Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • km 2/96 ibu. 1
  • Ukupashanya Yesu mu Kubilisha Icine Inshiku Shonse

Vidio mulefwaya tamuli

Mukwai yafilwa ukutambika

  • Ukupashanya Yesu mu Kubilisha Icine Inshiku Shonse
  • Ubutumikishi Bwesu Ubwa Bufumu—1996
  • Ifipalileko
  • Ukuluminisha Umulimo wa Kushimikila Ilyo Impela Ilepalamina
    Ubutumikishi Bwesu Ubwa Bufumu—1999
  • Beni Bakalobolola Basekelela!
    Ulupungu lwa kwa Kalinda—2001
  • Amabala Nayabuuta, ni Nshita ya Kuseepa
    Ubutumikishi Bwesu Ubwa Bufumu—2010
  • Twalilileni mu Mulimo wa Kulobolola!
    Ulupungu lwa kwa Kalinda—2001
Moneni na Fimbi
Ubutumikishi Bwesu Ubwa Bufumu—1996
km 2/96 ibu. 1

Ukupashanya Yesu mu Kubilisha Icine Inshiku Shonse

1 Yesu alikwete umulimo wa kupwishishisha uwa mu kulungatika lintu aishile pe sonde. Walondolwelwe mu kwanguka ukuti: ‘Ukushimike cine ubunte.’ (Yoh. 18:37) Abilishe icine pa lwa mibele yapulamo iya kwa Wishi ne mifwaile. Uyu mulimo wapalile ica kulya kuli wene; e mulimo abombele inshita yonse iya bumi bwakwe. (Yoh. 4:34) Luka ashimike ukuti Yesu atwalilile ‘ukusambilisha inshiku shonse mwi tempele.’ (Luka 19:47) Yesu abomfeshe mu kukumanina inshita intu akwete. (Yoh. 9:4) Mu kwipipa pa ntanshi ya mfwa yakwe, aali na maka ya kubilisha kuli Wishi ukuti: “Ine namucindamika pano nse, napwisho mulimo uo mwampeele ukuti ncite.”—Yoh. 17:4.

2 Lintu twatasha apakalamba mu mitima yesu pali fyonse ifyo Yehova acita, mu nshila imo ine tulakuntwa ukulanda pa lwa wene cila bushiku. Tuba fye nga basambi ba kwa Yesu abo mu kushipa babilishe ukuti: “Twafilwa ukuleko kulande fyo twamwene no kuumfwa.” (Imil. 4:20) Balelanda pali Yehova mu kutwalilila, pantu icalembwa cilondolola ukuti ‘ubushiku no bushiku tabalekele.’ (Imil. 5:42) Tulingile ukuipusha fwe bene atuti, ‘Bushe ndapashanya Kasambilisha wandi, Yesu?’

3 Ukushimikila mu Kuba ne Pamfya: Yesu asobele ukuti lintu ubukombe bwa Bufumu bwabilishiwa kwi sonde lyonse, “e lyo impela ikesa.” (Mat. 24:14) Ici cilingile ukutwebekesha ubucindami no kupamfya kwa mulimo wesu. Mu kuba no bumi bwa bantu amamilioni ubuli mu busanso mu cituntulu, takwingabako umulimo wa kubomba umbi uwacilapo kucindama nelyo ukunonsha. Apantu iyi micitile ya fintu ilepalamina ku mpela, inshita isheleko iya kubomba uyu mulimo naicepa!

4 Amalipoti yalelangilila ukuti Yehova alekalakasha ukulonganika abapala impaanga. (Esa. 60:22) Mu ncende ishingi isha calo, abantu mu cine cine balekonkomokela ku cine, na kabushe ukulabilisha mu buseko ukuti: “Tuleya na imwe, pantu natuumfwo kuti muli na Lesa”! (Seka. 8:23) Amashiwi ya kwa Yesu yali aya cine apakalamba ukucila na kale lyonse, aya kuti: “Ukulobolola kwena kukalamba, lelo ababomfi nabacepa. . . . Lombeni Umwine wa kulobolola, ku kuleka atume ababomfi mu kulobolola kwakwe.” (Mat. 9:37, 38) Bushe ico taciletupuutamo ukuba abapimpa ukupala abasambi ba kwa Yesu abo ‘bali mwi tempele inshita yonse, baletasha Lesa’?—Luka 24:53.

5 Shimikila Icine Inshiku Shonse: Cila bushiku, tulingile ukufwaya inshila sha kushimikilamo icine kuli bambi. Kwalibako utushita utwingi. Bushe kuti wabomfyako amaminiti yanono ukutumina cibusa obe lamya nelyo untu mwabeleshanya nankwe uyo ulemona ifyo kuti aumfwa? Nelyo ni shani pa lwa kulemba kalata kuli umo uyo ushasangile pa ŋanda? Bushe walitontonkanya pa lwa kutambika trakiti ku mwine we tuuka lintu uleshita? Mu kupalako, kuti watontonkanya pa tushita tumbi utwingi uto ukwata cila bushiku ku kwakana isubilo lyobe na bambi. Nga ca kuti wabombesha no kuibikilishako, Yehova akakwaafwa.—1 Tes. 2:2.

6 E co, ilintu twatendeka imibombele ya bushiku bumo bumo, tulingile ukuipusha ukuti, ‘Bushe nalaitendekelako ukwakana isubilo lyandi no muntu umbi nga ca kuti akashita kabapo ilelo?’ Pashanya imibele ya mutima iya kwa Yesu, uwalondolwele umulandu atuminwe kwi sonde ukuti: ‘Ndi no kubile mbila nsuma ya bufumu bwa kwa Lesa.’ (Luka 4:43) Nga ca kuti tulefwaya ukuba nga Kasambilisha wesu, tukacita cimo cine.—Luka 6:40.

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi