imitima yesu,+ Amafunde yalengele kwaba ulunkumbwa lwa lubembu mu filundwa fyesu pa kuti tutwale ifisabo fya mfwa.+ 6 Lelo nomba twalilekwako ku Mafunde,+ apo twalifwa+ kuli cilya twaiketweko, pa kuti tube abasha+ mu musango upya uwa mupashi,+ kabili te mu musango wa kale uwa mafunde yalembwa.+

7 Nga kanshi, tuletila shani? Bushe Amafunde lubembu?+ Nakalya! Cine cine nga takwali Amafunde nga nshaishiba ulubembu;+ awe nga nshaishiba ukuti ulunkumbwa+ lubi Amafunde ayabulasosa, ayati: “Wilakumbwa.”+ 8 Lelo amafunde+ e yalengele ukuti ulubembu lunenge ukuba no lunkumbwa lwa musango onse, pantu akubulaba amafunde ulubembu nga luntu lwafwa.+ 9 Na kuba, kale nali uwa mweo ukwabula ifunde;+ lelo lintu ifunde lyafikile,+ ulubembu lwalibukulwike, na ine nalifwile.+ 10 Ilyo nalemona ukuti lifunde lya kuntwala ku mweo,+ e lyo nasangile ukuti kanshi lya kuntwala ku mfwa.+ 11 Pantu ulubembu, pa kusanga apa kwingilila mwi funde, lwalimbepele+ no kunjipaila kwi funde. 12 E ico, Amafunde yena ya mushilo,+ ne cipope ca mushilo kabili calilungama+ kabili cisuma.+

13 Bushe kanshi icisuma cabele imfwa kuli ine mwa? Nakalya! Lelo ulubembu e lwabele imfwa, pa kuti lumoneke ukuti lubembu ululendetela imfwa mu cisuma;+ mu kuti mwi funde ulubembu lumonekeshe ukuti lubi.+ 14 Pantu twalishiba ukuti Amafunde yafuma kuli Lesa;+ lelo ine nkonkelela ififwaya umutima wandi, ndi musha wa lubembu.+ 15 Pantu ico ncita nshacishiba. Pantu ico mfwaya, te co ncita; lelo ico napata e co ncita. 16 Nomba, nga ico nshifwaya e co ncita,+ nasumina ukuti Amafunde yasuma.+ 17 Awe kanshi te ine ncita ico cintu, lelo lubembu ulwaikala muli ine.+ 18 Pantu naishiba ukuti muli ine, e kutila, mu mubili wandi, tamwaikala icisuma nangu cimo;+ pantu muli ine amaka ya kufwaya+ ukucita icisuma e mo yaba, lelo amaka ya kucicita+ e yashabamo. 19 Pantu ifisuma ifyo mfwaya nshificita,+ lelo ifibi ifyo nshifwaya e fyo ncita. 20 Awe, nga ico nshifwaya e co ncita, ninshi te ine ncita, lelo lubembu ulwaikala muli ine.+

21 Awe ifyo ciba ni fi: lyonse ilyo mfwaya ukucita icalungama,+ nsanga ndecita icabipa.+ 22 Mu mutima+ wandi mwena nalitemwisha+ amafunde ya kwa Lesa, 23 lelo ine mona mu filundwa+ fyandi ifunde limbi lilelwa+ ne funde lya matontonkanyo+ yandi no kulantwala bunkole kwi funde+ lya lubembu ilili mu filundwa fyandi. 24 Yangu ne mulanda wine wine! Nani akampokolola kuli uno mubili uulentwala ku mfwa?+ 25 Ndetootela Lesa pantu akampususha muli Yesu Kristu Shikulwifwe!+ E co, kanshi, ine na matontonkanyo yandi ndi musha we funde lya kwa Lesa,+ lelo ku mubili ndi musha we funde lya lubembu.+

8 E ico ababa muli Kristu Yesu tabali na mulandu.+ 2 Pantu ifunde+ lya mupashi+ ulya uupeela umweo+ muli Kristu Yesu lyalimulubula+ kwi funde lya lubembu kabili ilya mfwa.+ 3 Pantu, Amafunde yena yalifililwe,+ mu kuti yali ayanaka+ mu mubili, na o Lesa, pa kutuma Umwana+ wakwe mu cipasho ca mubili+ wa lubembu na pa kuti afumyepo ulubembu,+ ashinine ulubembu mu mubili, 4 ukuti icifwaya ubulungami ukulingana na Mafunde cifikilishiwe+ muli fwe bashenda ukulingana ne fifwaya imitima yesu, lelo abenda ukulingana ne fifwaya Lesa.+ 5 Pantu abakonka ififwaya imitima yabo batontonkanya ifyo fine,+ lelo abatungululwa no mupashi batontonkanya ifya kwa Lesa.+ 6 Pantu ukutontonkanya ififwaya imitima kutungulula ku mfwa,+ lelo ukutontonkanya ifya kwa Lesa+ kutungulula ku mweo na ku mutende; 7 pantu ukutontonkanya ififwaya imitima yesu bulwani+ kuli Lesa, pantu umubili taunakila+ ifunde lya kwa Lesa, kabili, tawinganakila no kunakila. 8 E ico abakonkelela ififwaya+ imitima yabo teti basekeshe Lesa.

9 Lelo, imwe tamukonkelela ififwaya imitima yenu, lelo mutungululwa no mupashi+ wa kwa Lesa, nga cine cine umupashi wa kwa Lesa wikala muli imwe.+ Lelo umuntu nga takwata umupashi+ wa kwa Kristu, ena te mwina mwakwe iyo. 10 Lelo nga Kristu aba muli imwe,+ umubili wena walifwa icine cine pa mulandu wa lubembu, lelo umupashi waba uutuntulu+ pa mulandu wa bulungami. 11 Lelo, nomba, nga umupashi wa kwa Lesa uwabuushishe Yesu ku bafwa wikala muli imwe, ninshi uwabuushishe Kristu Yesu ku bafwa+ akalenga ne mibili yenu iifwa ukuba iya mweo+ ku mupashi wakwe uwikala muli imwe.

12 E ico, mwe bamunyinane, tatupatikishiwa ukwikala ukulingana ne fifwaya imitima yesu;+ 13 pantu nga mwikala ukulingana ne fifwaya imitima yenu nangu cibe shani muli no kufwa;+ lelo nga mwakaana+ ififwaya imitima yenu ku maka ya mupashi, mukaba no mweo. 14 Pantu bonse abatungululwa no mupashi wa kwa Lesa, bana ba kwa Lesa.+ 15 Awe tamwapokelele umupashi wa busha uulenga umwenso,+ lelo mwapokelele umupashi+ wa kuba+ abana, uyu mupashi wine e utulenga ukubilikisha atuti: “Abba,*+ Tata!” 16 Umupashi+ wa kwa Lesa ulashimika ubunte+ no mupashi+ wesu ukuti tuli bana ba kwa Lesa.+ 17 E ico, kanshi, nga tuli bana, ninshi tuli mpyani: e kuti impyani sha kwa Lesa, lelo impyani shinankwe+ isha kwa Kristu, kulila fye twaculila+ pamo nankwe pa kuti no kucindamikwa tukacindamikilwe pamo nankwe.+

18 Awe ndetila ubucushi+ bwa pali ndakai tabuli kantu nga kubulinganya ku bukata+ ubukasokoloka kuli ifwe. 19 Pantu ifibumbwa+ filalolela+ nga nshi ukumona ilyo Lesa akasokolola abana bakwe.+ 20 Pantu ifibumbwa fyalengelwe ukunakila ku kuicusha fye,+ te ku kuitemenwa iyo lelo ku wafilengele ukunakila, pa mulandu wa kusubila+ 21 ukuti ifibumbwa+ na fyo fikalubuka+ ku busha bwa kubola no kuba abana ba kwa Lesa. 22 Pantu twalishiba ukuti ifibumbwa fyonse fitetela capamo no kucululukila capamo ukufika kuli nomba. 23 Te ico ceka, lelo na ifwe bene fwe baba ne fisabo fya ntanshi,+ e kuti, umupashi, cine cine, na ifwe bene tulateta+ mu mutima, ilyo tulelolela no kufulukisha ukuba abana+ ba kwa Lesa, ukulubuka kwa mibili yesu. 24 Pantu twapusukiile mwi subilo ili;+ lelo isubilo ilyamoneka te subilo iyo, pantu umuntu nga amone cintu, bushe alacisubila na kabili? 25 Lelo nga tusubila+ ico tushilamona,+ tulacilolela no kushipikisha.+

26 Awe umupashi+ na o ifyo fine ulatwafwako mu kunaka kwesu;+ pantu ubwafya tulingile ukupepela ilyo tulefwaya ukupepa tatubwishiba,+ lelo umupashi+ wine ulatupapaatilako ilyo tuleteta ukwabula ukulanda. 27 Lelo uufwayafwaya mu mitima+ alishiba ififwaya umupashi,+ pantu ulapapaatilako aba mushilo ukulingana no kufwaya kwa kwa Lesa.+

28 Awe twaishiba ukuti Lesa alenga imilimo+ yakwe yonse ukubombela pamo pa kuti ciwamine abatemwa Lesa, abaitwa ukulingana no kufwaya kwakwe;+ 29 pantu abo aishibiile+ libela no kulinga alibalingiile libela+ ukuti bakabe+ abapalana+ no Mwana wakwe, pa kuti ena abe ibeli+ pali bamunyina abengi.+ 30 Kabili, abo alingiile libela+ e bo no kwita aitile;+ kabili abo aitile e bo no kulungamika alungamike.+ Awe abo alungamike e bo no kucindamika acindamike.+

31 Nga kanshi tuletila shani pali fi fintu? Lesa nga ali kuli ifwe, nani engatulwisha?+ 32 Uyo uushakeenye Umwana+ wakwe lelo alimupeele pa mulandu wa ifwe bonse,+ cinshi ico ku cikuuku ashingatupeelela ne fintu fyonse pamo nankwe?+ 33 Nani akapeela umulandu abasalwa ba kwa Lesa?+ Lesa e ubalungamika.+ 34 Nani uukabashinina? Kristu Yesu e wafwile, e kutila, ulya uwabuushiwe ku bafwa, uwaba ku kwa kulyo+ kwa kwa Lesa, kabili uutupapaatilako.+

35 Nani akatupaatulako ku kutemwa kwa kwa Kristu?+ Bushe bucushi, bushe bulanda, bushe kutucusha, bushe ni nsala, bushe kusapula, bushe busanso, napamo bushe lupanga?+ 36 Filya calembwa ati: “Tufwila imwe akasuba konse, twamonwa nge mpaanga ishileya ku kwipaiwa.”+ 37 Lelo, muli ifi fyonse tulecimfya+ icine cine mu watutemenwe. 38 Pantu ninshininkisha ukuti nangu ni mfwa nangu mweo+ nangu ni bamalaika+ nangu mabuteko+ nangu fintu ifyabapo nangu fintu ifikesabako nangu fya maka+ 39 nangu ifya pa muulu nangu ifya pa nshi nangu ifyabumbwa tafyakabe na maka ya kutupaatulako ku kutemwa kwa kwa Lesa ukwaba muli Kristu Yesu Shikulwifwe.+

9 Ndesosa icine+ pa menso ya kwa Kristu; nshilebepa+ iyo, pantu kampingu wandi ambela ubunte mu mupashi wa mushilo, 2 ukuti ndi no bulanda ubukalamba no kucululuka ukushipwa mu mutima wandi.+ 3 Pantu kuti nafwaya ukuti ine wine mpaatulweko kuli Kristu ngo watiipwa pa mulandu wa bamunyinane,+ abantu bandi,+ 4 e kutila abena Israele,+ abo Lesa asalile ukuba abana+ bakwe no kubapeela ubukata+ ne fipangano+ na Mafunde+ no mulimo+ ne filayo;+ 5 muli aba bene e mwali ne fikolwe+ umwatuntwike Kristu.+ Lesa,+ uwaba pali fyonse, acindikwe umuyayaya, umuyayaya. Ameni.

