Ukulongana kwa Mulimo Ukwa November
Umulungu wa Kutampa November 7
Ulwimbo 19
10 min: Ukubilisha kwa pa mwenu no Ukubilisha kwasobolwamo ukufuma mu Ubutumikishi Bwesu Ubwa Bufumu. Lumbuleni icishinka ca kulanshanyapo cimo nelyo fibili muli lumo na lumo ulwa bamagazini ba nomba line ifingabomfiwa mu kutambika bene.
18 min: “Icebo ca kwa Lesa ca Maka.” Ifipusho ne fyasuko. Sanshenimo ukulandapo pa lwa bucindami bwa kubelenga Baibolo ukwa lyonse ukushimpa pa mashiwi ya kubangilila aya katabo ka Ukubebeta Amalembo Cila Bushiku—1994.
17 min: “Baibolo—Intulo ya Cisansamushi ne Subilo mu Calo ca Macushi.” Lanshanyeni ne bumba lyonse. Tantikeni ukukwata ifilangililo fibili ukulangisha ifya kubomfya imitubululo ipeelwe.
Ulwimbo 96 ne pepo lya kusondwelela.
Umulungu wa Kutampa November 14
Ulwimbo 30
10 min: Ukubilisha kwa pa mwenu. Bilisheni lipoti wa ndalama no kutasha ukuli konse pa misangulo. Pitulukeni mu mitantikile ya mibombele ya mulimo wa mwi bala pa mpela ya mulungu.
17 min: “Mupashi wa Musango Nshi Ulangisha?” Ilyashi. Sanshenimo ukulandapo ukufuma mu Ulupungu lwa kwa Kalinda ulwa December 15, 1977, ibula 565, amaparagrafu 4 na 5.
18 min: “Inshila sha Kuwamishamo Ukushimikila Kwesu Ukwa Bufumu.” Ifipusho ne fyasuko. Ipusheni ibumba ukushimika ifya kukumanya ifilangisha ifyo imitubululo ipeelwa mu Ubutumikishi Bwesu Ubwa Bufumu yabomfiwa mu kuba ne fya kufumamo fisuma.
Ulwimbo 88 ne pepo lya kusondwelela.
Umulungu wa Kutampa November 21
Ulwimbo 9
12 min: Ukubilisha kwa pa mwenu. Umukululo wa Cipusho. Ilyashi. Langeni ifyo ifyebo filebomba pa cifulo ca pa mwenu.
15 min: Ukukabila kwa pa mwenu. Nelyo ilyashi kuli eluda ukushimpwa pa mutwe “Tesekesha Umulimo Obe Uwashila,” mu Ulupungu lwa kwa Kalinda ulwa September 1, 1994, ibula 29.
18 min: “Baafwe ‘Ukuumfwa na Limbi.’” Lanshanyeni ne bumba lyonse. Kwateni ifilangililo fyapekanishiwa bwino fibili ukulangisha ifyo Baibolo ingabomfiwa pa kutampa isambililo.
Ulwimbo 13 ne pepo lya kusondwelela.
Umulungu wa Kutampa November 28
Ulwimbo 21
10 min: Ukubilisha kwa pa mwenu. Langilileni inshila shalekanalekana isha kutambikilamo bamagazini ba nomba line.
17 min: “Amapaalo Yafuma mu Kubomba na Bambi.” Ifipusho ne fyasuko. Koselesheni bonse ukwafwilisha ukukumana kwa mulimo wa mwi bala ukwatantikwa ne cilonganino mu cifulo ca kucita ukutantika kwa pa mbali lyonse ukwa kuya mu butumikishi beka. Ukubomba ne bumba kulafumamo amapaalo yalundwapo, umulimo ufumamo cimo, no kukoseleshanya.
18 min: Ukutambika Icitabo ca Umuntu Wakulisha mu December. Kuliko ukukabila kukalamba ukwa ici citabo. Imyanda ya mamilioni ya bantu balaitunga ukuba abakonshi ba kwa Yesu kabili batunga ukusumina mu cintu asambilishe. Abantu balekabila ukwishiba icamulengele ukuba uwapusanako ukufuma ku bantu bambi—ipusukilo lyabo e po lyashintilila. Icitabo ca Umuntu Wakulisha, icipandwa 133, cilondololo kuti: “Imitima yesu ilaseshiwa lintu twalanguluka ukushipa kwakwe ukwashika ne mibele ya caume, amano yakwe ayashingalinganishiwako, amaka yakwe ayacilapo pamo nga kasambilisha, ubutungulushi bwakwe ubwabulo mwenso, ne cililishi cakwe icabondoka no kumfwilako bulanda.” Baibolo mu kulengama imwishibisha nga (1) Inte (Yoh. 18:37), (2) Umupusushi (Imil. 4:12), na (3) Imfumu (Ukus. 11:15). Kwateni kasabankanya wakampuka ukulangisha ifya kubomfya fimo ifya ifi fishinka. Koselesheni bonse ukwakana mu kwananya ici citabo mu December.
Ulwimbo 13 ne pepo lya kusondwelela.