“Mulandu Nshi Utunya Tufwila?”

Ico e cintu ulupwa ulwalufishe abana babili abanono lwalefwaya ukwishiba. Umwaume ukufuma ku Willowick, Ohio, U.S.A., alondolwele ukuti:

“Mu nshiku sha nomba line, akayofi kalicitike mu kati na nkati aka lupwa lwandi. Nkashi yandi uwa ku mubili alufishe utunya twakwe tubili mu busanso bwa pa musebo ubwabipisha. Kwena, ulupwa lonse lwalipopomenwe. Umutumikishi wabo uwa Baptist tapeele icili conse mu nshila ya kusansamusha kwa mu Malembo. Ali fye no kusoso kuti, ‘Cali kufwaya kwa kwa Lesa’ kabili, ‘Lesa alekabila bamalaika balundwapo babili.’

“Nangu cingati kwaliko inshita inono iya kusapika, nayalukile ku citabo ca Ukupelulula Ukufuma Mu Malembo no mutwe wa ciko ‘Mulandu Nshi Utunya Tufwila?’ Mu nshiku ne milungu iyo yakonkelepo, umukashi wandi na ine twaliba na maka ya kwakana no lupwa lwandi ifyasuko fya cine ku fingi ifya fipusho fyabo, pamo nga, ‘Mulandu nshi utunya tufwila?’ ‘Bushe caba kufwaya kwa kwa Lesa ukusenda abana ukufuma ku bafyashi babo?’ kabili, icacilapo ukucindama, ‘Lisubilo nshi lyabako ku kumona aba bana bayemba na kabili?’ Abafyashi bandi balisosa ukuti kuti batemwa ukwisa ku Ŋanda ya Bufumu mu nshita ya ku ntanshi.”

Ukupelulula Ukufuma Mu Malembo cakwatamo ukucila pa mitwe ya malyashi ikalamba 70. Iyasanshiwamo ni “Imfwa,” “Helo,” “Umweo,” “Ukusendwa mu Butuntulu,” “Ukufyalwa Cipya Cipya,” “Ubwamba,” “Ukupupe Mipashi,” na imbi iyalundwapo. Icisontelelo ca ciko ica mabula cinelubali ica mitwe na malembo kuti cakwaafwa ukusanga ifyasuko mu kwangufyanya. Ku kupokelela kope, twapaapaata isusha no kutuma aka kapepala.

Kuti natemwa ukupokelela icitabo ca nkupo iyakosa ica mabula 448 Ukupelulula Ukufuma Mu Malembo. (Ku nse ya Zambia, lembela ku musambo wa Watch Tower uwa cikaya ku fyebo. Mona ibula 2.)