Ukulongana kwa Mulimo Ukwa January
Umulungu wa Kutampa January 3
Ulwimbo 9
5 min: Ukubilisha kwa pa mwenu. Mu kwipifya ebekesheni ifishinka muli bamagazini ba nomba line ifyo fikaba ifya kucebusha ku bantu mu cifulo ca kubombelamo ica cikaya.
20 min: Kosheni Abana Benu pa Kubwelela ku Sukulu. Ilyashi mu kuba no kwipusha ne cilangililo. Imisepela ya Bwina Kristu ilelo ilolenkana ne milandu iyo abengi mu cilonganino te kuti belenganye no kwelenganya. Abafyashi ukucilisha bafwile ukuba abaebwa bwino pa lwa aya mafya nga bali no kukosha abana babo ifya kubomba na mesho ya bumpomfu. Ipusheni abacaice batatu aba mishinku yalekanalekana. Kutitikisha nshi kumo ukwa kulungatika ukwa pa sukulu uko bali no kubomba na ko pe fye? Cinshi cibaafwa ukusungilila ukwampana kwabo ukusuma na Yehova? Tantikeni icilangililo ica lupwa lulelanshanya capamo amaparagrafu 2 na 3 muli broshuwa wa School. Abana basokolola ukuti balapumiwa kabili balayumfwa abasukulwa pa mulandu wa kusungilila ifipimo fyasumbuka ifya Baibolo pa lwa mibele isuma. Umutwe wa lupwa akoselesha abana ukupitila mu kulumbulula ukusekelela kwakwe pa ca kumwenako cabo no kubacinkulako ukuti Yehova alatemunwa ku myendele yabo iisuma. (Amapi. 27:11) Munyina uulebomba no lu lubali asondwelela pa kutasha abacaice mu cilonganino pa milimo yabo iisuma no kubakonkomesha ukulanshanya na bafyashi babo pa kuti bengalakoshiwa lwa ku mupashi ukupulinkana umwaka onse ilyo baleya ku sukulu.
15 min: “Ukwaafwa Bambi Ukutesekesha Ubucindami bwa Mpapulo Shesu.” Lanshanyeni icipande ne cilonganino conse. Kwateni ifilangililo ifipi pa numa ya paragrafu 3 na 4. Ishibisheni bakasabankanya ulwa fitabo fya mabula 192 ifili mu stoko pa cilonganino.
5 min: Kangalila wa mulimo alanshanya na eluda umbi pa lwa fintu icilonganino cacita ukukuma ku maorda ya magazini aya bakasabankanya aya pa lwabo, ukushimpa ukulanshanya pali paragrafu walenga butatu uwa cipande “Nonsheni Bambi pa Kubomfya Bamagazini” ica Ubutumikishi Bwesu Ubwa Bufumu ubwa September 1993.
Ulwimbo 61 ne pepo lya kusondwelela.
Umulungu wa Kutampa January 10
Ulwimbo 44
10 min: Ukubilisha kwa pa mwenu no Ukubilisha kwalinga ukufuma mu Ubutumikishi Bwesu Ubwa Bufumu.
15 min: Advance Medical Directive/Release Card. Ilyashi lya kukumbamo kuli eluda wafikapo ku kwaafwa bamunyina ukutesekesha ubucindami bwabamo ukucingilila ubwa kardi wa Advance Medical Directive/Release, ukubomfya ifishinka ukufuma muli kalata wa November 16, 1992, uwa mitubululo pa lwa kwisusha amakardi. Kwateni amakardi yapya ukwananishiwa kuli bakasabankanya babatishiwa epela. Ebeni bamunyina UKUKANAISUSHA amakardi pali kuno kulongana lelo ukusenda yene ku ŋanda, mu kubamo ipepo ukulanguluka ukukabila kwabo, lyene ukwisusha yene. Lelo MWIKASAINA KARDI KU ŊANDA. Leteni kardi wenu uwaisushiwa kwi Sambililo lya Citabo pa Cilonganino ilikakonkapo, uko baeluda bakaafwa ukumona kuli cene ukuti amakardi yasainwa, ukucitilwo bunte, no kulembwapo ubushiku. Katungulula we Sambililo lya Citabo pa Cilonganino akabomfya umutande wa nomba line ku kushininkisha ukuti bonse mwi bumba lyakwe nabesusha. (Abafyashi babatishiwa kuti baafwiwa mu kwisusha ama Identity Card ya bana babo.) Uuli onse uwapuswa kuli ilyo isambililo lya citabo nalyo line kuti aafwiwa kuli bakatungulula/baeluda pa Kulongana kwa Mulimo ukukonkelepo mpaka bakasabankanya bonse ababatishiwa baisusha. Baeluda balingile ukukwata umutande wa bali bonse abasheleko no kwesha ukwisusha amakardi yonse mu kwangufyanya ukufika pantu bengapesha.
