Ukulongana kwa Mulimo Ukwa August

ICISHIBISHO: Mu Ubutumikishi Bwesu Ubwa Bufumu mukatantikwa Ukulongana kwa Mulimo ukwa mulungu umo umo mu mweshi wa August. Ifilonganino kuti fyateulula umulekabilwa ku kusuminisha ukusangwa kwi Bungano lya Citungu ilya “Inkombe sha Mutende wa Bukapepa” kabili lyene ukupitulukamo mu fishinka fya programu pa maminiti 30 pa Ukulongana kwa Mulimo umulungu ukonkelepo. Ukupituluka muli programu we bungano lya citungu ukwa bushiku no bushiku kulingile ukupeelelwa libela kuli bamunyina bafikapo babili nelyo batatu abo bakaba na maka ya kutontomesha pa fishinka fyapulamo. Uku kupitulukamo kwapekanishiwa bwino kukaafwa icilonganino ukwibukisha ifishinka fikalamba ifya kubomfya abene na mu mulimo wa mwi bala. Ukulandapo ukufuma mwi bumba ne fya kukumanya fileshimikwa filingile ukuba ifipi kabili ifya kufika pa cishinka.

Umulungu wa Kutampa August 5

Ulwimbo 56

10 min: Ukubilisha kwa pa mwenu. Ukubilisha kwasoobolwa ukufuma mu Ubutumikishi Bwesu Ubwa Bufumu.

20 min: “Ukubilisha Imbila Nsuma Ukwabula Ukuleka.” Ilyashi no kulanshanya ne bumba lyonse. Sanshenimo ifyebo ukufuma muli Insight on the Scriptures, Volyumu 2, ibula 673, paragrafu 1.

15 min: “Bilisheni Imbila Nsuma iya Bufumu Ukubomfya Amabroshuwa.” (Amaparagrafu 1-5) Bomfyeni paragrafu wa kubalilapo mu mitendekele. Landenipo ifyebo fya kukoselesha pa lwa busuma bwa kubomfya amabroshuwa ya Ubumi pe Sonde na “Moneni!” mu butumikishi. Pekanyeni ifilangililo fyapitulukwamo bwino fine, ifilelanga fintu ukutandala kwa kubalilapo ne fipempu fya kubwelelamo fingabombelwapo ukubomfya aya mabroshuwa. Ipusheni kasabankanya wacaice, ukwafwilishiwa no mufyashi wakwe, alangilile inshila ya kulandilamo ukubomfya broshuwa wa Ubumi pe Sonde. Bakasabankanya nakalimo kuti batemwa ukupanga inshila shabo isha kulandilamo ukupashanya ishitubulwilwe pano ilyo balebomfya amabroshuwa yambi.

Ulwimbo 136 ne pepo lya kusondwelela.

Umulungu wa Kutampa August 12

Ulwimbo 192

15 min: Ukubilisha kwa pa mwenu. Lipoti wa ndalama. Sanshenimo ifyebo fya kukoselesha pa kamutwe kaleti “Inshila sha Kwakaninamo,” mu Ulupungu lwa kwa Kalinda ulwa December 1, 1993, amabula 29-31.

15 min: “Bilisheni Imbila Nsuma iya Bufumu Ukubomfya Amabroshuwa.” (Amaparagrafu 6-8) Landeni mu kwipifya pa lwa fyaba muli broshuwa wa Kamfulumende. Langilileni inshila sha kulandilamo ishitubulwilwe ku kutandala kwa kubalilapo ne cipempu ca kubwelelamo. Koselesheni bonse ukukonkelela abo bashalikweko amabroshuwa.

15 min: “Imisangulo ya Mulimo wa mwi Sonde Lyonse uwa Sosaite Ilafwilisha Ukutanunuka.” Ilyashi lya kucincimusha kuli eluda. Sanshenimo ifipendo fimo pa kulunduluka kwa mulimo wa Bufumu mu fyalo fimo ifimininweko, nga fintu cashimikwa muli Yearbook.

Ulwimbo 9 ne pepo lya kusondwelela.

Umulungu wa Kutampa August 19

Ulwimbo 174

10 min: Ukubilisha kwa pa mwenu. Ilyashi lya Teokrasi.

15 min: “Nani Afikapo Ukushimikila?” Eluda alanshanya icipande na bakasabankanya babili nelyo batatu. Komailenipo ukuti tulakanshiwa mu nshila yawamisha iingabako, ukutupangasha mu kupwililila ukuba abatumikishi ba kwa Lesa. Tatwakwata umulandu wa kuyumfwila abashafikapo ukushimikila.

20 min: “Ifya Kupanga Abasambi pa Kubomfya Icitabo ca Ukwishiba.” Ukulanshanya ne bumba lyonse amaparagrafu 17-26 mu ca mu kati ca Ubutumikishi Bwesu Ubwa Bufumu ubwa June 1996. Pekanishisheni libela ukusanshamo ifya kukumanya fya abo abaletungulula amasambililo ya mu citabo ca Ukwishiba. Kuti balandapo mu kukoselesha pa lwa fintu babomfya imitubululo isangwa mu ca mu kati na fintu baafwiwa ukutungulula amasambililo ya Baibolo aya mu ŋanda ayalunduluka. Koselesheni bonse ukusunga ici ca mu kati no kulapitulukamo pa lwabo lyonse lintu batendeka isambililo lipya.

Ulwimbo 189 ne pepo lya kusondwelela.

Umulungu wa Kutampa August 26

Ulwimbo 104

10 min: Ukubilisha kwa pa mwenu. Pitulukeni mu cipande, “Programu Mupya uwa Bushiku bwa Kulongana Kwaibela.”

20 min: Ukusekelela mu Masomo ya Bana Benu. Ilyashi kuli eluda. Pitulukeni mu fyebo fili muli broshuwa wa Inte sha kwa Yehova na Masomo, amabula 2-5, ukulanga umulandu tutesekesha ukukansha kwa kunonsha ukupayanishiwa ku sukulu. Lanshanyeni ifya kulondolwela bakafundisha mu kucenjela pa lwa mulandu tumwena amabuyo ya ku mupashi nga yakatamishapo ukucila ifikonkelelo fya ku calo. Sanshenimo ifishinka ukufuma mu “Ukusondwelela,” pe bula 31. Koselesheni abafyashi ukubomfya imitubululo yalondololwa muli Loleni! wa September 8, 1988, ibula 11.

15 min: Pitulukeni mu lupapulo lwa kutambika mu September. Tukabomfya icitabo ca Life—How Did It Get Here? By Evolution or by Creation? Langilileni fintu ulu lupapulo lwabo lwakondenkana. Ifipandwa 1-15 filondolola mu kulonsha ifikansa pa lwa fintu ubumi bwaishileko; icipandwa 16 cilanda pa cipusho capelenganya abantu mu cinkumbawile, “Mulandu Nshi Lesa Engasuminishisha Ukucula?”; ifipandwa 17-18 filakuula icitetekelo muli Baibolo pamo nga Icebo ca kwa Lesa icingacetekelwa, icapuutwamo; ifipandwa 19-20 fyebekesha imbila nsuma iya Bufumu pa lwa bumi pe sonde muli Paradise no kulondolola fintu twingabunonka. Ipusheni kasabankanya wafikapo ukubomfya imo iya ishi nshila ukulangilila inshila ya kulandilamo iipi ukubomfya icitabo ca Creation. Nga ca kuti icilonganino cicili nacikwata ifitabo fya Ukulenga Ubumi bwa Lupwa Lobe ubwa Nsansa, kuti fyatambikwa.

Ulwimbo 113 ne pepo lya kusondwelela.