Ukulongana kwa Mulimo Ukwa November
Umulungu wa Kutampa November 6
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu.
15 min: “Icitabo Icipya Caebekesha Ukwishiba Lesa.” Ukulanshanya kwa fipusho ne fyasuko. Koselesheni bonse ukwishiba bwino ifili muli ici citabo pa kuti bengacibomfya mu kufumamo cimo mwi bala.
20 min: “Amalembo Yonse ya Mulimo ku Kusambilisha.” Lanshanyeni imbali sha New World Translation, ukulanga umulandu yabela iisuma ukucisha amabupilibulo yambi. Londololeni ubusuma pa mulandu wa kuti yapilibulwa mu lulimi lwa muno nshiku. (Moneni icitabo ca “Amalembo Yonse,” ibula 328, amaparagrafu 4-6.) Lekeni imipeelele ibili ilangililwe.
Ulwimbo 2 ne pepo lya kusondwelela.
Umulungu wa Kutampa November 13
Ulwimbo 33
10 min: Ukubilisha kwa pa mwenu. Lipoti wa ndalama. Pitulukeni mu mitantikile ya mibombele ya mulimo wa mwi bala pa mpela ya mulungu.
15 min: “Ukwaafwa Abana Besu Ukwikalilila mu Cine. Ulubali 3: Ukupitila mwi Sambililo lya Baibolo Ilya Lyonse.” Ilyashi no kulanshanya ne bumba lyonse.
20 min: “Ikaleni Imiikalile Iyawamine Mbila Nsuma.” Ifipusho ne fyasuko. Lundenipo ukulandapo kwashimpwa pa Ulupungu lwa kwa Kalinda ulwa June 15, 1989, amabula 16-17, amaparagrafu 5-9.
Ulwimbo 23 ne pepo lya kusondwelela.
Umulungu wa Kutampa November 20
Ulwimbo 64
10 min: Ukubilisha kwa pa mwenu.
15 min: Ukukabila kwa pa mwenu. (Nelyo peeleni ilyashi “Bushe Ulaipakisha Isambililo lya pa Lobe?” ukushimpwa pa Ulupungu lwa kwa Kalinda ulwa June 15, 1994, amabula 8-11.)
20 min: “Afwa Bambi Ukutesekesha Ubucindami bwa Baibolo.” Eluda alanshanya na bakasabankanya babili nelyo batatu umulandu tulingile ukucitila ifipempu fya kubwelelamo mu kuba no buyo bwa kutampa amasambililo ya Baibolo. Pitulukeni mu mipeelele itubulwilwe iya fipempu fya kubwelelamo kabili lyene langilileni yene, kwati nalimo muleesha.
Ulwimbo 8 ne pepo lya kusondwelela.
Umulungu wa Kutampa November 27
Ulwimbo 96
10 min: Ukubilisha kwa pa mwenu.
15 min: “Yehova Atemwa Umupe wa Nsansa.” Ifipusho ne fyasuko.
20 min: Ukutambika Icitabo Cipya, Ukwishiba Uko Kutungulula ku Mweo wa Muyayaya, mu December. Pitulukeni mu mbali sha kucebusha isha ici citabo—imitwe ya fipandwa iya kwipukisha ne fikope fya buseko pamo pene no bulondoloshi bwayanguka, ubukulu bwalinga, no kubomfya kwabamo kulamuka ukwa fipusho. Soobolenimo ifishinka fya kulanshanyapo ifinono ifyo fingacebusha abantu mu cifulo ca kubombelamo ica cikaya. Icitabo ca Ukwishiba cateyanishiwa mu kuibela ku kutungulula amasambililo ya Baibolo ayalunduluka, kabili kulingile ukubako ukubombesha kwaibela ku kubwelela konse ukwashalikwa ifitabo, mu kuba ne cilolwa ca kutampa amasambililo ya Baibolo. Lekeni kasabankanya wakampuka alangilile imipeelele imo nelyo ibili iipi. Koselesheni bonse ukubomfya bwino ici citabo icipya mwi bala, ukutampa mu December.
Ulwimbo 78 ne pepo lya kusondwelela.