6 Lelo, te kutila icebo ca kwa Lesa califililwe.+ Pantu te bonse abatuntuka muli Israele ababa “abena Israele” bene bene.+ 7 Kabili te kutila pantu fye bafyalwa muli Abrahamu ninshi bonse bana iyo,+ lelo calembwa ati: “Uuketwa ati ‘umwana obe’ akafyalilwa muli Isaki.”+ 8 Kanshi abana abafyalwa ku buntunse+ tabali cine cine bana ba kwa Lesa iyo,+ lelo abana ba cilayo+ e bapendwa ukuti umwana. 9 Pantu Lesa alaile ukuti: “Umwaka uleisa pa nshita nga ino nkesa, na Sara akakwata umwana mwaume.”+ 10 E fyo cali na kuli Rebeka ilyo aimite bampundu+ kuli Isaki icikolwe cesu:11 pantu ilyo abana baali tabalafyalwa kabili tabalacita icisuma atemwa icibi,+ pa kuti ukufwaya kwa kwa Lesa ukwa kusala kwishibikwe ukuti tasala umuntu ukulingana ne milimo yakwe, lelo asala uo umwine alefwaya,+ 12 Rebeka aebelwe ati: “Umukalamba akaba umusha wa mwaice.”+ 13 Filya calembwa ati: “Natemenwe Yakobo, lelo Esau nalimupatile.”+

14 E ico tuletila shani? Bushe kuli ulufyengo kuli Lesa?+ Nakalya! 15 Pantu aebele Mose ati: “Nkabelela uluse uo nafwaya ukubelela uluse, kabili nkabela inkumbu uo nafwaya ukubela inkumbu.”+ 16 E ico, kanshi, tacaba ku fyo umuntu alefwaya nelyo ifyo acita, lelo caba ku luse+ lwa kwa Lesa+ umwine. 17 Pantu mu Malembo calembwa ukuti Lesa aebele Farao ati: “Ni pali ci cine nakulekela ukutwalilila ukubako, ukuti muli iwe e mo nangile amaka yandi, no kuti ishina lyandi lishibikwe mu calo conse.”+ 18 E ico, kanshi, uo afwaya ukubelela uluse alamubelela uluse,+ lelo uo afwaya ukutalama alamuleka atalama.+

19 Bamo kuti banjipusha abati: “Nga kanshi cinshi afwailishisha ifilubo? Pantu nani engakaanya ico umwine afwaya?”+ 20 We muntu+ we, bushe ni we nani we uletwishika Lesa?+ Bushe icabumbwa cingatila ku wacibumbile, “Cinshi ico wamumbiile fi?”+ 21 Bushe tamwaishiba ukuti nakabumba+ alikwata amaka pe bumba ku kubumbako kwi loba limo line icipe cimo ica mucinshi, na cimbi icabula umucinshi?+ 22 Lelo, nomba, ni shani nga Lesa alekelele no kushishimisha ukwingi ifipe fya bukali ifyapangilwa ubonaushi,+ nangu line alafwaya ukulanga ubukali bwakwe no kusokolola amaka yakwe? 23 Kabili ni shani nga acitile fi pa kuti asokolole ubucindami+ bwa bukata bwakwe pa fipe+ fya luse, ifyo apekanishishe libela ku kumona ubukata,+ 24 e kutila, ifwe, fwe bo aitile te mu baYuda beka fye lelo na mu bena fyalo+ mwine? 25 Cili fye nge fyo asosa na mwi buuku lya kwa Hosea ati: “Abashali abantu+ bandi nkabeta ati ‘abantu bandi,’ no mwanakashi uo nshatemenwe nkamwita ‘uwatemwikwa’;+ 26 kabili uko baebelwe ukuti, ‘Tamuli bantu bandi,’ e ko baketwa ati, ‘abana ba kwa Lesa wa mweo.’”+

27 Awe, Esaya abilikisha pali Israele ati: “Nangu abana ba kwa Israele bengafula ngo mucanga wa muli bemba,+ abanono fye abashalapo e bakapusuka.+ 28 Pantu Yehova akalubulwisha pano isonde, ukulubulwisha no kuputula imilandu bwangu bwangu.”+ 29 Kabili, nga filya fine Esaya asoseele libela ati: “Yehova, wa mabumba,+ nga tatushilileko abana, nga twaba fye nga Sodomu, kabili nga twaba fye kwati ni Gomora.”+

30 E ico tuletila shani? Ukuti abena fyalo, nangu tabakonkelele ubulungami, basukile basanga ubulungami,+ ubulungami ubufuma ku kutetekela;+ 31 lelo Israele wena, nangu akonkelele ifunde lya bulungami, tafikileko kwi funde ili iyo.+ 32 Nga cinshi? Pantu takonkele ifunde mu kutetekela, lelo ku milimo.+ Baipunwine ku “libwe lya kuipununako”;+ 33 filya calembwa ati: “Moneni! Ndebika mu Sione ilibwe+ lya kuipununako kabili icilibwe ca kupunwisha,+ lelo uulitetekela takalengwe insoni.”+

10 Bamunyinane, ukufwaya kwa mutima wandi no kupapaata uko mpapaatilako abena Israele kuli Lesa, cine cine, kwa kuti bakapusuke.+ 2 Pantu nababela inte nati ukupimpa+ kwa kubombela Lesa kwena balikwata; lelo te kupimpa ukwalingana no kwishiba kwine kwine;+ 3 pantu, pa kukanaishiba ubulungami bwa kwa Lesa+ lelo ukufwaya ukukosha ubulungami bwabo abene,+ tabanakiile ku bulungami bwa kwa Lesa.+ 4 Pantu Kristu e mpela ya Mafunde,+ pa kuti onse uwatetekela alungamikwe.+

5 Pantu Mose alembele ukuti umuntu uwasangwa umulungami pa kukonka Amafunde akaba no mweo.+ 6 Lelo calembwa pa bulungami ubufuma mu kutetekela ati: “Witila mu mutima+ obe, ‘Nani akanina ukuya mu muulu?’+ pa kuti ekishe Kristu;+ 7 nelyo ati, ‘Nani akengila mu cilindi icabula impela?’+ pa kuti afumye Kristu ku bafwa.”+ 8 Lelo bushe Amalembo yatila shani? “Icebo ici cili mupepi na imwe, cili mu kanwa kenu na mu mitima yenu”;+ ici, e “cebo”+ ca kutetekela, ico tulebila.+ 9 Pantu ukapusuka+ nga waisosela pa cintubwingi ici ‘cebo ku kanwa+ kobe,’ auti Yesu e Shikulu,+ kabili watetekela mu mutima obe ukuti Lesa amwimishe ku bafwa.+ 10 Pantu ku mutima+ e ko umuntu atetekela no kulungamikwa, lelo ku kanwa e ko aisosela+ umwine no kupusuka.

11 Pantu Ilembo lyatila: “Onse uumutetekela+ takalengwe insoni.”+ 12 Pantu Lesa taba na kapaatulula ka kuti uyu muYuda, uyu muGriki,+ pantu kwaba fye Shikulu umo kuli bonse, uwacindama+ kuli bonse abalilila kuli ena. 13 Pantu “onse uwalilila kwi shina lya kwa Yehova akapusuka.”+ 14 Lelo, bakalilila shani ku o bashatetekela?+ Nga bakatetekela shani uo bashaumfwa? Nga bakomfwa shani apabula uwa kubila?+ 15 Nga bakabila shani nga tabatuminwe?+ Filya calembwa ati: “Ifyo yayemba amakasa ya babila imbila nsuma iya fisuma!”+

16 Lelo, tabanakiile bonse ku mbila nsuma.+ Pantu Esaya atile: “Mwe Yehova, nani atetekele ico baumfwile kuli ifwe?”+ 17 Kanshi umuntu atetekela ilyo aumfwa+ amashiwi. Na ya mashiwi yomfwika ilyo umuntu alanda pali Kristu.+ 18 Awe ndeipusha nati, Bushe ukumfwa kwena tabaumfwile? Kwena balyumfwile, pantu calembwa ati, “ishiwi lyabo lyafikile mwi sonde lyonse,+ na mashiwi yabo yafikile ku bantu bonse ku mpela sha pano isonde.”+ 19 Awe ndeipusha nati, Bushe kwena Israele alifililwe ukwishiba?+ Intanshi Mose atile: “Nkalenga imwe ukuba no bufuba ku cishaba luko; nkamukalifya nga nshi ku luko lwa bantu abawelewele.”+ 20 Lelo Esaya ashipa nga nshi no kutila: “Abashalemfwaya balinsangile;+ naishilemoneka ku bashalenjipusha.”+ 21 Lelo pali Israele atila: “Akasuba konse natambulwila amaboko yandi ku bantu abashumfwa+ kabili abapilika.”+

11 E ico, ndeipusha nati, Bushe Lesa alikeene abantu bakwe?+ Awe iyo! Pantu na ine wine ndi mwina Israele,+ uwa mu mwana wa kwa Abrahamu, uwa mu mukowa wa kwa Benjamini.+ 2 Lesa takeene abantu bakwe, abo aisalile+ umwine ukufuma fye ku kale. Bushe cine cine tamwaishiba ico Ilembo lisosa pali Eliya, ilyo aleilishanya kuli Lesa pa mulandu wa bena Israele?+ 3 Atile, “Mwe Yehova, nabepaya bakasesema benu, nabonaula ifiipailo fyenu, kabili nshelepo fye neka, e lyo na ine balefwaya ukunjipaya.”+ 4 Lelo, bushe Lesa amwaswike+ shani? Lesa atile, “Ncili ninkwata abantu abacilile pa makana cinelubali (7,000), abashapepako Baali.”+ 5 Ifyo fine, kanshi, pali ndakai na po abashalapo+ balimoneka ukulingana no kusala+ pa mulandu wa cikuuku ca kwa Lesa. 6 Awe nga ni ku cikuuku+ ca kwa Lesa, ninshi te ku milimo+ kabili iyo; pantu nga te ifyo, ici cikuuku te kuti cibe na kabili cikuuku iyo.+

7 Nga tutile shani? Abena Israele tabasangile ico balefwaya.+ Abacisangile bantu fye abanono abasalilwe.+ Bambi bena Lesa alekele ukuti imitima yabo italame;+ 8 filya calembwa ati: “Lesa abaleka ukupona mu tulo utukalamba,+ amenso yabo tayamona na matwi yabo tayomfwa, ukufika fye na kuli lelo.”+ 9 Davidi na o atile: “Amaliila yabo nayabe iciteyo kabili ulukose kuli bena, kabili nayabe ica kubapunwisha ne ca kubakanda;+ 10 lekeni amenso yabo yabe na kafifi pa kuti yemona, kabili inshita yonse bale-enda abakongama.”+

11 E ico ndeipusha nati, Ilyo abena Israele bawile, bushe baliwililila+ fye calipwa? Awe iyo! Pantu ukulufyanya+ kwabo kwalenga ukuti abena fyalo+ bamwenemo ipusukilo, pa kuti abena Israele babe no bufuba.+ 12 Ukulufyanya kwa bena Israele nga e kwalenga ukuti abantu ba muli ici calo bacindamikwe, kabili ukucepa kwabo nga e kwalenga ukuti abena fyalo+ bacindamikwe, ninshi abena Israele bonse+ nga babwelela kuli Lesa, ubucindami bwa bena fyalo bukacililako!

13 Nomba nalalanda kuli imwe mwe bena fyalo. Ala nalicindika+ umulimo+ wandi uwa kuba umutumwa+ ku bena fyalo,+ 14 pantu limbi kuti nalenga abantu bandi ukuba no bufuba, no kupusushapo+ bamo pali bena.+ 15 Pantu ukupooswa+ kwabo nga e kwalenga aba muli ici calo ukubwelela+ kuli Lesa, nga kanshi cikaba shani ilyo abena Israele bakapokelelwa na kabili kuli Lesa? Bushe tacakabe fye kwati kubuuka ukufuma ku bafwa? 16 Nga ca kutila mwatuulapo+ umufuba umo kuli Lesa, ninshi mwatuula no mufuba onse; kabili umushila nga wa mushilo,+ ninshi ne misambo na yo ya mushilo.

