Ukulongana kwa Mulimo Ukwa April
Umulungu wa Kutampa April 3
Ulwimbo 71
10 min: Ukubilisha kwa pa mwenu no Ukubilisha kwasoobolwamo ukufuma mu Ubutumikishi Bwesu Ubwa Bufumu. Bilisheni inshiku shikabelapo ibungano lyenu ilya citungu. Pitulukeni mu cipande icileti “Pekanyeni Icibukisho Bwino Bwino.”
15 min: “Tuletasha Pa Co Twakwata.” Ifipusho ne fyasuko. Nge nshita yasuminisha, kuti mwalundapo ukulandapo kwashimpwa pa Ulupungu lwa kwa Kalinda August 1, 1990, amabula 19-20, amaparagrafu 15-20.
20 min: “Ulupungu lwa kwa Kalinda na Loleni!—Bamagazini aba Nshita Shesu Ishe Pamfya!” Lanshanyeni ne bumba lyonse. Shimikeni ica kukumanya icilelangilila ukutasha pali bamagazini. (g91-CW 6/8 ibu. 30) Lekeni bakasabankanya babili balangishe ifya kupekanya imipeelele pa kubomfya imitubululo ipeelwe, kabili lyene balangishe yene pa kupeela imipeelele kuli umo no munankwe.
Ulwimbo 13 ne pepo lya kusondwelela.
Umulungu wa Kutampa April 10
Ulwimbo 110
10 min: Ukubilisha kwa pa mwenu. Lipoti wa ndalama no kutasha pa misangulo. Ilyashi lya Teokrasi. Cinkuleniko bonse pa lwa kukabila kwa kwaafwa abalesekelela ukusangwa ku Cibukisho. Cincisheni bonse ukucito kubombesha kwaibela ku kwakana mu mulimo wa mwi bala ino mpela ya mulungu.
15 min: “Ukusungilila Ukwikatana Kwesu Ukwa Bufumu.” Lanshanyeni ne bumba lyonse.
20 min: ‘Ukupikintika mu Mulimo wa kwa Shikulu.’ Ukufimba icipande ukwa cipusho ne casuko kuli kangalila wa mulimo. Pitulukeni mu mitantikile yatanununwa iya kwananya kwa trakiti waibela uwa Imbila ya Bufumu ukwa ku ŋanda ne ŋanda. Landeni pa mapange yacitilwe aya kufimba icifulo ca kubombelamo conse ica cilonganino ca cikaya. Londololeni icilingile ukucitwa ku kwaafwa abapya ukwakana mu mulimo pa muku wa kubalilapo. (Moneni Ubutumikishi Bwesu Ubwa Bufumu ubwa March 1995, ibula 1.)
Ulwimbo 83 ne pepo lya kusondwelela.
Umulungu wa Kutampa April 17
Ulwimbo 9
13 min: Ukubilisha kwa pa mwenu. Shimikeni ifishinka fikalamba ifya kukoselesha ifya kusefya kwa Cibukisho, kabili pitulukeni mu nshila isho ukwaafwa kwalundwapo kwingapeelelwamo ku bapya abasangilweko. Cincisheni bonse ukusangwa ku lyashi lyaibela pa April 23 na kabili ukwaafwa abapya abalesekela ukubwela. Pitulukeni mu mitantikile ya mulimo wa mwi bala iya kwananya trakiti wa Imbila ya Bufumu.
15 min: “Bushe Ulamona Ukukabila?” Ifipusho ne fyasuko. Mu kwipifya londololeni amabuyo ya ndakai ayo baeluda baleesha ukufikilisha mu mulimo wabo uwa bucemi. Londololeni cintu abantu umo umo bengacita ku kwaafwa.
17 min: “Fwaya Abengasambilishiwa.” Lanshanyeni ubucindami bwa kucita ifipempu fya kubwelelamo. Koselesheni ukubomfya Baibolo. Lekeni imipeelele imo nelyo ibili ilangililwe mu kwipifya.
Ulwimbo 57 ne pepo lya kusondwelela.
Umulungu wa Kutampa April 24
Ulwimbo 57
15 min: Ukubilisha kwa pa mwenu. Pitulukeni mu fyo ukwananya kwa trakiti wa Imbila ya Bufumu kuleenda mu cifulo cenu ica kubombelamo. Laalikeni bakasabankanya ukushimika ifya kukumanya baipakishe mu kutambika trakiti wa Imbila ya Bufumu. Tubululeni imipeelele pa fya kutambika ukulembesha iyo iingaba iyalinga mu cifulo ca cikaya. Bilisheni imitantikile iili yonse ku cilonganino ku kwakana mu kucitilo bunte kwa cungulo bushiku uko imibele ilesuminisha.
12 min: Ukukabila kwa pa mwenu. Nelyo peeleni ilyashi ilileti, Ba Uukoselesha Bambi, ukushimpwa pa Ulupungu lwa kwa Kalinda ulwa January 15, 1995, amabula 21-3.
18 min: Tungululeni Isambililo Lyenu Ilya Lupwa Lyonse. Umulume no mukashi bailishanya ukuti abana babo tabalelunduluka lwa ku mupashi. Umulume asumino kuti aliba uwa mulekelesha lintu caisa ku kutungulula isambililo lya lupwa; inshita shimo shimo imilungu yafulilako ilapitapo ukwabula isambililo lya lupwa ilili lyonse. Bapituluka mu kukonkomesha no butungulushi bwapayanishiwa mu Icitabo ca Kutungulula Isukulu, amabula 38-9, amaparagrafu 11-13. Bonse basumina ukupeela isambililo lya lupwa icifulo ca ntanshi cila mulungu, ukukanasuminisha ifintu fimbi ukupumfyanya.
Ulwimbo 19 ne pepo lya kusondwelela.