Bushe Lesa E Uteke Calo?

NI PA Mulungu ulucelo. Abantu abengi lintu babuuka, bafwala, balye ca kulya ca lucelo, mu kwangufyanya baya ku calici. Kulya bakutika ku lyashi pa fyo Lesa alisumbuka nga nshi mu mitekele yakwe iya calo, takwata na wa kupinkana nankwe mu maka. Baebwa ukuti alasakamana abantu nga nshi. Na kabili bafunda na pa lwa kwa Yesu Kristu. Kuti pambi baumfwa ukuti ni Mfumu ya shamfumu ku o ikufi lyonse lifukama ku kumumfwila.

Bashifika fye ku ŋanda pa kufuma ku calici, aba bantu kuti pambi baisula televisioni wabo no kukutika ku lyashi. Nomba batendeka ukumfwa pa lwa cipowe, imisoka, ukubomfya bubi bubi imiti ikola, ubupiina. Kabili batamba imimonekele ya bulanda iya malwele ne mfwa.

Abantu ba musango yo kuti pambi batendeka ukutwishika pa lwa fintu bacumfwa ku calici kabili ukucilisha pa milandu ishabala ailondololwa kulya. Nga ca kuti Lesa alikwata ukutemwa kabili wa maka yonse, mulandu nshi ifintu fyabipisha ficitikila? Kabili ni shani pa lwa kwa Yesu Kristu? Ukwabulo kutwishika, kwalibako abantu abengi abashimufukamina ku kumumfwila.

[Icikope pe bula 3]

Nga ca kuti Lesa e uteke calo, mulandu nshi kwabele fi ukucula ne cimfulumfulu?

[Abatusuminishe Ukubomfya Icikope pe bula 2]

Pa nkupo: Icikope ca NASA