Ukulongana kwa Mulimo Ukwa June
Umulungu wa Kutampa June 3
Ulwimbo 181
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa cila mweshi uwa mu calo no wa mu cilonganino cenu.
15 min: “Pashanyeni Icitetekelo Cabo.” Ifipusho ne fyasuko. Pitulukeni mu bushinino bwa citetekelo, ubwalondololwa mu mukululo pe bula 13 mu Ulupungu lwa kwa Kalinda ulwa September 15, 1991. Ipusheni kasabankanya umo nelyo babili ku kusanga icabaafwa ukutwalilila ukubomba umulimo wa Bufumu lyonse pa myaka iingi.
20 min: “Ukwananya Ukwishiba Uko Kutungulula ku Mweo wa Muyayaya.” (Amaparagrafu 1-3) Lanshanyeni paragrafu 1. (Sanshenimo ukulandapo kwa mu Ulupungu lwa kwa Kalinda ulwa January 15, 1996, amabula 12-13, amaparagrafu 11-12.) Londololeni ukuti imilembele ipya iye bula lya kulekelesha mu Ubutumikishi Bwesu Ubwa Bufumu ipekanishiwe ku kutwaafwa ukuipekanya mu kuwaminako ku kubwelela kuli abo twatandalile mu kubalilapo. Apantu ilingi line caliba icisuma ukuya ku cipempu ca kubwelelamo pa bushiku bumo bwine nelyo mu bukonkelepo, mu cifulo ca kupembelela inshita iitali, tukalasambilila inshila ya kulandilamo iitubululwa ilyo tuleya ku ŋanda ne ŋanda na ku fipempu fya kubwelelamo pa Ukulongana kwa Mulimo kumo kwine. Mu kwipifya pitulukeni mu maparagrafu 2 na 3, ukukonkwapo ne cilangililo ca paragrafu umo umo. Inshila ya kulandilamo iyashalako mu cipande ikasambililwa pa Ukulongana kwa Mulimo kubili ukukonkelepo.
Ulwimbo 143 ne pepo lya kusondwelela.
Umulungu wa Kutampa June 10
Ulwimbo 63
7 min: Ukubilisha kwa pa mwenu. Lipoti wa ndalama.
8 min: Ukukansha Abana mu Mulimo wa mwi Bala. Ilyashi kuli eluda. Ukufuma ku mushinku wa mu kubangilila, abana besu balingile ukuba abacincila capamo na ifwe mwi bala. Ukukansha no kubelesha ifyo banonka fikaba mufula wakosa uwa citetekelo cabo no kupimpa lintu bakula. Cili icacindama ukuti batesekesha ukukabila kwa kukatamika nga nshi ubutumikishi no kuisunga mu nshila isuma. Abana balingile ukusengauka imyendele ya ciwowo; umulimo wa mwi bala tayaba ni nshita ya kwangala. Caliwamisha ukuti babombele capamo na bakalamba. Balingile ukwafwiwa ukulandapo mwi bala ukulingana na maka yabo. (Moneni Ulupungu lwa kwa Kalinda ulwa August 1, 1988, ibula 15, paragrafu 20.) Abafyashi balishingamwa ukwangalila abana; tabalingile ukutuma abana babo ku kukumana kwa mulimo wa mwi bala ukwabula umukalamba wa kubangalila. Tasheni abana lintu bacita bwino.
10 min: “Ukwananya Ukwishiba Uko Kutungulula ku Mweo wa Muyayaya.” (Amaparagrafu 4-7) Pa numa ya mitendekele iipi, langilileni inshila ya kulandilamo pa kutandala kwa kubalilapo na ku cipempu ca kubwelelamo mu paragrafu 4 na 5. Koselesheni bakasabankanya ukubwelela mu kwangufyanya uko konse bashalika icitabo ca Ukwishiba.
20 min: “Ifya Kupanga Abasambi pa Kubomfya Icitabo ca Ukwishiba.” Landenipo amashiwi ya kwiswila ayepi ayashimpilwe pa maparagrafu 1-2. Lanshanyeni paragrafu 3-11 mu kuba ne fipusho ne fyasuko. Londololeni ukuti icipande cashalako ku ca mu kati cikasambililwa pa Ukulongana kwa Mulimo ukwa mu July na August. Koselesheni bonse ukusunga ici ca mu kati.
Ulwimbo 92 ne pepo lya kusondwelela.
Umulungu wa Kutampa June 17
Ulwimbo 157
10 min: Ukubilisha kwa pa mwenu. Umukululo wa Fipusho.
15 min: “Ukulanshanya kwa Bucibusa Kuti Kwafika pa Mutima.” Ifipusho ne fyasuko. Ebeni kasabankanya umo nelyo babili ukushimika ifya kukumanya fya kukoselesha ukulanga fintu abantu bayankwileko bwino lintu babomfeshe inshila ya bucibusa.
20 min: “Ukwananya Ukwishiba Uko Kutungulula ku Mweo wa Muyayaya.” (Amaparagrafu 6-7) Lanshanyeni paragrafu 8, no kukomaila pa mabuyo ya fipempu fya kubwelelamo: Lundululeni ubuseko, tendekeni isambililo, tantikeni mu kulungatika inshita ya kubwelelako. Pa numa ya kupituluka mu kwipifya mu nshila ya kulandilamo mu paragrafu 6 na 7, kuti mwalangilila muli paragrafu umo umo inshila ya kutendekelamo isambililo. Belengeni paragrafu 17 pe bula 13 mu Ulupungu lwa kwa Kalinda ulwa January 15, 1996.
Ulwimbo 211 ne pepo lya kusondwelela.
Umulungu wa Kutampa June 24
10 min: Ukubilisha kwa pa mwenu. Londololeni imitantikile ya mulimo wa mwi bala iyaibela pa July 1 na 2.
15 min: Ukukabila kwa pa mwenu. (Nelyo peeleni ilyashi ilya mutwe wa kuti “Ukulungika Ukusosa Icebo ca Cine,” ukushimpwa pa Ulupungu lwa kwa Kalinda ulwa January 1, 1996, amabula 29-31.)
20 min: “Bafweni Ukutendeka Ukubomba na Kabili.” Ilyashi no kulanshanya kuli eluda. Pa kukoselesha abanaka, tubululeni ukubomfya icipande ca mu Ulupungu lwa kwa Kalinda ulwa August 1, 1992 icitila “Bweleleni Kuli Ine, Na Ine Ndebwelela Kuli Imwe.” Lumbuleni ifishinka fikalamba fimo.
Ulwimbo 71 ne pepo lya kusondwelela.