Ukulongana kwa Mulimo Ukwa May

Umulungu wa Kutampa May 1

Ulwimbo 11

10 min: Ukubilisha kwa pa mwenu no Ukubilisha kwasoobolwamo ukufuma mu Ubutumikishi Bwesu Ubwa Bufumu.

15 min: “Imbila Nsuma ku Bafuuka.” Lanshanyeni icipande ne bumba lyonse, kabili lyene kwateni icilangililo cimo nelyo fibili.

20 min: “Trakiti Waibela uwa Imbila ya Bufumu ku Bantu Bonse.” Ilyashi no kulanshanya ne bumba lyonse kuli kangalila wa mulimo. Pitulukeni mu capwishishiwa ukufika pali ino nshita mu kwananya trakiti wa Imbila ya Bufumu, ukucilisha ukumona ukutungilila kusuma ukwapeelwa ku mitantikile ya mulimo no kwakanamo kwa bapya mu mulimo wa mwi bala pa muku wa kubalilapo. Londololeni apafikile ukufimba kwa cifulo ca kubombelamo; londololeni icilekabilwa ukucitwa nga ca kuti icilonganino cimbi calomba ukucafwako. Koselesheni bonse ukubombesha nga nshi ku kwananya icikako cabo ica trakiti wa Imbila ya Bufumu. Komaileni pa bucindami bwa kusunga ifyalembwa fya balesekelela no kucite fipempu fya kubwelelamo mu kubombesha kwa kutampa amasambililo ya Baibolo. Langilileni imipeelele itubulwilwe.

Ulwimbo 18 ne pepo lya kusondwelela.

Umulungu wa Kutampa May 8

Ulwimbo 13

15 min: Ukubilisha kwa pa mwenu. “Na Iwe Wine Kuti Waipakisha Ifya Kukumanya Fisuma!” Nge nshita yasuminisha, laalika ibumba ukushimika ifya kukumanya fya kukoselesha ifyo baipakishe ilintu baleshalika trakiti wa Imbila ya Bufumu.

15 min: Ukukabila kwa pa mwenu. Nelyo ilyashi pa cipande cileti “Ifyo Abena Kristu Bankula ku Musebanya wa ku Cintubwingi” mu Ulupungu lwa kwa Kalinda ulwa April 1, 1995, amabula 26-9.

15 min: “Mulandu Nshi uwa Kusungila Ifyalembwa fya Bashiba pa Mayanda?” Ifipusho ne fyasuko.

Ulwimbo 86 ne pepo lya kusondwelela.

Umulungu wa Kutampa May 15

Ulwimbo 88

10 min: Ukubilisha kwa pa mwenu. Lipoti wa ndalama.

15 min: “Ukukonka ica Kumwenapo Cesu nga Bakasenda ba Lubuuto.” Ifipusho ne fyasuko.

20 min: “Ibukisha Kalenga Obe mu Bwaice Bobe.” Ilyashi lya kukoselesha kuli eluda ukushimpwa pa Ulupungu lwa kwa Kalinda ulwa May 15, 1990, amabula 27-9.

Ulwimbo 110 ne pepo lya kusondwelela.

Umulungu wa Kutampa May 22

Ulwimbo 37

10 min: Ukubilisha kwa pa mwenu. Koselesheni ukucita bupainiya bwa kwafwilisha muli luno lusuba. Pitulukeni mu fifwaikwa ifyalondololwa mu citabo ca Abateyanishiwa ku Kupwilikisha Ubutumikishi Bwesu, amabula 113-14.

15 min: “Ukushila Akashilwa Ukulubula.” Ukulanshanya ne bumba lyonse. Sanshenimo icilangililo cimo nelyo fibili ku kulangisha ifyo ifipempu fya kubwelelamo fingacitwa.

20 min: “Bushe Ningile Ukubatishiwa?” Ilyashi lya kukumbamo ukushimpwa pa Ulupungu lwa kwa Kalinda ulwa October 1, 1992, amabula 20-3. Afweni imisepela mwi bumba ukutesekesha ukukatama kwa kupeela ubumi bwabo kuli Yehova pa mushinku wa mu kubangilila. Ipusheni imisepela ibili iilangisha ica kumwenako cisuma. Ipusheni lintu babatishiwe, icabaseseshe, ifyo baleyumfwa nomba pa lwa kubombela Yehova ne fyo bengakoseleshako imisepela imbi. Sondweleleni mu kuba no kukoselesha.

Ulwimbo 44 ne pepo lya kusondwelela.

Umulungu wa Kutampa May 29

Ulwimbo 30

15 min: Ukubilisha kwa pa mwenu. Peeleni imitubululo iilekoselesha bakasabankanya ukwesha ukubelenga ilembo lya mu Baibolo pamo ngo lubali lwa mipeelele yabo pa minshi. Abantu abengi balacindika Baibolo kabili balaitemenwa ukukutika lintu ilebelengwa. Ukufunda kwa iko kwalikatama kabili kuti kwasesha umuntu wafumaluka. Kuti caba icalinga ukukwata Baibolo mu minwe lintu tulepalamina pa mwinshi. Amalembo yalingile ukubelengwa mu kuyumfwa kabili mu kulongoloka.—Moneni Icitabo ca Kutungulule Sukulu, amabula 33-4, amaparagrafu 12-15.

12 min: Umukululo wa Cipusho. Ifipusho ne fyasuko. Londololeni umulandu tunonkelamo nga nshi mu kulongana lintu twapekanishisha libela na lintu twasenda impapulo shonse ishilefumamo ifyo tulesambililamo.

18 min: Tambikeni Icitabo ca Cebo ca kwa Lesa mu June. Shimikeni ifyo abalesekelela abaebekeshiwe ne citabo ca Baibolo—Cebo ca kwa Lesa Nelyo ca Muntu? balandapo. (Moneni Ulupungu lwa kwa Kalinda ulwa November 1, 1991 ibula 32; October 15, 1990 ibula 32.) Londololeni fintu uku kulandapo kwingabomfiwa ku kutampa ukulanshanya. Lekeni kasabankanya wakampuka alangilile imipeelele iilelondolola imilandu ya kubomfesha ukufunda kwa mu Baibolo, ukubomfya imitubululo na malembo pa mabula 186-7. Cinkuleniko bonse ukushitako ifi fitabo ifya kubomfya mu mulimo ino mpela ya mulungu.

Ulwimbo 32 ne pepo lya kusondwelela.