Nga Muleumfwa Kwati te Kuti Mushipikishe Amafya Mukwete

Ku ca kumwenako, ba Sallya aba ku America abalufishe ifingi ifyo bakwete ilyo kwali icikuuku ca mwela ico beta ukuti hurricane, batile: “Naleumfwa kwati te kuti ntwalilile ukushipikisha. Ilingi line naleumfwa kwati no kufwa kwawama.”

Ubwafya bumbi ubo twingakwata kufwilwa lupwa nelyo cibusa. Ba Janice aba ku Australia balandile ukuti: “Ilyo abana bandi babili bafwile, nalyumfwile sana ububi ica kuti namwene kwati te kuti nshipikishe. Napepele kuli Lesa ukuti: ‘Te kuti ntwalilile ukushipikisha. Lekeni fye mfwe. Nshilefwaya ukutwalilila ukuba no mweo.’”

Ba Daniel nabo balyumfwile sana ububi ilyo abena mwabo bacitile ubucende. Balandile ukuti: “Ilyo umwina mwandi anjebele ukuti nacita ubucende, naumfwile kwati bandasa umwele ku mutima. Palipitile imyeshi iingi ng’umfwa fye ububi.”

Ino magazini ya Ulupungu lwa kwa Kalinda nailanda pa fingamwafwa ukushipikisha nangu ca kuti

• Mwaponenwa no busanso

• Lupwa lwenu nelyo cibusa afwa

• Abena mwenu bacita ubucende nelyo bamusha

• Mwalilwala ubulwele ubukalamba

• Muleumfwa kwati te kuti mushipikishe amafya mukwete

Lekeni tubalilepo ukulanda pa fingamwafwa ukushipikisha nga mwaponenwa no busanso.