17 Awe, nga baputula imisambo imo iya muolife uo abantu balimba, kuti balundako+ imisambo ya muolife wa mu mpanga. Na imwe bene mwe bena fyalo mwaba nge misambo ya muolife wa mu mpanga uo Lesa abuula no kulunda ku muolife uo abantu balimba. Nomba na imwe mulepokelela amapaalo+ ayafuma ku mishila ya muolife+ uo abantu balimba. 18 Iwe we musambo wa mu mpanga, wilasuula imisambo inobe iyo baputula ku muolife walimbwa. Nga kuti walaitakisha+ shani kwati ni we uliisha imishila+ ilyo imishila e ikuliisha?+ 19 Nalimo kuti watila: “Ico bafumisheko+ iyo misambo ni pa kuti ine banundeko.”+ 20 Cisuma! Iyo misambo bali-ifumisheko pantu tayali na citetekelo,+ iwe walilundilweko pantu walitetekela.+ Kanshi wilaitutumuna,+ lelo uleba na katiina.+ 21 Pantu Lesa nga talekele imisambo ine ine, na iwe wine takakuleke iyo.+ 22 E ico kanshi wamona ukuti Lesa wa cikuuku+ e lyo kabili mukali.+ Pa bawile pali ubukali+ bwa kwa Lesa, lelo pali iwe pali icikuuku cakwe, kulila fye waikalilila+ mu cikuuku cakwe; nga te ifyo, na iwe wine ukaputulwako.+ 23 Abena Israele na bo, nga ba-aluka no kutetekela na kabili, bakalundwako;+ pantu Lesa te kuti afilwe ukubalundako na kabili. 24 Pantu imwe mwe bena fyalo nga mwaputwilwe ku muolife wa mu mpanga uwaimenene fye kabili mwalundilwe+ ku muolife wa kulimba fye, kanshi kuti ca-anguka imisambo yali ku muolife wa kulimba fye ukulundwa ku muolife yaliko!+

25 Mwe bamunyinane, nshilefwaya imwe ukukanaishiba iyi nkama ya kwa Lesa,+ pa kuti mwiba aba mano mu menso yenu mwe bene. Abena Israele bamo balitalamike+ imitima mpaka impendwa+ yonse iya bena fyalo ikakumane,+ 26 kabili e fyo Israele+ onse akapusuka. Filya calembwa ati: “Kalubula akafuma ku Sione+ no kufumya ububifi muli Yakobo.+ 27 Kabili nkapangana na bo icipangano,+ ilyo nkasenda imembu shabo.”+ 28 Abena Israele basanguka abalwani ba kwa Lesa pantu balisuula imbila nsuma. Ici calenga na imwe mwe bena fyalo mushukilemo,+ lelo apo Lesa alibasala, alibatemwa pa mulandu wa fikolwe fyabo.+ 29 Pantu Lesa tapoka ubupe ubo apeela umuntu kabili uo aita ninshi calaala capwa naitwa.+ 30 Pantu imwe mwe bena fyalo kale tamwaleumfwila+ Lesa lelo nomba mwalibelelwa uluse+ pa mulandu wa bucintomfwa+ bwa bena Israele, 31 ifyo fine na aba pali nomba tabomfwila Lesa icalenga ukuti imwe mubelelwe uluse,+ pa kuti na bo bene babelelwe uluse. 32 Pantu bonse Lesa alibaleka ukuti babe bacintomfwa,+ e pa kuti abelele abantu fye bonse uluse.+

33 Iye amapaalo+ ubwingi ayafuma kuli Lesa! Yangu ifyo akwatisha amano!+ We fintu ubwingi ifyo aishibisha!+ Takuli nangu umo uwingeluka ubupingushi+ bwakwe ne mibele yakwe! 34 Pantu “nani aishiba ukutontonkanya+ kwa kwa Yehova, atemwa nani uwingaba impanda mano yakwe?”+ 35 Napamo, “Nani abalilapo ukupeela Lesa ubupe, pa kuti Lesa na o akamubweseshe?”+ 36 Pantu fyonse fifuma kuli ena kabili e walenga ukuti fibepo kabili e o fyabelako.+ Kuli ena kube ubukata pe na pe.+ Ameni.

12 Mwe bamunyinane, ndemupapaatila ku nkumbu sha kwa Lesa ukuti mutuule imibili+ yenu nge lambo+ ilituntulu,+ ilyasanguluka,+ ilingapokelelwa kuli Lesa,+ e kutila ukubombela+ Lesa na maka yenu aya kupelulula.+ 2 Kabili mwipalana+ no bwikashi buno, lelo mupilibuke pa kwalula amatontonkanyo yenu,+ pa kuti mushininkishe mwe bene+ ico Lesa afwaya,+ icisuma, icapokelelwa kabili icapwililika.

3 Pantu mu cikuuku Lesa ankwatila nde-eba imwe bonse ukuti mwilaitunga ukucila pa fyo mwaba;+ lelo mube abaicefya mu matontonkanyo yenu,+ cila muntu aleipima ukulingana+ ne citetekelo+ ico Lesa amupeela. 4 Pantu filya umubili wesu waba ne filundwa+ ifingi, e lyo ifilundwa fyonse tafyaba no mulimo umo wine, 5 e fyo na ifwe, nangu twaba abengi, tuli mubili+ umo muli Kristu, kabili umuntu onse cilundwa ca munankwe.+ 6 Awe, apo tuli ne fya bupe fyapusanapusana+ ukulingana ne cikuuku+ ca kwa Lesa ico twapeelwe, nampo nga ca kusesema, natuseseme ukulingana ne citetekelo twapeelwa; 7 nelyo nga bupe bwa kubombela bambi, natubike umutima pali uyu wine mulimo.+ Nga umuntu apeelwa ubupe bwa kusambilisha,+ nabike umutima pa kusambilisha kwakwe;+ 8 nangu nga apeelwa ubupe bwa kukonkomesha, nabike umutima pa kukonkomesha kwakwe;+ uupeela, apeele muli bukapekape;+ uutungulula,+ atungulule no mukoosha wine wine; uubelela uluse,+ nacite co ne nsansa.