20 min: “Ukubwelelako ku Kukuula Ukutesekesha.” Ukulanshanya ne bumba lyonse. Nga ca kuti bakasabankanya balebomfya impapulo shakaleko, langilileni ifyo icipempu ca kubwelelamo cingacitwa ku muntu uwapokelele cimo ica ifyo fitabo. Nga te ifyo, kwateni icilangililo ca cipempu ca kubwelelamo pali umo uwapokelele icitabo ca Ukusapika Lesa Ukwa Mutundu wa Muntu, ukubomfya imitubululo mu paragrafu 5.
Ulwimbo 41 ne pepo lya kusondwelela.
Umulungu wa Kutampa January 17
Ulwimbo 57
10 min: Ukubilisha kwa pa mwenu na lipoti wa ndalama. Sanshenimo ukutasha pa misangulo. Lumbululeni ukutasha pa kwaafwilisha kwa mu fya ndalama ukwa bakasabankanya ukwa mibombele ya Sosaite pamo ne ya cilonganino. Cinkuleniko abali bonse abo bashilati besushe kardi wa Advance Medical Directive/Release ukucite fyo pali kuno kulongana pa kubinga katungulula wabo uwe Sambililo lya Citabo pa Cilonganino nelyo umo uwa baeluda bambi.
20 min: “Ifya Kubomba mu Cifulo Cibombelwamo Libili Libili.” Ukufimba kwa cipande ukwa cipusho ne casuko kuli kangalila wa mulimo. Mu cifulo ca kubombelamo ica cilonganino icibombelwamo libili libili, kwateni icilangililo ukulangisha imitendekele imo iya mu citabo ca Ukupelulula iiloshiweko mu maparagrafu 4 na 5 pamo pene ne mitendekele yalinga imbi atemwa ukufuma mu maparagrafu 6 na 7 nelyo iyapekanishiwilwa maka maka icifulo ca kubombelamo ica cikaya. Mu filonganino ifyo fishifimba ififulo fyabo libili libili, imitendekele imbi iyalinga ukufuma mu citabo ca Ukupelulula ilingile ukulangishiwa mu filangililo. Ifilangililo filingile ukupitulukwamo bwino.
15 min: Cinshi Cili E Nshita ya ku Ntanshi iye Sonde? Ukushimpwa pa citabo ca Ukupelulula, amabula 213-18. (5 min.) Ilyashi ukufimba ifishinka pe samba lya tumitwe tunono utuletendekela pa mabula 213 na 214. (7 min.) Kasabankanya umupya na kasabankanya uwakosoka, uwabelesha balanshanya ifyebo ukufuma pa mabula 215-17. Balupwa ba ku calo aba kwa kasabankanya umupya balipaashanya ifyo Baibolo ilangilila ukuti isonde likonaulwa. Kasabankanya umupya aipusha kasabankanya uwacilapo ukubelesha mu kumfwikisha amalembo ya Baibolo pa lwe sonde. (3 min.) Mu kusondwelela, lanshanyeni icipusho pe bula 218 ica kuti “Musango nshi uwa bantu Lesa akasenamina no bumi bwabulwo kupwa pe sonde?” Koselesheni bonse ukupilikita ku kufikapo kwi shuko lya musango yo ilyapaalwa.
Ulwimbo 46 ne pepo lya kusondwelela.
Umulungu wa Kutampa January 24
Ulwimbo 82
5 min: Ukubilisha kwa pa mwenu. Koselesheni bonse ukwakana mu mulimo wa mwi bala uno mulungu. Bilisheni ukutantika kwa mulimo wa mwi bala ukwa cilonganino.
