Ukulongana kwa Mulimo Ukwa April
Umulungu wa Kutampa April 1
Ulwimbo 132
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Na kabili, lanshanyeni icipande cileti “Kuti Mwatwaafwa.” Lumbuleni amalipoti ayali yonse ayapulilemo pa lwa kusefya kwa Cibukisho kabili londololeni imitantikile iili yonse iya mulimo wa mwi bala iyaibela iya holide wa iyi mpela ya mulungu.
20 min: “Beni ‘Abacincilile Milimo Isuma’ mu April!” Ukulanshanya kwa maparagrafu 1-10 ukwa fipusho ne fyasuko kuli kangalila wa mulimo. Londololeni (1) icilepekanishiwa mu cifulo cenu ku mibombele ya mulimo wa mwi bala iyatanununwa mu April, (2) fintu bonse bengafwiwa ukwakanamo, na (3) fintu abapya na bacaice bengasanshiwamo.
15 min: “Fwaya Abo Abasontelwa ku Bulungami.” Pitulukeni mu nshila ya kushimikilamo iitubulwilwe, kabili lyene kwateni ifilangililo fibili ku kulangilila fintu ingabomfiwa. Nga inshita ilesuminisha, shimikeni imitubululo imo iya kutambikilamo bamagazini, iilesangwa mu Ubutumikishi Bwesu Ubwa Bufumu ubwa September 1995, ibula 5.
Ulwimbo 20 ne pepo lya kusondwelela.
Umulungu wa Kutampa April 8
Ulwimbo 72
15 min: Ukubilisha kwa pa mwenu. Lipoti wa ndalama; belengeni kalata wa kutasha ubupe uufumine ku Sosaite. Lanshanyeni inshila shibomba isho twingafwilamo abapya abasangilwe ku Cibukisho ukukonkanyapo ukulunduluka lwa ku mupashi. Pitulukeni mu Ulupungu lwa kwa Kalinda ulwa April 1, 1991, amabula 9-12.
15 min: “Bomba Umulimo Washila Akasuba no Bushiku.” Ifipusho ne fyasuko. Belengeni amaparagrafu 5 na 6.
15 min: “Beni ‘Abacincilile Milimo Isuma’ mu April!” Ukulanshanya amaparagrafu 11-15 ukwa fipusho ne fyasuko. Koselesheni bonse ukubebeta imibele ya pa lwabo no kufwaya inshila bengabomfya ku kwingilishako ukwafwilisha ubutumikishi bwa mwi bala.
Ulwimbo 113 ne pepo lya kusondwelela.
Umulungu wa Kutampa April 15
Ulwimbo 133
10 min: Ukubilisha kwa pa mwenu. Cinkuleniko ibumba pa lwa lyashi lya pa cintubwingi ilyaibela pa April 21, ilikwete umutwe wa kuti “Ukutwalilila Ababula Akalema mu Kati ka Nkulo Iyapondama.” Koselesheni ukubombesha apakalamba ku kwafwilisha bonse ukusangwako.
15 min: “Imibele Nayaluka.” Ifipusho ne fyasuko. Komaileni pa kupeela ubukombe bwa Bufumu mu nshila ileikusha ukukabila kukalamba ukwa bantu. Tubululeni imilandu ya lupwa, ne ya mu bwikashi iyo abantu abengi baletontonkanyapo, nga fintu calandwapo mu Ulupungu lwa kwa Kalinda ulwa January 1, 1994, amabula 22-3.
20 min: “Ukutetekela Kufuma ku Caumfwika.” Landa pa fintu ukushalika bamagazini kwingabomfiwa ku kulundulula ubuseko ubo bwingatungulula ku masambililo ya Baibolo mu citabo ca Ukwishiba. Kwateni ifilangililo fibili nelyo fitatu.
Ulwimbo 204 ne pepo lya kusondwelela.
Umulungu wa Kutampa April 22
15 min: Ukubilisha kwa pa mwenu. Pitulukeni mu fishinka fikalamba ifya lyashi lyaibela ilyapeelwe iyi mpela ya mulungu wapwile. Landeni pa fintu uku kukonkomesha kwingakunta ubuseko bwa balesekelela ukwiminina abashangila ku kupepa kwa cine. Na kabili, landeni pa cipande cileti “Twalilileni Ukwingilishako Ukwishiba Kwalungikwa,” kabili komaileni pa bucindami bwa kusangwa lyonse kwi Sambililo lya Citabo pa Cilonganino.