9 Ukutemwa+ kwenu kwiba ukwa bumbimunda.+ Patisheni icabipa,+ ikatisheni icisuma.+ 10 Ku kutemwa+ aba bwananyina mube abatemwana nga nshi. Ku kucindikana+ ni mwe mubalilepo. 11 Mwilawayawaya+ mu mulimo wenu. Lekeni umupashi+ umulenge ukucincila. Bombeleni Yehova.+ 12 Sekeleleni mwi subilo.+ Shipikisheni ilyo mulecula.+ Beni no mute wa kupepa.+ 13 Peeleniko aba mushilo ukulingana no kukabila kwabo.+ Mutwalilile ukusekelela abeni.+ 14 Mulepaala abamucusha;+ mulebapaala,+ mwilabatiipwila iyo.+ 15 Sekeleleni pamo na basekelela;+ lilileni pamo na balelila. 16 Ifyo muletontonkanya pali mwe bene e fyo muletontonkanya na pali bambi;+ mwilaba no mutima wa cilumba,+ lelo muleiceefya.+ Mwilaimona ukuti muli bamo.+

17 Mwilabwesesha ububi pa bubi.+ Muletontonkanishisha kabela ukucita ifyo abantu bonse balemona ukuti fisuma. 18 Mule-esha na maka yenu yonse ukuba aba mutende+ ku bantu bonse. 19 Mwe batemwikwa, mwilalandula,+ lelo shiileni ubukali+ bwa kwa Lesa incende; pantu calembwa ati: “Nine mfwile ukulandula; nine nkabweseshapo pa fibi ifyo bacita, e fyasosa Yehova.”+ 20 Awe, “umulwani obe nga ali ne nsala, umupe ifya kulya; nga ali ne cilaka, umupe ifya kuti anwe;+ pantu nga wacita ifi ninshi watuulika amalasha ayaleaka umulilo pa mutwe wakwe.”+ 21 Wileka ububi bukucimfye, lelo ulecimfisha ububi pa kucita ifisuma.+

13 Umuntu onse alenakila+ ubuteko,+ pantu bukateka+ bwafuma kuli Lesa;+ imitekele iilipo ni Lesa+ e wasuminisha ukuti ibeko.+ 2 E ico uulekaanya ubuteko ninshi alekaanya ukupekanya kwa kwa Lesa; abakaanya ubuteko bakailetelela ubupingushi.+ 3 Pantu abateka te ba kutiinya ku bacita ifisuma kano ku bacita ifibi.+ E ico bushe ulefwaya ukukanatiina ubuteko? Ninshi ulecita ifisuma,+ e lyo ubuteko bukakutasha; 4 pantu bwaba ngo mubomfi wa kwa Lesa uwa kukucitila icisuma.+ Lelo nga ulecita ifyabipa,+ tiina: pantu ubuteko tabwimisha ulupanga apa fye; pantu bwaba ngo mubomfi wa kwa Lesa, nga kalandula+ uwa kukanda uulecita ifyabipa.

5 E ico ca nsambu ukuti munakile ubuteko, te pa mulandu wa bukali bweka iyo lelo na pa mulandu wa kampingu wenu.+ 6 E mulandu wine musonkela ne misonko; pantu bakateka bena babomfi+ ba kwa Lesa ababombela icintubwingi imilimo iyo bafwile ukubomba. 7 Peeleni bonse ifyo bafwile ukupeelwa, uulefwaya umusonko, mupeeleni umusonko;+ uulefwaya umutuulo, mupeeleni umutuulo; uulefwaya ukubelwa akatiina, beni na katiina+ kuli ena; uulefwaya umucinshi, mucindikeni ifyo fine.+

8 Mwiba ne nkongole nangu shimo ku muntu,+ kano inkongole sha kutemwana;+ pantu uwatemwa umunankwe ninshi nakonka bwino amafunde.+ 9 Pantu amafunde ayatila, “Wilacita bucende,+ Wilaipaya,+ Wilaiba,+ Wilakumbwa+ fya bene,” na mafunde fye yambi ayabako, yaingila mu mashiwi ya kuti, “Uletemwa umunobe nge fyo waitemwa we mwine.”+ 10 Umuntu uwatemwa+ umunankwe te kuti acite icabipa kuli ena;+ pantu ukutemwa e kufishapo amafunde.+

11 Apo namwishiba ukuti ino ni nshita ya kushibuka+ mu tulo, kanshi mulecita ifi nalanda. Ilyo twatendeke ukutetekela ipusukilo lyesu lyali ukutali, lelo nomba nalipalama.+ 12 Ubushiku bwalaswa buce; akasuba+ nakapalama. E ico natufuule imilimo ya mfifi+ no kufwala ifyanso+ fya bulwi ifya lubuuto. 13 Natube ne mibele+ iisuma nga baba mu lubuuto. Twilaba ne ciwowo, twilakolwa,+ twilacita bucilende nangu ukuba ne mibele ya kuilekelesha,+ kabili twilaba ne fikansa+ no bufuba. 14 Lelo natufwale Shikulu Yesu Kristu,+ kabili twilapangila kabela ukucita ifilefwaya imitima yesu.+

14 Mwilakankamba uwanaka+ mu citetekelo, kabili mwilamutwishika.+ 2 Umuntu umo icitetekelo cakwe kuti camusuminisha ukulya ifintu fyonse,+ lelo uwanaka alya fye umusalu. 3 Uulya esuula uushilya,+ kabili uushilya epingula uulya, pantu Lesa alimupokelela. 4 Ni we nani uwa kuti ulepingula umubomfi wa mu ng’anda ya muntu umbi?+ Ni shikulu wakwe e umupingula nga ali bwino atemwa iyo.+ Ca cine, akapingulwa, pantu Yehova kuti amupingula bwino.+

5 Umuntu umo amona ubushiku bumo ati bwalicindama ukucila ububiye;+ umbi na o amona ubushiku bumo ukuti bwaba fye nga shimbi;+ cila muntu ashininkishe bwino ukuti ico aletontonkanya e cishinka. 6 Uucindika ubushiku bumo ukucila shimbi ni kuli Yehova+ abucindikila. Kabili, uulya, ni kuli Yehova aliila, pantu atootela Lesa;+ no uushilya ni kuli Yehova ashiliila,+ lelo na o alatootela Lesa.+ 7 Na kuba, takuli uwa muli ifwe uuikalila umwine,+ kabili takuli uuifwila umwine; 8 pantu nga tuli no mweo,+ ni kuli Yehova tubela aba mweo, kabili nga twafwa, ni kuli Yehova tufwila.+ E ico nga tuli aba mweo kabili nangu nga twafwa, tuli ba kwa Yehova.+ 9 Pantu e co Kristu afwilile no kuba no mweo na kabili,+ pa kuti abe Shikulu wa bonse abafwa+ na ba mweo.+

10 Nomba iwe cinshi upingwila munonko?+ Nelyo cinshi usuulila munonko? Pantu ifwe bonse tukeminina ku cipuna ca bupingushi+ ica kwa Lesa; 11 pantu calembwa ati: “Yehova+ atila, ‘Na pali ne mwine, ikufi lyonse likafukama kuli ine, no lulimi lonse lukasumina ukuti lwalishiba Lesa.’”+ 12 Awe ifwe bonse umo umo tukalubulula kuli Lesa.+

13 E ico twilapingulana,+ lelo mwiminine+ pa kukanabikila munyinenwe+ ica kupunwisha+ nangu ica kuipununako mu citetekelo. 14 Nalishiba kabili nalisumina ukulingana ne fyo nasambilila muli Shikulu Yesu ukuti takwaba icakowela icine;+ kano fye umuntu atila calikowela, kuli ena ninshi calikowela.+ 15 Pantu nga ca kuti pa mulandu wa fya kulya munonko alelengwa ubulanda, ninshi taule-enda na kabili ukulingana no kutemwa.+ Wileka ifya kulya fyobe fyonaule umuntu uo Kristu afwilile.+ 16 E ico, mwileka icisuma ico mucita cipontelwe. 17 Pantu ubufumu bwa kwa Lesa+ te kulya no kunwa,+ lelo bulungami+ no mutende+ no kusekelela+ mu mupashi wa mushilo. 18 Pantu uucita ifi ilyo alebombela Kristu alapokelelwa kuli Lesa kabili alatashiwa na ku bantu.+

19 E ico, kanshi, natulecita ifingaleta umutende+ kabili ifingatukuula.+ 20 Mwilaonaula umulimo wa kwa Lesa pa mulandu fye wa fya kulya.+ Ca cine, fyonse fyalisanguluka, lelo cibi ukupunwisha umuntu pa mulandu wa fya kulya.+ 21 Kanshi cawamapo ukukanalya inama nelyo ukukananwa umwangashi nelyo ukukanacita icingapunwisha munonko.+ 22 Icitetekelo ico ukwete, ushininkishe ukuti cili fye bwino kuli iwe na mu menso ya kwa Lesa.+ Alipaalwa umuntu uucita ifyo aletontonkanya ukuti nafilungama, kabili asanga no kuti tamuli icilubo mu fyo apingwile ukucita. 23 Lelo nga aletwishika, e lyo alya,+ ninshi napingulwa kale, pantu te ku citetekelo aliila iyo. Awe conse ico umuntu acita ukwabula ukukonka icitetekelo, ninshi lubembu.+

15 Awe, ifwe fwe bakosa tufwile ukwafwa abanaka+ mu kunaka kwabo, kabili twilacita ifya kutuwamina fye.+ 2 Ifwe umo umo tufwile ukucitila abanensu ifingabakuula.+ 3 Pantu nangu fye ni Kristu talecita fye ifyalemuwamina;+ lelo filya calembwa ati: “Umuseebanya wa bamuseebanya waponena pali ine.”+ 4 Pantu fyonse ifyalembelwe kale fyalembelwe+ ku kutufunda,+ pa kuti mu kushipikisha+ kwesu na mu cisansamushi+ ca mu Malembo tube ne subilo.+ 5 Awe Lesa uupeela ukushipikisha no kusansamusha amulenge ukuba no mutima+ umo wine uo Kristu Yesu akwete, 6 e pa kuti bonse capamo mu kwikatana+ mucindike Lesa kabili Wishi wa kwa Shikulwifwe Yesu Kristu mwi shiwi limo.

7 E ico mulepokelelana,+ ifyo na Kristu atupokelele,+ pa kuti Lesa acindikwe. 8 Pantu ndetila Kristu cine cine aishile ku kubombela+ abasembululwa+ pa mulandu wa cine+ ca kwa Lesa, ku kubalanga ukuti amalayo+ Lesa alaile ifikolwe fyabo ya cine, 9 kabili pa kuti abena fyalo+ bacindike Lesa pa luse lwakwe.+ Filya calembwa ati: “E co nkalamulumbanishisha mu nko kabili nkembila ishina lyenu amalumbo.”+ 10 Na kabili atila: “Mwe nko, sansamukileni pamo na bantu bakwe.”+ 11 Alundapo no kuti: “Lumbanyeni Yehova, mwe nko shonse, kabili lekeni abantu na bantu bonse bamulumbanye.”+ 12 Kabili Esaya na o atile: “Kukaba umushila wa kwa Yese+ uukesa, kabili ukema ku kwisateka abena fyalo;+ kabili e o abena fyalo bakatetekela.”+ 13 Shi Lesa uumupeela isubilo alenge ukuti mube ne nsansa nga nshi kabili mube no mutende pa mulandu wa citetekelo cenu, e pa kuti ku maka ya mupashi wa mushilo isubilo lyenu lilekoselako fye.+

14 Mwe bamunyinane, ine nalishininkisha ukuti muli basuma icine cine, kabili mwalishiba+ fyonse ifyo mufwile ukucita. Kanshi mulefundana.+ 15 Lelo, ndemulembela no kumwebelapo ifishinka fimo fimo, kwati kumucinkulako+ na kabili, pa mulandu wa cikuuku ico Lesa ankwatila+ 16 pa kuti mbe umubomfi wa kwa Kristu Yesu uwa kubombela abena fyalo,+ uubomba umulimo wa mushilo uwa mbila nsuma+ iya kwa Lesa, pa kuti Lesa abapokelele+ ngo mutuulo,+ uo umupashi+ wa mushilo wasangulula.

17 E ico nalikwata apa kwangila muli Kristu Yesu+ mu fintu fya kwa Lesa.+ 18 Pantu te kuti ntiine ukulanda pa fintu ifyo Kristu abombeele muli ine+ pa kuti abena fyalo banakile+ Lesa, ku mashiwi+ mbeba na ku fyo ncita, 19 na ku maka ya fishibilo ne fipesha amano,+ na ku maka ya mupashi wa mushilo; pa kuti ukufuma ku Yerusalemu no kushinguluka+ ukufika ku Iluriki nalishimikila sana imbila nsuma pali Kristu.+ 20 Awe ico mfwaisha ca kukanashimikila imbila nsuma uko Kristu kale kale aishibikwa, pa kuti nikuula pa mufula wa muntu umbi;+ 21 lelo filya calembwa ati: “Abantu abashatala abebwa pali ena bakamona, na bashatala abomfwa bakeluka.”+