10 min: Umukululo wa Cipusho. Ilyashi, mu kuba no kwakanamo kumo ukwe bumba lyonse. Afweni bonse ukumfwikisha umulandu tulingile ukubombelapo nga fintu cilangililwe mu maparagrafu ya kubalilapo yatatu. Mu nshita mu nshita Sosaite ilatuminwa amafoni no kupokelela amakalata ukufuma ku bene mayanda abakalipa abatunga ukuti balyebele Inte sha kwa Yehova pa tushita utwingi ukukanatandalila iminshi yabo, lelo batwalilila ukutandalila yene. Kanshi, lintu tuli mu mulimo wa ku ŋanda ne ŋanda, tulingile ukushininkisha ukuti twabebeta enifulupu wa cifulo ca kubombelamo no kwishiba amayanda ayo twaipushiwa ukukanatandalila.
15 min: Ukukabila kwa pa mwenu, nelyo ipusheni bakasabankanya babili nelyo batatu pa lwa fintu basambilile icine. Ifya kukumanya fya musango yo filingile ukusalilwa kabela kabili filingile ukulangisha ifyo ubutumikishi bwaba ubufumamo cimo.
15 min: Imibombele ya mwi Bala iya Cilonganino. Kangalila wa Mulimo na eluda umbi bapituluka mu mibombele ya cilonganino pa myeshi yapitapo ine. Imyeshi ine iya mwaka wa mulimo naipitapo (September-December). Ni shani fintu icilonganino cilebomba? Peeleni ukutasha kwafumaluka mu mbali umo icilonganino cilebomba bwino. Na kabili lumbuleni imbali umo icilonganino cingawamyako, kabili peeleni imitubululo ibomba. Sanshenimo ica kukumanya ca mwi bala cimo nelyo fibili ifya kukoselesha ukufuma mu myeshi ya kubalilapo ine iya mwaka wa mulimo. Pwisheni ilyashi mu kuba no kukoselesha, ukukuulilila. Lipoti ali muno uwa mulimo wa mwi bala pe bula 3 alelangisha ukuti umwaka wa mulimo uupya mu Zambia watampile ne cipimo cipya ica bakasabankanya na bapainiya ba nshita yonse. Mu kushininkisha ulingile ukuba e mupampamina wesu ukukanapusa umweshi nangu umo uwa mulimo wa mwi bala. Na kabili muletuma amalipoti mu kwangufyanya. Ubuseko bwa kwa Yesu bwafumine mu kubomba ubutumikishi bwakwe. Ne fwe bene kuti twasanga ubuseko bukalamba mu kuba abapamfiwa mu mulimo Yehova atupeela.—Yoh. 4:34; 1 Kor. 15:58.
Ulwimbo 87 ne pepo lya kusondwelela.
Umulungu wa Kutampa January 31
Ulwimbo 101
5 min: Ukubilisha kwa pa mwenu. Koselesheni bonse ukutampa mu kubangilila umulimo wa mwi bala uno mweshi ukupitila mu kwakanamo ino mpela ya mulungu. Kuti pambi mwapeela imitubululo ya mipeelele ya bamagazini ba nomba line.
10 min: Tambikeni Kuti Waikala Kuli Pe na pe muli Paradise Pe Sonde ku Ŋanda ne Ŋanda. Ilyashi ilipi ilya kucincimusha pa bucindami bwashininkishiwa ubwa citabo mu kwaafwa abantu ukwishiba no kupepa Yehova. Kwateni icilangililo ukulangisha ifyo kasabankanya pambi engabomfya imitubululo iili muli buno Ubutumikishi Bwesu Ubwa Bufumu ku kupekanishisha ukubomfya ici citabo mu mulimo wa mwi bala.
20 min: “Ukusangwa ku Kulongana—Cishingamo Cakakala.” Ukufimba kwa cipusho ne casuko. Ukulundana na paragrafu 2, ipusheni bakasabankanya abacimfya ifipindami pa kuti bengalasangwa ku kulongana pa cishinte ca lyonse.
10 min: Ukukabila kwa pa mwenu. Nelyo ilyashi ukupeelwa na eluda ilileti “Beni ne Mimwene Yalungama iya Nkumbu sha kwa Lesa,” ukushimpwa pa Ulupungu lwa kwa Kalinda, October 1, 1993, amabula 22-5.
Ulwimbo 42 ne pepo lya kusondwelela.