Ukulongana Kwa Mulimo Ukwa September
Umulungu wa Kutampa September 5
Ulwimbo 22
10 min: Ukubilisha kwa pa mwenu no Ukubilisha kwalinga ukufuma mu Ubutumikishi Bwesu Ubwa Bufumu. Lanshanyeni “Umukululo wa Cipusho” ukukomaila pa fyo amalipoti ye sambililo lya Baibolo yengaafwa katungulula we sambililo lya citabo ukwafwilisha abo bali mwi bumba lyakwe.
20 min: “Tanununa Icuma Cobe ica Mulimo wa Bufumu.” Kangalila wa mulimo na eluda umbi balanshanya ifishinka fikalamba mu cipande. Pitulukeni mu mibombele ya cilonganino iya mwaka wapwa, ukupeela ukutasha capamo ne mitubululo ya kuwamyako. Ebekesheni ubuyo bwa kwingilishako ukwakanamo kwa pa lwesu mu butumikishi.
15 min: “Lundulula Ubuseko mu Citabo ca Ikala Kuli Pe na Pe.” Bakasabankanya batatu nelyo bane, ukusanshako uwacaice, balanshanya icipande kabili lyene bakwata akashita ka kubelesha. Balangilila imipeelele ibili nelyo itatu kabili lyene bapituluka muli yene, ukupeela umo no munankwe imitubululo ibomba no kutasha.
Ulwimbo 10 ne pepo lya kusondwelela.
Umulungu wa Kutampa September 12
Ulwimbo 88
7 min: Ukubilisha kwa pa mwenu.
20 min: “Bushe Uli Uwaiteyanya Ukulolenkana ne Mibele ya fya Cipatala iya Kusonsomba Icitetekelo?” Ukulanshanya kwa fipusho ne fyasuko kuli eluda wafikapo, ukufimba amaparagrafu ukufuma pa kutendeka kwa cipande cili mu ca mu kati ukufika ku kamutwe kanono “Ukwaafwa Kwacindama mu Nshita ya Kukabila.” Ebekesheni ukukanapembelela ukufikila icintu cimo cacitika pa kutontonkanya ica kucita. Pekanishisheni libela ngo lupwa nomba—beni abaiteyanya!
18 min: “Tabaakwinda Ukucitilo Bunte.” Ifipusho ne fyasuko. Londololeni ukuti nelyo cingati ifwe bonse te kuti tupoose inshita imo ine mu butumikishi, tulingile ukusanga ubuseko no kutukuta ukuba aba mutima onse.
Ulwimbo 86 ne pepo lya kusondwelela.
Umulungu wa Kutampa September 19
Ulwimbo 14
10 min: Ukubilisha kwa pa mwenu. Belengeni lipoti wa ndalama no kutasha ukuli konse ukwa misangulo.
15 min: “Twalilileni Ukupikintika mu Mulimo wa kwa Shikulu.” Ifipusho ne fyasuko. Belengeni amaparagrafu ya mpikwe.
20 min: “Ukutampa Amasambililo ya Baibolo mu Citabo ca Ikala Kuli Pe na Pe.” Lanshanyeni ne bumba lyonse. Tantikeni ifilangililo fibili ukubomfya imipeelele itubulwilwe.
Ulwimbo 38 ne pepo lya kusondwelela.
Umulungu wa Kutampa September 26
Ulwimbo 21
10 min: Ukubilisha kwa pa mwenu. Laalikeni ibumba ukushimika ifya kukumanya ifipi pa kushalika icitabo ca Ikala Kuli Pe na pe nelyo ukutampa amasambililo muli cene.
15 min: “Bushe Uli Uwaiteyanya Ukulolenkana ne Mibele ya fya Cipatala iya Kusonsomba Icitetekelo?” Kalanda wabelesha apeela ilyashi lya kulungatika pa fyebo ukufuma pa kamutwe kanono “Ukwaafwa Kwacindama mu nshita ya Kukabila” ukufika ku mpela ya cipande cili mu ca mu kati, ukukomaila pa bunonshi bwa kubomba na baeluda na Makomiti ya Kumfwaninamo ne Fipatala lintu balebomba ne mibele ya fya cipatala iya mu kampampa.
20 min: Ukutambika ukulembesha kwa Ulupungu lwa kwa Kalinda nelyo Loleni! nelyo bamagazini bonse babili mu October. Ebekesheni ubucindami bwa kutambikila ukulembesha te mulandu no kukosa kwa njikalo. Abantu abengi balatasha ukukwata ukulembesha kwa pa lwabo. Ku ca kumwenako, uwalembesha umo mu kati na nkati ka calo cesu alembeele Sosaite ati: “Ndi ne myaka ya bukulu 37. Naba mu cine pa myaka 20. Ndi uwa nsansa ukukwata ukulembesha kwalenga bubili kwi ofesi lya musambo ilipya uko ku Lusaka pa Makeni. Ukutula 1985 lintu nalembeshe pa muku wa kubalilapo, ukufika kuli uno mwaka, ndeipakisha ukukwata amakope ya pa lwandi 24 cila mwaka. (Ukus. 22:2) Nshakabale ndekelesha ukulembesha cipya cipya bamagazini bandi te mulandu na fintu imitengo inganinikwa mu kuba no kubwelela pa nshi ukwa kwacha wesu. Shi Yehova napaale umulimo wakwe.” Mu cine cine ukutasha kwa musango yo pali bamagazini bawamisha kulatusesha ku kutasha ukulembesha mwi bala. Komaileni pa bucindami bwa kupekanya bwino ilyo tamulafumina mwi bala. Kwateni bakasabankanya batatu, umo uwa bene uwacaice, ukulangilila imipeelele ya kulembesha iipi.
Ulwimbo 44 ne pepo lya kusondwelela.