Ukulongana kwa Mulimo Ukwa December
Umulungu wa Kutampa December 4
Ulwimbo 181
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu.
15 min: “Lumbanyeni Yehova Cila Bushiku.” Ifipusho ne fyasuko. Belengeni amaparagrafu. Lekeni kasabankanya umo nelyo babili bashimike ifya kukumanya fya kukoselesha baipakishe ilintu balecitilo bunte bwa mu lyashi.
20 min: “Ukutambika Icitabo ca Ukwishiba Uko Kutungulula ku Mweo wa Muyayaya.” Mu kucincimuka koselesheni ukutambika ici citabo cipya, ukucilisha kuli abo abalangishe ubuseko ku numa. Pitulukeni mu mipeelele itubulwilwe, kabili lekeni imo nelyo ibili pali yene ilangililwe.
Ulwimbo 224 ne pepo lya kusondwelela.
Umulungu wa Kutampa December 11
Ulwimbo 201
13 min: Ukubilisha kwa pa mwenu. Lipoti wa ndalama. Mu kwipifya pitulukeni mu milandu imo iyo tulingile ukupekanishisha ukwakana mu mulimo wa mwi bala mu kukumanina kabili mu kubamo bupilibulo. Mu cifulo ca kuipeela fye iawala limo lintu twafumina mwi bala, mulandu nshi te kupekanishisha ukubomba amaawala yabili nelyo ayafulilako nga cingacitika? Ukutunguluka ilingi line kwashintilila pa kutantika ifipempu fya kubwelelamo mu kubangilila no kutantika ukubomba na bambi abalepekanya ukubomba amaawala yabili no kucilapo.
15 min: Ukukabila kwa pa mwenu. Nelyo ilyashi ukushimpwa pa cipande cileti “Ifilambu fya Mukoosha,” ukufuma mu Ulupungu lwa kwa Kalinda ulwa August 1, 1995, amabula 25-9.
17 min: “Ukwaafwa Abana Besu Ukwikalilila mu Cine. Ulubali 4: Ukupitila mu Kucimfya Ifipindami.” Ukulanshanya pa cisebele pa kati ka kwa kangalila wa mulimo no mufyashi umwaume. Umufyashi umwaume afwaya umwa kulesesha mwalekanalekana umulandu ashitungulwila isambililo lya lupwa. Kangalila wa mulimo abomfya ifishinka ukufuma mu cipande ku kucimfya ifipindami. Landeni pa fipindami fine ifilondolwelwe mu maparagrafu 2-5. Ebekesheni fintu ukutemwa abana kuli no kusesha abafyashi ukuibikilishako, nga fintu cilondolwelwe mu paragrafu 6.
Ulwimbo 28 ne pepo lya kusondwelela.
Umulungu wa Kutampa December 18
Ulwimbo 139
10 min: Ukubilisha kwa pa mwenu. Peeleni imitubululo imo pa fya kwankula mu kushilimuka ku kuposha kwa pa holide. Bilisheni imitantikile ya kucitilo bunte kwaibela pa December 25.
15 min: “Pekanishisha Ukulongana kwa Cilonganino no Kuipakisha Kwene.” Ilyashi no kulanshanya. Laalikeni kasabankanya umo nelyo babili ukuti bashimike ico bacita icibaafwa ukuipakisha ukulongana no kunonkelamo mu kukumanina.
20 min: “Bwelelako ku Balangishe Ubuseko.” Pitulukeni mu mipeelele itubulwilwe, kabili kwateni ifilangililo fibili ifipi. Koselesheni bonse ukucite fipempu fya kubwelelamo mu kuba no buyo bwa kutampa amasambililo mu citabo ca Ukwishiba.
Ulwimbo 44 ne pepo lya kusondwelela.
Umulungu wa Kutampa December 25
Ulwimbo 88
5 min: Ukubilisha kwa pa mwenu. Nga ca kuti inshita shenu isha kulongana shili no kwaluka pa January 1, koselesheni bonse ukwafwilisha shene mu kukumanina pa kuteuluka mu kumfwana no kukabila ukuli konse. (Moneni Ubutumikishi Bwesu Ubwa Bufumu ubwa December 1994, ibula 2.) Bilisheni imitantikile ya kucitilo bunte kwaibela pa January 1.
15 min: “Ukubwelela ku Sukulu na Kabili.” Ifipusho ne fyasuko. Ebekesheni impika abacaice balolenkana na sho na fintu abafyashi bengaafwa abana babo.
25 min: “Ukulenga Ulubuuto Lwesu Ukubalika mu Kutwalilila.” Shimpeni imitendekele iipi pa maparagrafu 1-5. Amaparagrafu 6-16 yali no kulangulukwa ukupitila mu fipusho ne fyasuko. Belengeni amaparagrafu 6-9, 15, na 16. Bomfyeni amaparagrafu 17-19 ku kusondwelela. Ukubombwapo na kangalila wa mulimo nga cingacitika.
Ulwimbo 3 ne pepo lya kusondwelela.