Fwaya Abengasambilishiwa
1 “Takuli uwingesa kuli ine, kano Tata uwantumine amukula.” (Yoh. 6:44) Yehova, uufwayafwaya mu mutima, akalambula abo abengasambilishiwa kabili ababombela pa co balesambilila. (Yer. 17:10; Yoh. 6:45) Twalikwate shuko lya kuba ababomfi banankwe mu kufwaya abafuuka abafuluka icalo cipya.—Ilu. 37:11; 1 Kor. 3:9.
2 Yesu alondolwele abasambi bakwe nga “balondo ba bantu.” (Mat. 4:19) Ilintu uyo musango wa mulimo pambi kuti wakabila amaka nga nshi, kwalibako ukwikushiwa mu kukwate fya kufumamo fisuma. Mu cifulo ca kubombela ubunonshi bwa pa lwesu, mu cituntulu tulepususha “isabi” ku bonaushi bumo. Umulondo we sabi uwatunguluka alingile ukwishiba ica kucita pa kucebusha isabi. Mu kupalako, tufwile ukutambika ubukombe bwa Bufumu mu musango wa kwipukisha uyo ukabimbula ubuseko bwa bakakutika besu. Ici cili ukucilisha ica cine lintu twacito kubwelelamo. Cinshi twingasosa?
3 Nga ca kuti ubuseko bwalangilwe mu fipande fya “Ulupungu lwa kwa Kalinda” ululelanda pa lwa mipepele, kuti pambi wasoso kuti:
◼ “Mu nshita yapita twalandile pa lwa mulandu abantu abengi bashifwaila ukulanshanya pa lwa mipepele. Bushe tamuletontonkanya ukuti ico cileumfwike ceni, apantu ubwingi bwa bena mupalamano besu baitunga ukuba Abena Kristu? Napamo mulapapa umulandu imipepele yabela mutwe we lyashi uwa kulenga amalekano no kukansaninapo.” Leka ankuleko. Kupukula pe bula 282 mu citabo ca Ukupelulula, kabili akaneni amatontonkanyo yanono pe samba lya mutwe wa kuti “Mulandu Nshi Kwabelako Amabutotelo Yafule Fi?”
4 Kuti pambi wabomfya iyi nshila yapalako ku kutendeka ukulanshanya pa mutwe we lyashi uwa mipepele:
◼ “Bushe kwalibako inshila ya kushininkishishamo ukuti twalikwata imipepele ya cine? [Leka ankuleko.] Apantu kwalibako imipepele iingi iyapusanapusana, abantu abengi bayumfwa abafulunganishiwa kabili abashashininkisha.” Kupukula icitabo ca Ukupelulula, amabula 288-9 apo cilondolola icipusho ca kuti “Ni shani fintu umuntu engeshiba ubwaba ubutotelo bwalungama?” Landapo mu kwipifya pa cipusho calenga 5, “Bushe ifilundwa fya buko mu cine cine balitemwana?” Londolola ifyo ifyafulilako fingasambililwa nga kuti basambilila ukupitila mwi sambililo lya Baibolo.
5 Nga ca kuti mwine ŋanda amoneka ukusakamikwa pa lwa mibele ya mu calo, kuti pambi watemwa ukwesha iyi nshila:
◼ “Mu kumonekesha muleyumfwa abasakamikwa pa mibele yabipa iyo tulingile ukulolenkana na yo mu kwikala na mu kusunga indupwa shesu. Baibolo isokolola ubulayo bwa kusungusha ubo Lesa akafikilisha mu nshita ya ku ntanshi iipalamishe.” Belenga Amapinda 2:21, 22, no kulondolola ifyo Yehova alaya icalo ca mutende ubelelela.
6 Lintu ulecito kubwelelamo pa numa kampeni wa Imbila ya Bufumu uwaibela abe natendeka, twapaapaata shininkisha ukusha kope wa Imbila ya Bufumu na bene ba mayanda abashakwatako. Ico wingasosa pa kubwelelamo lintu ulekonkelela uko washalike Imbila ya Bufumu cikalandwapo mu Ubutumikishi Bwesu Ubwa Bufumu ubwa May.
7 Apantu Icebo ca kwa Lesa “caliluma,” tulingile ukwesha ukucibomfya mu mipeelele yesu. (Heb. 4:12) Shininkisha ukukoselesha mwine ŋanda ukubelenga Baibolo umwine. (Linganyako Imilimo 17:11.) Nga ca kuti mu mukoosha twabomba ulubali lwesu, Yehova akapaala ukubombesha kwesu.