12 min: Umukululo wa Fipusho. Ilyashi na eluda. Londololeni umulandu bamunyina baletungulula ukulongana balingile ukusengaukila ukubeleshanya kwacishamo ne bumba pa kwita abantu ukubomfya amashina yabo aya kubalilako.
18 min: Ukulanshanya icipande pa kati ka kwa eluda no mubomfi utumikila icili no mutwe wa kuti “Indupwa sha Bukapepa Isha pa Kale—Icipasho ca Kano Kasuba,” icili pa mabula 20-3 aya Ulupungu lwa kwa Kalinda ulwa September 15, 1995. Landeni pa fyebo mu nshila ibomba ku kunonsha indupwa mu cifulo cenu.
Ulwimbo 143 ne pepo lya kusondwelela.
Umulungu wa Kutampa April 29
Ulwimbo 144
12 min: Ukubilisha kwa pa mwenu. Bamo balondolola Inte sha kwa Yehova nga “icakaniko” nelyo “Imipepele ya Kusefya,” ukulufya bambi pa lwa mibombele yesu na mabuyo. Ukubomfya icitabo ca Ukupelulula, ibula 183, mu kwipifya londololeni ifya kusuusha uku kutunga.
15 min: Ukupwishishisha Ukubomba mu Cifulo Cesu Conse. Ilyashi na kangalila wa mulimo. Incende shasalangana nelyo ishabela ukutali kuti shabombwamo fye limo limo. Bamo ku mufulo kuti basengauka ukubomba mu ncende umo abantu basambala nelyo bakosa mu mapepo yabo. Ififulo fya makwebo nakalimo kuti fyalekeleshiwa. Bakasabankanya bamo kuti lyonse baipusha ififulo ifyo basalapo pa lwabo ukucila ifyo ifilekabilwa ukubombwamo ndakai. Koselesheni bonse ukubombela pamo ne mitantikile ya kupwishishisha ififulo fishabombwamo. Ulusuba ilingi line lulapayanya inshita isuma iya kubomba mu ncende sha mu mishi isha kutali; nakalimo amabumba ya motoka nelyo aya ncinga kuti yateyanishiwa. Shininkisheni ukuti icifulo nacipwishishiwa ukubombwamo, ukusanshako na bashiba pa mayanda, ilyo tamulabwesha icalembwa. Peeleni imitubululo ibomba imbi ukulanga fintu bonse bengaafwa mu kupwishishisha bwino icifulo cabo ica kubombelamo.
18 min: Tambikeni ukulembesha Ulupungu lwa kwa Kalinda mu May. Tambikeni bamagazini umo umo na bo bene. Sungeni icalembwa ca bamagazini bonse abashalikwa, mu kuba no buyo bwa kukwata abantu ba kushalikako bamagazini. Komaileni pa bunonshi bukalamba ubwa kwananya bamagazini pamo nga inshila ya kufumamo cimo iya kushimikila ubukombe bwa Bufumu ku cintubwingi. Tushininkishe ukuti natukwata bamagazini lintu tuleya mwi bala; tambikeni bene pa kashita akali konse. Ukutantika kwa muntu umo umo ukwa Bushiku bwa Magazini ukwa cila mulungu yaba ni nshila isuma iya kwingilishako bamagazini bashalikwa. Umulimo wa kwi shitolo ne shitolo no bunte bwa magazini ubwa mu musebo na fyo fine fyaliba ifya kusandulula. Konkelela ubuseko mu fipempu fya kubwelelamo ifyo fyabelako ku kutendeka amasambililo, ukubomfya icitabo ca Ukwishiba. Kwateni icilangililo icipi cimo nelyo fibili pa lwa kushalika bamagazini ba ndakai, nakalimo ukubomfya imitubululo ili mu Ubutumikishi Bwesu Ubwa Bufumu ubwa September 1995 pe bula 3, amaparagrafu 3-5; belengeni paragrafu 6.
Ulwimbo 195 ne pepo lya kusondwelela.