22 Imiku iingi nalefwaya ukwisa kuli imwe lelo nalifilwa.+ 23 Apo nomba nshikwete icifulo umushabombelwa kuli ino ncende, kabili apo nalifuluka ukwisa kuli imwe pa myaka iingi+ 24 nomba ndesubila ukwisamumona ilyo nkaba pa lwendo lwa kuya ku Speni,+ kabili ndesubila ukushindikwa+ na imwe pa numa ya kutala nasangalala pa kwikala na imwe akashita kanono. 25 Lelo pali nomba ndi mupepi no kuya ku Yerusalemu ku kutwalilako abantu ba kwa Lesa ifya kubafwilisha.+ 26 Abena Makedonia na bena Akaya+ bali-itemenwe ukupeela ifyo bakwete pa kusangwila+ abapiina pa bantu ba kwa Lesa mu Yerusalemu. 27 Ca cine, bali-itemenwe ukucita ifyo, na lyo line e fyo fye bafwile ukucita kuli bena; pantu abena fyalo nga balapeelwako ifintu ifisuma ififuma kuli Lesa,+ na bo bene nacilinga ukuti baleafwilishako abaYuda ku fintu ifyo bakwete.+ 28 E ico nga napwa uyu mulimo no kubatwalila+ umusangulo, nkesapita kuli imwe pa kuya ku Speni.+ 29 Kabili, ninjishiba ukuti ilyo nkesa kuli imwe nkesa ne paalo ilikalamba ukufuma kuli Kristu.+

30 Awe ndemukoselesha, mwe bamunyinane, muli Shikulwifwe Yesu Kristu na pa mulandu wa kutemwa ukwafuma ku mupashi,+ ukuti mukosepo ukumpepelako kuli Lesa nge fyo na ine ndepepa,+ 31 pa kuti mpokololwe+ ku bashatetekela Lesa mu Yudea kabili pa kuti nkafishe bwino bwino ku ba mushilo ba ku Yerusalemu+ ifintu ifyo ndebatwalila,+ 32 nga Lesa atemwa, ilyo nkesa kuli imwe no kutuushisha+ pamo na imwe nkasansamuka. 33 Awe Lesa uupeela umutende abe na imwe bonse.+ Ameni.

16 Febi ni nkashi yesu, uubombela+ mu cilonganino ica mu Kenkerea,+ e ico ndeti nalinga 2 ukuti mumupokelele+ muli Shikulu nga filya fine mupokelela aba mushilo, no kuti mumwafwe muli fyonse ifyo engakabila kuli imwe,+ pantu e waleafwa abengi, pamo na ine wine.

3 Posheni Priska* na Akula+ ababomfi+ banandi muli Kristu Yesu, 4 abaibikile mu kapoosa mweo+ pa mulandu wa mweo wandi, te ine neka ndebatootela lelo ne filonganino fyonse ifya bena fyalo filebatootela;+ 5 kabili posheni na bonse abalonganina mu ng’anda yabo.+ Posheni Epainete uwatemwikwa wandi, uwabalilepo+ ukwisa kuli Kristu pa ba mu Asia.* 6 Posheni Maria, uwamubombela apakalamba nga nshi. 7 Posheni Androniki na Yunia abantu+ bandi kabili abafungwa+ banandi, abaume baishibikwa mu batumwa kabili abakokola muli+ Kristu ukuncila.

8 Posheni+ Ampiliati uwatemwikwa wandi muli Shikulu. 9 Posheni Urbani umubomfi munensu muli Kristu, na Staku uwatemwikwa wandi. 10 Posheni+ Apele, umubomfi wine wine muli Kristu. Posheni aba mu ng’anda ya kwa Aristobuli. 11 Posheni Herodio umuntu wandi.+ Posheni aba mu ng’anda ya kwa Narkisi aba muli Shikulu.+ 12 Posheni Trufaena na Trufosa, abanakashi abalebombesha muli Shikulu. Posheni Persida uwatemwikwa wesu, pantu uyu mwanakashi abombeshe apakalamba muli Shikulu. 13 Posheni Rufu uwasalwa muli Shikulu, na nyina kabili mayo. 14 Posheni Asunkriti, Flegone, Herme, Patroba, Herma, na ba bwananyina abali pamo na bo. 15 Posheni Filologe na Yulia, Nere na nkashi yakwe, na Olumpa, na ba mushilo bonse abali pamo na bo.+ 16 Poshanyeni mu kutomona+ kwa Bwina Kristu. Ifilonganino fyonse ifya kwa Kristu fyamuposha.

17 Nomba ndemukoselesha, mwe bamunyinane, ukuti mulecenjela ku baleta amalekano+ ne fya kupunwisha kabili abalesambilisha+ ifipusene ne sambilisho ilyo mwasambilila, kabili batalukeni.+ 18 Pantu ababa ifi te Shikulwifwe Kristu babombela iyo, lelo babombela amafumo+ yabo abene; kabili ku nsoso sha kusembeleka+ ne milandile ya kulumbilisha+ bongola imitima ya bapelwa amano. 19 Pantu icumfwila cenu cilamoneka kuli bonse.+ E ico ndesekelela pali imwe. Lelo ndefwaya imwe ukuba na mano+ aya kucita icisuma, no kuba aba kaele+ ku cabipa.+ 20 Awe Lesa uupeela umutende+ akashonawila Satana+ mwi samba lya makasa yenu nomba line. Icikuuku ca kwa Shikulwifwe Yesu Kristu cibe na imwe bonse.+

21 Timote umubomfi munandi amuposha, na balupwa lwandi Luki, Yasone, na Sosipatere bamuposha.+

22 Ine, ne Terti, ne walemba uno kalata, namuposha muli Shikulu.

23 Gai,+ uumpokelele mu mwakwe kabili uo icilonganino conse cilonganina mu mwakwe, amuposha. Erasti kasunga wa cipao ca musumba+ amuposha, na Kwartu munyina na o amuposha. 24 * ——

25 Awe ku wingamukosha, ukulingana ne mbila nsuma iyo nshimikila pali Yesu Kristu, ukulingana no kusokololwa kwa nkama+ ya kwa Lesa iyafishilwe pa nshita ntali 26 lelo iyasokoloka+ kabili iyaishibikwa mu malembo ya bakasesema ku bena fyalo bonse ukulingana ne funde lya kwa Lesa wa muyayaya pa kuti abantu bamunakile no kumutetekela;+ 27 kuli Lesa, uwa mano eka,+ kube ubukata+ muli Yesu Kristu+ pe na pe. Ameni.