Lesa Aonaula Icalo Cabipa

18 Ubufyashi bwa kwa Adamu bwatendeke ukufula. Na kabili basangwike ababipa nga nshi. Lesa apingwilepo ukubonaula.—Ukutendeka 6:1, 5, 7

19 Lelo kwaliko umuntu umusuma uwainikwe Noa.—Ukutendeka 6:8, 9

Yehova Lesa amwebele ukukuula icibwato icikalamba sana muli ico wene no lupwa lwakwe baali no kupusukilamo lintu abantu babipa baleonaulwa. Ici cibwato capangilwe ukupala icibokoshi cikalamba. Caitilwe arka.—Ukutendeka 6:13, 14

20 Basendele inama ishingi muli arka.—Ukutendeka 6:19-21

21 Yehova alengele imfula iikalamba nga nshi ukuloka. Abantu bonse ababipa balifwile. Abo abaali muli arka balipuswike. Bushe nawishiba umulandu?—Ukutendeka 6:17; 7:11, 12, 21; 1 Petro 3:10-12